de nas chos sbyin mas yo byad sbyar ba rnams mthoṅ nas naṅ gi skye bo dag la kye dus ma yin pa’i dus ston ’di ci źig yin źe smras pa daṅ | de dag gis khyod kyis sṅon gyi legs pa’i (2) tshogs rnam par bsags pa’i mthus na dus la ma bab pa’i dus ston chen po byas te | khyod bag mar gtaṅ ba’i phyir dus la ma bab pa’i dus ston chen po byas te | de dag ñe bar ’oṅs so źes smras pa daṅ | des thos nas skrag ste pha’i rkaṅ pa la phyag ’tshal te | yab bdag (3) ’dod pa ’tshal ba ni ma lags na rgyal po’i kun dga’ ra ba źes bgyi ba dge sloṅ ma’i dbyar mo khaṅ du mchir ci gnaṅ źes smras pa daṅ | des smras pa | bu mo khyod ma skyes par khyim bdag ri dgas sgra’i bu sa ga la byin pas | ṅa ni da la dbaṅ med do ||

.