de’i chos kyaṅ thog mar dge ba | bar du dge ba | tha mar dge ba | don bzaṅ po | tsig ’bru bzaṅ po | ma ’dres pa | yoṅs su rdzogs pa | yoṅs su byaṅ ba | tshaṅs par spyod pa yaṅ dag (6) par rab tu ston pa’o źes go bar byed bde gsaṅ tshigs las kyaṅ ’byuṅ ste | skyes bu chen po’i mtshan sum bcu rtsa gñis po de dag daṅ ldan pa’i skyes bu chen po’i ’gro ba ni gñis las gźan du mi ’gyur te | gal te khyim na gnas na ni ’khor los sgyur ba’i rgyal po mtha’ (7) bźir rnam par rgyal pa | chos daṅ ldan pa | chos kyi rgyal po rin po che sna bdun daṅ ldan par ’gyur te | de’i rin po che sna bdun ni ’di lta bu yin te | ’di lta ste | ’khor lo rin po che daṅ | glaṅ po rin po che daṅ | rta rin po che daṅ | nor bu rin (200a1) po che daṅ | bud med rin po che daṅ | bdun pa ni blon po rin po che ñid yin no ||

.