dge sloṅ dag khyed de bźin gśegs pa la dus las ’das | dus las ’das źes źub de bźin gśegs pa la mtho btsam pa yin te | des de bźin gśegs pa la bde bar mi ’gyur mod kyi | skye ba yod na ṅes par ’chi ba’i dus byed par ’gyur (5) ba ni de la ṅo mtshar mi che ste | ’on kyaṅ de bźin gśegs pa rnams byuṅ yaṅ ruṅ ma byuṅ yaṅ ruṅ chos kyi tshul ni gnas pa | chos kyi dbyiṅs ’di dag ni chos ñid kyi gnas pa ste | de bźin gśegs pa ñid kyis mkhyen ciṅ yaṅ dag par thugs su chud de ’chad ciṅ rab(6) tu ’dog par mdzad | rab tu ’jog par mdzad | rnam par ’byed par mdzad | rnam par gsal bar mdzad | ston par mdzad | rab tu ston par mdzad pa ni ’di lta ste | ’di yod pas ’di ’byuṅ la | ’di skyes pas ’di skye ste | ’di ltar ma rig pa’i rkyen gyis ’du byed (7) rnams | ’du byed rnams kyi rkyen gyis rnan par śes pa | rnam par śes pa’i rkyen gyis miṅ daṅ gzugs | miṅ daṅ gzugs kyi rkyen gyis skye mched drug | skye mched drug gi rkyen gyis reg pa | reg pa’i rkyen gyis tshor ba | tshor ba’i rkyen gyis sred pa | sred pa’i rkyen gyis len (241a1) pa | len pa’i rkyen gyis srid pa | srid pa’i rkyen gyis skye ba | skye ba’i rkyen gyis rga śi daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa rnams ’byuṅ ste | sdug bsṅal gyi phuṅ po chen po ’ba’ źig po ’di (2) ’byuṅ bar ’gyur ro ||

.