bsñen par ma rdzogs pa gaṅ źe na | pha bsad pa daṅ | ma bsad pa daṅ | dgra bcom pa bsad pa daṅ | dge ’dun gyi dbyin byas pa daṅ | de bźin gśegs pa la ṅan sems kyis khrag phyuṅ ba daṅ | (4) mu stegs can daṅ | mu stegs can du soṅ ba daṅ | rkun gnas daṅ | tha dad du gnas pa daṅ | za ma daṅ | ma niṅ daṅ | dge sloṅ ma sun phyuṅ ba daṅ | sṅar ñams pa ’di dag ni bsñen par ma rdzogs pa źes bya ste | ’di ni tshes daṅ ’dul ba ’di la mi skye ba’i chos (5) can no || ci’i phyir na bsñen par ma rdzogs pa źes bya ba źe na | mtshuṅs par bslab pa ma thob pa ste | de’i phyir bsñen par ma rdzogs pa źes bya’o || gaṅ zag bcu gsum po ’di ma gtogs pa rnams ni bsñen par rdzogs par bya’o || de ste bsñen par rdzogs par byas na bsñen (6) par rdzogs bźes kyaṅ mi bya la | bsñen par rdzogs par byed pa’aṅ ’das pa daṅ bcas par ’gyur ste | de lta bas na ṅas bsñen par ma rdzogs pa źes gsuṅs so ||

*anupasampadā