bsod (5) sñoms spyod pa’i bya ba gaṅ źe na | bsod sñoms spyod pa’i dge sloṅ gis śes bźin du ’jug par bya | śes bźin du ’dug par bya | śes bźin du ’greṅ bar bya | dran pa ñe bar gźag par daṅ | sems mi g-yeṅ ba daṅ | mdzes pa daṅ | spyod lam du ldan pa (6) daṅ | śin tu bsṅams pa daṅ | śin tu g-yogs pa daṅ | sgra bskyuṅs pa daṅ | mig mi g-yeṅ źiṅ gña’ śiṅ gaṅ du brtag pa daṅ | dbaṅ po bsdam pa daṅ | yid phyir mi g-yeṅ ba daṅ | sṅa phyir ’du śes pa daṅ | ma lta bu’i bud med mthoṅ na mar (7) ’du śes ñe bar gźag | sriṅ mo lta bu’i bud med mthoṅ na sriṅ mor ’du śes ñe bar gźag | bu mo lta bu’i bud med mthoṅ na bu mor ’du śes mṅon par gźag | bsod sñoms spyod pa’i dge sloṅ gis sraṅ daṅ | tshoṅ ‘dus daṅ | bźi mod daṅ | sum mdo daṅ | sgo (287b1) khaṅ dag gi mtshan ma gzuṅ bar bya | khyim gyi sgor soṅ nas khaṅ gsil dkrogs te ṅal nas bags kyis sgo la gtugs par bya | de ste bud med gñid log na se gol gtogs las dpar bya ste | rduṅ ba źig la źugs na gtun bu thabs gñis gsum rduṅ ba’i bar (2) du bsdad par bya | ’on te sreg pa źig la źugs na khur ba gcig bsregs kyi bar du bsdad par bya | de ste ’thag pa źig tu gyur na | lan gñis gsum bskor gyi bar du bsdad par bya | dran pa ñe bar gźag par bya | sems mi g-yel bar bsod sñoms (3) blaṅ bar bya | ji tsam chog pa de tsam blaṅ bar bya | de ste dge sloṅ bsod sñoms spyod pas ’dod na dge ’dun gyi naṅ du bza’ bar bya | mgon du bos na yaṅ bdag gir byas te | bsod sñoms spyod pa’i bya ba ni des gtaṅ bar bya ste | ’di ni bsod sñoms spyod (4) pa’i bya ba źes bya’o |

begging