[Saṃghāvaśeṣa 9]
saṅs rgyas bcom ldan ’das rgyal po’i kha ba na ’od ma’i tshal ka lan ṅa ka’i gnas na bźugs so || de’i tshe na tshe daṅ ldan pa gyad bu nor rgyal po’i khab na bya rgod phuṅ po’i ril ’dug ste | de daṅ ha caṅ mi riṅ ba na rdziṅ bu rdo rtsigs can źes (5) bya ba ’dug pa | de’i ’gram na tshe daṅ ldan pa gyad bu nor ñin mo gnas par byed do || gaṅ gi tshe ut+pa la’i mdog dge ba’i bśes gñen tshe daṅ ldan pa maud gal gyi bu chen po la brten te legs par gsuṅs pa’i chos ’dul ba la rab tu byuṅ źiṅ dgra bcom pa rnam par (6) rgyal bar bya ba las rnam par rgyal bar gyur pa de’i tshe na de śes nas daṅ pa daṅ ldan pas bcom ldan ’das daṅ | dge sloṅ gnas brtan gnas brtan rnams la yaṅ daṅ yaṅ du ba lta bu’i phyir ’gro źiṅ | lhag par yaṅ tshe daṅ ldan pa gyad bu nor la ’di ’di ltar dgra (7) bcom pa rnam par thar pa brgyad la bsam gtan par gyur kyaṅ bsam gtan daṅ | rnam par thar pa daṅ | tiṅ ṅe ‘dzin la sñoms par ’jug pa’i bde ba dag spaṅs te dge ’dun gyi chos daṅ ldan pa’i źal ta’i las dag la brtson par gyur pa ni dka’ ba byed pa yin no sñam (282a1) | nas yaṅ daṅ yaṅ du de ba lta ba’i phyir ’gro’o || de dus gźan źig na bcom ldan ’das daṅ | dge sloṅ gnas brtan gnas brtan rnams kyi źabs la phyag ’tshal nas | tshe daṅ ldan pa gyad bu nor ga la ba der soṅ ste phyin nas tshe daṅ ldan pa gyad bu nor gyi rkaṅ pa gñis (2) la mgo bos phyag ’tshal te chos mñan pa’i phyir mdun du ’dug go || de’i tshe na dge sloṅ mdza’ ba daṅ sa las skyes gñis kyis phyag dar khrod cig rñed ciṅ de gñis tshe daṅ ldan pa gyad bu nor daṅ tshe rabs tshe rabs su ’khon byuṅ ste | rtag tu glan ka tshol ba la brtson pa yin pas (3) mdza’ bos smras pa | sa las skyes phyag dar khrod rñed pa ’di gaṅ du ’khrur gźug | sa las skyes kyis smras pa | rdziṅ bu rdo rtsigs can ni rgyun lugs ñuṅ źiṅ ñen kor gtsaṅ ba yin pas der ’doṅ ṅo de gñis phyag dar khrod khyer te rdziṅ bu rdo rtsigs can du doṅ nas de gñis kyis (4) phyag dar khrod der ’khrur bcug nas ñi ma la btiṅ ste ’khod do || de’i tshe na ri dgas kyi khyu dag rdziṅ bu rdo rtsigs can du lhags nas chu ’thuṅs te ’doṅ bar byed do || ri dgas dag gi chos ñid ni | gcig gi rgyab tu gcig rgal bar byed pa yin pas ji tsam na ri dgas źig gis (5) ri dgas mo źig gi rgyab tu rgal te mi tshaṅs par spyodasa pa ’khrig pa’i chos brten par brtsams so || de mdza’ bos mthoṅ nas des smras pa | sa las skyes gyad bu nor ’di dge sloṅ ma ut+pa la’i mdog la mi tshaṅs par spyod pa ’khrig pa’i chos bsten gyis ’doṅ la dge sloṅ rnams (6) la brjod par bya’o || sa las skyes kyis smras pa | tshe daṅ ldan pa mdza’ bo de’i tshe yaṅ re źig bdag cag gñis gnas nas dbyuṅ ba’i las byas na ci ṅa yaṅ gnas nas dbyuṅ ba’i las byed du ’jud par ’dod dam | mdza’ bos smras pa | tshe daṅ ldan pa sa las skyes de’i (7) tshe na ni yaṅ dag pa ma yin pas yin gyi da ni bag tsam las bsam pa yod de | gyad bu nor dge sloṅ ma ut+pa la’i mdog daṅ mi tshaṅs par spyod pa ’khrig pa’i chos sten pa ma mthoṅ ṅam | tshe daṅ ldan pa ’di la brdzun du smra bag la yod kyis tshur śog ’doṅ la dge sloṅ rnams la (282b1) brjod par bya’o || sa las skyes de mdza’ bos bslus pa na btub par gyur nas de gñis gtsug lag khaṅ du doṅ ste dge sloṅ rnams la smras pa | tshe daṅ ldan pa dag ’di ltar bdag cag gñis kyis tshe daṅ ldan pa gyad bu nor dge sloṅ ma ut+pa la’i mdog daṅ mi tshaṅs par spyod pa ’khrig (2) pa’i chos sten pa mthoṅ ste | ’di la bdag cag gñis gaṅ gi dad pa’am yid ches pas ’gro bar bya | dge sloṅ rnams kyis smras pa | tshe daṅ ldan pa gñis | ci khyed gñis lha daṅ mi rnams gcig tu yoṅs su btaṅ źiṅ | sems can dmyal ba daṅ | yi dgas daṅ | dud ’gro ba rnams (3) su gcig tu gnas sam | ci na dge sloṅ dgra bcom pa rnam par thar pa brgyad la bsam gtan pa mi’i tshes bla ma’i rdzu ’phrul gyi cho ’phrul rnam par ston pa de la khyed gñis gźan gyi cha ma yin pa daṅ mthun pa pham par ’gyur ba’i chos kyis skur pa ’debs par byed | de gñis (4) kyis smras pa | tshe daṅ ldan pa dag de ni bdag cag gñis kyis mñes kyi ’di ltar bdag cag gñis kyi mig dag gis mthoṅ bas mig dbyuṅ bar bya graṅ | bcom ldan ’das kyis sṅar de gñis la ci źig mthoṅ | ji ltar mthoṅ | gaṅ du mthoṅ | khyed gñis don ci la der son pas (5) der mthoṅ źes legs par rab tu gleṅ bar gyis śig | brtag par gyis śig ces bka’ stsal bas | dge sloṅ rnams kyis de gñis la ci źig mthoṅ | ji ltar mthoṅ | gaṅ du mthoṅ | khyed gñis ci’i phyir der son pas der mthoṅ źes legs par rab tu gleṅs (6) śiṅ brtags so || dge sloṅ rab tu maṅ po dag gis legs par rab tu gleṅs śiṅ brtags pa na de gñis kyis smras pa | tshe daṅ ldan pa dag tshe daṅ ldan pa gyad bu nor gyis dge sloṅ ma ut+pa la’i mdog la mi tshaṅs par spyod pa ’khrig pa’i chos ma bsten te | ’di ltar tshe daṅ ldan pa (7) gyad bu nor gyis bdag cag gñis gaṅ dag zos na rdzud par ’gyur ba śin tu yid du mi ’oṅ ba’i zas ṅan pa dag gis lan gsum gyi bar du tho ba tsams pas bdag cag gñis kyis tshe daṅ ldan pa gyad bu nor la gźan gyi cha ma yin pa daṅ mthun pa pham par ’gyur ba’i chos kyis skur (283a1) pa btab par zad kyi tshe daṅ ldan pa gyad bu nor gyis dge sloṅ ma ut+pa la’i mdog la mi tshaṅs par spyod pa ’khrig pa’i chos ma bsten te ’di ltar dge sloṅ dag pa ltuṅ ba med pa yin no || dge sloṅ don ñuṅ ṅu dag ci’i phyir dge sloṅ dag dge sloṅ dag pa ltuṅ ba med pa la gźan (2) gyi cha ma yin pa daṅ mthun pa pham par ’gyur ba’i chos kyis skur pa ’debs par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi (3) ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ khros śiṅ źe sdaṅ bar gyur nas ci nas kyaṅ ’di tshaṅs par spyod pa daṅ dbral lo (4) sñam nas dge sloṅ dag pa ltuṅ pa med pa la gźan gyi cha ma yin pa daṅ mthun pa pham par ’gyur ba’i chos kyis skur pa las de dus gźan źig na dris kyaṅ ruṅ | ma dris kyaṅ ruṅ rtsod pa de yaṅ gźan gyi cha ma yin pa daṅ mthun pa yin la rtsod pa de gźan gyi cha ma yin pa daṅ mthun pas (5) bag tsam las bsams pa tsam gyi chos ’ga’ źig blaṅs par gyur la dge sloṅ yaṅ źe sdaṅ la gnas pas źe sdaṅ gis smras so źe na | dge ’dun lhag ma’o || yaṅ dge sloṅ gaṅ źes bya ba ni mdza’ bo daṅ | sa las skyes sam | gźan yaṅ de lta bu gaṅ yin pa’o || (6) khros śiṅ źes bya ba ni khrugs śiṅ ṅo || źe sdaṅ par gyur nas źes bya ba ni yid mi ga’ bar gyur nas te ’khrugs pa ma bsal bar ro || ci nas kyaṅ ’di tshaṅs par spyod pa daṅ dbral lo sñam nas źes bya ni ci nas kyaṅ ’di dge sloṅ gi tshul daṅ dbral lo sñam nas so || (7) dge sloṅ dag pa źes bya ba ni gyad bu nor ram | gźan yaṅ de lta bu gaṅ yin pa’o || ltuṅ ba med pa la źes bya ba ni gźi de’i ltuṅ ba med pa la’o || gźan gyi cha ma yin pa daṅ mthun pa źes bya ba la | gźan źes bya ba ni mya ṅan las ’das pa’o || de’i cha daṅ mthun pa ma yin pa (283b1) ni pham par ’gyur ba’i chos bźi po dag go || pham par ’gyur ba’i źes bya ba ni bźi po gaṅ yaṅ ruṅ ba’i’o || chos kyis źes bya ba ni chos ma yin pa chos kyi sgrar gsuṅs pas so || skur pa las źes bya ba ni skur pa btab pa las so || de dus gźan źig na źes bya ba ni de (2) dus gźan na’o || dris kyaṅ ruṅ źes bya ba ni gźan dag gis so || ma dris kyaṅ ruṅ źes bya ba ni de raṅ ñid ’gyod pa daṅ | cuṅ zad ’gyod pa daṅ | rnam par ’gyod pa daṅ | rab tu ’gyod par gyur nas so || rtsod pa de yaṅ źes bya ba ni rtsod pa bźi po ’gyed pa’i phyir rtsod pa daṅ | (3) mi gdams pa’i phyir rtsod pa daṅ | ltuṅ ba’i phyir rtsod pa daṅ | bya ba’i phyir rtsod pa’o || gźan gyi cha ma yin pa daṅ mthun pa yin la źes bya ba ni | mya ṅan las ’das pa’i cha ma yin pa daṅ mthun pa pham par ’gyur ba źes bya ba yin la’o || rtsod pa de gźan gyi cha ma yin pa (4) daṅ mthun pas bag tsam las bsams pa tsam gyi chos ’ga’ źig blaṅs par gyur la źes bya ba la bag tsam las bsams pa tsam gyi źes bya ba ni ri dgas daṅ ri dgas mo’i’o || chos źes bya ba ni chos ma yin pa de chos kyi sgrar gsuṅs pa’o || blaṅs par (5) gyur la źes bya ba ni bzuṅ bar ’gyur la’o || dge sloṅ yaṅ źe sdaṅ la gnas pas źes bya ba ni skur pa ’debs par ’dod pas so || źe sdaṅ gis smras so źe na źes bya ba ni skur pa btab par gyur to źes zer na’o || dge ’dun lhag ma’o źes bya ba ni sṅa ma bźin te des na dge (6) ’dun lhag ma’o źes gsuṅs so || de la ltuṅ bar ji ltar ’gyur źe na | dge sloṅ gis dge sloṅ pham par ’gyur ba’i ltuṅ ba ’byin pa mthoṅ źiṅ de de la ltuṅ ba med pa’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba (7) bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge spoṅ gis dge sloṅ pham par ’gyur pa’i ltuṅ ba ’byin pa mthoṅ źiṅ de de la dge ’dun lhag ma’i lta ba thob bar gyur nas des ’du śes bsgyur (284a1) ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ pham par ’gyur ba’i ltuṅ ba ’byin pa mthoṅ (2) źiṅ de de la ltuṅ byed kyi lta ba thob par gyur nas des ’du śes bsgyur ciṅ bzod pa daṅ | ’doṅ pa daṅ | blo gros daṅ | rtog pa daṅ | lta ba bsgyur te ’di skad cas bdag gis dge sloṅ pham par ’gyur ba’i ltuṅ ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge (3) sloṅ gis dge sloṅ pham par ’gyur ba’i ltuṅ ba ’byin pa mthoṅ źiṅ de de la so sor bśags par bya ba’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i (4) ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ pham par ’gyur ba’i ltuṅ ba ’byin pa mthoṅ źiṅ de de la ñes byas kyi lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te (5) ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ dge ’dun lhag ma’i ltuṅ ba ’byin pa mthoṅ źiṅ de de la ltuṅ ba med pa’i lta ba thob par gyur nas des ’du śes bsgyur ciṅ bzod (6) pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ dge ’dun lhag ma’i ltuṅ ba ’byin pa mthoṅ źiṅ de de la dge ’dun (7) lhag ma’i lta ba ñid thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ dge ’dun lhag (284b1) ma’i ltuṅ ba ’byin pa mthoṅ źiṅ de de la ltuṅ byed kyi lta ’thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar (2) ’gyur ro || dge sloṅ gis dge sloṅ dge ’dun lhag ma’i ltuṅ ba ’byin pa mthoṅ źiṅ de de la so sor bśags par bya ba’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ lta ba bsgyur te ’di skad ces bdag gis dge sloṅ pham par (3) ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ dge ’dun lhag ma’i ltuṅ ba ’byin pa mthoṅ źiṅ de de la ñes byas kyi lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ lta ba (4) bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ltuṅ byed kyi ltuṅ ba ’byin pa mthoṅ źiṅ de de la ltuṅ ba med pa’i lta ba thob par gyur nas des ’du śes bsgyur ciṅ bzod pa daṅ | (5) ’dod pa daṅ | blo gros daṅ | rtog pa daṅ lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ lhuṅ byed kyi ltuṅ ba ’byin pa mthoṅ źiṅ de de la dge ’dun lhag ma’i lta ba thob (6) par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ltuṅ byed kyi ltuṅ ba ’byin pa (7) mthoṅ źiṅ de de la ltuṅ byed kyi lta ba ñid thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || (285a1) dge sloṅ gis dge sloṅ ltuṅ byed kyi ltuṅ ba ’byin pa mthoṅ źiṅ de de la so so rab śag par bya ba’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i (2) ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ltuṅ byed kyi ltuṅ ba ’byin pa mthoṅ źiṅ de de la ñes byas kyi lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ lta ba bsgyur te ’di skad ces bdag gis (3) dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ so sor bśags par bya ba’i ltuṅ ba ’byin pa mthoṅ źiṅ de de la ltuṅ ba med pa’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | (4) rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ so sor bśags par bya ba’i ltuṅ ba ’byin pa mthoṅ źiṅ de de la dge ’dun lhag ma’i lta ba thob par gyur nas des (5) ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ so sor bśags par bya ba’i ltuṅ ba ’byin pa mthoṅ (6) źiṅ de de la ltuṅ byed kyi lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ (7) so sor bśags par bya ba’i ltuṅ ba ’byin pa mthoṅ źiṅ de de la so sor bśags par bya ba’i lta ba ñid thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin (285b1) pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ so sor bśags par bya ba’i ltuṅ ba ’byin pa mthoṅ źiṅ de de la ñes byas kyi lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces (2) bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ñes byas kyi ltuṅ ba ’byin pa mthoṅ źiṅ de de la ltuṅ ba med pa’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | (3) rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ñes byas kyi ltuṅ ba ’byin pa mthoṅ źiṅ de de la dge ’dun lhag ma’i lta ba thob par gyur nas des ’du śes bsgyur (4) ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ñes byas kyi ltuṅ ba ’byin pa mthoṅ źiṅ de de la ltuṅ byed kyi (5) lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dge sloṅ gis dge sloṅ ñes byas (6) kyi ltuṅ ba ’byin pa mthoṅ źiṅ de de la so sor bśags par bya ba’i lta ba thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par ’gyur ba’i ltuṅ ba ’byin pa mthoṅ ṅo źes zer na (7) dge ’dun lhag mar ’gyur ro || dge sloṅ gis dge sloṅ ñes byas kyi ltuṅ ba ’byin pa mthoṅ źiṅ de de la ñes byas kyi lta ba ñid thob par gyur nas des ’du śes bsgyur ciṅ bzod pa daṅ | ’dod pa daṅ | blo gros daṅ | rtog pa daṅ | lta ba bsgyur te ’di skad ces bdag gis dge sloṅ pham par (286a1) ’gyur ba’i ltuṅ ba ’byin pa mthoṅ ṅo źes zer na dge ’dun lhag mar ’gyur ro || dril la bsgrags pa la ni ltuṅ ba med do || ji ltar bdag gis śes pa de bźin du ’jig rten thams cad kyis kyaṅ śes so sñam na’o || las (2) daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || gźan gyi cha ma yin pa daṅ mthun pa’i dge ’dun lhag ma ste dgu pa rdzogs so || ||

.