[Pāyantika 6]
saṅs rgyas bcom ldan ’das mñan yod na rgyal byed kyi tshal mgon med (259b1) zas sbyin gyi kun dga’ ra ba na bźugs so || de’i tshe na dge sloṅ drug sde dag gaṅ zag rdzogs par ma bsñen pa dag daṅ tshig gis chos ’don par byed de | des kun dga’i ra ba’i mthar sgra mthon po daṅ | sgra chen po skye bo phal po che’i tshogs kyi sgra lta bu (2) ’di lta ste | dper na bram ze rnams bram ze’i gsaṅ tshig ’don pa lta bu daṅ | rtsis mkhan rnams rtsis kyi gnas na smra ba lta bu grags par gyur to || bcom ldan ’das kyis kun dga’i ra ba na mthar de dag gi sgra mthon po daṅ | sgra chen po skye bo phal po che’i (3) tshogs kyi sgra lta bu de gsan to || gsan nas kyaṅ tshe daṅ ldan pa kun dga’ bo la bka’ stsal pa | kun dga’ bo kun dga’i ra ba’i mtha’ na sgra mthon po daṅ | sgra chen po skye bo phal po che’i tshogs kyi sgra lta bu ’di lta ste | dper na bram ze rnams bram ze’i gsaṅ (4) tshig ’don ba lta bu daṅ | rtsis mkhan rnams rtsis kyi gnas na smra ba lta bu ’di ci yin | btsun pa dge sloṅ drug sde dag gaṅ zag rdzogs par ma bsñen pa dag daṅ tshig gis chos ’don par bgyid de | des kun dga’i ra ba’i mtha’ sgra mthon po daṅ | sgra (5) chen po skye bo phal po che’i tshogs kyi sgra lta bu ’di lta ste | dper bgyi na bram ze rnams bram ze’i gsaṅ tshig ’don pa lta bu daṅ | rtsis mkhan rnams rtsis kyi gnas na smra ba lta bu ’di grag par gyur to || kun dga’ bo dge sloṅ dag gaṅ zag rdzogs par ma bsñen pa daṅ lhan (6) cig tshig gis chos ’don par byed dam | btsun pa bgyid do || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das (7) rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag khyed gaṅ zag rdzogs par ma bsñen pa daṅ lhan cig tshig gis chos ’don par (260a1) byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad (2) do || de nas bcom ldan ’das kyis rnam graṅs du mas rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la (3) sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ gaṅ zag rdzogs par ma bsñen pa daṅ tshig gis chos ’don na ltuṅ byed do || yaṅ dge sloṅ gaṅ źes bya ba ni drug sde’am | gźan (4) yaṅ de lta bu gaṅ yin pa’o || gaṅ zag rdzogs par ma bsñen pa daṅ źes bya ba la rdzogs par bsñen pa ni gñis te | dge sloṅ daṅ dge sloṅ ma’o || de las gźan pa ni rdzogs par ma bsñen pa’o || tshig gis źes bya ba ni tshig mñam pa daṅ | tshig lṅa pa (5) daṅ | yi ge mñam pa daṅ | yi ge sṅa bas so || ji ltar tshig mñam pas źe na | slob dpon ’di skad ces sdig pa thams cad mi bya ste źes ’don pa na ñe gnas kyaṅ dus gcig tu sdig pa thams cad mi bya ste źes ’don pa ste | ’di ltar tshig mñam bas (6) so || ji ltar tshig sṅa bas źe na | slob dpon gyis re źig sdig pa thams cad mi bya ste źes ma bton par ñe gnas dge ba phun sum tshogs par bya źes ’don pa ste | de ltar tshig sṅa bas so || ji ltar yi ge mñam pas źe na | slob dpon a źes ’don (7) pa na ñe gnas kyaṅ dus gcig tu a źes ’don pa ste | de ltar yi ge mñam pas so || ji ltar yi ge sṅa bas źe na | slob dpon gyis re źig a źes ma bton par ñe gnas a źes ’don pa ste | de ltar yi ge sṅa bas so || chos źes bya ba ni (260b1) saṅs rgyas kyis gsuṅs pa daṅ | saṅs rgyas kyi ñan thos kyis bśad pa’o || ’don pa źes bya ba ni ’dzin du ’jud na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par (2) ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | (3) dge sloṅ gis gaṅ zag rdzogs par ma bsñen pa la rdzogs par ma bsñen par ’du śes pas tshig mñam pas chos ’don na ltuṅ byed du ’gyur ro || dge sloṅ gis gaṅ zag rdzogs par ma bsñen pa la rdzogs par ma bsñen par ’du śes pas tshig sṅa bas chos (4) ’don na ltuṅ byed du ’gyur ro || dge sloṅ gis gaṅ zag rdzogs par ma bsñen pa la rdzogs par ma bsñen par yid gñis za bas tshig mñam pas chos ’don na ltuṅ byed du ’gyur ro || dge sloṅ gis gaṅ zag rdzogs par ma bsñen par la rdzogs par (5) ma bsñen par yid gñis za bas tshig sṅa bas chos ’don na ltuṅ byed du ’gyur ro || dge sloṅ gis gaṅ zag rdzogs par ma bsñen pa la rdzogs par ma bsñen par ’du śes pas yi ge mñam pas chos ’don na ltuṅ byed du ’gyur ro || dge sloṅ gis gaṅ zag (6) rdzogs par ma bsñen pa la rdzogs par ma bsñen par ’du śes pas yi ge sṅa bas chos ’don na ltuṅ byed du ’gyur ro || dge sloṅ gis gaṅ zag rdzogs par ma bsñen pa la rdzogs par ma bsñen par yid gñis za bas yi ge mñam pas chos ’den na ltuṅ byed du ’gyur ro || (7) dge sloṅ gis gaṅ zag rdzogs par ma bsñen pa la rdzogs par ma bsñen par yid gñis za bas yi ge sṅa bas chos ’dod na ltuṅ byed du ’gyur ro || dge sloṅ gis gaṅ zag rdzogs par bsñen pa la rdzogs par ma bsñen par ’du śes pas tshig mñam pas chos ’don (261a1) na ñes byas su ’gyur ro || dge sloṅ gis gaṅ zag rdzogs par bsñen pa la rdzogs par ma bsñen par ’du śes pas tshig sṅa bas chos ’don na ñes byas su ’gyur ro || dge sloṅ gis gaṅ zag rdzogs par bsñen pa la rdzogs par ma bsñen (2) par yid gñis za bas tshig mñam pas chos ’don na ñes byas su ’gyur ro || dge sloṅ gis gaṅ zag rdzogs par bsñen pa la rdzogs par ma bsñen par yid gñis za bas tshig sṅa bas chos ’don na ñes byas su ’gyur ro || dge sloṅ gis gaṅ zag rdzogs (3) par bsñen pa la rdzogs par ma bsñen par ’du śes pas yi ge mñam pas chos ’don na ñes byas su ’gyur ro || dge sloṅ gis gaṅ zag rdzogs par bsñen pa la rdzogs par ma bsñen par ’du śes pas yi ge sṅa bas chos ’don na ñes byas su ’gyur ro || (4) dge sloṅ gis gaṅ zag rdzogs par bsñen pa la rdzogs par ma bsñen par yid gñis za bas yi ge mñam pas chos ’don na ñes byas su ’gyur ro || dge sloṅ gis gaṅ zag rdzogs par bsñen pa la rdzogs par ma bsten par yid gñis za bas yi ge sṅa (5) bas chos ’don na ñes sabyasa su ’gyur ro || lda ba ldi ba can daṅ | smra ba myur ba la ltuṅ ba med do || kha ton źur gźug pa daṅ | yoṅs su ’drir ’jug pa la ltuṅ ba med do || rjes su bsgrags te luṅ dbog pa la ltuṅ ba med do || las daṅ po pa daṅ | smyos (6) pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’don pa’i ltuṅ byed de drug pa rdzogs s+ho || || ’dul ba rnam par ’byed pa | bam po bźi bcu rtsa gcig pa |

.