[Pāyantika 24]
(6) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || mñan yod na tshoṅ dpon źig ’dug pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || (7) de rgas pa’i gnas skabs su ñe du zad par gyur ciṅ nor zad pa daṅ | loṅs spyod zad par gyur nas des chuṅ ma la smras pa | bzaṅ mo kho bos da nor sgrub par mi nus kyis kho bo rab tu ’byuṅ du ’gro’o || chuṅ mas smras pa | rje’i sras bdag kyaṅ rab tu ’byuṅ ṅo || de ltar gyis śig (91a1) ces des chuṅ ma skye dgu’i bdag mo chen mo gau ta mī’i gan du khrid de smras pa | ’phags ma bdag gi mchis ’braṅ ’di legs par gsuṅs pa’i chos ’dul ba la rab tu ’byuṅ bar ’tshal na ’phags mas ’di rab tu dbyuṅ du gsol | rdzogs par bsñen par mdzad du gsol | (2) skye dgu’i bdag mo chen mo chen mo gau ta mīsa de rab tu phyuṅ źiṅ rdzogs par bsñen par byas so || des tshoṅ dpon la smras pa | rje’i sras bud med kyi yul ni srid pa spyad pa lags kyis dus daṅ dus sbyon cig | tshoṅ dpon de yaṅ rgyal byed kyi tshal du soṅ ste dge sloṅ gi gan du rab tu byuṅ ṅo || mñan (3) yod pa’i tshoṅ dpon rab tu byuṅ ṅo źes de grags śiṅ bsod nams che bas des de’i chos gos daṅ | bsod sñoms daṅ | gnas mal daṅ | na ba’i rkyen daṅ | sman gyi yo byad dag grub po || de dus gźan źig na snam sbyar dmar ser gyon te dge sloṅ ma de’i dbyar khaṅ du soṅ ba daṅ | (4) dge sloṅ ma des de’i rkaṅ pa gñis la mgo bos phyag ’tshal te | mdun du ’dug nas des de’i sñam sbyar de la yaṅ daṅ yaṅ du rtog nas dge sloṅ des smras pa | sriṅ mo snam sbyar ’di ’dod dam | des smras pa | lha’i gnas kyi lhag ma bźin du’o || des bsams pa | bdag gi ’di (5) la snam sbyar ’di sbyin par bya źiṅ bdag gis snam sbyar gźan btsem par bya’o sñam nas | des de la snam sbyar de byin te soṅ ṅo | de nas bcom ldan ’das kyis tshe daṅ ldan pa kun dga’ bo la baka stsal pa | kun dga’ bo soṅ la dge sloṅ rnams la dge sloṅ dag de bźin gśegs (6) pa kos la dag tu ljoṅs rgyur gśegs kyis khyed cag las gaṅ de bźin gśegs pa daṅ thabs cig loṅs rgyur ’gro bar spro ba des chos gos dag loṅ śig ces gyis śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas dge sloṅ (7) rnams la tshe daṅ ldan pa dag bcom ldan ’das ko sa la dag tu ljoṅs rgyur gśegs kyis khyed cag las gaṅ de bźin gśegs pa daṅ thabs cig ljoṅs rgyur ’gro bar spro ba des chos gos dag loṅ śig ces bsgo’o || de nas bcom ldan ’das dul ba ’khor du la ba daṅ ldan pa | źi ba ’khor (91b1) źi ba daṅ ldan pa | grol ba ’khor grol ba daṅ ldan pa | thul ba ’khor thul ba daṅ ldan pa | dgra bcom pa ’khor dgra bcom pa daṅ ldan pa | ’dod chags daṅ bral ba ’khor ’dod chags daṅ bral ba daṅ ldan pa | mdzes pa (2) ’khor mdzes pa daṅ ldan pa | khyu mchog ltar ba laṅ gi tshogs kyis yoṅs su bskor ba | glaṅ po che ltar glaṅ po che’i phrug tu’i tshogs kyis yoṅs su bskor ba | seṅ ge ltar mche ba can gyi tshogs kyis yoṅs su bskor ba | ṅaṅ pa’i rgyal po ltar daṅ pa’i tshogs kyis yoṅs su (3) bskor ba daṅ | nam mkha’ ldiṅ ltar bya’i tshogs kyis yoṅs su bskor ba | bram ze ltar slob ma’i tshogs kyis yoṅs su bskor ba | sman pa mkhas pa ltar nad pa’i tshogs kyis yoṅs su bskor ba | dpa’ bo ltar ru pa’i tshogs kyis yoṅs su bskor ba | sa mkhan ltar lam du (4) źugs pa’i tshogs kyis yoṅs su bskor ba | bram ze ltar slob ma’i tshogs kyis yoṅs su bskor ba | sman pa mkhas pa ltar nad pa’i tshogs kyis yoṅs su bskor ba | dpa’ bo ltar ru pa’i tshogs kyis yoṅs su bskor ba | ’khor los sgyur ba ltar bu stoṅ gi (5) tshogs kyis yoṅs su bskor ba | zla ba ltar rgyu skar gyi tshogs kyis yoṅs su bskor ba | ñi ma ltar ’od zer stoṅ gi tshogs kyis yoṅs su bskor ba | yul ’khor sruṅ ltar dri za’i tshogs kyis yoṅs su bskor ba | ’phags skyes po ltar grul bum gyi tshogs kyis yoṅs (6) su bskor ba | mig mi bzaṅ ltar klu’i tshogs kyis yoṅs su bskor ba | nor sbyin ltar gnod sbyin gyi tshogs kyis yoṅs su bskor ba | thags źaṅs ris ltar lha ma yin gyi tshogs kyis yoṅs su bskor ba | brgya byin ltar sum bcu rtsa gsum pa’i tshogs kyis yoṅs (7) su bskor pa | tshaṅs pa ltar tshaṅs ris kyi tshogs kyis yoṅs su bskor ba | dbaṅ po rnams kyis śin tu dul ba | spyod lam daṅ spyod pa ma ’khrugs pa | cu gter ltar tiṅ ṅe ba | sprin ltar chu daṅ bcas pa | glaṅ po che’i rgyal po ltar dregs pa daṅ bral ba | skyes (92a1) bu chen po’i mtshan sum bcu rtsa gñis kyis legs par brgyan pa | dpe byad bzaṅ po brgyad bcus sku rnam par mdzes pa | ’od ’dom gaṅ gis gzugs can brgyan pa | ñi ma stoṅ bas lhag pa’i ’od daṅ ldan pa | rin po che’i ri bo ’gro pa ltar kun tu bzaṅ ba | (2) stobs bcu daṅ | mi ’jigs pa bźi daṅ | ma ’dres pa’i dran pa ne bar gźag pa gsum daṅ | thugs rje chen po daṅ ldan pa kun śes kauṇ+ḍi n+ya daṅ | rlaṅs pa daṅ | miṅ chen daṅ | ma ’gags pa daṅ | śā ri’i bu daṅ | maud gal gyi bu chen po daṅ | ’od sruṅ daṅ | kun (3) dga’ bo daṅ | nam grul sogs pa ñan thos chen po dag daṅ | gźan yaṅ dag dge sloṅ gi dge ’dun maṅ pos bskor te ko sa la dag tu ljoṅs rgyur gśegs so || chos ñid kyis na saṅs rgyas bcom ldan ’das dag ljoṅs rgyur gśegs pa na ’ga’ źig chos gos stod g-yogs smad (4) g-yogs daṅ bcas pas ljoṅs rgyu bar mi ’gyur ram sñam pas sku thams cad kyis g-yas phyogs nas glaṅ po che’i lta staṅs kyis rnam par gzigs pa yin pas bcom ldan ’das kyis dge sloṅ de chos gos stod g-yogs smad g-yogs daṅ bcas pas ljoṅs rgyur ’gro gzigs (5) so|| gzigs nas kyaṅ tshe daṅ ldan pa kun dga’ bo la bka’ stsal pa | kun dga’ po dge sloṅadabyara gnas pa dag gis chos gos kyi rñed pa ma grub bam | bcom ldan ’das grub bo || kun dga’ bo ’o na ci’i phyir dge sloṅ ’di chos gos stod g-yogs smad g-yogs (6) daṅ bcas pas ljoṅs rgyur ’gro | tshe daṅ ldan pa kun dga’ bos skabs de bcom ldan ’das la rgyas par gsol pa daṅ | bcom ldan ’das kyis bka’ stsal pa | kun dga’ bo dge sloṅ dag dge sloṅ ma ñe du ma yin pa la gos dag sbyin nam | btsun pa stsal (7) to|| bcom ldan ’das kyis bka’ stsal pa | kun dga’ bo dge sloṅ ma ñe du ma yin pa ni ’di sñam du ’di’i chos gos gsum tshaṅ dam | ’on te mtshaṅ sñam du mi sems par ’di ltar thog bo cog len par byed kyi ñe du la ni byin kyi ñe du la ni byin laṅ len par mi byed do || de nas bcom (92b1) ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom (2) ldan ’das kyis dge sloṅ de la rmas pa | dge sloṅ khyod dge sloṅ ma ñe du ma yin pa la gos sbyin pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ bam yin pa | tshul daṅ mthun pa ma yin pa | (3) de ni rab tu byuṅ bas bya bam yin no źes rnam par smad pa mdzad do || de nas bcom ldan ’das kyis rnams graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon gcu yaṅ dag par gzigs pas ’dul ba la ñan thos rnams kyi (4) bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ ma ñe du ma yin no || yaṅ dge sloṅ gaṅ źes bya ba ni chos ’di pa’o || (5) dge sloṅ ma źes bya ba yaṅ chos ’di pa’o || ñe du ma yin pa la źes bya ba ni phyi mo dag | mes po daṅ | phrugs las brten pa’i bdun pa tshun chad ni ñe du yin la de phan chad ni ñe du ma yin no || gos źes bya ba ni bdun po bal gos daṅ | śa na’i gos daṅ | zar ma’i gos daṅ | du gu (6) la’i gos daṅ | ras bal gyi gos daṅ | ko tam pa’i gos daṅ | ñi ’og gi gos dag las gaṅ yaṅ ruṅ ba’o || sbyin na źes bya ba ni bslaṅ mi dgos par ro || ltuṅ byed de źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro (7) daṅ log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la tuṅ bar ji ltar ’gyur źe (93a1) na | dge sloṅ gis dge sloṅ ma ñe du ma yin pa la ne du ma yin par ’du śes pas gos byin na ltuṅ byed du ’gyur ro || dge sloṅ gis dge sloṅ ma ñe du ma yin pa la yid gñis za bas gos byin na ltuṅ byed du ’gyur ro || dge sloṅ gis dge sloṅ ma ñe du la ñe du ma (2) yin par ’du śes pas gos byin na ñes byas su ’gyur ro || dge sloṅ gis dge sloṅ ma ñe du la ñe du ma yin par yid gñis za bas gos byin na ñes byas su ’gyur ro || bor brlag byuṅ ba la sbyin pa daṅ | legs par smra ba la sbyin pa daṅ | dge sloṅ ma’i dge ’dun la gos kyis (3) sbyin pa sbyin pa daṅ || rdzogs par bsñen par byed pa la sbyin pa daṅ | rin gyi phyir sbyin pa daṅ | brje ba’i phyir sbyin pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || gos sbyin pa’i ltuṅ byed (4) de ñi śu bźi pa rdzogs s+ho || || ’dul ba rnam par ’byed pa | bam po bźi bcu dgu pa |

.