[Pāyantika 32]
(128a1) saṅs rgyas bcom ldan ’das mñan yod na rgyal byed kyi tshal | mgon med zas sbyin gyi kun dga’ ra ba na bźugs so || ri brags śig na khyim bdag gcig ’dug pa des phyogs bźi ’i dge sbyoṅ daṅ | bram ze rnams kyi don du ’dug gnas byed du bcug ste | de ’dug (2) gnas de na phyogs bźi’i dge sbyoṅ daṅ | bram ze gaṅ ’dug pa de la bsod snoms kyis mkho bstobs par byed do || gaṅ gi tshe bcom ldan ’das kyis mñan yod du cho ’phrul chen po rnam par bstan te | gźan mu stegs can dag tshar bcad ciṅ lha daṅ mi rnams kun du dga’ bar mdzad | skye (3) bo mdzaṅs bdag gi sñid dag raṅs par mdzad pa de’i tshe na gźan mu stegs can dag mtha’ ’khob dag rten gnas so || dus gźan źig na gcer bu pa dug bcu ri brags der lhags nas de dag khyim bdag de’i gan du doṅ ste ’di skad ces smras so || bźin bzaṅs chos thob par gyur (4) cig | chos thob par gyur cig | khyim bdag des smras pa | śes ldan dag rab tu byuṅ ba yin nam ci | rab tu byuṅ ba dag yin no || khyim bdag gis smras pa | mnoṅs te bdag gis phyogs bźi’i dge sbyoṅ daṅ | bram ze rnams kyi don du ’dug gnas bgyid du stsal ba der bźugs (5) śig daṅ | bdag gis khyed cag la bsod sñoms kyis mkho ba bstabs par bgyi’o || de dag gis der gnas par brtsams nas | khyim bdag de de dag la bsod sñoms kyis mkho ba bstabs par bgyi’o || de dag gis der gnas par brtsams nas | khyim bdag de de dag la bsod sñoms kyis bstobs par byed do || mñan yod na khyim bdag dad pa can źig ’dug pa zoṅ thogs te | ri brags (6) de ’oṅs nas de khyim bdag de’i tshoṅ khaṅ du źugs nas | khyim bdag de de daṅ lhan cig bśes par gyur to || khyim bdag des gcer bu ba de dgal brim par brtsams nas des khyim bdag de’i gan du mi mṅags te | grogs po tshur śog daṅ sbyin gnas dag la brim par bya’o źes sbran (7) pa daṅ | khyim bdag de dad pa can lin pas des bsams pa | bcom ldan ’das kyi ñan thos dag yin gor mchag gis soṅ la blta’o sñam nas | de der soṅ ba daṅ | ji tsam na gcer bu pa do tshe daṅ khrel bor ba śa stag yin par mthoṅ nas mṅon sum du mi sñan pa brjod pa ni sdug [128b1)] bsṅal pa yen pas de caṅ mi smra bar ’dug go || gcer bu pa dag gis zan zos te soṅ nas khyim bdag des de la smras pa | grogs pos bon bzaṅ źiṅ źiṅ sa bzaṅ ṅam | des smras pa | grogs pos bon bzaṅ ni | źiṅ ni gcer bu pa tsha daṅ khrel por ba sdig pa’i lta ba can (2) dgon duṅ tshwa sgo can tha chad sdig pa can gyis gźi śa stag yin no || khyim bdag gis smras pa | grogs po źiṅ bzaṅ po gźan ’ga’ yod dam | des smras pa | yod de | bcom ldan ’das kyi ñan thos dag go || khyim bdag gis smras pa | gal te de dag ’dir byon na (3) bdag gis de dag la bsod sñoms kyis mkho bo bstabs par bya’o || khyim bdag de zoṅ bsgyur te rin blaṅs nas mñan yod du phyin pa daṅ | des zoṅ dag tshoṅ khaṅ du su phab nas rgyal byed kyi tshal du soṅ ṅo || drug sde dag gi kun du spyod pa ni ’dir bdag cag gis bram ze (4) daṅ khyim bdag ’oṅs śiṅ lhags pa rnams la yaṅ chos bstan par bya | rgol ba dag kyaṅ tshar gcad par bya | raṅ gi grags pa yaṅ bsgrag par bya’o sñam pas drug sde las gaṅ yaṅ ruṅ bas rgyal byed kyi tshal gyi stoṅ par mi ’jog pas | tshe daṅ ldan pa ñe dga’ naṅ par sṅar (5) laṅs te so śiṅ bor nas snam spyad dmar ser gyon te rgyal byed kyi tshal gyi sgo na ’chag ciṅ ’dug go || ñe dga’ sa khyim bdag de thag riṅ po kho na nas mthoṅ nas smras pa | khyim bdag ’oṅs pa legs so ’oṅs ba legs so || khyod gaṅ nas zla ba bźin du yun riṅ mo riṅ mo nas (6) ’khod ciṅ ’oṅs | des smras pa | ’phags pa ri brags ga ge mo źig na | khyim bdag che ge mo źig mchis pa des phyogs baźi.i’i dge sbyoṅ daṅ bram ze rnams kyi don du ’dug gnas bgyid du stsal nas | de bcom ldan ’das kyi ñan tos dag mthoṅ par ’tshal lo || ñe dga’ sa (7) bsams pa | gal te lhuṅ bzed nag po can ’ga’ źig gis thos par gyur na | de śin tu myur bar der ’gro bar ’gyur bas bdag gis khyim bdag ’di smad na lhuṅ bzed nag po can ’ga’ la yaṅ brjod par mi ’gyur ro sñam nas | des khyim bdag de la smras pa | khyod kyi sñiṅ (129a1) lam na kho bo cag zan sus sbyin par ’gyur | gos sus sbyin par ’gyur sñam pa las gźan pa bsam gtan nam | klog pa ’ga’ yaṅ mi sems sñam mam | khyim bdag des bsams pa | ’dod pa’i bdag ñid cag gaṅ dag yin pa de dag gi naṅ na ñe dga’ (2) las lhag pa medana ’dis kyaṅ re źig bdag smad par gyur na | gal te bdag gis dge sloṅ raṅ bźin du gnas pa gźan dag la brjod par gyur na | de dag gis bdag rgya cher smad par ’gyur ro sñam nas de caṅ mi sbra bar ’dug go || ñe dga’ sa kyaṅ khyim bdag de smad nas drug sde (3) dag gis na du soṅ ste smras pa | tshe daṅ ldan bdag bdag gis yun ji srid kyis phoṅasapa spaṅ bar bya | de dag gis smras pa | khyod kyis thos pacuṅa źig yod dam | yod de ri zags ga ge mo źig na khyim bdag che ge mo źig ’dug pa des phyogs bźi’i dge sbyoṅ daṅ | bram (4) ze rnams kyi don du ’dug gnas byed du bcug nas | de na gaṅ dag ’adugapa da e dag la de chos gos daṅ | bsod sñoms kyis mkho ba stobs par byed kyis der ’doṅ ṅo || de dag gis smras pa | ci thams cad ’doṅ ṅam | ñe dga’ sa smras pa | mi drug kho na ’doṅ ṅo || de ltar bya’o (5) źes drug po de dag ri brags ga la ba der rgyu źiṅ doṅ ṅo || gcer bu pa de dag gis smras pa | śes pa can dag spyod yul rjes su ’jug par byas ’doṅ ṅo źes de dag gis ’dug gnas der sruṅ ma gcer bu pa gcig bźag ste gźan du doṅ ṅo || drug sde dag kyaṅ mthar gyis rgyu źiṅ ’doṅ (6) ba na ri brags der phyin nas de dag khyim bdag de’i gan du doṅ ste smras pa | khyim bdag a rog gya a rog gya | khyim bdag gis smras pa | khyed cag su yin | bcom ldan ’das kyi ñan thos dag go || khyim bdag gis smras pa | ma noṅs te bdag cag kyaṅ bcom ldan (7) ’das kyi ñan thos dag mthoṅ par ’tshal na khyed cag kyaṅ byon to || ’phags pa dag bdag gis phyogs bźi’i dge sbyoṅ daṅ | bram ze rnams kyi don du ’dug gnas bgyid du stsal pa der bźugs śig daṅ bdag gis khyed cag la bsod sñoms kyis mkho ba bstabs par bgyi’o || drug (129b1) sde dag gis smras pa | gnas mal khri’u cuṅ zad yod dam | khyim bdag gis smras pa | ma mchis so || dru sde dag gis smras pa | khyim bdag kho bo cag sa la gnas mal ’cha’ bar mi byed do || khyim bdag des der gnas mal btsal nas khri daṅ bri’u dag (2) ’dug gnas der bskur ro || gcer bu pa des smras pa | kye śwakya’i bu’i dge spyod dag ’di khyed kyi gcug lag khaṅ yaṅ ma yin la | ’dug gnas kyaṅ ma yin na khyed cag ’dir gar ’jug | drug sde dag gis smras pa | kwa’i śes pa can ci zer | ’di kho bo cag gi gtsug (3) lag khaṅ yaṅ ma yin la | ’dug gnas kyaṅ ma yin no źes ma zer cig | gal te ’dug na ni ’dug tu zad | gal te mi bdug na khyod la mtshams chen po gcad par bya’o || gcer bu pa des bsams pa | ’di dag ni mi drug yod la | bdag ni gcig pu yin pas bdag gis (4) ’di dag la cayi yaṅ bya bar mi nus pas || ’di dag gis bdag la gnod pa byas par gyur na mi ruṅ ṅo sñam nas de skrag ste bros so || drug sde dag ñi ma re re źiṅ khyim bdag de’i khyim du doṅ ste za bar byed do || dus gźan źig na khyim bdag de la ri brags gźan źig tu bya ba cuṅ źig byuṅ (5) nas | des drug sde dag la smras pa | ’phags pa dag bdag la ri brags gźan źig tu bgyi ba rluṅ źig byuṅ ste bdag der mchi yis | khyed cag bdag gi sdum pa na ji ltar gsol pa de bźin du bdag slar mchis kyi bar tu gsol cig | drug sde dag gis smras pa | de ltar (6) bya’o || khyim bdag des naṅ mi la smras pa | khyod kyis ’phags pa dag la ji ltar bsñen bkur byas pa de bźin du kho bo phyir ’oṅs kyi bar tu yaṅ gyis śig | de ri brags der soṅ ba daṅ | drug de dag ñi ma re re źiṅ der doṅ ste de bźin du za bar byed pa na de dag gis smras pa | dga’ (7) bo ñe dga’ bdag cag gis yun ji srid du gźan gyi spyod lam gyis ’khor par bya || raṅ gis spyod lam bstan par bya’o || de ltar bya’o źes de dag gis smras pa | dga’ bo ñe dga’ bud med ’di’i mig dag daṅ | rna ba daṅ | so dag daṅ | mchu dag daṅ | nu ma dag daṅ | (130a1) rked pa dag daṅ | brla dag daṅ | rkaṅ pa dag mdzes pa la ltos śig | bud med de ṅo tsha nas gnas khaṅ du źugs te ’dug go || khyim bdag de yaṅ ri brags de nas ’oṅs nas des maṅ mi la dris pa | khyod kyis sbyin gnas dag byon nas de bźin du (2) gsol tam | des smras pa | ’di ’dra ba’i sbyin gnas dag ni ’ga’ yaṅ ma mchis kyaṅ mi dṅo’o || bdag gis dwa dag daṅ rol mo mkhan dag daṅ | nal gyi bu dag las kyaṅ sṅon lan ’ga’ yaṅ ma thos pa’i tshig dag khyod kyi sbyin gnas dag las thos so || khyim bdag des (3) bsams pa | bud med kyi yul dag ni skyes pa la sems pa yin pas gcer bu pa sgren mo dag źugs pa | de dag mthoṅ ba na chags par ’gyur gyi | bcom ldan ’das kyi ñan thos śam thabs legs par bgos pa | chos gos legs par bgos pa de dag la ’di mi dga’o (4) sñam nas des de la smras pa | khyod gcer bu pa sgren mo dag la dga’i | bcom ldan ’das kyi ñan thos śam thabs legs par bgos pa | chos gos legs par bgos pa dag la khyod dga’ bar la ’gyur | chuṅ mas smras pa | rje’i sras gal te khyod bdag la thugs (5) mi ches na bdag gis khyod kyi mṅon sum du ’gyur bar bgyi’o || khyim bdag gis bsams pa | je bgam par bya’o sñam nas de ñi ma ñuṅ śas śig ’dug nas drug sde dag la smras pa | ’phags pa dag yaṅabadaga la ri brags der bgyi bcuṅ źiṅ byuṅ ste | bdag der (6) mchi yis | khyed cag bdag gi sdumapa na ji ltar gsol ba de bźin du bdag slar mchis kyi bar du gsol cig | drug sde dag gis smras pa | de ltar bya’o || khyim bdag de yaṅ gnas khaṅ du źugs te ’dug pa daṅ | drug sde dag kyaṅ de’i khyim du źugs te ’khod nas | (7) de dag la de’i chuṅ ma des brim par brtsams pa daṅ | drug sde dag gis smras pa | dga’ bo ñe dga’ bud med ’di’i mig dag daṅ | rna ba dag daṅ | soṅ ga daṅ | mchu dag daṅ | nu ma dag daṅ | rked pa dag daṅ | brla dag daṅ | rkaṅ pa dag mdzes pa la ltos śig ltos (130b1) śig | khyim bdag des de thos nas bsams pa | bdag gis ’phral ko na la ’di dag gi bsod sñoms gcad pa ni bdag gi tshul daṅ mthun pa ma yin gyis thabs kyi rnam pa źig bya’o sñam nas des de’i ñin mo khur ba gcig phri ba daṅ | drug sde dag gis smras pa | dga’ bo (2) ñe dga’ spyod yul tshig go źes de dag gis smras pa | tshe daṅ ldan pa dag bdag cag gis mu lto ba dag la khur ba gcig sbyin par bya ba de deṅ phyin cad sbyin du med do || de phyi de ñid par khur pagañisa pa phri ba daṅ | de dag gis smras pa | dga’ bo ñe dga’ spyod yul tshig go źes (3) de dag gis smras pa | tshe daṅ ldan pa dag bdag cag gis khur ba gźan gcig lhuṅ bzed kyi ’og gźir dor ba de yaṅ deṅ phyin cad dor du med do || de bźin du rim gyis ji tsam na ’bras chan rtsub po daṅ | rtsab mo bskol ba dag sbyin par brtsams pa daṅ | de dag gis smras pa | (4) dga’ bo ñe dga’ spyod yul tshig go || yaṅ smras pa | ’dir ji ltar tshig | bdag cag sgo ’phar brgya sñed ’das kyaṅ lto kheṅs pa bsgrub par dka’ na | da ltar ’di na bdag cag grim ma bsil ba dag la ’khod du yod na ’bras chan rtsub po daṅ | rtsabs bskol ba yaṅ mi ’dod (5) dam | gcer bu pa des kyaṅ ’khor ’khor nas gcer bu pa de dag mthoṅ nas smras pa | śes pa can dag bdag cag gi spyod yul phrogs kyis phyir khur śig | de dag gis smras pa | khyod ’dug gnas bor te ’dir gar ’oṅ | des smras pa | kho bo de nas bskrad do || (6) sus | śākya ’i bu’i dge sbyoṅ dag gis so || de dag gis smras pa | śākya ’i bu’i dge sbyoṅ ji sñed lhags | des smras pa | mi drug go || de dag gis smras pa | bdag cag mi drug bcu yod na de dag śin tu brdegs te bskrud par mi nus sam | tshur śeg ’doṅ ṅo || bdag (7) cag gis śes pa can rem śig ces brjod pa na drug sde re re la bdag cag mi bcu bcu ru ste śin tu brdeg par bya’o || de dag gis smras pa | je khyim bdag la dri bar bya sñam | de ltar bya’o źes de dag khyim bdag gi gan du doṅ ste smras pa | khyim bdag khyod kyi ’dug gnas (131a1) su la phul | khyim bdag gis smras pa | su la yaṅ ma phul te | ’di ltar gaṅ de na dug pa de la bdag bsod sñoms kyis mkho ba stobs par byed do || de da gis smras pa | khyim bdag ni re źig dbus na gnas pa yin no źes de dag ’dug gnas su doṅ nas (2) drug sde dag la smras pa | kwa’i śākya ’i bu’i dge sbyoṅ dag khyed gaṅ nas lhags te ’dir ’khod | ’di khyed kyi gtsug lag khaṅ yaṅ ma yin la | ’dug gnas kyaṅ ma yin gyis phyir byuṅ śig | gal te byuṅ na ni byuṅ du zad | mi byuṅ na kho bo cag gis khyed la mtshams chen po gcad (3) par bya’o || drug sde dag gis smras pa | kwa’i gcer bu pa sgre byi dag ci zer | ’di khyed kyi gtsug lag khaṅ yaṅ ma yin la | ’dug gnas kyaṅ ma yin gyis phyir byuṅ śig ces ma zer cig | gal te ’khod na ni ’khod du zad | gal te mi ’khod na kho bo cag gis khyed la mtshams (4) chen po gcad par bya’o || gcer bu pa dag gis śes pa can re ma śig ces smras nas | dru sde re re la gcer bu pa bcu bcu rub ste | de dag gis brdeg par brtsams daṅ | drug sde dag gis smras pa | dga’ bo ñe dga’ mtshaṅs pa mtshuṅs par spyod pa dag gis smad par (5) gyur na mi ruṅ gis mig dag daṅ | rna ba dag sruṅs śig ces de dag gis smras pa | sgre byi dag phod yaṅ dag na phyogs ’dir snun cig ces rkub tshos la pa bstan te de dag brdeg tu bcug go || gaṅ gi tshe gcer bu ba dag ṅal bar gyur ciṅ rdeg mi nus pa de’i tshe na drug sde dag gis (6) cho daṅ pa dag śin tu re naṅ śig ces drug sde re res kyaṅ lag ṅar brkyaṅ pas kyaṅ gcer bu pa lṅa lṅas la brdabs śiṅ | lag ṅar bskums pas kyaṅ gcer bu pa lṅa lṅa la brdabs nas de dag śin tu brdeg par brtsams te smras pa | dga’ bo ñe dga’ pham par ’gyur ba’i ltuṅ ba (7) byuṅ bar gyur na mi ruṅ gis rtsa ba’i ltuṅ bsruṅs śig ces drug sde dag gis de dag rgya lcag dag daṅ | khu tshur dag daṅ | rdog pa dag daṅ | lcug ma dag gis śin tu gtal ciṅ brims nas | de dag gis gcer bu pa dag rdeg bźin du ’dug gnas kyi naṅ nas phyi rol du ’jiṅs te (131b1) byuṅ ba daṅ | bram ze daṅ khyim bdag dag gis de dag mthoṅ nas | de dag gis smras pa | śes ldan dag ltos śig | dge sbyoṅ g-yul ’gyed pas char ’babs bar ’gyur ro || drug sde dag gis smras pa | dga’ bo ñe dga’ spyod yul tshig ciṅ me mdag źi bar (2) ma gyur gyi tshul śes mñan yod du ’doṅ ṅo źes de dag mñan yod du doṅ ṅo || lho lam nas ’jig rten rgyaṅ ’phen pa’i rgol ba ’char ka źes bya ba mñan yod du ’oṅs nas | de ’gyed ’dod pa’i ’gyed pa’i yo byad kyi phyir | tshe daṅ ldan pa kun śes kauṇ+ḍi n+ya’i druṅ du soṅ ste smras daṅ | kye (3) dge sloṅ kho bos bla ma las yi ge ñuṅ śas blaṅs te de’i phyir kho bo khyod daṅ lhan cig gtam rnam par gtan la dbab pa byed par ’dod do || tshe daṅ ldan pa kun śes kauṇ+ḍi n+yasa smras pa | bram ze kho bo khyod daṅ ’gyed par mi ’dod kyis soṅ śig | de nas ’jig rten rgyaṅ ’phen pa de (4) tshe daṅ ldan pa rta thul daṅ | bzaṅ ldan daṅ | rlaṅs pa daṅ | miṅ chen pa daṅ | gaṅ po daṅ | dri med daṅ | ba laṅ bdag daṅ | lag bzaṅs ga la ba der soṅ ste de dag la smras pa | kye dge sloṅ kho bos bla ma las yi ge ñuṅ śas śig blaṅs te | de’i phyir (5) kho bo khyod daṅ lhan cig gtam rnam par gtan la dbab par byed par ’dod do || de dag gis smras pa | bram ze kho bo cag khyod daṅ ’gyed par mi ’dod kyis soṅ śig | de nas ’jig rten rgyaṅ ’phen pa de tshe daṅ ldan pa śā ri.i’i bu ga la ba der soṅ ste phyin nas | tshe daṅ ldan pa śā ri’i (6) yul ’di skad ces smras so || kye dge sloṅ kho bos bla ma las yi ge ñuṅ śas śig blaṅs te | de’i phyir kho bos khyod daṅ lhan cig gtam rnam par gtan la dbab pa byed par ’dod do || tshe daṅ ldan pa śā ri’i bus ’di la dge ba’i rtsa ba dag cuṅ zad yod dam sñam du bsams na yod (7) bar mthoṅ ṅo || su la rag las sñam na | bdag ñid la rag las bar mthoṅ ṅo || ’gyed pas ’dul ba yin nam sñam na | yin par mthoṅ ṅo || yun ji srid kyis ’dul bar ’gyur sñam na | źag bdun ’das nas ’dul bar ’gyur bar mthoṅ nas | tshe daṅ ldan pa (132a1) śā ri’i bus smras pa | bram ze tshur de śog de ltar bya’o źes de ñi ma daṅ po la ’gyed pa lhag ma daṅ bcas par btaṅ ṅo || phyi de ñin par yaṅ ’gyed pa lhag ma daṅ bcas par btaṅ ṅo || de bźin du ñi ma bdun pa’i bar du yaṅ ’gyed pa lhag ma daṅ bcas par btaṅ ṅo || (2) thams cad du lho lam nas ’jig rten rgyag ’phen pa’i rgol ba ’char ka źes bya ba ’oṅs nas | de daṅ ’phags pa śā ri’i bu gñis ñi ma deṅ gi bar du bkyen | gcig gis kyaṅ tshar la gñis pas kyaṅ tshar ma chod do źes sgra grags nas srog chags ’bum phrag du ma dag (3) kha cig ni lhad mo skyes pa daṅ | kha cig ni sṅon gyi dge ba’i rtsa ba dag gis bskul ba na der ’dus par gyur nas | tshe daṅ ldan pa śā ri’i bus bsams pa | bdag gis ’gyed pas ’bul bdag ’dus sam sñam na | ’dus par mthoṅ nas tshe daṅ ldan pa śā ri’i bus ’jig rten (4) rgyuṅ ’phen pa de pham par byas śiṅ | rdugs par byas te ’gyed pa lhag ma ma lus par btaṅ nas ’jig rten rgyaṅ ’phen pa kun du rgyu ’char ka tshar bcad pa daṅ | de yaṅ dad par gyur nas smras pa | btsun pa śā ri’i bu bdag gis bcom ldan ’das kyis legs par gsuṅs pa’i (5) chos ’dul ba la rab tu ’byuṅ ba daṅ rdzogs par bsñen pa dge sloṅ gi dṅos po ’thob na bdag bcom ldan ’das kyi spyan sṅar tshaṅs par spyad pa spyod do || tshe daṅ ldan pa śā ri’i bus de rab tu phyuṅ źiṅ rdzogs par bsñen par byas so || de de ltar rab tu phyuṅ nas gcig pu dben pa bag yod (6) pa rtun pa daṅ ldan pa | bdag ñid btaṅ bar gnas pa na rigs kyi bu gaṅ gi phyir skra daṅ kha spu bregs te | gos ṅur smrig dag bgos nas yaṅ dag par kho nar dad pas khyim nas khyim med par rab tu byuṅ bar byed pa tshaṅs par spyod pa’i mtha’ bla na med pa de ñid la raṅ gi mṅon (7) par śes pas mṅon sum du byas te bsgrubs nas bdag gi skye ba zad do || tshaṅs par spyod spyad do || bya ba byas so || srid pa ’di las gźan mi śes so źes go bar byed ciṅ dgra bcom pa | khams gsum pa las ’dod chags daṅ bral ba | boṅ ba daṅ gser du mñam (132b1) pa | nam mkha’ daṅ lag mthil du mtshuṅs pa’i sems daṅ ldan pa | tsan dan bźag pa lta bur rig pas sgo ṅa’i sbubs dral bar gyur ciṅ || rig pa daṅ | mṅon par śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab (2) kyis phyogs pa | dbaṅ po daṅ ñe dbaṅ daṅ bcas pa’i lha rnams kyis mchod par bya ba daṅ || rjed par bya ba daṅ | mṅon du smra bar bya bar gyur to || de nas ’khor de tshe daṅ ldan pa śā ri’i bus ’di lta bu’i rgol ba tshar bcad do źes ya mtshan skyes par gyur to || de nas tshe daṅ ldan (3) pa śā ri’i bus ’khor de’i bsam pa daṅ | bag la ñal daṅ | khams daṅ | raṅ bźin śes nas ’di ltar srog chags ’bum phrag du ma dag gis bden pa dag mthoṅ źiṅ | kha cig gis ni rgyun du źugs pa’i ’bras bu mṅon sum du byas | kha cig gis ni lan gcig (4) phyir ’oṅ ba’i ’bras bu mṅon sum du byas | kha cig gis ni phyir mi ’oṅ ba’i ’bras bu mṅon sum du byas | kha cig gis ni rab tu byuṅ ste ñon moṅs pa thams cad spaṅs te dgra bcom ldan pa ñid mṅon sum du byas pa de ltar tshos bstan pa byas te | ’khor de las phal cher saṅs rgyas la (5) gźol ba daṅ | chos la ’bab pa daṅ | dge ’dun la bab par rnam par bźag go || tshe daṅ ldan pa śā ri’i bus ’jig rten rgyaṅ ’phen pa ’char ka sṅa dro tshar bcad nas | phyi dro drug sde dag mñan yod du lhags nas | dge sloṅ rnams kyis de dag la smras pa | tshe daṅ ldan pa (6) dag loṅs pa legs so || ’oṅs pa legs so || khyod cag ga las ’oṅs | tshe daṅ ldan pa śā ri’i bus lho lam nas ’jig rten rgyaṅ ’phen pa’i rgol ba bram ze kun du rgyu ’char ka źes bya ba ’gyed ’dod ciṅ pa’i yo byad kyi phyir ’oṅs pa tshar bcad de g-yul las rnam par rgyal (7) lo|| drug sde dag gis smras pa | tshe daṅ ldan pa dag ’di ltar tshe daṅ ldan pa śā ri’i bus chogs can gñis pa | chos kyi dmag dpon | chos kyi ’khor lo rjes su bskor bas rgol ba gcig tshar bcad pa ’di ṅo mtshar ci che | gal te tshe daṅ ldan pa śā ri’i bus tshar bcad bar ma (133a1) gyur na yaṅ || bcom ldan ’das slad na bźugs pas de ṅo mtshar mi che’o || kho bo cag mi drug gis gcer bu pa drug bcu tshar bcad pa ṅo mtshar che’o || rig pa’i gnas gaṅ la dbyug pa’i rig pas lus la chos bśad pas so || ci ’tsho ’am ’on te śi || de’i (2) tshe na ni ’tsho na da ’tsho ’am śi gtol med do || dge sloṅ don ñuṅ ṅu dag ci’i phyir dge sloṅ dag yan lag gaṅ gis ṅo tsha bar bya ba’i yan lag de ñid kyis rlom par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das (3) la gsol te || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa (4) yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyod kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ (5) ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs (6) bas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | ’dug gnas gcig tu źag lon pa’i dge sloṅ gis bsod sñoms gcig bza’ (7) bar bya’o || de las lhag par za na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || saṅs rgyas bcom ldan ’das mñan yod na rgyal byed kyi tshal | mgon med zas sbyin gyi kun dga’ ra ba na bźugs so || (133b1) de nas khyim bdag de zoṅ thogs te ri brags de ñid du phyin nas de khyim bdag de’i tshoṅ khaṅ du źugs pa daṅ | khyim bdag gis gcer bu pa dag la brim par brtsams nas | des khyim bdag de’i gan du mi mṅags te | grogs pa sbyin gnas dag la sbyin par byas | tshur (2) śog ces smras pa daṅ | khyim bdag de dad pa can yin pas | des bsams pa | bcom ldan ’das kyi ñan thos dag yin gor ma chag gis soṅ la blta’o sñam nas de der soṅ ba daṅ | ji tsam na gcer bu pa ṅo tsha daṅ khrel bor ba dag cig yin par mthoṅ nas | mṅon (3) sum du mi stan brjod pa ni sdug bsṅal ba yin pas de caṅ mi smra bar ’dug go || de dag zos te doṅ ba daṅ | khyim bdag gis de la smras pa | grogs po źiṅ bzaṅ źiṅ sa bon bzaṅ ṅam || khyim bdag des smras pa | grogs po sa bon ni bzaṅ na | źiṅ ni gcer bu pa ṅo tsha (4) khaṅ khrel bor ba | sdig pa’i lta ba can dgon duṅ tshwa sgo can tha chad sdig pa can gyi sa gźi śa stag yin no || khyim bdag des smras pa | grogs po źiṅ ches bzaṅ ba gźan yod dam | des smras pa | yod de bcom ldan ’das kyi ñan thos dag go || khyim bdag gis smras (5) pa | grogs po de dag gi miṅ yaṅ ma smos śig | des smras pa | ci de dag ’di lhags par gyur tam | lhags so || gaṅ dag drug sde dag go || de dag gis re źig ci byas | ’di daṅ ’di lta’o | grogs po khyod kyis rgya mtsho chen po nas nor bu (6) mchiṅ bu dag blaṅs so || khyim bdag gis smras pa | bcom ldan ’das kyi ñan thos bzaṅ po gźan dag kyaṅ yod dam | yod de gal khyod kyi tshe daṅ ldan pa śā ri’i bu daṅ | maud gal gyi bu chen po daṅ | nam gru daṅ | ma ’gags pa la sogs pa bcom ldan ’das (7) kyi ñan thos chen po gźan dag mthoṅ bar gyur na | khyod mṅon par dad par ’gyur ba de lta bu’i gnas yod do || khyim bdag gis smras pa | gal te de dag ’dir byon bar gyur na bdag gis de dag la bsod sñoms kyis mkho ba bstabs par bya’o || khyim bdag des bsams (134a1) pa | da ni bdag soṅ la bcom ldan ’das la gsol bar bya’o sñam nas khyim bdag des zoṅ bsgyur te ri na blaṅs nas mñan yod ga la ba der soṅ ste mthar gyis mñan yod du phyin to || de nas khyim bdag des zoṅ tshoṅ khaṅ du sbas nas | bcom ldan ’das ga (2) la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la khyim bdag des ’di skad ces gsol to || btsun pa ri brags ga ge mo źig na khyim bdag che ge mo źig mchis pa de (3) phyogs bźi’i dge sbyoṅ daṅ bram ze rnams kyi slad du ’dug gnas bgyid du stsal te | de de na gaṅ gnas pa de la bsod sñoms kyis mkho pa stobs par bgyid ciṅ | de bcom ldan ’das kyi ñan thos dag mthoṅ bar ’tshal na | bcom ldan ’das kyis de la thugs brtse ba’i slad du (4) der dge sloṅ dag cig bka’ stsal na legs so || bcom ldan ’das kyis khyim bdag de la caṅ mi gsuṅ bas gnaṅ ṅo || de nas khyim bdag des bcom ldan ’das kyis caṅ mi gsuṅ bas gnaṅ ba rig nas | bcom ldan ’das kyi źabs gñis la mgo bos phyag ’tshal te || (5) bcom ldan ’das kyis spyan sṅa nas soṅ ṅo || de nas bcom ldan ’das kyis dge sloṅ gaṅ gis khyim bdag de ’khor daṅ bcas pa daṅ | ri brags de na gnas pa’i skye bo’i tshogs dag ’dul bar ’gyur sñam du dgoṅs na | dge sloṅ śā ri’i bus ’dul bar gzigs nas | de nas (6) bcom ldan ’das kyis tshe daṅ ldan pa śā ri’i bu la bka’ stsal pa | śā ri’i bu khyod kyis ri brags ga mo źig na khyim bdag che ge mo ’khor daṅ bcas pa daṅ | ri brags na gnas pa’i skye bo’i tshogs la soms śig | tshe daṅ ldan pa śā ri’i bus btsun pa bka’ bźin (7) ’tshal źes bcom ldan ’das las mñan nas | ’khor lṅa brgya daṅ ri brags de ga la ba de logs su ljoṅs rgyu źiṅ soṅ nas | mthar gyis rgyu źiṅ ’gro ba na ri brags der phyin nas khyim bdag de’i ’dug gnas su źugs so || khyim bdag des btsun pa śā ri’i bu ’khor lṅa brgya (134b1) daṅ ri brags ’dir ’oṅs te bdag gi ’dug gnas su źugs so źes thos so || thos nas kyaṅ tshe daṅ ldan pa śā ri’i bu ga la ba der soṅ ste phyin nas | tshe daṅ ldan pa śā ri’i bu’i rkaṅ pa gñis la mog bos phyag ’tshal te mtha’ gcig tu ’dug go || mtha’ gcig tu ’dug nas tshe daṅ (2) ldan pa śā ri’i bus khyim bdag de la chos daṅ ldan pa’i gtam gyis yaṅ dag par ston par byed | yaṅ dag par ’dzin du ’jud par byed | yaṅ dag par gzeṅs stod par byed | yaṅ dag par rab tu dga’ bar byed do || rnam graṅs du mas chos daṅ ldan pa’i gtam gyis yaṅ (3) dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi smra’o || de nas khyim bdag de stan las laṅs te bla gos phrag pa gcig tu byas nas | tshe daṅ ldan pa śā ri’i bu ga la ba de logs su thal mo (4) sbyar ba btud nas | tshe daṅ ldan pa śā ri’i bu la ’di skad ces smras so || btsun pa śā ri’i bus saṅ bdag gis sdum par dge sloṅ gi dge ’dun daṅ thabs cig gdugs tshod gsol bar ci gnaṅ | tshe daṅ ldan pa śā ri’i bus khyim bdag de la caṅ mi smra bas daṅ du blaṅs so || de (5) nas khyim bdag des tshe daṅ ldan pa śā ri’i bus caṅ mi smra bas daṅ du blaṅ bar rig nas | tshe daṅ ldan pa śā ri’i bu’i rkaṅ pa gñis la mgo bos phyag ’tshal te | tshe daṅ ldan pa śā ri’i bu’i druṅ nas soṅ ṅo || de nas khyim bdag des de ñid kyi mtshan mo bca’ ba daṅ bza’ ba (6) gtsaṅ źiṅ bsod pa sta gon byas nas | naṅ par sṅar laṅs te stan bśams nas chu ra bźag ste | tshe daṅ ldan pa śā ri’i bu la mṅag pas btsun pa śā ri’i bu | gdugs tshod g-yar dgoṅs tshal na btsun pa śā ri’i bus da de’i dus la bab par dgoṅs su gsol źes bskul (7) to|| de nas tshe daṅ ldan pa śā ri’i bu sṅa dro śam thabs bgos || lhuṅ bzed daṅ chos gos thogs te | dge sloṅ gi tshogs kyis yoṅs su bskor ciṅ dge sloṅ gi dge ’dun gyis mdun du bdar nas khyim bdag de’i khyim ga la ba der soṅ ste phyin nas | dge sloṅ gi dge (135a1) ’dun gyi goṅ du stan bśams pa ñid la ’dug go || de nas khyim bdag des tshe daṅ ldan pa śā ri’i bu la sogs pa dge sloṅ gi dge ’dun bde bar ’dug par rig nas | bca’ ba daṅ bza’ ba gtsaṅ źiṅ bsod pas raṅ gi lag nas tshim par byed ciṅ stobs par byed do || (2) rnam graṅs du mar bca’ ba daṅ bza’ ba gtsaṅ źiṅ bsod pas raṅ gi lag nas tshim par byas śiṅ bstabs te | tshe daṅ ldan pa śā ri’i bu zan zos śiṅ lag pa bsñal | lhuṅ bzed bźag par rig nas stan ches dma’ ba źig blaṅs te | tshe daṅ ldan pa śā ri’i bu’i mdun du chos (3) mñan pa’i phyir ’dug go || ’dug nas khyim bdag des tshe daṅ ldan pa śā ri’i bu la ’di skad ces smras so || btsun pa śā ri’i bu chos bstan du gsol | khyim bdag de’i phyir khyod kyis sa phyogs go skabs yaṅs par stan ’diṅ du chug la | ri brags ’dir skye bo phal (4) bo tsha’i tshogs la saṅ ’phags pa śā ri’i bu chos ston par ’gyur gyis | khyed cag las gaṅ chos ñan par ’dod pa de śog śig ces dril bsgrag pa byed du chug śig | tshe daṅ ldan pa śā ri’i bu yon bśad pa byas nas stan las laṅs te te soṅ ṅo || khyim bdag de ri brags de na (5) gtso bor grags pa yin pas | des sa phyogs go skabs yaṅs par stan śom du bcug nas ri brags der skye bo phal po che’i tshogs la saṅ ’phags pa śā ri’i bu chos ston par ’gyur gyis | khyed cag las gaṅ chos ñan par ’dod pa de śog śig | khyed cag las gaṅ gis der (6) bden pa dag mthoṅ bar ma gyur pa des ’khor bar yun riṅ du ’khor bar bya dgos so źes dril bsgrag pa byed du bcug go || de nas tshe daṅ ldan pa śā ri’i bu phyogs der soṅ ste dge sloṅ gi dge ’dun gyi goṅ du stan pa ñid la ’dug pa daṅ | srog chags ’bum phrag du ma dag kyaṅ (7) kha cig ni ltad mo skyes pa na | kha cig ni sṅon gyi dge ba’i rtsa bdag gis bskul ba na ’dug par gyur nas | tshe daṅ ldan pa śā ri’i bus ’khor de’i bsam pa daṅ | bag la ñal daṅ | khams daṅ | raṅ bźin śes nas ’di ltar khyim bdag de la ’khor daṅ bcas pa daṅ | srog (135b1) chags khri ñis stoṅ gis bden pa dag mthoṅ źiṅ kha cig gis ni rgyun du źugs pa’i ’bras bu mṅon sum du byas | kha cig gis ni phyir mi ’oṅ ba’i ’bras bu mṅon sum du byas | kha cig gis ni rab tu byuṅ ste (2) ñon moṅs pa thams cad spaṅs bas dgra bcom pa ñid mṅon sum du byas | kha cig gis ni ñan thos kyi byaṅ chub sems bskyed | kha cig gis ni raṅ saṅs rgyas kyi byaṅ chub sems bskyed || kha cig gis ni bla na med pa yaṅ dag par rdzogs pa’i byaṅ chub sems bskyed pa de ltar (3) chos bsñan pa byas te | ’khor de las phal cher saṅs rgyas gźol ba daṅ | chos la ’bab pa daṅ | dge ’dun la bab par rnam par bźag go || tshe daṅ ldan pa śā ri’i bus ha caṅ yun riṅ du chos bstan pas gdugs tshod yol źiṅ rluṅ gis de’i rgyab na bar gyur nas khyim (4) bdag des smras pa | btsun pa śā ri’i bu de’i slad du bdag gi ’dug gnas su bźugs śig daṅ | bdag gis khyod la bsod sñoms kyis mkho ba bstabs par bgyi’o || khyim bdag khyod ñid la brten nas bcom ldan ’das kyis ’dul ba la ñan thos rnams kyi bslab pa’i (5) gźi bca’ ba mdzad kyis ’gro’o || de nas tshe daṅ ldan pa śā ri’i bu na bźin du zan bcad de ri brags de nas mñan yod la ba de logs su rgyu źiṅ soṅ ste mthar gyis rgyu źiṅ ’gro ba nam mñan yod du phyin nas | dge sloṅ rnams kyis tshe daṅ ldan pa śā ri’i bu’i lhan cig gnas pa daṅ | ñe (6) gnas dag la dris pa | tshe daṅ ldan pa dag ji lta ba de bar brgyus sam | tshe daṅ ldan pa dag cuṅ źig par yaṅ brgyus | cuṅ źig sdug bsṅal bar yaṅ brgyus so || ci źig bde bar brgyus | mkhan pos gdul bar bya ba ’di sñed cig mdzad pa gaṅ yin pa de ni bde bar (7) brgyus pa yin no || ci źig sdug bsṅal bar brgyus | mkhan po bsñuṅ bźin du gdugs tshod bcad de ri brags de nas bźud pa gaṅ yin pa de ni sdug bsṅal bar brgyus ba yin no źes zer ba’i skaṅs de dge sloṅ rnams kyis bcom ldan ’das la gsol ba daṅ | bcom ldan (136a1) ’das kyis bka’ stsal pa | de lta bas na na ba ma gtogs te | dge sloṅ gis pus ’khyud par rjes su gnaṅ ṅo || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod (2) nas | dge sloṅ rnams la de daṅ mthun pa daṅ | de’i śas cheb daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni gnaṅ ba yin te | pa’i ñan rnams kyis (3) ’dul ba la bslab pa’i gźi ’di ltar gdon par bya ste | ’dug gnas gcig tu źag lon pa’i dge sloṅ min pas bsod sñoms gcig bza’ bar bya’o || de las lhag pa zan ltuṅ byed do || ’dug gnas gcig tu źag lon pa’i źes bya ba ni mu stegs can gyi ’dug gnas su źag (4) lon pa’i ’o || dge sloṅ źes bya ba ni chos ’di pa’o || min bźes bya ba ni ba ma gtogs pas so || bsod sñoms gcig bza’ bar bya’o źes bya ba ni zan lan gcig go || de las lhag pa zan źes bya ba ni de las maṅ du za na’o || ltuṅ byed do źes bya ba ni sems can dmyal ba daṅ || (5) dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed (6) do źes gsuṅs so || de la ltuṅ bar ji ltar ’gyur źe na | der gnas śiṅ der zan der gnas ba la ñes byas su ’gyur la | der za ba la ltuṅ byed du ’gyur ro || der gnas śiṅ gźan du za na der gas ba la ñes byas su ’gyur la | gźan du za ba la ltuṅ ba med do || gźan du (7) gnas śiṅ der zan gźan du gnas pa la ltuṅ ba med la | der za ba ltuṅ byed du ’gyur ro || gźan du gnas śiṅ gźan du zan gñi ga la ltuṅ ba med do || tshogs kyi daṅ | ñe du’i daṅ | sbyin bdag na re de ñid du ’dug śig ces zer ba la ltuṅ ba med do || las daṅ po pa daṅ | (136b1) smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’dug gnas gcig tu za ba’i ltuṅ byed de sum bcu rtsa gñis pa rdzogs s+ho || || ’dul ba rnam par ’byed pa | bam po lṅa bcu rtsa gñis pa |

.