[Pāyantika 45]
saṅs rgyas bcom ldan ’das mñan yod na rgyal byed kyi tshal mgon med zas sbyin gi kun dga’ ra ba na bźugs so || ko sa lar byuṅ ba’i rgyal po gsal rgyal gyis ri brags pa źig log nas (6) der ru ba gcig btaṅ pa daṅ | de bcom źiṅ rab tu bcom ste phyir ’oṅs so || ru pa gñis pa daṅ | gsum pa btaṅ ba daṅ de yaṅ bcom ste phyir ’oṅs nas blon po rnams kyis ko sa lar byuṅ ba’i rgyal po gsal rgyal la smras pa | lha ri brags pa’i dpuṅ ni skyes (7) lha’i dpuṅ ni ñams pas | gal te lha ñid der raṅ ma gśegs na ri brags pa phebs dka’ bar ’gyur na | lhas raṅ ñid der gśegs par mdzad du gsol | kos lar byuṅ ba’i rgyal po gsal rgyal gyis ṅa’i yul na mtshon gyis ’tsho ’gaṅ dag la ’khod pa de dag thams cad (175a1) ’doṅ bar bya’o || gaṅ mi ’gro ba des chad par kār ṣā pa ṇa lṅa brgya dbul bar bya’o źes dril bsgrags pa byed du bcug ste | rgyal po’i dpuṅ gi tshogs yan lag bźi pa ’phags pa daṅ | drug sde dag gis smras pa | dga’ bo ñi dga’ gsus po che’i dpuṅ gi (2) tshogs yan lag bźi pa ci ’dra bltas ’doṅ ṅo źes de dag lam kar doṅ ste ’khod pa daṅ | ji tsam glaṅ po che pa’i tshogs ’oṅs nas drug sde dag gis de dag la rmas pa | śes ldan dag gar ’doṅ | ’phags pa dag ko sa lar byuṅ ba’i rgyal po gsal rgyal byis ri brags pa źig (3) log pa de ’bebs su mchi’o || bkren pa dag glaṅ po che ’di lta bu dag gis ri brags pa phebs par ’gyur ram | khyod kyi glaṅ po che ’di dag ni phag ’dra la | rig brags pa’i glaṅ po che dag ni ri bo brtsegs pa ’dra bas | khyed cag phar ’gro ba yod kyaṅ phyir ldog pa med kyis phyir deṅ la (4) pha ma dag la til gyi chu byin la gzod deṅ śig | de dag mtha’ gcig tu doṅ ste sems khoṅ du chud ciṅ ’khod do || de nas rta pa’i tshogs ’oṅs nas drug sde dag gis de dag la rmas pa | śes ldan dag gar ’doṅ | ’phags pa dag kos lar byuṅ ba’i rgyal po gsal rgyal gyis (5) ri brags pa źig log pa de ’bebs su mchi’o || bkren pa dag rta ’di lta bu dag gis ri brags pa phebs par ’gyur ram | khyed kyi rta ’di dag ni boṅ bu ’dra la | ri brags pa’i rta dag ni glaṅ po che’i phru gu ’dra bas khyed cag phar ’gro ba yod kyaṅ phyir ldog pa med kyis phyir deṅ la pha ma (6) dag la til gyi chu byin la gzod deṅ śig | de dag mtha’ gcig tu doṅ ste sems khoṅ du chud ciṅ ’khod do || de nas śiṅ rta pa’i tshogs ’oṅs nas drug sde dag gis de dag la rmas pa | śes ldan dag gar ’doṅ | ’phags pa dag ko sa lar byuṅ ba’i rgyal po gsal rgyal gyis (7) ri brags pa źig log pa de ’bebs su mchi’o || bkren pa dag śiṅ rta ’di lta bu dag gis ri brags pa phebs par ’gyur ram | khyod kyi śiṅ rta ’di dag ni śiṅ rta źig pa ’dra la | ri brags pa’i śiṅ rta dag ni gźal med khaṅ ’dra bas khyed cag phar ’gro ba yod kyaṅ phyir ldog pa (175b1) med kyis phyir deṅ la pham dag la til gyi chu byin la gzod deṅ śig | de dag mtha’ gcig tu doṅ ste sems khoṅ du chud ciṅ ’khod do || de nas dpuṅ bu chuṅ gi tshogs ’oṅs nas drug sde dag gis de dag la rmas pa | śes ldan dag gar ’doṅ | ’phags pa dag ko sa lar (2) byuṅ ba’i rgyal po gsal rgyal gyis ri brags pa źig log pa de ’bebs su mchi’o || bkren pa dag mi ’di lta bu dag gis ri brags pa phebs par ’gyur ram | khyed kyi mi ’di dag ni rtswa mi ’dra la | ri brags pa’i mi dge no gnod sbyin gdug pa ’dra bas khyed cag phar (3) ’gro ba yod kyaṅ phyir ldog pa med kyis phyir deṅ la pha ma dag la til gyi chu byin la gzod deṅ śig | de dag mtha’ gcig tu doṅ ste sems khoṅ du chud ciṅ ’khod do || ji tsam na ko sa lar byuṅ ba’i rgyal po gsal rgyas ’oṅs nas des smras pa | khyed cag ci’i phyir mi ’doṅ bar (4) mtha’ gcig tu doṅ ste sems khoṅ du chud ciṅ ’khod | de dag gis smras pa | lha bdag cag rgyal bar ga la ’gyur | ’di ltar dge sbyoṅ mgo reg ras yug chen glegs pa ’tshal ba ’di dag mi mchi dgu mchi’o || gaṅ dag ’phags pa drug sde dag go || śes ldan dag (5) de dag ni dge sbyoṅ hral po dag yin pas de dag gis smras pas khyed la ci gnod deṅ śig | ko sa lar byuṅ ba’i rgyal po gsal rgyal gyis bsams pa | ’di dag yaṅ daṅ yaṅ du bdag la tho ’tsham par ’gyur ro sñam du rig nas mi źig la smras pa | kwa’i naṅ rje tshur śog | bcom (6) ldan ’das ga la ba der soṅ la ṅa’i tshig gis bcom ldan ’das kyi źabs gñis la mgo bos phyag ’tshal te | bcom ldan ’das la gnod pa ñuṅ ṅam | ñam ṅa ba chuṅ ṅam | bskyod pa yaṅ ṅam | ’tsho ’am | stobs daṅ ldan nam | bde ba la reg par gnas sam | kha (7) na ma tho ba ma mchis sam źes sñun gsol la ’di skad ces ko sa lar byuṅ ba’i rgyal po gsal rgyal gyi mchid nas btsun pa ’phags pa ’di dag dmag chas pa la ltar mchis na | kye ma bcom ldan ’das kyis thugs brtse ba’i slad du gaṅ gis ’phags pa dag dmag chas pa la ltar mchis (176a1) par mi ’gyur bar dran par bgyi ba chuṅ źig bca’ ba mdzad na legs so źes gsol cig | mi des lha bka’ bźin ’tshal źes ko sa lar byuṅ ba’i rgyal po gsal rgyal las mñan nas | bcom ldan ’das ga la ba der soṅ ste phyin nas | bcom ldan ’das (2) kyi źabs gñis la mgo bos phyag te mtha’ gcig tu ’dug go || mtha’ gcig tu ’dug nas mi des bcom ldan ’das la ’di la ’di skad ces gsol to || btsun pa ko sa lar byuṅ ba’i rgyal po gsal rgyas bcom ldan ’das kyi źabs gñis la mgo bos phyag ’tshal te | bcom ldan (3) ’das la gnod pa ñuṅ ṅam | ñam ṅa ba chuṅ ṅam | bskyod pa yaṅ dam | ’tsho ’am | stobs daṅ bde ba la reg par gnas sam | kha nam tho ba ma mchis sam źes sñun gsol lo || kwa’i naṅ rje ko sa lar byuṅ ba’i rgyal po gsal rgyal po gsal rgyal daṅ khyed bde bar gyur cig | btsun (4) pa ko sa lar byuṅ ba’i rgyal po gsal rgyal gyi mchid nas | btsun pa ’phags pa ’di dag dmag chas pa la ltar mchi na | kye ma bcom ldan ’das kyis thugs brtse ba’i slad du gaṅ gis ’phags pa dag dmag chas pa la ltar mchi bar mi ’gyur bar dran par bgyi ba chuṅ źig bca’ ba (5) mdzad na legs so źes mchi’o || bcom ldan ’das kyis mi de la caṅ mi gsuṅ bas gnaṅ ṅo || de nas mi deṅ bcom ldan ’das kyis caṅ mi gsuṅ bas gnaṅ bar rig nas | bcom ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa (6) nas soṅ ṅo || de nas bcom ldan ’das kyis byur ba ’di daṅ | gled gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du med par mdzad pa ste źes bya ba la sogs pa yaṅ (7) sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyod dmag chas pa la ña | ’gro ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | ruṅ ba ma yin pa | rjes su mthun pa ma yin pa (176b1) tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba (2) la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dmag chas pa la ltar ’gron ltuṅ byed do || yaṅ dge sloṅ gaṅ źes bya ba ni drug (3) sde’am | gźan yaṅ de lta bu gaṅ yin pa’o || dmag ces bya ba la dmag ni yan lag gcig pa yaṅ yod | yan lag gñis pa yaṅ yod | yan lag gsum pa yaṅ yod | yan lag bźi pa yaṅ yod | dmag yan lag gcig pa gaṅ źe na | glaṅ po che (4) ba’i tshogs so || dmag yan lag gñis pa gaṅ źe na | glaṅ po che pa’i tshogs daṅ | rta pa’i tshogs so || dmag yan lag gsum pa gaṅ źe na | glaṅ po che pa’i tshogs daṅ | rta pa’i tshogs daṅ | śiṅ rta pa’i tshogs so || dmag yan lag bźi pa gaṅ źe na | glaṅ (5) po che’i tshogs daṅ | rta pa’i tshogs daṅ | śiṅ rta pa’i tshogs daṅ | dpuṅ bu chuṅ gi tshogs so || chas pa la źes bya ba ni g-yul ’gyed par mṅon par dga’ ba lo’o || ltar ’gro na źes bya ba ni ’gro na’o || ltuṅ byed ṅo źes bya ba ni sems can dmyal ba daṅ | dud ’gro (6) daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes (7) gsuṅs so || de la ltuṅ bar ji ltar ’gyur źe na | dge sloṅ ji ltar ’gyur źe na | dge sloṅ ji tsam cuṅ zad dmag chas pa la ltar ’gro na thams cad du ltuṅ byed du ’gyur ro || dge sloṅ bsod sñoms la źugs pa dmag ’gro ba daṅ | gtsug lag khaṅ lam ka na ’dug pa daṅ | dmag gtsug lag (177a1) khaṅ du ’oṅs pa daṅ | rgyal po daṅ | btsun mo daṅ | gźon nu daṅ | źaṅ blon daṅ | khrom gyi ru sna daṅ | gro rdal gyi mi daṅ | ljoṅs kyi mis bkug pa la ltuṅ ba med do || bar chad brgyad po dag las bar chad gaṅ yaṅ ruṅ ba ñe bar gnas par gyur pa la (2) ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || dmag la lta ba’i ltuṅ byed de bźi bcu rtsa lṅa ba rdzogs s+ho || ||

.