[Pāyantika 56]
saṅs rgyas bcom ldan ’das mñan yod (5) na rgyal byed kyi tshal mgon med zas sbyin gyi kun dga’ ra ba na bźugs so || ’chi ltas de gnas nas dbyuṅ ba’i las byas pa na ṅu źiṅ ñe dga’i gan du soṅ pa daṅ | ñe dga’ sa smras pa | ’chi ltas khyod ci’i phyir du || ’chi ltas kyis smras pa | lhuṅ bzed nag po can dag gis (6) kho bo gnas nas dbyuṅ ba’i las byas so || ñe dga’ sa smras pa | gaṅ dag gis ’chi ltas gnas nas dbyuṅ ba’i las byas pa de dag groṅ daṅ | groṅ khyer daṅ | ljoṅs daṅ | khams gsum nas gnas nas phyuṅ bar gyur cig | ’on kyaṅ gnas nas dbyuṅ ba’i las byas ba rnams (7) la groṅ ṅam || groṅ rdal dag med dam ci | sdod la bzod pa gsol cig ces ñe dga’ sa ’chi ltas daṅ lhan cig gtam ’dre bar byed | phebs par smra bar byed | kun du gnas par byed | kun du loṅs spyod par byed ciṅ de daṅ lhan cig gnas gcig tu ñal bar byed do || dge sloṅ (213b1) don ñuṅ ṅu dag ci’i phyir dge sloṅ dag śes bźin du de skad zer ba’i gaṅ zag chos bźin du ma byas pa sdig pa can gyi lta ba’i rnam pa de ma spaṅs pa daṅ gtam ’dre bar byed | phebs par smra bar byed | kun dgu gnas par byed | kun du loṅs spyod par byed ciṅ de daṅ lhan cig de daṅ lhan cig gnas gcig tu (2) ñal bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge bdun bsdu ba mdzad do źes bya ba la (3) sogs pa sṅa ma bźin no || saṅs rgyas bcom ldan ’das rnams ni mkhyen du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ñe dga’ la rmas pa | ñe dga’ khyod śes bźin du de skad zer ba’i gaṅ zag chos bźin ma byas pa sdig (4) pa can gyi lta ba’i rnam pa de ma spaṅs pa daṅ gtam ’dre bar byed | phebs par smra bar byed | kun du gnas par byed | kun du loṅs spyod par byed ciṅ de daṅ lhan cig gnas gcig tu ñal ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin (5) pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas (6) na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ źes bźin du de skad zer ba’i gaṅ zag (7) chos bźin ma byas ba sdig pa can gyi lta ba’i rnam pa de ma spaṅs pa daṅ gtam ’dre bar byed | phebs par smra bar byed | kun du gnas par byed | kun du loṅs spyod par byed ciṅ de daṅ lhan cig gnas gcig tu ñal na ltuṅ byed do || yaṅ dge sloṅ gaṅ źes bya ba ni śākya ’i bu ñe dga’am | (214a1) gźan yaṅ de lta bu gaṅ pa’o || śes bźin du źes bya ba ni de raṅ ñid kyis rig par gyur pa’am | gźan dag gis brjod pas so || de skad zer ba’i gaṅ zag ces bya ba ni ’chi ltas so || chos bźin byas pa źes bya ba ni chos daṅ mthun par ma byas (2) pa’o || sdig pa can gyi lta ba’i rnam pa de ma spaṅs pa źes bya ba ni lta ba’i rnam pa gaṅ yin pa de’i || gtam ’dre bar byed ces bya ba ni luṅ dbog pa sbyin par byed pa’o || phebs par smra bar byed ces bya ba ni dmigs kyis ’dri ba sbyin par byed pa’o || kun du gnas par byed ces bya (3) pa ni gnas sbyin par byed pa’o || kun du loṅs spyod par byed ciṅ źes bya ba ni de las bsñen bkur bdag gir byed ciṅ ṅo || de daṅ lhan cig gnas gcig tu ñal na źes bya ba ni gnas bźi po thams cad g-yogs śiṅ thams cad bskor ba daṅ | thams cad g-yogs śiṅ phal cher (4) bskor ba daṅ | phal cher g-yogs śiṅ thams cad bskor ba daṅ | phal cher g-yogs śiṅ phal cher bskor ba dag tu ñal bas skya reṅs ’char bar byed na’o || gnas thams cad g-yogs śiṅ thams cad bskor ba ni gnas khaṅ daṅ | ’khor gyi khyams daṅ | khaṅ ba brtsegs (5) pa dag go || thams cad g-yogs śiṅ phal cher bskor ba ni sgo bcu pa daṅ | sgo bcu gñis pa dag go || phal cher g-yogs śiṅ thams cad bskor ba ni khyams ṅos bźi pa dag go || phal cher g-yogs śi phal cher bskor ba ni khyams ṅos gsum pa daṅ | ’khor gyi (6) khyams dag go || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na (7) dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad śes bźin du de skad zer ba’i gaṅ źag chos bźin ma byas pa sdig pa can gyi lta ba’i rnam pa śes bźin du de skad zer ba’i gaṅ zag chos bźin ma byas pa sdig pa can gyi lta ba’i rnam pa de ma spaṅs pa daṅ gtam ’dre bar byed na (214b1) ltuṅ byed du ’gyur ro || phebs par smra bar byed na ltuṅ byed du ’gyur ro || kun du gnas par byed na ltuṅ byed du ’gyur ro || kun da loṅs spyod par byed na ltuṅ par byed du ’gyur ro || de daṅ lhan cig gnas bźi po dag tu ñal bas skya reṅs ’char bar byed na ltuṅ byed du ’gyur ro || na bar gyur ba (2) daṅ | sdig pa can gyi lta ba’i rnam pa de daṅ dbral bar ’dod pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor bad gis ñen pa la ltuṅ ba med do || spaṅs pa’i rjes su phyogs pa’i ltuṅ byed de lta bcu rtsa drug pa rdzogs s+ho || || (3) ’dul ba rnam par ’byed pa | bam po lṅa bcu rtsa brgyad pa |

.