[Pāyantika 65]
(3) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa ma ’gags pas ñon moṅs pa thams cad spaṅs pas dgra bcom pa ñid mṅon sum du byas śiṅ des rnam par grol ba’i bde ba (4) ñams su myoṅ ba’i tshe de ’di sñam du sems te | bcom ldan ’das de ni bdag la phan pa mdzad pa yin no || bde bar gśegs pa de ni bdag la legs pa mdzad pa yin te | ’di ltar bcom ldan ’das de ni bdag gi sdug bsṅal gyi chos maṅ po sel bar mdzad pa | bcom (5) ldan ’das de ni bdag gi bde ba’i chos maṅ po sgrub par mdzad pa | bcom ldan ’das de ni bdag gi sdig pa mi dge ba’i chos maṅ po sel bar mdzad ba | bcom ldan ’das de ni bdag gi dge ba’i maṅ po sgrub par mdzad pa yin na bdag gis de la ji źig byas na (6) bdag gis bcom ldan ’das la lan byas pa daṅ | ñe bar byas pa daṅ | rab tu byas par ’gyur sñam nas | yaṅ de ’di sñam du sems te | saṅs rgyas bcom ldan ’das rnams dka’ ba mdzad pa brgya stoṅ du ma dag gis bskal pa graṅs med pa gsum gyis pha rol tu (7) phyin pa drug yoṅs su rdzogs par mdzad nas bla na med pa’i mkhyen pa thugs su chud pa gaṅ yin pa de dag thams cad ni sems can gyi don gyi phyir yin pas bdag gis kyaṅ gdul ba’i bya ba cuṅ źig bya’o sñam mo || de nas tshe daṅ ldan pa ma ’gags pa phye ma red na naṅ du yaṅ dag (258b1) ’jog las laṅs nas | bcom ldan ’das ga la ba der soṅ ste phyin nas | bcom ldan ’das kyi źabs la mgo bos phyag ’tshal te mtha’ gcig tu ’dug go || mtha’ gcig tu ’dug nas | bcom ldan ’das la tshe daṅ ldan pa ma ’gas pas ’di skad (2) ces gsol to || btsun pa bdag ljoṅs rgyur | mchi bar ’tshal lo || de nas bcom ldan ’das kyis tshe daṅ ldan pa ma ’gags pa’i sems thugs kyis mkhyen nas tshe daṅ ldan pa ma ’gags pa la ’di skad ces bka’ stsal to || ma ’gags pa khyod soṅ la (3) sems can ma rgal ba rnams ni sgrol cig | ma grol ba rnams ni khrog cig | dbugs ma phyin pa rnams ni dbugs phyuṅ śig | yoṅs su mya ṅan las ma ’das ba rnams ni yoṅs su mya ṅan las zlos śig | de nas tshe daṅ ldan pa ma ’gags pas bcom ldan (4) ’das kyis bka’ stsal pa la mṅon par dga’ ba daṅ rjes su yi raṅ ba byas te bcom ldan ’das kyi źabs gñis la mgo bos phyag ’tshal nas bcom ldan ’das kyi spyan sṅa nas soṅ ṅo || de nas tshe daṅ ldan pa ma ’gags pa de ñid kyi mtshan mo ’das nas sṅa dro śam (5) thabs bgos lhuṅ bzed daṅ chos gos thogs te mñan yod du bsod sñoms la źugs so || mñan yod du bsod sñoms brgyus nas zas kyi bya ba byas te phyi ma’i zas kyi bsod sñoms las phyir log pas ji ltar loṅs spyod pa’i gnas mal mkhos su phab nas lhuṅ bzed (6) daṅ chos gos thogs te ljoṅs rgyur soṅ ṅo || ri brags śig na khyim bdag cig ’dug pa des rigs mñan pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || de la bu gñis daṅ | bu mo gcig yod nas (7) des bu de gñis kyi khyim phub ciṅ dbu mo de yaṅ bag mar btaṅ ṅo || dus gźan źig na khyim bdag de yaṅ dus la bab | de’i bu mo de yaṅ khyo źi bar gyur nas miṅ po gñis kyi khyim du gnas par brtsams śiṅ de skyes pa gźan dag daṅ lhan cig dga’ mgur (259a1) spyod par byed do || ri brags de na de’i miṅ po de gñis gtso bor grags pa yin te | gaṅ gi tshe de gñis ’ga’ źig daṅ lhan cig ’thab pa de’i tshe na ’thab zla de na re khyod gñis kyaṅ smra’am | khyed gñis kyi sriṅ mo skyes pa gźan dag daṅ lhan cig dga’ (2) mgur spyod par byed do źes zer ro || de gñis doṅ ste sriṅ mo la smras pa | sriṅ mo kho bo cag gñis mi daṅ ’thab pa na de na re khyed gñis kyaṅ smra ’am | khyod gñis kyi sriṅ mo skyes pa gźan dag daṅ lhan cig dga’ mgur spyod par byed do źes zer ro || sriṅ mos smras pa | (3) miṅ po gñis bdag ni tshul khrims daṅ ldan pa lags na skye bo brdzun ma dag bdag la skur pa mchi’o || dus gźan źig na de la sems can źugs par gyur te mṅal na gnas pa’i mtshan ma dag kyaṅ byuṅ nas miṅ po gñis kyis de la smras pa | sriṅ mo khyod na re bdag (4) ni tshul khrim daṅ ldan pa lags na skye bo brdzun ma dag skur ma mchi’o źes zer na ’di ga las byuṅ | sriṅ mos smras pa | miṅ po gñis ’di ni sems can spyi rdol can źig nan gyis bdag gyis bdag gi mṅal du źugs pa lags so || dus gźan źig na de btsas pa las khye’u (5) źig byuṅ nas de’i ñe du dag ’dus śiṅ lhags te khye’u ’di’i miṅ cir gdags źes de’i miṅ ’dogs par byed pa na de dag ’di sñam du sems te | khye’u ’di ma btsas pa kho na nas mas spyi rdol can źes bya ba’i tshig kun du brjod pas khye’u ’di’i miṅ spyi rdol can du gdags so (6) źes khye’u de’i miṅ spyi rdol can źes bya bar btags so || de’i ma yaṅ spyi rdol can gyi ma źes bya ba’i miṅ du gyur nas | miṅ po gñis kyis de gnas gźan du bźag go || tshe daṅ ldan pa ma ’gags pa ljoṅs rgyu źiṅ ’gro ba na ri brags der phyin nas des der bsti gnas brñas (7) pa daṅ | khye’u dag cig rtse źiṅ ’khod pa de dag gis de la smras pa | ’phags pa spyi rdol can gyi ma la bsti gnas g-yor cig daṅ | de khyod la bsti gnas ’bul bar ’gyur ro || dgra bcom pa rnams kyi chos ñid ni ma bsams par śes pa daṅ mthoṅ ba mi ’jug pas de der soṅ ste bsti (259b1) gnas brñas pa daṅ | des de la bsti gnas phul te stan bśams nas ’dir bźugs śig ces smras so || de der ’dug pa daṅ des de’i rkaṅ pa bkru ba’i chu khyer te ’oṅs nas smras pa | ’phags pa źabs bkru bar bgyi’o || tshe daṅ ldan pa ma ’gags pas smras pa | kho (2) bo ni bud med kyis rkaṅ pa mi ’khru’o || des bsams pa | rab tu byuṅ ba dag la ’di lta bu’i brtul źugs yaṅ dag par blaṅs pa yod do sñam nas des de’i rkaṅ pa bsku ba khyer te ’oṅs nas smras pa | ’phags pa źabs bsku bar bgyi’o || tshe daṅ ldan pa ma ’gags pas (3) smras pa | kho bo ni bud med kyis rkaṅ pa mi skud do || des bsams pa | rab tu byuṅ ba dag la ’di lta bu’i brtul źugs yaṅ dag par blaṅs pa yod do sñam nas | des zan khyer te ’oṅs nas smras pa | ’phags pa źabs bsku bar bgyi’o || tshe daṅ ldan pa ma ’gags pas (4) pas smras pa | kho bo ni dus ma yin par mi za’o || des bsams pa | rab tu byuṅ ba dag la brtul źugs ’di lta bu yaṅ dag par blaṅs pa yod do sñam nas | des zas khyer te ’oṅs nas smras pa | ’phags pa bśos gsol cig | tshe daṅ ldan pa ma ’gags (5) draṅ por bsraṅ ste dran pa mṅon du phyogs par bźag nas ’dug go || de de’i gan du ’oṅs te | bud med kyi g-yo dag daṅ | bud med kyi gya gyu dag daṅ | bud med kyi ya yo dag daṅ | bud med kyi sgyu gaṅ dag yin pa de dag ñe bar bstan par brtsams pa daṅ | tshe daṅ (6) ldan pa ma ’gags pa dbaṅ po dag ’bebs par byed do || des bsams pa | ’di chad pas re źig ñal du bcug ste nam phyed na ’gro bar bya’o sñam nas | de nam phyed na soṅ ste de bźin du bud med kyi g-yo dag daṅ | bud med kyi gya gyu dag daṅ || bud med kyi ya yo dag daṅ || (7) bud med kyi sgyu gaṅ dag yin pa de dag bstan par brtsams pa daṅ | tshe daṅ ldan pa ma ’gags pa dbaṅ po dag ’babs par byed do || des bsams pa | skyes bu ’di lta bu daṅ ni śin tu thaṅ giṅ du soṅ yaṅ lhan cig dga’ mgur spyad par bya ba yin na gaṅ gis ’di bdag gi (260a1) dbaṅ du ’gyur ba’i thabs ci yod sñam nas | des bsams pa | bud med kyi yul gyi reg pa ni dug yin pas bdag gis ’khyud na ’di bdag gi dbaṅ du ’gyur ro || sñam nas des ’khyud par brtsams pa daṅ | tshe daṅ ldan pa ma ’gags pa daṅ pa’i rgyal po ’dab (2) ma brkyaṅ pa ltar steṅ gi nam mkha’ la mṅon par ’phags nas ’bar ba daṅ | gsal ba daṅ | char ’bebs pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin pas bud med de śiṅ ljon pa rtsa ba (3) nas bcad pa bźin du tshe ldan pa ma ’gags pa’i rkaṅ pa gñis kyi druṅ du sgyel nas smras pa | yon gnas yaṅ dag par gyur pa mar gśegs su gsol | mar gśegs su gsol | ñon moṅs pa’i ’dam du byiṅ ba bdag sug pa nas draṅ ba stsal du gsol | tshe daṅ ldan pa (4) ma ’gags pa bud med de la rjes su sñiṅ brtse ba’i phyir steṅ gi nam mkha’ las śod du babs so || de nas bud med des tshe daṅ ldan pa ma ’gags pa’i rkaṅ pa gñis la mgo bos phyag ’tshal te stan śin tu dma’ ba źig blaṅs nas chos mñan pa’i phyir de’i mdun du ’dug go || tshe (5) daṅ ldan pa ma ’gags pas de’i bsam pa daṅ | bag la ñal daṅ | khams daṅ | raṅ bźin khoṅ du chud nas gaṅ thos nas bud med des stan te ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i (6) ’bras bu mṅon sum du byas pa de lta bur ’phags pa’i bden pa bźi yaṅ dag par so sor rtogs par byed pa’i chos bstan pa byas so || des bden pa mthoṅ nas smras pa || btsun pa ma ’gags pas bdag la gaṅ mdzad pa ’di lta bu ni bdag la phas kyaṅ ma bgyis | mas (7) kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs dag gis kyaṅ ma bgyis te | khrag (260b1) daṅ mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ | thar pa’i sgo dag ni phye | sems can dmyal ba daṅ | dud ’gro daṅ | yi dgas nas ni rkaṅ pa phyuṅ | lha daṅ | mi rnams kyi naṅ du ni bźag | ’khor (2) ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste | btsun pa ma ’gags pa bdag ni mṅon par źugs pa lags so || btsun pa (3) ma ’gags pa bdag ni mṅon par źugs pa lags te | btsun pa ma ’gags pa bdag bcom ldan ’das daṅ | chos daṅ | dge sloṅ gi dge ’dun la skyabs su mchis | bdag dge bsñen mar gzuṅ du gsol || deṅ slan cad ji srid ’tsho’i bar du glo ba thag pa (4) nas skyabs su mchi’o || btsun pa ma ’gags pa de’i slad du saṅ ’di ñid du gdugs tshod gsol bar ci gnaṅ | sriṅ mo dam tshig gis bza’ bar bya ste | gal te sgo bcad de sbyin par byed na bza’o || des smras pa | chab sgo bkum ste gsol lo || des de ñid kyi (5) mtshan mo kha zas sta gon byas nas naṅ par sṅar laṅs te stan bśams nas sgo bcad de gdugs tshod la bab pa daṅ | tshe daṅ ldan pa ma ’gags pa bde bar ’dug par rig nas bca’ ba daṅ bza’ ba gtsaṅ źiṅ bsod pas raṅ gi lag nas tshim par byed | stobs par (6) byed do || rnam graṅs du mar bca’ ba daṅ bza’ ba gtsaṅ źiṅ bsod pas raṅ gi lag nas bstabs śiṅ tshim par byas nas | tshe daṅ ldan pa ma ’gags pa zan zos śiṅ lag pa bsñal lhuṅ bzed bźag par rig nas stan ches dma’ ba źig blaṅs te tshe daṅ ldan pa (7) ma ’gags pa’i mdun du chos mñan pa’i phyir ’dug go || de’i tshe na de’i miṅ po gñis mi źig daṅ lhan cig thab mo byuṅ ba na mi de na re khyed gñis kyis smra’am | khyed gñis kyi sriṅ mo ya mtshan can sna tshogs daṅ ldan pa’i mchod sbyin byed pas śākya ’i bu’i dge sbyoṅ yaṅ ma (261a1) btaṅ ste | śākya ’i bu’i dge sbyoṅ khar rtsaṅ źugs na da duṅ yaṅ ma byuṅ ṅo źes zer ro || de gñis kyis bsams pa | bdag cag gñis gaṅ cuṅ zad mis brñas par gyur pa de thams cad ni ’di’i le lan yin gyis de gsad du ’doṅ ṅo sñam nas ral gri śubs (2) nas phyuṅ ste de’i khyim ga la ba de logs su phyogs te brgyugs pa daṅ | srog chags brgya stoṅ phrag du ma dag kyaṅ kha cig ni ltad mo skyes pa na | kha cig ni sṅon gyi dge ba’i rtsa ba dag gis bskul ba na de gñis kyi phyi bźin du rjes su ’braṅ ṅo | de nas tshe daṅ ldan pa ma (3) ’gags pas smras pa | sriṅ mo kho bo phyir ’byuṅ gis khyod kyis sgo chod cig | de phyir phyuṅ ba daṅ des sgo bcad do || de nas tshe daṅ ldan pa ma ’gags pas ṅaṅ pa’i rgyal po ’dab ma brkyaṅ ba ltar steṅ gi nam mkha’ la ’phags nas ’bar ba daṅ | gsal ba daṅ | char ’bebs (4) pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin pas de gñis śiṅ ljon pa rtsa ba nas bcad pa bźin du tshe daṅ ldan pa ma ’gags pa’i rkaṅ pa gñis kyi druṅ du ’gyel nas smras pa | yon (5) gnas yaṅ dag par gyur pa mar gśegs su gsol | mar gśegs su gsol | ñon moṅs pa’i ’dam du byiṅ ba bdag cag gi sug pa nas draṅ ba stsal du gsol | tshe daṅ ldan pa ma ’gags pa de gñis la rjes su sñiṅ brtse ba’i phyir steṅ gi nam mkha’ las śod (6) du babs so || de nas de gñis kyis tshe daṅ ldan pa ma ’gags pa’i rkaṅ pa gñis la phyag ’tshal te mtha’ gcig tu ’khod do || tshe daṅ ldan pa ma ’gags pas ’khor de’i bsam pa daṅ | bag la ñal daṅ | khams daṅ | raṅ bźin khoṅ du chud nas ’di ltar srog chags (7) ñi khris ’jeg tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa daṅ | kha cig gis ni lan gcig phyir ’oṅ ba’i ’bras bu | kha cig gis ni phyir mi ’oṅ ba’i ’bras bu | kha cig gis ni rab tu (261b1) byuṅ ste ñon moṅs pa thams cad spaṅs pas dgra bcom pa ñid mṅon sum du byas | kha cig ni ñan thos kyi byaṅ chub tu sems bskyed | kha cig ni raṅ byaṅ chub tu sems bskyed | kha cig gis ni bla na med pa yaṅ dag par rdzogs pa’i saṅs rgyas kyi byaṅ chub tu sems bskyed (2) par gyur pa de ltar chos bstan par byas te ’khor de las phal cher saṅs rgyas la gźol ba daṅ | chos la ’bab pa daṅ | dge ’dun la bab par gyur to || de nas tshe daṅ ldan pa ma ’gags pas ’khor de la chos daṅ ldan pa’i gtam gyis yaṅ dag par bstan | yaṅ dag (3) par ’dzin du bcug | yaṅ dag par gzeṅs bstod | yaṅ dag par rab tu dga’ bar byas nas stan las laṅs te soṅ nas ri brags gźan źig ga la ba de logs su soṅ ṅo || ri brags de daṅ ha caṅ mi riṅ ba na skyed mos tshal źig yod pa der mtshan mo gnas par khas (4) blaṅs nas de skyil mo kruṅ bcas te ’dug go || chom rkun pa ri brags ’joms par ’dod pa lṅa brgya tsam źig kyaṅ | skyed mos tshal der źugs nas de na chom rkun pa gcig gis tshe daṅ ldan pa ma ’gags pa sdoṅ du ma yin no sñam nas | de’i steṅ du mda’ dag bźag ste (5) chom rkun pa des mda’ dag phyir blaṅ bar brtsams pa daṅ | tshe daṅ ldan pa ma ’gags pas smras pa | bźin bzaṅs rna sbraṅ chos gos la thogs kyis | chos gos ral bar mi ’gyur bar dal bus loṅ śig | des smras pa | khyod su źig | dge sbyoṅ ṅo || gaṅ dag (6) gi | śākya ’i bu’i dge sbyoṅ dag gi’o || des smras pa | śes ldan dag bdag cag gis bkra mi śis pa mthoṅ gis gsad par bya’o || de na dmag dpon gaṅ yin pa de tshe daṅ ldan pa ma ’gags pa sṅon khyim na gnas pa’i bran du gyur ciṅ | tshe daṅ ldan pa ma ’gags pas (7) ’phoṅ gi dpoṅ sa gaṅ du bslabs pa der des kyaṅ bslabs śiṅ de gcad pa la mkhas par gyur to || gaṅ gi tshe tshe daṅ ldan pa ma ’gags pa rab tu byuṅ ba de’i tshe na de yaṅ chom rkun pa’i naṅ du źugs te | chom rkun pa lṅa brgya’i dmag dpon du gyur pas des skad las (262a1) tshe daṅ ldan pa ma ’gags pa ṅo śes nas des smras pa | ’phags pa ma ’gags pa ma lags sam | bźin bzaṅs skye bo dag gis de ltar śes so || des smras pa | śes ldan dag ’di ma bsad cig | ’di ni mi skal ba bzaṅ po rab tu byuṅ ba yin (2) te | ’di’i miṅ gis tshoṅ pa dag rgya mtsho chen po nas kyaṅ gru bo che legs par grub ste ’oṅ ṅo || ji ltar śes gal te bdag cag gis de mod ci yaṅ mi thob na de’i ’og tu gzod gsad par bya’i thob na gsad par mi byas te źig sdod cig ces de dag gis de’i sruṅ ma chom (3) rkun pa mi bźi bźag ste | ’di bros par gyur ta re źes bsgo nas de dag ’joms par ’dod pas ri brags der źugs so || tshe daṅ ldan pa ma ’gags pas sruṅ ma bźi po de dag la smras pa | bźin bzaṅs dag re źig go phud cig | de dag gis smras pa | khyod (4) ’bros par ’gyur ro || khyod cag mi bźi ’khod na kho bo ji ltar ’bros par ’gyur | de dag gis go phud de ’khod pa daṅ | tshe daṅ ldan pa ma ’gags pas de dag gi bsam pa daṅ | bag la ñal daṅ | khams daṅ raṅ bźin khoṅ du chud nas ’di ltar de dag gis stan (5) de ñid la ’dug bźin du bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de ltar chos bstan pa byas so || de dag gis bden pa mthoṅ nas smras pa | btsun pa bdag cag gis dge ba’i (6) bśes gñen btsun pa la brten nas btsun pas bdag cag la gaṅ mdzad pa ’di lta bu ni bdag cag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge (7) sbyoṅ daṅ | bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag dag mchi ma’i rgya mtsho ni bskams | rus pa’i ri dag las ni bsgral | ṅan soṅ gi sgo dag ni bkum | mtho ris daṅ | (262b1) thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo ñi śu mtho ba ye (2) śes kyi rdo rjes bcom ste rgyun du źugs pa’i ’bras bu ni thob ste | btsun pa bdag cag ni mṅon par źugs pa lags so || btsun pa bdag cag ni mṅon par źugs pa lags te | btsun pa bdag cag bcom ldan ’das daṅ | chos daṅ | dge sloṅ gi dge ’dun la skyabs su (3) mchis | bdag cag dge bsñen du gzuṅ du gsol | ded slan chad nas ji srid ’tsho’i bar du glo ba thag pa nas rab tu dad pas skyabs su mchi’o || ’phags pa bdag cag gi grogs gźan de dag gis kyaṅ chos ’di lta bu dag ’thob par ’gyur ram | khyed cag las śas cher (4) rten pa thams cad kyis ’thob par ’gyur ro || tshe daṅ ldan pa ma ’gags pas ci nas kyaṅ ri brags de na khyi gcig kyaṅ sad par ma gyur pa de ltar byin gyis brlabs nas chom rkun pa de dag gis las byas te phyir lhags nas | de dag gis mi bźi po dag la smras pa | rab (5) tu byuṅ ba de ga re | des ci bya | kho bo cag gis las byas te | lhags pas de la bsñen bkur bya’o || tshe daṅ ldan pa ma ’gags pas de dag la smras pa | bźin bzaṅs dag go phud la ’khod cig daṅ khyed la chos bstan par bya’o || ’phags pa bdag cag ’dzin pa (6) mi mchi ’am | mi ’oṅ po de dag gis go phud de | tshe daṅ ldan pa ma ’gags pa’i mdun du chos mñan pa’i phyir ’khod pa daṅ | tshe daṅ ldan pa ma ’gags pas de dag gi bsam pa daṅ | bag la ñal daṅ | khams daṅ | raṅ bźin khoṅ du chus nas ’di ltar de (7) dag gis stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon sum du byas pa de ltar chos bstan pa byas so || de dag gis bden pa mthoṅ nas smras pa | btsun pa bdag (263a1) cag gis dge ba’i bśes gñen btsun pa la brten nas btsun pas bdag cag la gaṅ mdzad pa ’di lta bu ni bdag cag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha sems (2) dag gis kyaṅ ma bgyis | dge sbyoṅ daṅ | bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi rgya mtsho ni bskams | rus pa’i ri dag las ni bsgral | ṅan soṅ gi sgo dag (3) ni bkum | mtho ris daṅ thar pa’i sgo dag ni phye | sems can dmyal ba daṅ dud ’gro daṅ | yi dgas dag nas ni rkaṅ ba phyuṅ || lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la (4) lta ba’i ri’i rtse mo ñi śu mtho ba ye śes kyi rdo rjes bcom ldan ste rgyun du źugs pa’i ’bras bu ni thob ste | btsun pa bdag cag ni mṅon par źugs pa lags so || btsun pa bdag cag ni mṅon par źugs pa lags te | btsun pa bdag cag bcom ldan ’das daṅ (5) chos daṅ | dge sloṅ gi dge ’dun la skyabs su mchis | bdag cag dge bsñen du gzuṅ du gsol | de ṅa slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || ’phags pa bdag cag gis da ni gźan gyi til gyi phub ma tsam (6) yaṅ ma byin par len pa’i rṅo mi thog pas rdzas ’dis ci bgyi | bźin bzaṅs dag de ñid du deṅ la źog śig | ’phags pa bdag cag ’dzin pa mi mchi ’am | ci khyed kyis der khyi gcig tsam yaṅ sad par gyur tam | deṅ la de ñid du źog śig | de dag gis der goṅ (7) ste rdzas de dag phyir bźag go || de nas tshe daṅ ldan pa ma ’gags pa la mṅon par dad pa’i lha pa gaṅ yin pa des ri brags der smras pa | khyed ma bcom pa gaṅ yin pa de thams cad ni ’phags pa ma ’gags pa’i mthu yin te | ’phags pa ma ’gags pa skyed mos tshal (263b1) ’di na bźugs kyis deṅ la chos ñon cig | de nas srog chags brgya phrag du ma dag kha cig ni ltad mo skyes pa na | kha cig ni sṅon gyi dge ba’i rtsa ba dag gis bskul pa na | de nas phyir ’tho na nas | ’phags pa ma ’gags pa ga la ba der doṅ ste phyin nas | ’phags pa (2) ma ’gags pa’i rkaṅ pa gñis la mgo bos phyag ’tshal te chos mñan pa’i phyir ’phags pa ma ’gags pa’i mdun du ’khod do || tshe daṅ ldan pa ma ’gags pas ’khor de’i bsam pa daṅ | bag la ñal daṅ | khams daṅ | raṅ bźin khoṅ du chud nas ’di ltar (3) srog chags khri ñi stoṅ gis stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyu du źugs pa’i ’bras bu mṅon su du byas pa daṅ | kha cig gis ni lan gcig phyir ’oṅ ba’i ’bras bu | kha cig gis ni phyir mi (4) ’oṅ ba’i ’bras bu | kha cig gis ni rab tu byuṅ ste | ñon moṅs pa thams cad spaṅs pas dgra bcom pa ñid mṅon sum du byas | kha cig gis ni ñan thos kyi byaṅ chub tu sems bskyed | kha cig gis ni raṅ byaṅ chub sems bskyed | kha cig gis ni bla na med (5) pa yaṅ dag par rdzogs pa’i saṅs rgyas kyi byaṅ chub tu sems bskyed pa de ltar chos bstan pa byas te | ’khor de las phal cher saṅs rgyas la gźol ba daṅ | chos la ’bab pa daṅ | dge ’dun la bab par gyur to || de nas rigs kyi bu lṅa brgya po de dag gis (6) tshe daṅ ldan pa ma ’gags pa la ’di skad ces smras so || btsun pa ma ’gags pa bdag cag legs par gsuṅs pa’i chos ’dul bal rab tu ’byuṅ ba daṅ rdzogs par bsñen pa dge sloṅ gi dṅos po ’thob na bdag cag bcom ldan ’das kyi spyan sṅar tshaṅs par (7) spyad pa spyod do || bźin bzaṅs dag tshur śog daṅ | bcom ldan ’das kyis khyed rab tu ’byin pa daṅ rdzogs par bsñen pa dge sloṅ gi dṅos po ’thob par ’gyur ro || de nas tshe daṅ ldan pa ma ’gags pas rigs kyi bu lṅa brgya po dag khrid nas | (264a1) bcom ldan ’das ga la ba der soṅ ṅo || de’i tshe na bcom ldan ’das ’khor brgya phrag du ma’i mdun na bźugs śiṅ chos ston par mdzad do || bcom ldan ’das kyis tshe daṅ ldan pa ma ’gags pa thag riṅ po kho na nas gzigs so || gzigs nas (2) kyaṅ dge sloṅ rnams la bka’ stsal pa | dge sloṅ dag khyed kyis dge sloṅ ma ’gags pa thag riṅ po kho na nas ’oṅ ba mthoṅ ṅam | btsun pa mthoṅ ṅo || dge sloṅ dag ma ’gags pa ’di de bźin gśegs pa la skyes daṅ bcas śiṅ ’oṅ ste | de bźin gśegs pa’i (3) skyes ni ’di ltar gdul ba las gźan pa de lta bu med do || de nas tshe daṅ ldan pa ma ’gags pa | bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu (4) ’dug nas bcom ldan ’das la tshe daṅ ldan pa ma ’gags pas ’di skad ces gsol to || btsun pa rigs kyi bu lṅa brgya po ’di dag legs par gsuṅs pa’i chos ’bul ba la rab tu ’byuṅ ba daṅ rdzogs par bsñen pa dge sloṅ gi dṅos po ’tshal na bcom ldan (5) ’das kyis thugs brtse ba’i slad du ’di dag rab tu dbyuṅ du gsol | rdzogs par bsñen par mdzad du gsol | bcom ldan ’das kyis de dag la dge sloṅ tshur śog gis rab tu phyuṅ źiṅ dge sloṅ dag tshur śog | tshaṅs par spyad pa spyod cig ces bka’ stsal pa (6) daṅ | de dag bcom ldan ’das kyi bka’i mjug kho nar skra byi ba daṅ snam sbyar gyon par gyur te | skra daṅ kha spu źag bdun skyes pa tsam daṅ | lag pa ltuṅ bzed daṅ bya ma bum gyis brel ba daṅ | dge sloṅ rdzogs par bsñen nas lo brgya lon pa’i spyod lam lta (7) bur gnas par gyur to || yaṅ smras pa | de bźin gśegs pas tshur śog bka’ stsal pas || skra byi snam sbyar gyon pa’i lus ldan źiṅ ||
mod la dbaṅ po rab źir gnas gyur te || saṅs rgyas dgoṅs pas lus gzugs bkab par gyur || de nas (264b1) bcom ldan ’das kyis de dag la gdams ṅag stsal te | gcig pu dben pa bdag yod pa rtul ba daṅ ldan pa bdag ñid btaṅ bar gnas pa na rigs kyi bu dag gaṅ gi phyir skra daṅ kha spru dag bregs te gos ṅur smrig dag bgos nas yaṅ dag par kho nar dad pas (2) khyim san khyim med par rab tu ’byuṅ bar byed pa tshaṅs par spyod pa’i mtha’ bla na med pa de tshe de ñid la raṅ gi mṅon par śes pas mṅon sum du byas te bsgrubs nas bdag gi skye bzad do || tshaṅs par spyod pa spyad do || bya ba byas so | srid pa ’di las gźan mi śes so (3) źes go bar byed ciṅ | dgra bcom pa khams gsum pa las ’dod chags daṅ bral ba | boṅ ba daṅ gser du mñam pa | nam mkha’ daṅ lag mthil du mtshuṅs pa’i sems daṅ ldan pa | tsan dan bźag pa lta bu || rig pas sgo ṅa’i sbubs dral bar gyur ciṅ | (4) rig pa daṅ | mṅon bas śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab kyis phyogs pa | dbaṅ po daṅ ne dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du (5) smya bar bya bar gyur to || dge sloṅ rnams kyis tshe daṅ ldan pa ma ’gags pa la dris pa | tshe daṅ ldan pa ma ’gags pa ji ltar bde bar brgyus sam | tshe daṅ pa dag cuṅ zad bde bar yaṅ brgyus | cuṅ zad sdug bsṅal bar brgyus so || ji ltar bde bar brgyus | ji (6) ltar sdug bsṅal bar brgyus | ’di ltar re źig gdul ba’i bya ba byas pa gaṅ yin pa de ni bde bar brgyus pa yin no || had por de’u bsad pa de ni sdug bsṅal bar brgyus pa yin no || ci’i phyir | des skabs de rgyas bar brjod pa daṅ | dge sloṅ rnams kyis smras pa | (7) tshe daṅ ldan pa ma ’gags pa khyod du bud med kyis yul daṅ lhan cig gnas gcig tu ñal du ruṅ ṅam | gaṅ gi phyir mi ruṅ ba de ñid kyi phyir nes dmigs byuṅ bar gyur to || dge sloṅ don ñuṅ du dag ci’i phyir dge sloṅ dag bud med kyi yul daṅ lhan cig gnas gcig tu (265a1) źal źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byu.uṅa ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu (2) ba mdzad do || źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ma ’gags pa la rmas pa | ma ’gags (3) pa khyod bud med kyi yul daṅ lhan cig gnas gcig tu ñal ba bden nam | btsun pa mad do || saṅs rgyas bcom ldan ’das kyis mi brtson pa daṅ | mi sbyor ba daṅ | ma brtags pas spyod pa rnam par smad pa mdzad do || de nas bcom ldan ’das kyis brtson ba daṅ | (4) sbyor ba daṅ | brtags te spyod pa’i bsṅags pa brjod nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (5) bźin no || ṅa’i ñan thos rnams kyis ’dul ba la bslab pa’i ṅaźi ’di ltar gdon par bya ste | yaṅ dge slauṅa gaṅ bud med kyi yul daṅ lhan cig gnas gcig tu ñal na ltuṅ byed do || yaṅ dge sloṅ gaṅ zes bya ba ni chos ’di pa la’o || bud med kyi yul daṅ (6) źes bya ba ni bud med dam gźon nu ma mi tshaṅs par spyod pa sprod pa las byuṅ ba’i chos sten nus pa daṅ ṅo || lhan cig ces bya ba ni de daṅ de’o || gnas gcig tu zes bya ba ni gnas bźi po tams cad g-yogs śig bskor ba daṅ | thams cad g-yogs śig phal cher (7) bskor ba daṅ | phar cher g-yogs śiṅ thams cad bskor ba daṅ | phal cher g-yogs śiṅ phal cher bskor ba dag tu’o || gnas thams cad g-yogs śig thams cad bskor ba ni gnas khaṅ daṅ | ’khor gyi khyams daṅ | khaṅ pa brtsegs pa dag go || (265b1) thams cad g-yogs śiṅ phal cher bskor ba ni sgo bcu pa dag sgo bcu gñis pa dag go || phar cher g-yogs śig thams cad bskor ba ni khyams ṅos bźi pa dag go || phal cer g-yogs śiṅ phal cher bskor ba ni khyams ṅos gsum pa daṅ || ’khor gyi khyams (2) dag go || ñal na źes bya bya ba ni mtshan mo glos phab ste ñal na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || (3) gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed paste | des na ltuṅ byed do || źes gsuṅs so || de la ltuṅ bar ji ltar ’gyur źe na | dge sloṅ bar khaṅ na ñal źig bud med kyi yul ’og khaṅ na ñal na (4) dge sloṅ des skas bsdu bar bya ba’am | sgo gtan pas gcad par bya ba’am | sruṅ ba dge sloṅ gźag par bya’o | skas sdud par mi byed dam | sgo gtan pas gcod par mi byed dam | sruṅ ba dge sloṅ ’jog par ma byed na ji srid skya reṅs ma śar gyi bar du ñes byas (5) su ’gyur la | skya reṅs śar na ltuṅ byed du ’gyur ro || dge sloṅ steṅ khaṅ na ñal źiṅ bud med kyi yul bar khaṅ na ñal na dge sloṅ des skas bsdu par bya ba’am | sgo gtan pas gcad par bya ba’am | sruṅ ba dge sloṅ gźag par bya’o || skabs sdud par mi byed dam | (6) sgo gtan pas gcod par mi byed dam | sruṅ ba dge sloṅ ’jog par mi byed na ji srid du skye raṅ ma śar gyi bar du nes byas du ñes byas su ’gyur la | skya reṅs śar nas ltuṅ byed du ’gyur ro || dge sloṅ bar khaṅ na ñal źiṅ bud med kyi yul steṅ khan na nal na dge sloṅ des (7) skas bsdu bar bya ba’am | sgo gtan pas gcad par bya ba’am | sruṅ ba dge sloṅ gźag par bya’o || skas sdud par mi byed dam | sgo gtan pas gcod par mi byed dam | sruṅ ba dge sloṅ ’jog par byed na ji srid du skya reṅs ma śar gyi bar du ñes byas (266a1) su ’gyur la | skya reṅs śar na ltuṅ byed du ’gyur ro || dge sloṅ ’og khaṅ na ñal źiṅ bud med kyi yul bar kaṅ na ñal na dge sloṅ des skas bsdu bar bya ba’am | sgo gtan pas bcad par bya ba’am | sruṅ ba dge sloṅ gźag par bya’o || skas sdud (2) par mi byed dam | sgo gtan pas gcod par mi byed dam | sruṅ ba dge sloṅ ’jog par mi byed na ji srid du skya reṅs ma śar gyi bar du ñes byas su ’gyur la | skya reṅs śar na ltuṅ byed du ’gyur ro || dge sloṅ gnas khaṅ na ñal źiṅ bud med kyi yul khyams na ñal (3) na dge sloṅ des sgo gtan pas gcad par bya ba’am | sruṅ ba dge sloṅ gźag par bya’o || sgo gtan pas gcod par mi byed dam | sruṅ ba dge sloṅ ’jog par mi byed na | ji srid du skya reṅs ma śar gyi bar du nes byas su ’gyur la | skya reṅs śar na ltuṅ byed du (4) ’gyur ro || dge sloṅ khyams na ñal źiṅ bud med kyi yul gnas khaṅ na ñal na dge sloṅ des sgo phyi rol nas gcad par bya ba’am | sruṅ ba dge sloṅ gźag par bya’o || sgo phyi rol nas gcod par mi byed dam | sruṅ ba dge sloṅ ’jog par mi byed ni ji srid du skya (5) reṅs ma śar gyi bar du ñes byas su ’gyur la | skya reṅs śar na ltuṅ byed du ’gyur ro || dge sloṅ sgo khaṅ na ñal źiṅ bud med kyi yul baṅ rim na ñal na | dge sloṅ des sgo naṅ nas gcad par bya ba ’am | sruṅ ba dge sloṅ gźag par bya’o || sgo naṅ nas gcod par mi (6) byed dam | sruṅ ba dge sloṅ ’jog par mi byed na ji srid du skya reṅs ma śar gyi bar du ñes byas su ’gyur la | skya reṅs śar na ltuṅ byed du ’gyur ro || dge sloṅ baṅ rim du ñal źiṅ bud med kyi yal sgo khaṅ na ñal na dge sloṅ des sgo phyi rol nas bcad par bya ba’am | (7) sruṅ ba dge sloṅ gźag par bya’o || sgo phyi rol nas gcod par mi byed dam | sruṅ ba dge sloṅ ’jog par mi byed na ji srid du skya reṅs ma śar gyi bar du ñes byas su ’gyur la | skya reṅs śar na ltuṅ byed du ’gyur ro || khyim thab kyis bsruṅs na ltuṅ ba med do || (266b1) dge sloṅ ba laṅ gi lhas sam | phyugs lhas su ñal na dge slog des phyogs de re lde dag gam | seg dag gam | yol ba dag gis bskor bar bya ba’am | sruṅ ba dge sloṅ gźag par bya’o || phyogs de re lde dag gam | seg dag gam | yol ba dag gis bskor bar (2) mi byed dam | sruṅ ba dge sloṅ ’jog par mi byed na ji srid du skya reṅs ma śar gyi bar du ñes byas su ’gyur la | skya reṅs śar na yaṅ ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ || tshor ba dag gis ñen pa la ltuṅ ba med do || (3) dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa tshe daṅ ldan pa ma ’gags pas las ci źig bgyis na las de’i rnam par smin pas phyug pa || nor maṅ ba | loṅs spyod che ba’i khyim du skyes śiṅ bcom ldan (4) ’das kyi bstan pa la rab tu byuṅ nas ñon moṅs pa thams cad spaṅs pas dgra bcom pa ñid mṅon sum du bgyis te | des gdul ba’i bya ba de sñed bgyis | bcom ldan ’das kyis bka’ stsal pa | dge sloṅ dag rigs kyi bu ma ’gags pa ñid kyis las tshogs rñed pa | rkyen (5) yoṅs su bsgyur ba | ’od pa bźin du ñe bar gnas pa | gdon mi za bar ’gyur ba dag byas śiṅ bsags pas ma ’gags pa ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni (6) phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur | rluṅ gi khams la mi ’gyur gyi | ’di ltar las dge ba daṅ | mi dge ba byas śig bsags pa dag ni zin pa’i phuṅ po daṅ | khams daṅ | skye mched (7) dag la rnam par smin par ’gyur te | las rnams bskal ba brgyar yaṅ ni || chud mi za ba’aṅ tshogs daṅ dus || rñed na lus can rnams la ni || ’bras bu dag tu ’gyur ba ñid || dge sloṅ dag sṅon byuṅ ba bskal pa chen po bzaṅ po ’di ñid la skye dgu’i tshe lo ñi khri thub pa (267a1) na ston ba de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu gdul ba’i kha lo sgyur ba bla na med pa | lha daṅ mi rnams kyi ston pa saṅs rgyas (2) bcom ldan ’das ’od sruṅ ’jig rten du byuṅ ba na ’di de’i bstan pa la rab tu byuṅ bar gyur nas ri brags śig na gtsug lag khaṅ źig yod pa de na ’di źal ta byed par gyur ciṅ | de lhan cig gnas pa daṅ | ñe gnas kyaṅ lṅa brgya yod | ri brags de na gnas pa’i skye bo’i (3) tshogs kyaṅ phal cher de la mṅon par dad do || dus gźan źig na de na bar gyur nas | de la lhan cig gnas pa daṅ || ñe gnas dag gis dris pa | mkhan po khyod kyis yon tan gyi tshogs ’ga’ źig thob pa mchis sam || des smras pa | ’ga’ yaṅ med do || (4) mkhan pos smon lam ji ltar btab || kho bos bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs (5) pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa || ’jig rten mkhyen pa | skyes bu ’dul ba’i kha lo sgyur pa bla na med pa | lha daṅ mi rnams kyi ston pa saṅs rgyas bcom ldan ’das śākya thub pa źes bya (6) bar ’gyur ro || źes ṅas bar skal ba daṅ ldan pa ñid du luṅ bstan pa de’i gsuṅ rab la bdag rab tu byuṅ nas ñon moṅs pa thams cad spaṅs pas dgra bcom pa ñid mṅon sum du byed par gyur cig ces smon lam btab bo || de dag gis smras pa | bdag cag (7) kyaṅ mkhan po la brten te bcom ldan ’das de’i gsuṅ rab la rab tu byuṅ nas ñon moṅs pa thams cad spaṅs pas dgra bcom pa ñid mṅon du bgyid bar gyur cig ri brags de na gnas pa’i skye bo’i tshogs des de ltar ’phags pa na’o źes thos nas de dag de’i (267b1) gan du soṅ ste dris pa | ’phags pas yon tan gyi tshogs ’ga’ źig thob pa mchis sam | ’ga’ yaṅ med do || ’phags pas smon lam ji ltar btab | kho bos bcom ldan ’das ’das de bźin gśegs pa dgra bcom pa yaṅ dag par rdzogs pa’i saṅs rgyas ’od sruṅ (2) gi bram ze’i khye’u bla ma la bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul (3) ba’i kha lo sgyur ba bla na med pa | lha daṅ mi rnams kyi ston pa saṅs rgyas bcom ldan ’das śākya thub pa źes bya bar ’gyur ro źes ṅes par skal ba daṅ ldan pa ñid du luṅ bstan pa de’i gsuṅ rab la bdag rab tu byuṅ nas ñon moṅs pa thams cad spaṅs pas dgra bcom pa ñid mṅon (4) du byed par gyur cig ces smon lam btab po || de dag gis smras pa | bdag cag kyaṅ ’phags pa la brten te bcom ldan ’das de’i gsuṅ rab la bden pa dag mthoṅ bar gyur cig | dge sloṅ dag de’i tshe de’i dus na dge sloṅ źal ta byed par gyur pa gaṅ yin pa (5) de ni ma ’gags pa ’di yin te | ’dis der chos daṅ ldan pas źal ta byas pa’i las de’i rnam par smin pas ni phyug pa | nor maṅ ba | loṅs spyod che ba’i khyim du skyes śiṅ ṅa’i bstan pa la rab tu byuṅ nas ñon moṅs pa thams cad spaṅs pas dgra bcom pa ñid mṅon (6) du byas so || de’i tshe de’i dus na de’i lhan cig gnas pa daṅ | ñe gnas lṅa brgya po gaṅ dag yin pa de dag ni dge sloṅ lṅa brgya po ’di dag yin te | ’di dag gis der smon lam de skad btab pa’i dbaṅ gis da ltar ma ’gags pa la brten te ṅa’i bstan pa la rab tu byuṅ nas (7) ñon moṅs ba thams cad spaṅs pas dgra bcom pa ñid mṅon sum du byas so || de’i tshe de’i dus na ri brags de na gnas pa’i skye bo’i tshogs gaṅ dag yin pa de dag ni da ltar ri brags na gnas pa’i skye bo’i tshogs ’di dag yin te | ’di dag gis der smon lam de skad (268a1) btab pa’i dbaṅ gis da ltar ma ’gags pa la brten te ṅa’i gsuṅ rab la bden pa dag mthoṅ bar gyur to || btsun pa tshe daṅ ldan pa ma ’gags pas las ci źig bgyis na las de’i rnam par smin pas lha’i mig daṅ ldan par gyur | dge sloṅ dag sṅon (2) byuṅ ba bskal pa chen po bzaṅ po ’di ñid la skye dgu’i tshe lo bźi khri thub pa na ston pa de bźin gśeg pa dgra bcom pa yaṅ dag par rdzogs pa’i saṅs rgyas rig pa daṅ | źabs su ldan pa | bde bar gśegs pa | ’jig rten mkhyen pa | skyes bu gdul ba’i (3) kha lo sgyur ba bla na med pa | lha daṅ mi rnams kyi ston pa saṅs rgyas bcom ldan ’das ’khor ba ’jig rten ces bya ba ’jig rten du byuṅ ste | des saṅs rgyas kyi mdzad pa mtha’ dag mdzad nas phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las (4) ’das nas rgyal po mdzes pas de’i mchod rten rin po che sna bźi las byas pa | rgyar dpag tshad gcig pa | ’phaṅ du dpag tshad phyed pa byed du bcug nas des de la dus ston bya ba yaṅ bśams so || der dus ston la bab pa na chom rkun pa ’joms par ’dod pa lṅa (5) brgya der lcags nas de na chom rkun pa’i dmag dpon gyi lham ral nas de daṅ ha caṅ mi riṅ ba na dri gtsaṅ khaṅ ’dug pa de na mar me tshod du mi gsal bar ’bar ba chom rkun pa’i dmag dpon des mthoṅ nas de dri gtsaṅ khaṅ der źugs te ltam drub par brtsams pa na mar (6) me’i ’od tshod du mi gsal bar ’bar nas des mar me’i sñiṅ po bskul ba daṅ | mar me de śin tu ’od gsal bar ’bar bar gyur nas | ji tsam na des sku gzugs mthoṅ ṅo || mthoṅ nas kyaṅ de śin tu dad pa skyes nas des dbyig gis mchod pa byas te | bdag gi (7) dge ba’i rtsa ba ’dis bdag lha’i mig daṅ ldan par gyur cig ces smon lam btab bo || dge sloṅ dag de’i tshe da’i tshe de’i dus na chom rkun dmag dpon gaṅ yin pa de ni dge sloṅ ma ’gags pa ’di yin te | ’dis mar me’i sñiṅ po bskul ciṅ sems dad pa bskyed pa’i las (268b1) de’i rnam par smin pas lha’i mig daṅ ldan par gyur to || btsun pa tshe daṅ ldan pa ma ’phags pas las ci źig bgyis na las de’i rnam par smin pas bcom ldan ’das kyis lha’i mig can rnams kyi mchog tu bstan | dge sloṅ dag de yaṅ smon lam gyi dbaṅ gis te | (2) gaṅ du smon lam btab ce na | dge sloṅ dag sṅon byu.uṅa ba bskal pa chen po bzaṅ po ’di ñid la skye dgu’i tshe lo ñi khri thub pa na ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | (3) ’jig rten mkhyen pa | skyes bu gdul ba’i kha lo sgyur ba bla na med pa | lha daṅ mi rnams kyi ston pa | saṅs rgyas bcom ldan ’das ’od sruṅ ’jig rten tu byuṅ ste de bā rā ṇa sī na draṅ sroṅ soṅ smra ba ri dgas kyi nags na ñe bar rten ciṅ bźugs so || de’i bstan pa la (4) ’di rab tu byuṅ nas dge sloṅ gaṅ gis de rab tu phyuṅ ba’i dge sloṅ de de bźin gśegs pa yaṅ dag par rdzogs pa’i saṅs rgyas ’od sruṅ gis lha’i mig can rnams kyi mchog tu bstan to || de na ’dis tshe ji srid par tshaṅs par spyod pa spyad na yon tan gyi tshogs (5) ’ga’ yaṅ ma thob nas de’i ’og tu ’chi ba’i tshe smon lam ’di skad ces bdag gis bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas yon gnas bla na med pa ’od sruṅ la tshe ji srid par tshaṅs par spyod pa spyad na yon (6) tan gyi tshogs ’ga’ yaṅ ma thob ste | bdag gis tshe ji srid par tshaṅs par spyod pa spyad pa’i dge ba’i rtsa ba ’dis bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la (7) bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo (269a1) sgyur ba bla na med pa | lha daṅ mi rnams kyi ston pa saṅs rgyas bcom ldan ’das śākya thub pa źes bya bar ’gyur ro źes ṅes pa ñid du luṅ bstan pa de’i bstan pa la bdag rab tu byuṅ nas ñon moṅs pa thams cad spaṅs pas dgra bcom pa ñid mṅon du byed (2) ciṅ | ji ltar mkhan po ’di bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas ’od sruṅ gis lha’i mig can rnams kyi mchog tu bstan pa de bźin du bdag kyaṅ bcom ldan ’das śākya thub pa | śākya ’i seṅ ge || śākya ’i rgyal (3) po’i gtso bo des lha’i mig can rnams kyi mchog tu bstan par gyur cig ces gdab par brtsams pas smon lam de’i dbaṅ gis da ltar de bźin gśegs pas lha’i mig can rnams kyi mchog tu bstan to || dge sloṅ dag de ltar na las gcig tu gnag pa rnams kyi (4) rnam par smin pa ni gcig tu gnag pa yin la | las gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa rnams daṅ (5) ’dren ma rnams spaṅs te las gcig tu dkar ba rnams la brtsal bar bya ste | dge sloṅ dag de ltar khyod kyis bslab par bya’o || bud med daṅ lhan cig ñal ba’i ltuṅ byed de drug bcu rtsa lṅa pa rdzogs so || ||

.