de dag ni gsum gyis (5) sogs par byed de sbrul khas sdigs pa dag daṅ | rgyal po’i sman pa dag daṅ | kha luṅs pa’i ya ba na dag gis so || ji ltar sbrul khas sdigs pa dag gis śe na | ’di ltar sbrul khas sdigs pa dag sbrul la brten te ’tsho bar byed pa ste | de ltar sbrul khas sdigs pa dag (6) gis so || ji ltar rgyal po’i sman pa dag gis śe na | ’di ltar rgyal po’i sman pa dag pad pa la brten te ’tsho bar byed pa ste | de ltar rgyal po’i sman pa dag gis so || ji ltar kha luṅs pa’i ya ba dag gis śe na | ’di ltar kha luṅs pa’i ya ba na dag srog chags dri’u srin (7) dag bag bye son bar byed | sa ’byin par byed ciṅ sla ṅa ma rṅod par byed de de dag de ’cha’ źiṅ myos par ’gyur ba’i btuṅ ba rnam pa du ma ’thuṅ bar byed de || de ltar kha luṅs pa’i ya ba na dag gis so || dge sloṅ gi srog chags rkaṅ med dag rku bar byed na | srog chags (88a1) rkaṅ med dag gi rin thaṅ brtsi bar bya źiṅ dṅos po tshaṅ na pham par ’gyur la | dṅos po ma tshaṅ na ños pa sbam por ’gyur ro || rkaṅ gñis źes bya ba ni mi rnams daṅ | bya kha cig go || mi rnams ni rnam pa gsum gyis rku ste | yul phyogs daṅ | brda daṅ | (2) mtshan mas so || ji ltar yul phyogs kyis śe na | gaṅ gi tshe kho bo skyed mos tshal lam | ’dun sa’am | lha’i gnas che ge mo źig tu mthoṅ ba de’i tshe khyod kyis bya ba de byas par śes par gyis śig ces bya ba ste | de ltar yul phyogs kyis so || ji ltar brdas śe na | (3) gaṅ gi tshe kho bo sṅa dro ’am | guṅ tshigs sam | phyi ’bred mthoṅ ba de’i tshe khyod kyis bya ba de byas par śes par gyis śig ces bya ba ste | de ltar brdas so || ji ltar mtshan mas śe na | gaṅ gi tshe kho bo skra daṅ | kha spu bregs nas riṅ por ma lon pa’am | snam sbyar dmar ser (4) ram | źa ñe’i dbyar ’dab kyis glan pa’i lhuṅ bzed dam | khar ba sbubs can nam | źun mar gyi lhuṅ bzed dam | ’bru mar gyi lhuṅ bzed dam | sbroṅ rtsi’i lhuṅ bzed dam | bu ram gyi dbu ba’i lhuṅ bzed thogs par mthoṅ bde’i tshe khyod kyis bya ba de byas par śes par gyis (5) cig ces bya ba ste | de ltar mtshan mas so || dge sloṅ gis mi rku bar byed na mi’i rin thaṅ brtsi bar bya źiṅ dṅos po tshaṅ na pham par ’gyur la | dṅoṅs po ma tshaṅ na ñes pa sbom por ’gyur ro || bya ni rnam pa gñis kyis rku ste | sbar ba daṅ | mṅon sum du babs pas (6) so|| ji ltar sbar bas śe na | ’di ltar dge sloṅ gis bya sbar te rku bar byed na bya’i rin thaṅ brtsi bar bya źiṅ dṅos po tshaṅ na pham par ’gyur la | dṅos po ma tshaṅ na ñes pa sbom por ’gyur ro || de ltar sbar bas so || ji ltar mṅon sum du babs pas śe na | ’di ltar (7) bya ba’am | bya ba’i slob ma mkhas pa źig gis bya druṅs dbyuṅ ba’i phyir daṅ | chud gzan par bya ba’i phyir daṅ | tshul ma yin pas sdug bsṅal bar bya ba’i phyir nags mes btaṅ bar gyur ciṅ de na bya kha cig du bas khyab ciṅ ’khrugs par gyur nas | dge sloṅ rnams (88b1) kyi ’chags dag tu babs sam | dgar dag gam | sgo khaṅ dag tu babs par gyur pa na | dge sloṅ gis de ltar babs pa’i bya rku bar byed na | bya’i rin thaṅ brtsi bar bya źiṅ dṅos po tshaṅ na pham par ’gyur la | dṅos po ma tshaṅ na ñes pa sbom por ’gyur te | de ltar (2) mṅon sum du babs pas so || || ’dul ba rnam par ’byed pa | bam po drug pa | rkaṅ bźi pa źes bya ba ni glaṅ po che daṅ | rta daṅ | rṅa mo daṅ | ba laṅ daṅ | boṅ bu daṅ | ra daṅ | ma he daṅ | phag dag go || de dag ni rnam pa gñis (3) kyis rku ste | khyu nas dgar ba daṅ | brtod pas so || ji ltar khyu nas dgar bas śe na | dge sloṅ gis glaṅ po che khyu nas dgar bas rku bar byed na | ji srid mig sṅar snaṅ ba de srid du ñes pa sbom por ’gyur la | mig sṅar mi snaṅ bar gyur na brkus par brjod par bya ste | rin (4) thaṅ brtsi bar bya źiṅ dṅos po tshaṅ na pham par ’gyur la | dṅos po ma tshaṅ na ñes pa sbom por ’gyur te | de ltar khyu nas dgar bas so || ji ltar brtod pas śe na | dge sloṅ gis glaṅ po che brtod pa sna tshogs śiṅ ljon pa’am | rtsig pa’am | gźan dag la brtod par byed na (5) ji srid mig sṅar snaṅ ba de srid du ñes pa sbom por ’gyur ro || mig sṅar mi snaṅ bar gyur na brkus par brjod par bya ste | rin thaṅ brtsi bar bya źiṅ dṅos po tshaṅ na pham par ’gyur la | dṅos po ma tshaṅ na ñes pa sbom por ’gyur te | de ltar brtod pas so || glaṅ po che (6) la ji lta ba bźin du rtal sogs pa rkaṅ bźi pa lhag ma rnams la yaṅ de bźin no || rkaṅ maṅs źes bya ba ni grog mo daṅ | phye ma leb daṅ | til daṅ | phub ma daṅ | rul pa za ba daṅ | sdig pa daṅ | t+ya ma bu ka daṅ | tre’i la ta dag go || de dag ni gsum gyis (7) sogs par byed | de gnod byed dag daṅ | groṅ khyer sruṅ ba’i sna chen po la gtogs pa dag daṅ | rgya mtsho’i tshoṅ pa dag gis so || ji ltar gnod byed dag gis śe na | ’di ltar gnod byed dag gis srog chags rkaṅ maṅs dag gis bum pa so btaṅ ba bkaṅ ste | (89a1]’jog par byed ciṅ de dag gis gaṅ gi tshe chad pas gcad pa dag khrid de | de dag gi rkaṅ pa’am | lag pa bum pa de dag gi naṅ du ’dzud par byed ciṅ | de dag de dag gis zin pa na myur du dbya daṅ | gsug maṅ po ’jal bar byed de | de ltar gnod byed [(2) dag gis so || ji ltar groṅ khyer sruṅ ba’i sna chen po la gtogs pa dag gis śe na | ’di ltar groṅ khyer sruṅ ba’i sna chen po la gtogs pa dag gis srog chags rkaṅ mkhas dag gis bum pa so ma btaṅ ba bkaṅ ste | ’jog par byed ciṅ de dag gis gaṅ gi tshe pha rol gyi dpuṅ (3) ’oṅ bde’i tshe de daṅ lhan cig g-yul sprod par byed pa na | gal te de dag gis ’joms par nus na de lta na legs | gal te mi nus na srog chags rkaṅ maṅs dag gis bkaṅ ba’i bum pa som btaṅ bar ba la gnas pa ’phen par byed ciṅ de dag srog chags rkaṅ maṅs (4) dag gis zin pa na ’byed bar ’gyur te | de ltar groṅ khyer sruṅ ba’i sna chen po la gtogs pa dag gis so || ji ltar rgya mtsho’i tshoṅ pa dag gis śe na | ’di ltar rgya mtsho’i tshoṅ pa dag gis srog chags rkaṅ maṅs dag gis bum pa som btaṅ ba bkaṅ ste | rgya mtsho’i (5) gru sbyar nas nos sgrub pa dag rgya mtsho chen po rgal ba na der de dag la chom rkun pa rtags mtshan sṅon po’am | nag po can ṅag ’oṅ źiṅ | gru ’joms par byed pa na tshoṅ pa dag gis de dag daṅ | lhan cig g-yul sprod par byed pa na | gal te de dag gis ’joms (6) bar byed nus na de lta na legs | gal te mi nus na srog chags rkaṅ maṅs dag gis bkaṅ pi bum pa so ma btaṅ ba ’phen par byed ciṅ | de dag srog chags rkaṅ maṅs dag gis zin pa na | ’byer bar ’gyur te | de ltar rgya mtsho’i tshoṅ pa dag gis so || dge (7) sloṅ gis srog chags rkaṅ maṅs dag rku bar byed na | srog chags rkaṅ maṅs dag gi rin thaṅ brtsi bar bya źiṅ dṅos po tshaṅ na pham par ’gyur la | dṅos po ma tshaṅ na ñes pa sbom por ’gyur ro || ||

.