saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan (2) yod na dge sloṅ gdol ba daṅ bag rdzaṅs can źes bya ba gtam ’dre ba | phebs par smra ba | ’grogs bśes | smos ’drin gnas skabs mñam par spyod pa gñis śig ’khod de || de la gdol pa ni grags pa daṅ | bsod nams che ba yin mod kyi lus chuṅ ste | de la lhuṅ (3) bzed daṅ | chos gos daṅ | dra ba daṅ | phor bu daṅ | ska rags lhag pa dag yod do || bag rdzaṅs can ni lus che ba yin mod kyi grags pa daṅ | bsod nams chuṅ ste | chos gos gsum lhur len ciṅ de’i chos gos gsum ṅan ciṅ snam sbyar yaṅ yoṅs su rñiṅs (4) pa yin no || dge sloṅ rnams kyis bag rdzaṅs can la smras pa | tshe daṅ ldan pa khyod te por ’dod pa chuṅ bar gyur na | ci’i phyir bdag ñid gcer bur ston par byed | ci rñed pas sam | ma rñed pas | bag rdzaṅs can gyis smras pa | ma rñed pas so || ci’i phyir sbyor du mi (5) ’dzud | saṅs rgyas daṅ | chos daṅ | dge ’dun spaṅs te | su źig kho bo la sbyin par byed | dge sloṅ gdol pa de khyod kyi gtam ’dre ba | phebs par smra ba | ’grogs pa śes | smos ’drin yin la | de la lhuṅ bzed daṅ | chos gos daṅ | dra ba daṅ | phor (6) bu daṅ | ska rags lhag pa dag yod na ci’i phyir de la mi sloṅ | bag rdzaṅs can gyis smras pa | mi ster ro || ci khyod kyis sṅon lan ’ga’ bslaṅs sam | lan ’ga’ yaṅ ma bslaṅs so || ci chu’i sgra kho nas lham dag ’bud par byed dam | soṅ la sloṅs śig daṅ ster ro || (7) bag rdzaṅs can de dge sloṅ de dag gis spro bar byas nas gdol pa’i gan du soṅ ba ba daṅ | gdol pa med nas bag rdzaṅs can gyis gdol pa ni lus chuṅ ba yin bas je ’di’i chos gos gźal bar bya ste | gal te bdag gi lus kyi tshad du ’gyur na bslaṅ bar bya’i | gal | (90a1) te mi ’gyur na ci’i phyir de drin bgraṅ du gźug par bya sñam du bsams nas | bag rdzaṅs can gdol pa’i gnas khaṅ du źugs te snam sbyar blta bar brtsams pa daṅ | ji tsam na chos gos kyi gdaṅ la snam sbyar dmar ser ’dug pa mthoṅ nas | bag rdzaṅs (2) can gyis phog ste | gyon źiṅ bsñams nas | ṅos daṅ ṅos la rtog par byed pa na gdol pa ’oṅs te mthoṅ ma thag tu smras pa | tshe daṅ ldan pa khyed kyis snam sbyar ’di rku sems kyis blaṅs so || bag rdzaṅs can gyis smras pa | tshe daṅ ldan kho bos rku sems kyis ma (3) blaṅs te | ’di ltar kho bo la gdol pa ni lus chuṅ ba yin pas je ’di’i chos gos gźal bar bya ste | gal te bdag gi lus kyi tshad du ’gyur na bslaṅ bar bya’i | gal te mi ’gyur na yo byad don med pa ’di ci bya sñam pa’i blo skyes so || gdol pas smras pa | tshe daṅ ldan pa (4) ci’i phyi.ira gźan nas gźud ’phro bar byed | khyod kyis rku sems kyis blaṅs pas khyod la pham par ’gyur ba’i ltuṅ ’byuṅ ṅo || bag rdzaṅs can bdag la pham par ’gyur ba’i ltuṅ ba ma byuṅ ṅam sñam du ’gyod pa skyes nas | des skabs de dge sloṅ rnams la brjod do || dge (5) sloṅ rnams kyis bcom ldan ’das la gsol pa daṅ | saṅs rgyas bcom ldan ’das kyis dge sloṅ de la rmas pa | dge sloṅ khyod kyis bsam pa ji lta bus snam sbyar de bgos | bag rdzaṅs can gyis ji ltar gyur pa bcom ldan ’das la gsol pa daṅ | bcom ldan ’das (6) kyis bka’ stsal pa | dge sloṅ dag dge sloṅ dpyod pa’i bsam pa can ’di la ni ltuṅ ba med de | yaṅ dge sloṅ gis yid gcugs pa ma yin pa la yid gcugs pa bskyed par mi bya’o || ’di ltar mdza’ bśes ni gsum ste | tha ma daṅ | ’briṅ daṅ | cen po’o || de la (7) mdza’ bśes tha la ni yid gcugs pa chuṅ du bya’i | ’briṅ yaṅ mi bya | chen po yaṅ mi bya’o || mdza’ bśes ’briṅ la ni yid gcugs pa chuṅ du daṅ || ’briṅ bya’i chen po mi bya’o || mdza’ bśes chen po la ni yid gcugs pa chuṅ du daṅ | ’briṅ daṅ | chen po (90b1) yaṅ bya’o | dge sloṅ gis yid gcugs pa ma yin pa la yid gcugs pa skyed par byed na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na dge sloṅ mtshan (2) bzaṅs daṅ | nor gyis byin źes bya ba gtam ’dre ba | phebs par smra ba | ’grogs bśes smos ’drin mtshuṅs par ’don pa gñis śig ’khod de | mtshan bzaṅs kyi lhuṅ bzed ni mdzes pa | gsal ba | zlum pa | loṅs spyad bzod pa yin la | nor gyis byin gyi lhuṅ (3) bzed chuṅ du yaṅ mdzes pa | gsal ba | zlum pa | loṅs spyad bzod pa yin no || de gñis dus gźan źig na zas kyi bya ba byas te | ’chags na lhuṅ bzed ’khru ba’i tshe mtshan bzaṅs kyis nor gyis byin dbaṅ ba’i lhuṅ bzed chuṅ duṅ raṅ gis lhuṅ bzed du bcug ste smras (4) ba | tshe daṅ ldan pa nor gyis byin gaṅ la lhuṅ bzed daṅ lhuṅ bzed chuṅ du ’di lta bu bdog pa de ni sñiṅ las chuṅ dus dge ba’i phyogs spyod par byed do || nor gyis byin gyis smras pa | gal te thob na khyer cig | ji tsam dus gźan źig na nor gyis byin la ri brag śig tu bya ba (5) chuṅ źig byuṅ nas des smras pa | tshe daṅ ldan pa mtshan bzaṅs kho bo la ri brag śig tu bya ba chuṅ źig byuṅ na | kho bo’i bya ba de byed pa de la kho bos lhuṅ bzed chuṅ du sbyin no || mtshan bzaṅs kyis smras pa | sbyin nam | sbyin no || thabs yin no || mtshan bzaṅs kyis thabs (6) yin no || źes byas nas bdag la gźi ’dis tshaṅs pa mtshuṅs par spyod pa rnams mtshan bzaṅs ni gla rṅan gyis las byed do || źes zer bar ’gyur ro sñam nas ’gyod pa skyed te de ma soṅ ṅo || ji tsam dus gźan źig na mtshan bzaṅs la ri brag der bdag ñid kyi bya ba źig (7) byuṅ nas | des soṅ la de gñi ga byas te phyir ’oṅ ṅo sñam du bsams nas mtshan bzaṅs soṅ ste gñig byas nas phyir ’oṅs te smras pa | tshe daṅ ldan pa nor gyis byin kho bos khyod kyi dgos pa de bsgrubs kyis lhuṅ bzed chuṅ du byin cig | nor gyis byin gyis smras pa | khyed (91a1) bdag ñid kyi dgos pa la soṅ ba yin gyi | kho bo’i dgos pa la soṅ ba ma yin pas kho bos mi sbyin no || mtshan bzaṅs kyis smras pa | gal te mi sbyin na kho bo raṅ ñid kyis blaṅ bar bya’o || gal te thob na’o || ji tsam na nor gyis byin phyir byuṅ ba de na (2) mtshan bzaṅs kyis lhuṅ bzed chuṅ du blaṅs te raṅ gi lhuṅ bzed du bcug ste bźag go || je tsan na nor gyis byin ’oṅs pa na lhuṅ bzed chuṅ du mi snaṅ nas des smras pa | tshe daṅ ldan pa kho bo’i lhuṅ bzed chuṅ du sus blaṅs mtshan bzaṅs kyis smras pa | su dbaṅ bas (3) so|| su dbaṅ | kho bo dbaṅ ṅo || nor gyis byin gyis spyos te smras pa | khyod kyis rku sems kyis blaṅs pas khyod la pham par ’gyur ba’i ltuṅ ba byuṅ ṅo || mtshan bzaṅs bdag la pham par ’gyur ba’i ltu.uṅa ba ma byuṅ ṅam sñam du ’gyod pa skyes nas | des skabs (4) de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | saṅs rgyas bcom ldan ’das kyis mtshan bzaṅs la bka’ stsal pa | dge sloṅ khyed kyis bsam pa ji lta bus lhuṅ bzed chuṅ du de blaṅs | des ji ltar gyur pa bcom ldan (5) ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ raṅ gi ’du śes pas lhuṅ bzed chuṅ du blaṅs pa ’di la ni ltuṅ ba med de | yaṅ dge sloṅ gis gla rṅan gyis las mi bya bar ’di ltar lag poṅ dam | bsod nams ’doṅ bas (6) las bya’o || dge slo gis gla rṅan gyis las byed na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na dge sloṅ mi pham daṅ | zla bas sbas źes bya ba (7) gtam ’dre ba | phebs par smras pa | ’grogs bśes smos ’drin gñis śig ’khod de | zlabs sbas ni grags pa daṅ | bsod nams che ba yin te | ṅe la lhuṅ bzed daṅ | chos gos daṅ | dra ba daṅ | phor bu daṅ | ska rags lhag ba dag yod do || mi pham ni (91b1) grags pa daṅ | bsod nams chuṅ ste | chos gos gsum lhur len ciṅ de’i chos gos gsum ṅan ciṅ snam sbyar yaṅ yoṅs su rñiṅs pa yin no || dge sloṅ rnams kyis mi pham pa la smras pa | tshe daṅ ldan pa khyod de por ’dod pa chuṅ bar gyur na ci’i phyir bdag ñid gcer (2) bur ston par byed | ci rñed pas sam | ma rñed pas | mi pham gyis smras pa | ma rñed pas so || ci’i phyir sbyor du mi ’dzud | saṅs rgyas daṅ | chos daṅ | dge ’dun sbaṅs te su źig kho bo la sbyi.ina par byed | dge sloṅ zla bas sbas de khyod kyi gtam ’dre ba | phebs (3) par smra ba | ’grogs bśes | smos ’drin yin la | de la lhuṅ bzed daṅ | chos gos daṅ | dra ba daṅ | por bu daṅ | ska rags lhag pa dag yod na ci’i phyir de la mi sloṅ | mi pham gyis smras pa | mi ster ro || ci khyod kyis sṅon lan ’ga’ bslaṅs sam | lan ’ga’ (4) yaṅ ma bslaṅs so || ci’i phyir chu’i sgra go nas lham dag ’bud par byed dam | soṅ la sloṅs śig daṅ ster ro || mi pham de dge sloṅ de dag gis spro bar byas nas zla bas sbas kyi gan du soṅ ste smras pa | tshe daṅ ldan pa zla bas sbas bdag la lhuṅ bzed byin cig | zla bas (5) sbas kyis smras pa | mi sbyin no || mi pham gyis smras pa | gal te lhuṅ bzed mi sbyin na chos gos byin cig | zla bas sbas kyis smras pa | ci kho bo khyod kyis sbyin bdag mgo reg tu mthoṅ ṅam khyod la kha tshar yaṅ yoṅs su mi gtaṅ na | chos gos lta smos kyaṅ ci dgos | (6) mi pham gyis spyos te | kho bo ’di’i ’phral gyi bya ba thams cad la thog mar ’gro ba yin na | ’di de skad ces kha tshar yaṅ khyod la yoṅs su mi gtaṅ na | chos gos lta smos kyaṅ ci dgos źes zer ro sñam du bsams nas | mi pham gyis smras pa | deṅ gos thams cad ma (7) phrogs na mi pham źes bya ba’i miṅ mi gzuṅ ṅo źes mi pham de nam źig na ’di’i chos gos dag brku bar bya sñam du skabs tshol źiṅ de lhur len bźin du sdod do || ji tsam dus gźan źig na zla bas sbas la btso blag gi las ñe bar gnas par gyur ba daṅ | mi pham de zlabs sbas (92a1) kyi druṅ du soṅ ste smras pa | tshe daṅ ldan pa zla bas sbas kho bos kyaṅ grogs bya’o || zla bas sbas kyis smras pa | ma ñes kyis de bźin gyis śig | mi pham de zla bas sbas kyi chos gos dag ’tshed par byed | byi dor byed | ’dren par byed ciṅ zlog ciṅ (2) zlog ciṅ rtog par byed do || zla bas sbas kyis ’di ’di ltar lta bas bdag gi chos gos dag zlog ciṅ zlog ciṅ rtog par byed pa las na gdon mi za bar bdag gi chos gos ’di dag rku bar byed do || sñam du bsams nas zla bas sbas dogs pa daṅ bcas pas chos gos dag (3) kha ba sgyur nas gtur bur bcug ste de dag sṅas su bcug nas ñal lo || dge sloṅ dag nam gyi cha stod daṅ nam gyi cha smad la mi ñal bar sbyor ba’i rjes su brtson par spyod pas mi pham gyis smras pa | tshe daṅ ldan bzla bas sbas tshur śog | dge ba’i phyogs byed du ’doṅ | (4) zla bas sbas kyis smras pa | khyod soṅ śig kho bo ṅal bas phye bźin ’oṅ ṅo || mi pham pa tshe daṅ ldan pa śog cig ces zer te phyir byuṅ ṅo || zla bas sbas kyis gal te ’gro na ni chos gos dag rlag par ’gyur | ’on te mi ’gro na ni bdag gi dge ba’i phyogs yoṅs su ñams (5) par ’gyur na | gaṅ gi phyir bdag gi chos gos dag kyaṅ rlag par mi ’gyur la | dge ba’i phyogs kyaṅ ñams par mi ’gyur ba’i thabs ci yod sñam du sems śiṅ rig nas | bdag ñid kyi gtub bu mi pham gyi sṅas su bcug ste | mi pham dbaṅ ba’i gtur bu bdag (6) ñid kyi sṅas su bcug nas ñal lo || dge sloṅ dag gis nam gyi cha smad la kha ton bya bar brtsams pa daṅ | zla bas sbas kyis mi pham la smras pa | tshe daṅ ldan pa mi pham loṅs la dge ba’i phyogs spyod cig | mi pham gyis smras pa | kho bos dge ba’i phyogs byas (7) zin gyi | da khyod soṅ la dge ba’i phyogs spyod cig | kho bo ṅal ba ṅal ba sos so źes zla bas sbas dge ba’i phyogs kyi ched du soṅ so || mi pham gyis re źig dus ni snaṅ na lam gyi dus yin nam ma yin sñam du bsams nas | dus bzaṅ po mthoṅ ba daṅ | de zla (92b1) bas sbas kyi sṅas nas bdag ñid kyi gtur bu khyer te soṅ ṅo || ji tsam na mtshan mo nam naṅs par gyur pa daṅ | des re źig chos gos ci ’dra ba dag gis bdag pham par gyur pa’i ltuṅ ba byuṅ blta’o sñam du bsams nas | ji tsam na bdag ñid kyi rñaṅ rñiṅ dag (2) mthoṅ nas yid mi bde bar gyur te | bdag ñid kyi chos gos dag kho nas bdag pham par gyur gyis lcags kyi thu lum ’cha’ bas ci bya | phyir ’babs par bya’o sñam mo || des yaṅ je bcom ldan ’das kyi spyan sṅar ’gro bar byas te | gal te skal ba yod par (3) gyur na ni bcom ldan ’das kyi druṅ du tshaṅs par spyod pa spyad par bya’o || ’on te skal ba med na ni phyir ’babs so sñam du bsams nas | de bcom ldan ’das ga la ba der soṅ ṅo || de’i tshe na bcom ldan ’das dge sloṅ brgya phrag du ma’i ’khor gyi mdun chos ston (4) ba’i phyir bźugs śiṅ chos ston to || bcom ldan ’das kyis tshe daṅ ldan pa mi pham thag riṅ po kho na nas gzigs so || gzigs nas kyaṅ dge sloṅ rnams la bka’ stsal pa | dge sloṅ dag khyed kyis thag riṅ po kho na nas ’oṅ ba’i dge sloṅ de mthoṅ ṅam | btsun (5) pa mthoṅ ṅo || dge sloṅ dag mi pham mi gti mug can ’di ni raṅ gi chos gos rñaṅ rñiṅ dag gis ñes pa sbom po’i ltuṅ ba byuṅ ṅo || dge sloṅ dag de ltar rku sems la ni ñes dmigs ’di daṅ gźan dag kyaṅ yod pas de’i phyir dge sloṅ gis rku sems kyis raṅ gi lhuṅ (6) bzed daṅ | chos gos kyaṅ blaṅ bar mi bya’o || dge sloṅ gis rku sems kyis raṅ gi lhuṅ bzed daṅ chos gos len na ñes pa sbom por ’gyur ro || ||

.