saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na dge sloṅ ma śar nas skyes pa daṅ | lho nas skyes pa gñis śig ’dug ste | śar nas (93a1) skyes pa ni mdun du ’gro ba’i dge sloṅ ma yin | lho nas skyes pa ni phyi bźin ’braṅ ba’i dge sloṅ ma yin no || de gñis bcom ldan ’das kyi źabs la phyag ’tshal źiṅ sbyan sṅar soṅ nas | bcom ldan ’das kyi źabs gñis la mgo bos phyag (2) ’tshal te mtha’ gcig tu ’khod do || bcom ldan ’das kyis de gñis la chos bstan nas | de gñis bcom ldan ’das kyi źabs la phyag ’tshal te doṅ ba daṅ | śar nas skyes pa mdun du ’gro ba de’i snam sbyar phrag pa la gyon pa ’phyaṅ bar gyur nas | lho nas skyes (3) ba phyi bźin ’oṅ bas smras pa | ’phags ma a ba sa ṭha a ba sa ṭha | śar nas skyes pa de chos kyi śugs thob pas mi sems pas | snam sbyar ltuṅ bar gyur nas | lho nas skyes pas blaṅs te | des ’di ltar bdag gis da phul na | ’phags ma’i dge ba’i phyogs (4) yoṅs su ñams par ’gyur bas dbyar khaṅ du phyin nas dbul bar bya’o sñam du bsams nas | de gñis dbyar khaṅ du son pa daṅ | śar nas skyes pa myur ba myur ba kho nar gtsug lag khaṅ gi phyi rol du rkaṅ pa gñis bkrus nas gtsug lag khaṅ du źugs (5) te skyil mo kruṅ phyed kyis ’dug go || lho nas skyes pas gal te phul na ñes dmigs de kho na bstabs par ’gyur bas re źig phyis laṅs pa la dbul lo sñam du bsams nas | des snam sbyar de raṅ gi gnas khaṅ du khyer te chos gos kyi gdaṅ la bźag go || (6) ji tsam ñi ma gźan źig na mtshan mo nam naṅs pa daṅ | śar nas skyes pas smras pa | gźon nu ma snam sbyar khyer śog | bsod sñoms la ’gro’o || gźon nu ma de gnas khaṅ du źugs te | chos gos kyi gdaṅ la bltas pa daṅ | snam sbyar ma mthoṅ (7) nas des smras pa | ’phags ma snam sbyar ma mchis so || śar nas skyes pas smras pa | lho nas skyes pa’i gnas khaṅ du ltos śig | gźon nu ma de lho nas skyes pa’i gnas khaṅ du źugs pa daṅ | chos gos kyi gdaṅ la snam sbyar bźag pa mthoṅ ṅo || (93b1) mthoṅ nas kyaṅ sus ’phags ma’i snam sbyar ’di ’dir khyer sñam du sems so || lho nas skyes pas thos nas des smras pa | kho mos khyer te ’oṅs so || ci’i phyir lho nas skyes pas ji ltar gyur pa de la go bar byas so || dge sloṅ ma de de ma naṅ daṅ bcas pas (2) gśe źiṅ smras pa | khyod kyis rku sems kyis raṅ gi gnas khaṅ du bcug ste | bźag pas khyod la pham par ’gyur ba’i ltuṅ ba byuṅ ṅo || lho nas skyes pa’i dge sloṅ ma de bdag la yaṅ dag pa kho nar pham par ’gyur ba’i ltuṅ ba ma byuṅ ṅam sñam du ’gyod (3) pa skyes nas des skabs de dge sloṅ ma rnams la brjod pa daṅ | dge sloṅ ma rnams kyis dge sloṅ rnams la brjod nas | dge sloṅ rnams kyis bcom ldan ’das la gsol pa daṅ | saṅs rgyas bcom ldan ’das kyis dge sloṅ ma de la rmas pa | dge sloṅ mkhyod (4) kyis a ba sa ṭha źes brjod pa ci’i tha tshig | btsun pa yul dbus na nar pa daṅ | lhuṅ ba gaṅ lags pa de la bdag cag a ba sa ṭha źes mchis so || bcom ldan ’das kyis bka’ stsal pa | dge sloṅ dag dge sloṅ ma ’di la ni skad kyi ṅes pa’i tshig daṅ | (5) yum gyi ṅes pa’i tshig daṅ | ljoṅs kyi ṅes pa’i tshig gis ltuṅ ba med mod kyi | ’on kyaṅ ñes dmigs gaṅ yin pa de thams cad gźan gyi dṅos po lhuṅ ba yun riṅ du ’chaṅ ba las gyur pa yin pas de lta bas na dge sloṅ ṅam | dge sloṅ mas gźan (6) gyi dṅos po lhuṅ ba yun riṅ du bcaṅ bar mi bya ste | ’chaṅ na ’gal tshabs can du ’gyur ro || bcom ldan ’das kyis dge sloṅ ṅam dge sloṅ mas gźan gyi dṅos po lhuṅ ba yun riṅ du bcaṅ bar mi bya’o źes gsuṅs nas | dge sloṅ źig gis gźan gyi (7) dṅos po lhuṅ ba mthoṅ nas ’di dge sloṅ che ge mo źig gi yin no źes ṅo śes nas dge sloṅ de’i gnas khaṅ du soṅ ste dal bus khad kyis khad kyis sgo gtan la brduṅs pa daṅ | dge sloṅ de tiṅ ṅe ‘dzin las laṅs nas smras pa | ’di su | des smras pa | tshe daṅ ldan (94a1) pa khyod kyi dṅos po lhuṅ ba ’di kho bos mthoṅ gis loṅ śig | des smras pa | tshe daṅ ldan pa kho bo la dṅos po de ma byin par len pa dag gis brkus par gyur pa ni bla’i || kho bo khyod kyis tiṅ ṅe ‘dzin gyi mtshan ma bzaṅ po ’di ’dra ba las bslaṅ ba ni (2) ma yin no || dge sloṅ de bdag la dge sloṅ tiṅ ṅe ‘dzin las bslaṅ bas lhuṅ ba daṅ bcas par ma gyur tam sñam du ’gyod pa skyes nas | des skabs de dge sloṅ rnams la brjod nas | dge sloṅ rnams kyis bcom ldan ’das la gsol pa daṅ | bcom ldan (3) ’das kyis bka’ stsal pa | dge sloṅ dag dge sloṅ de la ni ltuṅ ba med de || yaṅ dge sloṅ gis dge sloṅ don de’i phyir tiṅ ṅe ‘dzin las bslaṅ bar mi bya bar ’di ltar de’i mṅon sum du gzar thag la btags te gźag par bya’o || dge sloṅ źig gis gźan gyi dṅos (4) po lhuṅ ba mthoṅ nas des ’di dge sloṅ che ge mo źig gi yin no źes ṅo śes nas des de khyer te dge sloṅ de’i druṅ du soṅ nas | tshe daṅ ldan pa khyod kyi dṅos po lhuṅ ba ’di kho bos mthoṅ gis loṅ śig | dge sloṅ de de la naṅ daṅ bcas pa yin pas smras pa | tshe daṅ ldan pa (5) khyod kyis ’di lhuṅ ba mthoṅ ba ma yin gyi ’di ltar khyod kyis rku sems kyis brkus so || dge sloṅ de bdag ltuṅ ba daṅ bcas par ma gyur tam sñam du ’gyor pa skyes par gyur nas | des skabs de dge sloṅ rnams la brjod nas | dge sloṅ rnams kyis bcom ldan ’das la (6) gsol ba daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med mod kyi ’on kyaṅ dge sloṅ gis dge sloṅ gi yo byad lhuṅ ba mthoṅ na dge skos la gtad par bya źiṅ | dge skos kyis kyaṅ ñi ma gñis sam | gsum du dge ’dun gyi naṅ du brim (7) bar bya źiṅ gal te ṅo śes pa yod na gtad par bya’o || gal te med na dge ’dun gyis ci bder bya’o || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na dge sloṅ ma rim źes bya ba dgra bcom (94b1) pa rnam par rgyal bar bya ba las rnam par rgyal ba źig ’dug pa de la spos ’tshoṅ gi khye’u źig mṅon par dad par gyur nas | des de’i rkaṅ pa gñis la phyag ’tshal te | ’apagasa ma khyod la ci daṅ ci ’tshal ba de’i slad du bka’ stsol cig daṅ thams cad bsgyur bar bgyi’o (2) źes yo byad thams cad kyis bstabs pa daṅ | des kyaṅ bźin bzaṅs a rog gya de ltar bya’o źes daṅ du blaṅs so || ji tsam dus gźan źig na dge sloṅ ma ri ma na bar gyur nas bsod sñoms la ma soṅ źiṅ dge sloṅ ma dag bsod sñoms la źugs pa daṅ | sbos (3) ’tshoṅ gi khye’u des de dag la phyag ’tshal te smras pa | ’phags ma dag ’phags ma ri ma re źig mi gda’ na gar bźud źu’o || de dag gis smras pa | bźin bzaṅs thugs mi bde’o || des smras pa | ’phags ma de la bdag gis yo byad thams cad kyis (4) bstabs tes bdag la lan ’ga’ yaṅ cuṅ zad kyaṅ ma bslaṅs na de’i slad du gal te de la ’tshal ba ’ga’ źig mchis na spyon la snoms śig | de dag gis smras pa | bźin bzaṅ a rog gya de bźin bya’o źes smras te doṅ ṅo || des de bźin lan gsum gyi bar (5) du bstabs pa daṅ | de na gźon nu ma źig gis spos ’tshoṅ gi khye’u ’di yaṅ daṅ yaṅ du stobs par byed na | ci ’di’i yaṅ dag par stobs par byed dam | ’on te rtog pas stobs par byed pa bgam par bya’o sñam du bsams na des de la ’phags (6) ma rim la ’bru mar dgos so źes lhuṅ bzed chuṅ du phul ba daṅ | des de ñid la ’phral la btsir ba’i ’bru mar gyis lhuṅ bzed chuṅ du bkaṅ ste byin nas smras pa | ’phags ma gal te yaṅ de ’tshal bcuṅ zad mchis | spyon la snoms śig gźon nu ma des bźin (7) bzaṅs a rog gya de ltar bya’o źes smra sa te soṅ nas | des ’bru mar de dge sloṅ ma ri ma’i lag pa’i bsku mñe daṅ | rkaṅ pa’i bskru mñe daṅ | mgo daṅ lus kyi bsku mñe daṅ mar me’i ’bru mar du spyad do || ji tsam dus gźan źig na dge sloṅ ma ri ma nad sos te bsod (95a1) sñoms la źugs pa daṅ | spos ’tshoṅ gi khye’u des mthoṅ nas | des phyag ’tshal te smras pa | ’phags ma ha caṅ yun riṅ źig gis mthoṅ ṅo || des smras pa | bu bdag bro ’tshal bar gyur to || ’phags ma bdag gis yo byad thams cad (2) kyis bstabs na | khyod kyi yan lag ’ga’ yaṅ cuṅ zad kyaṅ bka’ stsal nas | ’di ltar ’phags ma gcig cig mchis te ’phags ma ri ma la ’bru mar ’tshal lo źes mchis nas | bdag gis de ñid kyi sug par ’bru mar ’phral la btsir bas lhuṅ bzed chuṅ (3) du bkaṅ ste stsal to || des smras pa | a rog gya ma noṅs so źes smras te | soṅ nas bsod sñoms brgyus te dbyar khaṅ du phyin nas smras pa | gźon nu ma khyod kyis kho mo’i miṅ gis spos ’tshoṅ gi khye’u che ge mo źig las lan gcig ’bru mar bslaṅs sam | gźon (4) nu mdes smras pa | ’phags ma bdag bsod sñoms la źugs pa na des lan gsum gyi bar du ’phags ma ri la bdag gis yo byad thams cad kyis bstabs na | des bdag la lan ’ga’ yaṅ cuṅ zaṅ kyaṅ ma bslaṅs na | gal te ’phags ma la ’tshal ba (5) cuṅ zad mchis na spyon la snoms śig ces mchi nas | bdag la ’di yaṅ daṅ yaṅ du stobs na ci ’di yaṅ dag par stobs pas stobs par bgyid dam | ’on te rtog pas stobs par bgyiṅ pa bgam mo sñam pa’i blo byuṅ nas bdag gis de la ’phags ma rim la ’bru (6) mar ’tshal lo źes lhuṅ bzed chuṅ du phul ba daṅ | des ’bru mar gyis lhuṅ bzed chuṅ du bltam ste stsal nas bdag gis des ’phags ma’i phyag daṅ | źabs daṅ | dbu daṅ | sku’i bsku mñe daṅ | źugs mar gyi ’bru mar du spyad do || des smras pa | ci kho mos (7) khyoṅ la lan ’ga’ źig de’i gan du soṅ la ’bru mar khyer te śog śig ces smras sam | lan ’ga’ yaṅ bka’ ma stsal to || de la naṅ daṅ bcas pa’i dge sloṅ ma gźan źig gis smras pa | ’phags ma ci ’di ’ga’ źig tu bas sñam mam | ’des ’phags ma (95b1) ri ma rgyur bgyis te | mñan yod thams cad khyab par bgyis pas pham par gyur pa dag gis lto gaṅ ṅo || dge sloṅ ma de bdag la pham par ’gyur ba’i ltuṅ ba ma byuṅ ṅam sñam du ’gyod pa skyes nas | des skabs de dge sloṅ ma rnams la brjod do || dge sloṅ ma rnams (2) kyis dge sloṅ rnams la brjod nas | dge sloṅ rnams kyis bcom ldan ’das la gsol pa daṅ | saṅs rgyas bcom ldan ’das kyis dge sloṅ ma de la rmas pa | dge sloṅ ma khyod kyis bsam pa ji lta bus ’bru mar bslaṅs | bcom ldan ’das bgam pa’i bsams (3) bas so || bcom ldan ’das kyis bka’ stsal pa | dge sloṅ dag dge sloṅ ma bgam pa’i bsam pa can ’di la ni ltuṅ ba med de || yaṅ dge sloṅ ṅam | dge sloṅ mas nad pa lam dris par sman sbyor du gźug par mi bya bar ’di ltar dge ’dun gyi nad pa’i sman khaṅ nas (4) bslaṅ bar bya ba’am | ’on te dad pa can las sam | ñe du ’am | ñe du maṅ ba ñid yin na yaṅ sbyor du gźug ces nad pa la dri bar bya źiṅ | des gaṅ brjod pa de las bslaṅ bar bya’o || dge sloṅ ṅam dge sloṅ mas naṅ pa la ma dris par sman sbyor du ’jug na | (5) ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas tshe daṅ ldan pa maud gal gyi bu chen po sṅa dro śam thabs bgos lhuṅ bzed daṅ chos gos thogs te mñan yod (6) du bsod sñoms la źugs nas mthar gyis bsod sñoms la rgyu źiṅ khyim bdag mgon med zas sbyin gyi khyi mag la bder soṅ ṅo || de’i tshe na khyim bdag mgon med zas sbyin gyi bu dag phyi rol gyi bstan bcos dag klog go || tshe daṅ ldan pa maud gal gyi bu chen pos khyim (7) bdag mgon med zas sbyin gyi bu dag phyi rol gyi bstan bcos dag klog pa mthoṅ ṅo || mthoṅ nas kyaṅ khyim bdag mgon med zas sbyin la ’di skad ces smras so || khyim bdag khye’u dag ci klog | ’phags pa slad rol gyi bstan bcos dag go || khyim bdag phyi (96a1) | rol gyi bstan bcos dag ni lcags kyi se’u daṅ ’dra ste rtogs par dka’ źiṅ | rtogs na yaṅ de dag gis ṅes pa la ’jug par yaṅ mi ’gyur | zag pa zad par yaṅ mi ’gyur ro || saṅs rgyas kyi bka’ ni thog ma daṅ | bar ma daṅ | tha mar (2) dge ba | mṅon par śes pa daṅ | rdzogs par byaṅ chub pa daṅ | mya ṅan las ’da’ bar ’gyur ba yin na ci’i phyir de mi klog | ’phags pa sus de klog tu stsol | kho bos glog tu gźug go || ’phags pa ma noṅs kyis klog tu stsol cig | khyim bdag (3) mgon med zas sbyin gyis khye’u de dag la smras pa | khye’u dag ’phags pa’i druṅ du rgyal byed kyi tshal du deṅ la saṅs rgyas kyi bka’ klogs śig | khye’u de dag ñi ma re re źiṅ rgyan gyis bklubs te | khye’u mṅag gźug pa dag gis yoṅs su bskor nas rgyal byed (4) kyi tshal du doṅ ste | tshe daṅ ldan pa maud gal gyi bu chen po las saṅs rgyas kyi bka’ bklag par brtsams so || mñan yod na ston zla tha chuṅs kyi g-yon can źes bya ba chom rkun pa dag gi kun tu spyod pa ni de dag dgag dbye byas ma thag tu śes ldan dag bcag cag gis (5) las ci źig byas na des brtsal mi dgos par lo skor du loṅs spyod ciṅ bce bar ’khod par ’gyur źes phan tshun gros byed do || de dag la khyim bdag mgon med zas sbyin gyi bu dag ñi ma re re źiṅ rgyan thams cad kyis bklubs te khye’u mṅag gźug bdag cig bskor nas | (6) rgyal byed kyi tshal du ’doṅ źiṅ ’phags pa maud gal gyi bu chen po las saṅs rgyas kyi bka’ klog par byed kyis lam gyi bar du bsdad de de dag bzuṅ na ’phags pa maud gal gyi bu chen pos khye’u dag khyim na ’khod do sñam du śes la | khyim bdag gis kyaṅ ’phags pa maud (7) gal gyi bu chen po’i druṅ na ’khod do sñam du śes pas gal te khye’u dag dbrog par nus na ni bdag cag gi ’tsho ba’i bar gyi ’tsho ba yod la | ji ste ma nus na rgyan dbrog par byas te | des kyaṅ bdag cag brtsal mi dgos par lo skor du loṅs spyod ciṅ bde bar ’khod par (96b1) ’gyur ro sñam pa’i blo skyes so || de dag brda byas te lam gyi bar du doṅ nas ’khod pa daṅ | khye’u de dag kyaṅ rgyan thams cad kyis bklubs te ’oṅs nas chom rkun pa de dag gis khye’u de dag khyer ro || khye’u de dag gi phyi bźin khye’u mṅag gźug pa dag ’doṅ ba de dag gis (2) khye’u de dag chom rkun pa dag gis brkus pa mthoṅ nas de dag gis khyim bdag mgon med zas sbyin gyi druṅ du brgyugs te sbran pa | khyim bdag khyed kyi sras bu dag ston zla tha chuṅs kyi g-yon can dag gis brkus kyis thabs dgoṅs śig | khyim bdag mgon med zas sbyin brgyugs (3) te kos lar byuṅ ba’i rgyal po gsal rgyal gyi gan du soṅ nas smras pa | lha bdag gi bu dag ston zla tha chuṅs kyi g-yon can dag gis phrogs kyis bu’i sloṅ mo stsal du gsol | rgyal po gsal rgyal gyis rgyal bu gźon nu ’phags skyes po la bsgo ba | soṅ la khyim bdag (4) gi bu rnams daṅ chom rkun pa dag myur du khug śig | ’phags skyes po yun riṅ po nas khyim bdag mgon med zas sbyin daṅ naṅ daṅ bcas par gyur pas de’i mod la ma soṅ ṅo || de nas lha gaṅ dag tshe daṅ ldan pa maud gal gyi bu chen po la mṅon par dad pa de dag gis (5) tshe daṅ ldan pa maud gal gyi bu chen po la ’di skad ces smras so || ’phags pa mkhyen par mdzod cig | khyod kyi ñe gnas dag ston zla tha chuṅs kyi g-yon can dag gis phrogs kyis brtson par mdzad du gsol | tshe daṅ ldan pa maud gal gyi bu chen pos gal te khye’u dag (6) lam bsams na | re źig khye’u dag pham daṅ bral ba las byuṅ ba’i sdug bsṅal ñams su myoṅ bar ’gyur źiṅ pha ma dag kyaṅ bu daṅ bral ba las byuṅ ba’i sdug bsṅal ñams su myoṅ bar ’gyur la | ma dad pa dag gis kyaṅ glags rñed par ’gyur źeṅ | dad pa rnams (7) kyaṅ ’di ltar doṅ ṅo cog ston zla tha chuṅs kyi g-yon can dag gis ’phrog par byed na | phyin chad su źig rgyal byed kyi tshal du ’gro bar ’gyur źes gźan du gyur pa ñid du ’gyur gyis bdag gis rdzu ’phrul rnam par bstan par bya’o sñam du bsams śiṅ rig nas | tshe daṅ ldan (97a1) pa maud gal gyi bu chen pos rdzu ’phrul gyis ’phags skyes po’i dpuṅ mṅon par sprul te | phyogs bźir rṅa pa ṭa ha brduṅs pa daṅ | ston zla tha chuṅs kyi g-yon can dag gis śes ldan dag bag cag dmag dpon ’phags skyes pos phyogs bźi (2) nas bskor gyis zin par gyur na mi ruṅ gis bor la ’doṅ ṅo sñam du bsams nas de dag gis khye’u de dag bor te byer ro || tshe daṅ ldan pa maud gal gyi bu chen pos kyaṅ rdzu ’phrul mṅon par ’du bya ba de phyir brtul nas lam daṅ ñe bar śiṅ ljon pa’i druṅ du ’dug go || khye’u (3) de dag kyaṅ ’oṅs pa daṅ | ’phags pa maud gal gyi bu chen pos smras pa | khye’u dag khyed cag gar doṅ doṅ | ’phags pa bdag cag ston zla tha chuṅs kyi g-yon can dag gis brkus so || ’o na sus thar bar byas | dmag dpon ’phags skyes pos so || (4) khye’u dag de riṅ khyed cag gi pha ma dag yid mi bde bar ’khod kyis deṅ la saṅ lhogs śig | khye’u de dag khyim du ’phags pa daṅ | dmag dpon ’phags skyes po yaṅ dpuṅ gi tshogs yan lag bźi pa glaṅ po che pa’i tshogs daṅ | rta pa’i tshogs daṅ | (5) śiṅ rta pa’i tshogs daṅ | dpuṅ bu chuṅ gi tshogs go bskon te mñan yod nas byuṅ ṅo || ’phags skyes pos khye’u de dag mthoṅ nas smras pa | khye’u dag khyed cag gar doṅ doṅ | de dag gis smras pa | rgyal byed kyi tshal du ’doṅ ba na bdag cag ston zla tha chuṅs kyi (6) g-yon can dag gis brkus so || ’o na khyed cag sus thar bar byas | dmag dpon ’phags skyes pos so || ’phags skyes pos bdag da ltar ’gro bas bdag gis ji ltar ’di dag thar bar byas | ’phags pa rdzu ’phrul che ba | mthu che ba ’ga’ źig gis ’di (7) dag thar bar byas gor ma chag sñam du bsams śiṅ rig nas smras pa | khye’u dag khyed cag gis phyogs de na su mthoṅ | ’phags pa maud gal gyi bu chen po’o || ’phags skyes pos des ’di dag thar bar byas kyi gźan su źig gis nus sñam du bsams śiṅ rig (97b1) nas yid dga’ źiṅ yid dga’ nas bdag cag gi yul na ’phags pa de ltar rdzu ’phrul che ba | de ltar mthu che ba tshe ’di’i don daṅ | tshe phyi ma’i don daṅ | tshe ’di daṅ tshe phyi ma’i don la skyabs mdzad pa bźugs pa de ni bdag cag gis rñed pa legs par rñed do (2) źes ched du brjod pa ched du rjod par byed do || de bsṅags pa brjod ciṅ mñan yod du ’jug pa na drug sde dag kyaṅ phyir byuṅ źiṅ drug sde dag gis smras pa | khyod su’i bsṅags pa brjod || ’phags skyes pos smras pa | khyed kyi’o || ṅed kyis ci byas | ’phags (3) pa maud gal gyi chu chen pos khyim bdag mgon med zas sbyin gyi bu dag ston zla tha chuṅs kyi g-yon can dag gis phrogs pa thar bar byas so || bkren pa dag kho bo cag de ’dra yaṅ ’on kyaṅ ’din la la byi bo gcer bu dag la mṅon par dad de || gal te gcer bu (4) dag gis mthoṅ bar gyur du zin na | de dag gis lam yaṅ ñe bar bstan par ’gyur ro || de dag caṅ mi sma bar ’khod pa daṅ | drug sde dag gis smras pa | dga’ bo ñe dga’ de dag la go bar byas so || don ñuṅ du la ltuṅ ba byuṅ gis doṅ la ’chags su gźug go || (5) drug sde dag gtsug lag khaṅ du doṅ ste zas kyi bya ba byas nas rgan rims kyis phyag ’tshal te | tshe daṅ ldan pa maud gal gyi bu chen po gal ba der doṅ nas phyin pa daṅ | tshe daṅ ldan pa maud gal gyi bu chen po la ’di skad ces smras so || gnas brtan phyag ’tshal lo || (6) tshe daṅ ldan pa dag a rog gya gnas brtan je skabs bye śig | ltuṅ ba sde lṅa po dag la skabs phye’o || gnas brtan gyis khyim bdag mgon med zas sbyin gyi bu dag ston zla tha chuṅs kyi g-yon can dag gis phrogs pa thar bar bgyis sam | de bźin te thar bar byas so || (7) gnas brtan bdag cag gis gnas brtan go || bsam gtan daṅ | rnam par thar pa daṅ | tiṅ ṅe ‘dzin daṅ | sñoms par ’jug pa’i bde ba dag ñams su myoṅ bar mdzad ciṅ bźugs par ’tshal gyi bdag cag gis thugs rje phyogs gcig pa daṅ ldan źiṅ ñe (98a1) gnas la thugs rje bar mdzad la ston zla tha chuṅs kyi g-yon can dag la thugs rje bar mi mdzad par ma mtshal to || gźan dag gis bdag gir bgyis pa’i nor dag thar bar bgyis pa’i ltuṅ ba chos bźin du slar mdzod cig | ltuṅ ba ma mthoṅ ṅo || tshe (2) daṅ ldan pa dag bcom ldan ’das kyis ltuṅ ba ma mthoṅ ba’i phyir gnas nas dbyuṅ ba’i las bya’o || źes gsuṅs kyis khaṅ skyoṅ su snaṅ gaṇ+ḍī rduṅs śig | ’di gnas nas dbyuṅ ba’i las bya’o || źes khaṅ skyoṅ gi gan du doṅ nas smras pa | tshe daṅ ldan pa gaṇ+ḍī (3) rduṅs śig | ci’i phyir tshe daṅ ldan pa maud gal gyi bu chen po ltuṅ ba byuṅ ba chos bźin du phyir mi byed pas | de gnas nas dbyuṅ ba’i las bya’o || de’i tshe na tshe daṅ ldan pa śā ri’i bu dge ’dun gyi gnas brtan byed ciṅ bstan pa la chos kyi sgyu thabs kyis mi mthun pa bka’ (4) mi ’byuṅ ṅam źes kun du spyod pa’i chos rmed par byed pas des khaṅ skyoṅ la rmas pa | tshe daṅ ldan pa su źig yoṅs su gnas pa’am | gźi nas yoṅs su gnas pa’am | mgu bar bya ba’am | gźi nas mgu bar byas ba’am | ’byin par byed | gnas brtan su (5) yaṅ mi bgyid de || ’di ltar tshe dag ldan pa maud gal gyi bu chen po ltuṅ ba byuṅ ba chos bźin slar mi bgyid pas de ltuṅ ba ma mthoṅ ba’i slad du gnas nas dbyuṅ ba’i las bgyid do || tshe daṅ ldan pa dge sloṅ gnas brtan la tho ma ’tsham par ’di ltar saṅs rgyas bcom (6) ldan ’das ’di thams cad mkhyen pa | thams cad gzigs pa | mkhyen pa daṅ śes bya dag la bla na med pa’i mṅa’ brñes pa | the tshom thams cad gcod par mdzad pa yin gyi de’i gan du soṅ la źus śig daṅ | bcom ldan ’das kyis khyed cag la ji skad luṅ (7) ston par mdzad pa de de bźin du zuṅ śig | skabs de dge sloṅ rnams kyis bcom ldan ’das la gsol pa daṅ | saṅs rgyas bcom ldan ’das rnams ni mkhyen bźin du rmed pa yin pas saṅs rgyas bcom ldan ’das kyis tshe daṅ ldan pa maud gal gyi bu chen po la bka’ (98b1) stsal pa | maud ga gyi bu khyed kyis bsam pa ji lta bus rdzu ’phrul rnam par bstan btsun pa bdag ’di sñam bgyid de | gal te khye’u dag la ma bsams na re źig khye’u dag pha daṅ bral ba las byuṅ ba’i sdug bsṅal ñams su myoṅ bar ’gyur źiṅ | pha ma dag kyaṅ (2) bu daṅ bral ba las byuṅ ba’i sdug bsṅal ñams su myoṅ bar ’gyur la | ma dad pa dag gis kyaṅ glags rñed par ’gyur źiṅ | ṅad pa rnams kyaṅ ’di ltar doṅ ṅo cog ston zla tha chuṅs kyi g-yon can dag gis ’phrogs par byed na | phyin chad su źig rgyal byed kyi tshal (3) du ’gro bar ’gyur źes gźan du ’gyur gyis || bdag gis rdzu ’phrul rnam par bstan par bgyi’o sñam du bsams so || bcom ldan ’das kyis bka’ stsal pa | dge sloṅ dag maud gal gyi bus bsam pa de lta bus rdzu ’phrul rnam par bstan pa la ltuṅ ba med do | (4) saṅs rgyas bcom ldan ’das rgyas po’i khab na ’od ma’i tshal ka lan da ka’i gnas na bźugs so || de nas tshe daṅ ldan pa pi lin da’i bu sṅa dro śams thabs bgos lhuṅ bzed daṅ chos gos thogs te | rgyal po’i khab tu bsoṅ sñoms la źugs nas mthar gyis (5) bsod sñoms la rgyu źiṅ dmag pa’i khyim ga la ba der soṅ ṅo || de’i tshe na tshe daṅ ldan pa pi lin da’i bu’i tsha bo dag phyi rol gyi bstan bcos dag klog go || tshe daṅ ldan pa pi lin da’i bus tsha bo dag phyi rol gyi bstan bcos dag klog par mthoṅ ṅo || mthoṅ nas kyaṅ (6) dmag pa la ’di skad ces smras so || tsha bo khye’u dag ci klog | ’phags pa slad rol gyi bstan bcos dag go || tsha bo phyi rol gyi bstan bcos dag ni lcags kyi se’u daṅ ’dra ste rtogs par dka’ źiṅ rtogs na yaṅ de dag gis ṅes pa la ’jug par yaṅ mi (7) ’agyu.ura | brag ba zad par yaṅ mi ’gyur ro || saṅs rgyas kyi bka’ ni thog ma daṅ | bar ma daṅ | tha mar dge ba | mṅon par śes pa daṅ | rdzogs par byaṅ chub pa daṅ | mya ṅan las ’da’ bar ’agyu.ura ba yin na ci’i phyir de mi klog | ’phags pa sus (99a1) de klog du stsol | kho bos klog tu gźug go || ’phags pa ma noṅs kyis klog tu stsol cig | dmag pa des khye’u de dag la smras pa | khye’u dag ’phags pa’i druṅ du ’od ma’i tshal du deṅ la saṅs rgyas kyi bka’ lhogs śig | khye’ de dag ñi ma (2) re re źiṅ rgyan gyis bklubs te khye’u maṅ ga gźug bdag gis yoṅs su bskor nas ’od ma’i tshal du doṅ ste | tshe daṅ ldan pa pi lin da’i bu las saṅs rgyas kyi bka’ bklag par brtsams so || rgyal po’i khab na ston zla tha chuṅs kyi g-yon can źes bya ba chom rkun pa dag (3) gis kun tu spyod pa ni de dag dag gaṅ bye byas ma thag tu śes ldan dag bdag cag gis las ci źig byas na | des brtsal mi dgos par lo skor du loṅs spyod ciṅ bde bar ’khod par ’gyur źes phan tshun gros byed do || de dag la ’phags pa bi lin da’i bu’i tsha bo dag ñi (4) ma re re źiṅ rgyan thams cad kyis bklubs te | khye’u mṅag gźug pa dag gis bskor nas ’od ma’i tshal du ’doṅ źiṅ ’phags pa pi lin da’i bu las saṅs rgyas kyi bka’ klog par byed kyis lam gyi bar du bsdad de || de dag bzuṅ na ’phags pa bi lin da’i bus ni khye’u dag (5) khyim na ’khod do sñam du śes la | bram zes kyaṅ ’phags pa pi lin ṅa’i bu’i druṅ na ’khod do sñam du śes pas | gal te khye’u dag dbrog par nus na ni bdag cag gi ’tsho ba’i bar gyi ’tsho ba yod la | ci ste ma nus na ni rgyan dbrog par bya ste | des kyaṅ bdag cag (6) btsal mi dgos par lo skor du loṅs spyod ciṅ bde bar ’khod par ’gyur ro sñam pa’i blo skyes so || de dag brda byas te lam gyi bar du doṅ nas ’khod pa daṅ | khye’u de dag kyaṅ rgyan thams cad kyis bklugs te ’oṅs nas chom rkun pa de dag gis khye’u de dag grur bcug (7) ste khyer ro || khye’u de dag gi phyi bźin khye’u maṅ ga gźug pa dag ’doṅ ba de dag gis khye’u de dag chom rkun pa dag gis brkus pa mthoṅ nas | de dag gis tshe daṅ ldan pa pi lin da’i bu’i dmag pa’i druṅ du brgyugs te sbran pa | jo bo khyod kyi sras bu dag ston zla tha chuṅs kyi (99b1) g-yon can dag gis brkus kyi thabs dgoṅs śig | bram ze yaṅ brgyugs te | ma ga d+hāra byuṅ ba’i rgyal po bzo sbyaṅs gzugs can sñiṅ po’i gan du soṅ nas smras pa | lha bdag gi bu dag ston zla tha chuṅs kyi g-yon can dag gis phrogs kyis bu’i sloṅ mo stsal du gsol | (2) rgyal po gzugs can sñiṅ pos rgyal bu gźon nu ma skyes dgra la bsgo ba | soṅ la bram ze’i bu rnams daṅ | chom rkun pa dag myur du khug śig | ma skyes dgra yun riṅ po nas bram ze de daṅ | naṅ daṅ bcas par gyur pas de’i mod lam soṅ ṅo || de nas lha gaṅ dag (3) tshe daṅ ldan pa pi lin da’i bu la mṅon par dad pa de dag gis tshe daṅ ldan pa pi lin da’i bu la ’di skad ces smras so || ’phags pa mkhyen par mdzod cig | khyod kyi tsha bo dag ston zla tha chuṅs kyi g-yon can dag gis phrogs kyis brtson par mdzad du gsol | tshe daṅ ldan (4) pa pi lin da’i bus gal te khye’u dag la ma bsams na | re źig khye’u dag pha ma daṅ bral ba las byuṅ ba’i sdug bsṅal ñams su myoṅ bar ’gyur źiṅ | pha ma dag kyaṅ bu daṅ bral ba las byuṅ ba’i sdug bsṅal ñams su myoṅ bar ’gyur la | ma dad pa dag gis kyaṅ (5) glags rñed par ’gyur źiṅ | dad pa rnams kyaṅ ’di ltar doṅ ṅo cog ston zla tha chuṅs kyi g-yon can dag gis ’phrogs par byed na | phyin chad su źig ’od ma’i tshal du ’gro bar ’gyur źes gźan du gyur pa ñid du ’gyur gyis bdag gis rdzu ’phrul rnam par bstan par (6) bya’o sñam du sems śiṅ rig nas | tshe daṅ ldan pa pi lin da’i bu rdzu ’phrul gyis soṅ ste gru’i druṅ du ’dug pa daṅ gru de mi ’gul bar ’dug go || chom rkun pa dag gis ci’i phyir gru ’di mi ’gul bar ’dug sñam du bsams pa daṅ | tshe daṅ ldan pa pi lin da’i (7) bu gru daṅ ñe ba na ’dug pa mthoṅ ṅo || mthoṅ nas kyaṅ tshe daṅ ldan pa pi lin da’i bu la ’di skad ces smras so || ’phags pa ci’i slad du tho ’tsham par mdzad | rga ba’i chos can dag kho bo ’ba’ źig tho ’tshal bar byed dam | gal te kho bos yon tan gyi tshogs (100a1) ’di lta bu rtogs par ma gyur du zin na deṅ khyed kyi kho bo’i tsha bo dag brkus par mi ’gyur ram | ’phags pa gtaṅ du gsol deṅ śig | tshe daṅ ldan pa pi lin da’i bus rdzu ’phrul mṅon par ’du bya ba de dag phyir brtul nas khye’u de dag la ’di skaṅ (2) ces smras so || khye’u dag de riṅ khyed cag gi pha ma dag yid mi bde bar ’khod kyis | deṅ la saṅ lhogs śig | khye’u de dag khyim du ’phags pa daṅ | gźon nu ma skyes dgra yaṅ dpuṅ gi tshogs yan lag bźi pa glaṅ po che pa’i tshogs daṅ | rta pa’i (3) tshogs daṅ | śiṅ rta pa’i tshogs daṅ | dpuṅ bu chuṅ gi tshogs go bskon te rgyal po’i khab nas byuṅ ṅo || ma skyes dgras khye’u de dag mthoṅ nas smras pa | khye’u dag khyed cag gar doṅ doṅ | de dag gis smras pa | ’od ma’i tshal du ’doṅ ba na bdag cag (4) ston zla tha chuṅs kyi g-yon can dag gis brkus so || ’o na khyed cag sus thar bar byas | ’phags pa pi lin da’i bus so || ma skyes dgra yid dga’ źiṅ yid dga’ nas bdag cag gi yul na ’phags pa de ltar rdzu ’phrul che ba | de ltar mthu che ba | tshe (5) ’di’i don daṅ | tshe phyi ma’i don daṅ | tse ’di daṅ phyi ma’i don la skyabs mdzad pa bźugs pa ni bdag cag gis rñed pa legs par rñed do źes ched du brjod pa ched du rjod par byed do || des bsdags pa brjod ciṅ rgyal po’i khab tu ’jug pa la drug sde dag kyaṅ phyir (6) byuṅ źiṅ drug sde dag gis skus pa | khyod su’i bsdags pa brjod | ma skyes dgras smras pa | khyed kyi’o || ṅed kyis ci byas | ’phags pa pi lin da’i bus bram ze’i bu dag ston zla tha chuṅs kyi g-yon can dag gis phrogs pa thar bar byas so || bkren pa dag kho bo (7) cag de ’dra yaṅ ’on kyaṅ ’di na la la byi bo gcer bu dag la mṅon par dad de || gal te gcer bu ṅag gis mthoṅ bar gyur du zin na | de dag gis lam yaṅ ñe bar bstan par ’gyur ro || de dag caṅ mi smra bar ’khod pa daṅ | drug sde dag gis smras pa | dga’ bo ñe dga’ (100b1) de dag la go bar byas so || don ñuṅ du la ltuṅ ba byuṅ gis doṅ la ’chags su gźug go || drug sde dag gtsug lag khaṅ du doṅ ste zas kyi bya ba byas nas rgan rims kyis phyag ’tshal te | tshe daṅ ldan pa pi lin da’i bu ga la ba ṅar doṅ nas phyin pa daṅ | tshe daṅ ldan pa pi lin da’i (2) bu la ’di skad ces smras so || gnas brtan phyag ’tshal lo || tshe daṅ ldan pa dag a rog gya gnas brtan je skabs phye śig | ltuṅ ba sde lṅa po dag la skabs phye’o || gnas brtan gyis bram ze’i bu dag ston zla tha chuṅs kyi g-yon can dag gis phrogs pa thar bar bgyis (3) sam | de bźin te thar bar byas so || gnas brtan bdag cag gis gnas brtan go bsam gtan daṅ | rnam par thar pa daṅ | tiṅ ṅe ‘dzin daṅ | sñoms par ’jug pa’i bde ba dag ñams su myoṅ bar mdzad ciṅ bźugs par ’tshal gyis | bcag cag gis (4) thugs rje phyogs gcig pa daṅ ldan źiṅ bram ze’i bu dag la thugs rje bar mdzad la | ston zla tha chuṅs kyi g-yon can dag la thugs rje bar mi mdzad par ma ’tshal to || gźan dag gis bdag gir bgyis pa’i nor dag thar bar bgyis pa’i ltuṅ ba byuṅ ba chos bźin du (5) slar mdzod cig | ltuṅ ba ma mthoṅ ṅo || tshe daṅ ldan pa dag bcom ldan ’das kyis ltuṅ ba ma mthoṅ ba’i phyir gnas nas dbyuṅ ba’i las bya’o źes gsuṅs kyis khaṅ skyoṅ su snaṅ gaṇ+ḍī rduṅs śig | ’di gnas nas dbyuṅ ba’i las bya’o źes khaṅ skyoṅ gi gan du doṅ nas (6) smras ba | tshe daṅ ldan pa gaṇ+ḍī rduṅs śig | ci’i phyir tshe daṅ ldan pa pi lin da’i bu ltuṅ ba byuṅ ba chos bźin du phyir mi byed pas de gnas nas dbyuṅ ba’i las bya’o || de’i tshe na tshe daṅ ldan pa śā ri’i bu dge ’dun gyi gnas brtan byed ciṅ bstan pa la chos kyi sgyu thabs kyis mi (7) mthun pa ’ga’ mi ’byuṅ ṅam źes kun tu spyod pa’i chos rmed par byed pas des khaṅ skyoṅ la rmas pa | tshe daṅ ldan pa su źig yoṅs su gnas pa’am | gźi nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par byed | (101a1) gnas brtan su yaṅ mi bgyid de | ’di ltar tshe daṅ ldan pa pi lin da’i bu ltuṅ ba byuṅ ba chos bźin du slar mi bgyid pas | de ltuṅ ba ma mthoṅ ba’i slad du gnas nas dbyuṅ ba’i las bgyid do || tshe daṅ ldan pa dge sloṅ gnas brtan la tho ma (2) ’tshal par ’di ltar saṅs rgyas bcom ldan ’das ’di thams cad mkhyen pa | thams caṅ gzigs pa | mkhyen pa daṅ śes bya dag la bla na med pa’i mṅa’ brñes pa | the tsom thams cad gcod par mdzad pa yin gyis | de’i gan du soṅ la źus śig daṅ | bcom (3) ldan ’das kyis khyed cag la ji skad luṅ ston par mdzad pa de de bźin du zuṅ śig | skabs de dge sloṅ rnams kyis bcom ldan ’das la gsol pa daṅ | saṅs rgyas bcom ldan ’das rnams ni mkhyen bźin du rmed pa yin pas | saṅs rgyas bcom ldan ’das (4) kyis tshe daṅ ldan pa pi lin da’i bu la bka’ stsal pa | pi lin da’i bu khyod kyis bsam pa ji lta bus rdzu ’phrul rnam par bstan | btsun pa bdag ’di sñam bgyid de | gal te khye’u dag la ma bsams na re źig khye’u dag pha ma daṅ bral ba las byuṅ ba’i sdug (5) bsṅal ñams su myoṅ bar ’gyur źiṅ pha ma dag kyaṅ bu daṅ bral ba las byuṅ ba’i sdug bsṅal ñams su myoṅ bar ’gyur la | ma dad pa dag gis kyaṅ glags rñed par ’gyur źiṅ | dad pa rnams kyaṅ ’di ltar doṅ ṅo cog ston zla tha chuṅs kyi g-yon can ṅag gis phrogs (6) par byed | phyin chad su źig ’od ma’i tshal du ’gro bar ’gyur źes gźan du gyur pa ñid du ’gyur gyis || bdag gis rdzu ’phrul rnam par bstan par bgyi’o sñam du bsams so || bcom ldan ’das kyis bka’ stsal pa | dge sloṅ dag pi li da’i bus bsam pa (7) de lta bus rdzu ’phrul rnam par bstan pa la ltuṅ ba med do || || ’dul ba rnam par ’byed pa | bam po bdun pa | saṅs rgyas bcom ldan ’das rgyal po’i khab na ’od ma’i tshal ka lan da ka’i gnas na bźugs so || rgyal po gzugs can sñiṅ po’i kun tu (101b1) spyod pa ni ñi ma re re źiṅ bcom ldan ’das daṅ | dge sloṅ gnas brtan gnas brtan rnams kyi źabs la phyag ’tshal du ’gro’o || ji tsam dus gźan źig na | rgyal po gzugs can sñiṅ po bcom ldan ’das kyi źabs la phyag ’tshal te | chos mñan pa’i phyir (2) bcom ldan ’das kyi spyan sṅar ’dug go || bcom ldan ’das ma ga d+hāra byuṅ ba’i rgyal po bzo sbyaṅs gzugs can sñiṅ po mtha’ gcig tu ’dug pa la chos daṅ ldan pa’i gtam gyis yaṅ dag par ston par mdzad | yaṅ dag par ’dzin du ’jug par mdzad | yaṅ (3) dag par gzeṅs stod par mdzad | yaṅ dag par rab tu dga’ bar mdzad de | rnam graṅs du mar chos daṅ ldan pa’i gtam gyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas caṅ mi (4) gsuṅs ṅo || de nas ma ga d+hāra byuṅ ba’i rgyal po bzo sbyaṅs gzugs can sñiṅ po bcom ldan ’das kyi źabs la phyag ’tshal nas stan las laṅs te soṅ nas | tshe daṅ ldan pa pi lin da’i bu’i gtsug lag khaṅ ga la ba der soṅ ṅo || de’i tshe na tshe daṅ ldan pa pi lin da’i bu gtsug (5) lag khaṅ de na ral ba daṅ ’drums pa raṅ ñid kyis phyir ’chos par byed do || tshe daṅ ldan pa pi lin da’i bus ma ga d+hāra byuṅ ba’i rgyal po bzo sbyaṅs gzugs can sñiṅ po thag riṅ po kho na nas mthoṅ ṅo || mthoṅ nas kyaṅ lag pa daṅ | rkaṅ pa dag bkrus te stan (6) bśams pa ñid la ’dug go || ṅe nas ma ga d+hā ra byuṅ ba’i rgyal po bzo sbyuṅs gzugs can sñiṅ po tshe daṅ ldan pa pi lin da’i bu’i rkag pa gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas ma ga d+hāra byuṅ ba’i rgyal po bzo sbyaṅs (7) gzugs can sñiṅ pos tshe daṅ ldan pa pi lin da’i bu la ’di skad ces smras so || ’phags pa ci lags | raṅ ñid kyis ral ba daṅ ’drums pa slar ’chos par mdzad dam | rgyal po chen po rab tu byuṅ ba ni raṅ ñid kyis byed pa yin te | bdag cag ni rab tu byuṅ ba yin (102a1) bas gźan su źig byed par ’gyur | ’phags pa gal te de lta na bdag gis ’phags pa la źabs ’briṅ ba dbul lo || rgyal po chen po a rog gya de bźin du lan bźi’i bar du smras nas | la na lṅa pa la yaṅ de kho na skad du bdag gis ’phags pa la (2) źabs ’briṅ ba dbul lo źes zer ba daṅ | tshe daṅ ldan pa pi lin da’i bu’i lhan cig gnas pa bden pa daṅ | mthun pa daṅ | ṅo zlog phod par smra ba źig gis smras pa | rgyal po chen po gaṅ tshul cad nas rgyal po chen pos mkhan po la źabs ’briṅ ba dag gis bstabs (3) pa nas mkhan pos gal te gtsug lag khaṅ ’di yal bar bor du lags na da tsam ṅos rdib par yaṅ gyur to || rgyal pos smras pa | ’phags pa ci lags bdag cag gis yaṅ daṅ yaṅ du khas blaṅs sam | rgyal po chen po lan gcig tu ma bas kyi ’di ltar ’di ni (4) lan lṅa ba lags so || rgyal po de brjed ṅas pas rgyal po de’i kun tu spyod pa ni gaṅ yaṅ ruṅ ba la chuṅ zad khas blaṅs ci yaṅ ruṅ ste | de thams cad kyi na ’dug pa’i mis yi ger ’dri bar byed pas rgyal po des mi de la smras pa | kwa’e naṅ rje kho bos yaṅ daṅ (5) yaṅ du khas blaṅs ba bden nam | lha maṅ de ’di ni lan lṅa pa lags so || de lta na kho bo chad pa’i las la thug gis kho bos ’phags pa la źabs ’briṅ la lṅa brgyad dbul lo || des blon po rnams la bsgo ba | ’phags pa la źabs ’briṅ ba lṅa brgya phul cig (6) | tshe daṅ ldan pa pi lin da’i bus smras pa | rgyal po chen po kho bo raṅ gi g-yog ñid spaṅs te rab tu byuṅ ba la g-yog dag gis ci bya | ’phags pa dge ’dun gyi don du bźes śig | rgyal po chen po gal te de lta na bcom ldan ’das la źu’o || ’phags pa de ma (7) noṅs kyis źus śig | skabs de tshe daṅ ldan pa pi lin da’i bus bcom ldan ’das la rgyas par gsol pa daṅ | bcom ldan ’das kyis bka’ stsal pa | dge ’dun gyi don du g-yog dag blaṅ bar bya’o || tshe daṅ ldan pa pi lin da’i bus g-yog de dag (102b1) blaṅs pa daṅ | g-yog de dag yaṅ daṅ yaṅ du rgyal po’i pho braṅ du las byed du bcug nas | de dag gis tshe dag ldan pa pi lin da’i bu la ’di skad ces smras so || ’phags pa bdag cag ’phags pa dag gi źabs ’briṅ bar phul ba ni | bdag cag glo ba dga’ na ci’i (2) slad du bdag cag yaṅ daṅ yaṅ du rgyal po’i pho braṅ du sug las bgyid | bźin bzaṅs dag ’khrug loṅ ma byed cig daṅ | kho bos rgyal po la gsol bar bya’o || ji tsam dus gźan źig na ma ga d+hāra byuṅ ba’i rgyal po bzo sbyaṅs gzugs can sñiṅ po yaṅ tshe daṅ ldan pa (3) pi lin da’i bu’i druṅ du ’oṅs te rkaṅ pa la phyag ’tshal nas | tshe daṅ ldan pa’i lin da’i bu’i mdun du ’dug pa daṅ | tshe daṅ ldan pa pi lin da’i bus smras pa | rgyal po chen po khyod dge ’dun gyi don du g-yog dag phul bas ’gyod par ma gyur tam | ’phags pa bdag la (4) ’gyod pa ’ga’ yaṅ ma mchis so || ’o na ci’i phyir g-yog de dag yaṅ rgyal po’i pho braṅ du las byed du bcug | rgyal pos stan de ñid la ’dug bźin du blon po rnams la bsgo ba | ses ldan dag ’phags pa rnams kyi źabs ’briṅ ba dag phyin cad rgyal po’i pho braṅ (5) du las byed du ma gźug śig | blon po rnams kyis gaṅ yaṅ ruṅ ba dag la rgyal po’i pho braṅ du las gyis śig cis bsgob na | de dag na re bdag cag ’phags pa dag gi yin no źes zer nas | blon po rnams kyis rgyal po la smras pa | lha gaṅ la yaṅ mchid (6) stsal bar rṅo ma thog ste | gaṅ yaṅ ruṅ bdag la rgyal po’i pho braṅ du sug las tshol cig ces bgyis na | de dag bcag cag ’phags pa rnams kyi lags so źes mchi’o || rgyal po sa smras pa | soṅ la thams cad las byed du chug cig | de dag thams cad (7) yaṅ rgyal po’i pho braṅ du las byed du bcug nas | de dag gis yaṅ tshe daṅ ldan pa pi lin da’i bul smras pa | ’phags pa bdag cag yaṅ de kho na bźin du rgyal po’i pho braṅ du sug las bgyid du stsal na | ’phags bas ma gsol tam | bźin bzaṅs dag gsol (103a1) te | yaṅ gsol ba bya’o || tshe daṅ ldan pa pi lin da’i bus ma ga d+hāra byuṅ ba’i rgyal po bzo sbyaṅs gzugs can sñiṅ po yaṅ de kho na bźin ’oṅs pa la smras pa | rgyal po chen po ci lags | khyod yaṅ ’gyod pa skyes par gyur tam | ’phags pa (2) ci noṅs | g-yog dag yaṅ de kho na bźin du las byed du bcug go || ’phags pa gaṅ la yaṅ mchid stsal bar rṅo ma thog ste | gaṅ yaṅ ruṅ ba la mchid stsal ba na de dag bdag cag ’phags pa dag gi lags so źes mchi’o || e ma ’phags pa dag gi lha ’baṅs (3) kyi sdum pa logs śig tu rtsig tu stsal na | ’di dag ni rgyal po’i ’o || ’di dag ni ’phags pa dag gi’o || źes ’tshal bar ’gyur ro || tshe daṅ ldan pa pi lin da’i bus smras pa | bcom ldan ’das la źu’o || de nas tshe daṅ ldan pa pi lin da’i bus don de bcom (4) ldan ’das la rgyas par gsol pa daṅ | bcom ldan ’das kyis bka’ stsal pa | de lta bas na lha ’baṅs kyi sdum pa rtsig tu ’jud par rjes su gnaṅ ṅo || dge sloṅ dag gis gnas gaṅ du lha ’baṅs kyi sdum pa rtsig tu gźug pa mi śes nas bcom ldan ’das (5) kyis bka’ stsal pa | rgyal po’i pho braṅ gi phyi rol daṅ | ’od ma’i tshal gyi phyi rol gyi bar gaṅ du skad kyis bos pa thos nas dge ’dun gyi don sgrub par ’gyur ba der lha ’baṅs kyi sdum pa rtsig tu gźug go || dge sloṅ rnams kyis źaṅ blon dag la bsgo ba | bcom (6) ldan ’das kyis phyogs ’dir lha ’baṅs kyi sdum pa rtsig tu chug śig ces bka’ stsal gyis de khyed cag gis śes par gyis śig | źaṅ blon dag gis rgyal po’i khab tu dril gya sgra sgrog tu bcug ste | gaṅ dag ’phags pa rnams kyi źabs ’briṅ ba yin pa de (7) dag rgyal po’i khab kyi phyo rol daṅ | ’od ma’i tshal gyi phyi rol gyi bar du ’dug par chad kyis deṅ la der sdum pa rtsigs śig ces bsgo nas | de dag der doṅ ste sdum pa brtsigs so || lha ’baṅs kyi sdum pa brtsigs nas de dag gtsug lag khaṅ du doṅ te las (103b1) byed ciṅ | dge sloṅ rnams kyis de dag la las ’di ni ruṅ ba yin gyis khyed kyis bya’o || ’di ni ruṅ ba ma yin gyis khyed kyis mi bya’o źes las bstan nas | de dag las ruṅ ba byed pas lha ’baṅs lha ’baṅs źes bya ba’i miṅ du gyur to || dge ’dun gyi (2) kun dga’ rab skyoṅ bar byed pas rtse rgod rtse rgod ces bya ba’i miṅ du gyur to || de dag thams cad gtsug lag khaṅ du ’jug pas klag cor gyi sgras dge sloṅ dag gis sems rtse gcig pa ñid mi sgrub nas | bcom ldan ’das kyis bka’ stsal pa | ji sñed dag (3) gis las ’grub pa de sñed ’jug par bya’i thams cad mi bya’o || dge sloṅ dag gis de dag thams cad la zas daṅ gos sbyin par byed nas bcom ldan ’das kyis bka’ stsal pa | gaṅ dag las byed pa de dag la zas daṅ gos sbyin par bya’i thams cad la mi bya’o || (4) dge sloṅ rnams kyis de dag na ba yal bar bor nas bcom ldan ’das kyis bka’ stsal pa | gaṅ dag na ba de dag la zas daṅ gos sbyin par bya źiṅ bsñen bkur yaṅ bya’o || ji tsam dus gźan źig na ñe dga’ dge skos byed pas des lha ’baṅs de dag la smras pa | bźin bzaṅs (5) dag kho bo dge skos byed kyis khyed cag naṅ par sṅar śog cig | rgyal po’i khab na ston zla tha chuṅs kyi g-yon can źes bya ba cho ma rkun pa dag gis kun tu spyod pa de dag dgag dbye byas ma thag tu śes ldan dag bcag cag gis las ci źig byas na des btsal mi dgos par lo (6) skor du loṅs spyod ciṅ bde bar gnas par ’gyur źes phan tshun gros byed do || de na dge sloṅ gi rgyus śes pa cig ’dug pa des smras pa | śes ldan dag ’phags pa dag gi g-yog gaṅ dag groṅ khyer gyi phyi rol na ’khor pa de dag gźom par bya’o || gźan dgas (7) gis smras pa | re źig de dag gi jo bo gaṅ dag yin pa de dag kyaṅ sgo ’phar brgya ste bzla ba byas kyaṅ lto kheṅs pa ’grub par dka’ bas de dag la yaṅ cuṅ zad kyaṅ med na de dag gi g-yog de dag lta smos kyaṅ ci dgos || dge sloṅ gi rgyus śes pa des smras pa | ses (104a1) | ldan dag khyed mi śes te | de dag ni zan gźan las za źiṅ raṅ gi las rjes su sgrub pa de lhur len te | thabs du ma dag gis nor sgrub par byed pas de dag la gaṅ yod pa de ni groṅ khyer ’di na yaṅ med kyis cuṅ źig gźom par bya’o || de dag (2) gis brda byas te doṅ nas de dag gźom par brtsams so || de nas lha gaṅ dag tshe daṅ ldan pa pi lin da’i bu la mṅon par ṅad pa de dag gis tshe daṅ ldan pa pi lin da’i bu la ’di skad ces smras so || ’phags pa mkhyed par mdzod cig | khyed kyi źabs ’briṅ ba (3) dag ston zla tha chuṅs kyi g-yon can dag gis ’joms par ’gyur gyis brtson par mdzad du gsol | tshe daṅ ldan pa pi lin da’i bus gal te g-yog dag la ma bsams na g-yog dag kyaṅ re źig nor daṅ bral ba las byuṅ ba’i sdug bsṅal ñams su myoṅ bar ’gyur la | ma (4) dad pa rnams kyis kyaṅ glags rñed par ’gyur źiṅ daṅ pa rnams kyaṅ ’di ltar sbyin par bya ba’i chos byin pa dag yoṅs su skyoṅ bar mi byed na | phyin chad su źig śākya ’i sras kyi dge sloṅ rnams la sbyin pa daṅ bya bar sems śes gźan du gyur pa ñid du ’gyur gyis | rdzu ’phrul (5) rnam par bstan par bya’o sñam du bsams śiṅ rig nas | tshe daṅ ldan pa pi lin da’i bus lha ’baṅs kyi sdum pa de lcags kyi rabs bskor to || chom rkun pa dag gis rkun rdzas thogs te ’phags pa daṅ | lcags kyi ra ba mthoṅ nas de dag gis phan tshun kun tu ’gro bar (6) brtsams na lam ma rñed do || de dag gis rkun rdzas bor te ’phags pa daṅ | lcags kyi ra ba de yaṅ mi snaṅ bar gyur to || de dag gis yaṅ rkun rdzas blaṅs pa daṅ | lcags kyi ra ba de yaṅ yaṅ phyiṅ byuṅ ste | lan bdun gyi bar du de ltar gyur pa daṅ | de dag gis smras (7) pa | śes ldan dag ’phags pa rdzu ’phrul che ba | mthu che ba ’ga’ źig gis ’di dag la dgoṅs pa ’dras rkun rdzas bor la bros par bya’o || de dag gis rkun rdzas phyogs gcig tu bor te bros so || lha ’baṅs de dag sad pa daṅ | śes ldan dag bdag cag bcom (104b1) mo|| bdag cag bcom mo źes ku co ’don ciṅ de dag nor daṅ bral ba las byuṅ ba’i yid mi bde ba daṅ ldan źiṅ thams cad ’dus nas lha ’abadasa kyi sdum pa kun tu byul bar brtsams pa daṅ | phyogs gcig na rdzas thams cad spuṅs te bźag pa mthoṅ ṅo || de (2) nas dga’ ba daṅ yid bde ba skyes te raṅ raṅ gi rdzas blaṅs nas khyim khyim du doṅ ṅo || de dag gis so so’i khyim sruṅ ba bźag ste | gñid log pa na lha ṅes de dag gi rmi lam du sbran pa | śes ldan dag khyed cag ston zla tha chuṅs kyi g-yon can dag gis ma bcom (3) pa ’di dag thams cad ni ’phags pa pi lin da’i bu’i mthu yin no || de nas mtshan mo nam naṅs pa daṅ | thams cad ’dus te smras pa | śes ldan dag lhas rmi lam du khyed cag ston zla tha chuṅs kyi g-yon can dag gis ma bcom pa ’di dag thams cad ni ’phags (4) pa pi lin da’i bu’i mthu yin no źes bstan to || de ni de kho na bźin yin gyis gźan du na ’phags pa pi lin da’i bu ma gtogs par gźan su źig bdag cag la sñiṅ rje bar ’gyur | de’i tshe de dag je byi dor byas la phyis gtsug lag khaṅ du ’doṅ ṅo źes de dag (5) khrus byas śiṅ gos dkar po daṅ | dri daṅ | phreṅ ba rgyus brgyan te | byi dor byas te gtsug lag khaṅ du doṅ ṅo || ñe dga’ yaṅ naṅ par sṅar laṅs nas lde mig daṅ lde mig daṅ lde mig kyog po thogs nas gtsug lag khaṅ gi sgo phye ste | mar me’i koṅ bu bsal nas gtsug (6) lag khaṅ du chag chag daṅ byug pa byas te | gnas mal bśams nas mchod rten gyi ’khor sar bdug spos brims nas khaṅ steṅ du ’dzegs te | gaṇ+ḍī rduṅ źiṅ phyogs bźir rnam par lta’o || des de dag gos dkar po daṅ | dri daṅ | phreṅ ba rgyus brgyan (7) pa dag mthoṅ nas | de ’di dag nor can dag gam | tshoṅ dpon dag gam | ded dpon gtsug lag khaṅ ltar ’oṅ ba su źig yin sñam du sems so || gaṅ gi tshe mchod rten gyi ’khor sar źugs pa de’i tshe des de dag ṅo śes nas ñe daga’asa gśe źiṅ smras pa | (105a1) ṅas khyed cag la saṅ naṅ par sṅar śog śig ces ma bsgo ’am | khyed gar doṅ doṅ | de dag gis smras pa | ’phags pa gal te bdag cag la ’phags pa pi lin da’i bus ma dgoṅs su lags na | bdag cag deṅ kho nar ston zla tha (2) chuṅs kyi g-yon can dag gis tshul ma lags pas | sdug bsṅal bsgrubs par ’gyur ro || ñe daga’asa gśe źiṅ smras pa | khyed cag re źig gaṅ gi mthus sñems pa de la yaṅ je khrims bca’ bar bya’o źes rig nas drug sde dag sbran te | tshe daṅ ldan pa pi lin (3) da’i bu ga la ba der doṅ nas phyin pa daṅ | tshe daṅ ldan pa pi lin da’i bu la ’di skad ces smras so || gnas brtan la phyag ’tshal lo || tshe daṅ ldan pa dag a rog gya | gnas brtan je skabs phye śig | ltuṅ ba sde lṅa po dag la skabs phyo’o || gnas brtan gyis ba (4) źabs ’briṅ ba dag gi nor ston zla tha chuṅs kyi g-yon can dag gis brkus pa thar bar bgyis sam | de bźin te thar bar byas so || gnas brtan bdag cag gis gnas brtan go || bsam gtan daṅ | rnam par thar pa daṅ | tiṅ ṅe ‘dzin daṅ | sñoms par (5) ’jug pa dag gi bde ba ñams su myoṅ bar mdzad ciṅ bźugs par ’tshal gyi | bdag cag gis thugs rje phyogs gcig pa daṅ ldan źiṅ źabs ’briṅ ba dag la thugs rjes bar mdzad la | ston zla tha chuṅs kyi g-yon can dag la mi mdzad par ma ’tshal to || gźan (6) dag gis bdag gir bgyis pa’i nor dag thar bar bgyis pa’i ltuṅ ba byuṅ ba chos bźin du slar mdzod cig | ltuṅ ba ma mthoṅ ṅo || tshe daṅ ldan pa dag bcom ldan ’das kyis ltuṅ ba ma mthoṅ ba’i phyir gnas nas dbyuṅ ba’i las bya’o źes gsuṅs kyis | khaṅ skyoṅ (7) su snaṅ | gaṇ+ḍī rduṅs śig | ’di gnas nas dbyuṅ ba’i las bya’o źes de dag khaṅ skyoṅ gi druṅ du doṅ nas smras pa | tshe daṅ ldan pa gaṇ+ḍī rduṅs śig | ci’i phyir don ñuṅ du la ltuṅ ba byuṅ ba chos bźin du phyir mi ’chos pas de gnas nas dbyuṅ ba’i las bya’o || de’i (105b1) tshe na tshe daṅ ldan pa śā ri’i bu dge ’dun gyi gnas brtan byed ciṅ bstan pa la chos kyi sgyu thabs kyis mi mthun pa ’ga’ ’byuṅ bar mi ’gyur ram źes kun tu spyod pa’i chos rmed par byed pas des khaṅ skyoṅ la rmas pa | tshe daṅ ldan pa su źig yoṅs su gnas pa’am | gźi (2) nas yoṅs su gnas pa’am | mgu bar bya ba’am | gźi nas mgu bar bya ba’am | ’byin par byed | su yaṅ mi bgyid de | ’di ltar tshe daṅ ldan pa pi lin da’i bu ltuṅ ba byuṅ ba chos bźin du slar mi bgyid pa de ltuṅ ba ma mthoṅ ba’i slad du gnas nas dbyuṅ ba’i las (3) bgyid do || tshe daṅ ldan pa dge sloṅ gnas brtan la tho ma ’tshal par ’di ltar saṅs rgyas bcom ldan ’das ’di thams cad mkhyen pa | thams cad gzigs pa | mkhyen pa daṅ śes bya dag la bla na med pa’i mṅa’ brñes pa | the tshom thams cad gcod par (4) mdzad pa yin gyis de’i gnad du deṅ la don ’di źus śig daṅ | bcom ldan ’das kyis khyed la ji skad luṅ bstan pa de de kho na bźin du zuṅ śig | skabs de dge sloṅ dag gis bcom ldan ’das la gsol to || saṅs rgyas bcom ldan ’das rnams ni (5) mkhyen bźin du rmed par mdzad pa yin pas saṅs rgyas bcom ldan ’das kyis tshe daṅ ldan pa pi lin da’i bu la rmas pa || pi lin da’i bu khyod kyis bsam pa ji lta bus rdzu ’phrul rnam par bstan | btsun pa bdag ’di sñam bgyid de || gal te sug rjed (6) dag la ma bsams na | sug rjed dag kyaṅ re źig nor daṅ bral ba las byuṅ ba’i sdug bsṅal ñams su myoṅ bar ’gyur źiṅ ma dad pa rnams kyis kyaṅ glags rñed par ’gyur la | dad pa rnams kyaṅ ’di ltar sbyin par bya ba’i chos byin pa yoṅs su skyoṅ bar mi (7) byed pas phyin cad su źig śākya ’i sras kyi dge sbyoṅ rnams la sbyin pa daṅ bya bar sems śes gźan du gyur pa ñid du ’gyur gyis | bcag gis rdzu ’phrul rnan par bstan par bgyi’o sñam pas so || bcom ldan ’das kyis bka’ stsal pa | dge sloṅ dag dge (106a1) sloṅ pi lin da’i bus bsam pa de lta bus rdzu ’phrul rnam par bstan pa la ltuṅ ba med do || dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa tshe daṅ ldan pa nor can gyis dge sloṅ (2) gi dge ’dun skyon ma mchis śiṅ chu bur ma mchis pa la de’i daṅ por ’di lta ste | ma byin par len pa’i rkyen gyis chu bur byuṅ ba la gzigs | bcom ldan ’das kyis bka’ stsal pa | dge sloṅ dag da ltar du ma zad kyis | ’di ltar ’das pa’i dus na yaṅ ’dis (3) ’jig rten skyon med ciṅ chu bur med pa la de’i daṅ por ’di lta ste | ma byin par len pa’i rkyen gyis chu bur phyuṅ ste | de ñon cig dge sloṅ dag ’jig rten ’di ’jig pa’i dus gaṅ yin pa de yaṅ yod de | ’jig rten ’jig pa na sems can dag phal cher ’od gsal gyi (4) lha’i rigs su skye’o || de dag de na gzugs can yid las byuṅ ba ma tshaṅ ba med pa | dbaṅ po mñams pa | yan lag daṅ ñid lag thams cad daṅ ldan pa | bzaṅ ba | kha dog daṅ ldan pa | raṅ las ’od ’byuṅ ba | nam mkha’ la ’gro ba | dga’ (5) ba za ba | dga’ ba’i zas daṅ ldan pa | tshe riṅ źiṅ yulana riṅ du gnas so || de’i tshe na sa chen po ’di chu ’ba’ źig daṅ | rgya mtsho ’ba’ źig tu gyur te | sa chen po chu ’ba’ źig daṅ | rgya mtsho ’ba’ źig tu gyur pa’i steṅ du rluṅ gis spris ma kun tu ’chags (6) par byed | kun tu ’thas par byed | kun tu khyab par byed de || ’di lta ste | dper na ’o ma bskom ba graṅs par gyur pa’i steṅ du rluṅ gis spris ma kun tu ’chags par byed | kun tu ’thas par byed | kun tu khyab par byed pa de bźin du | sa chen po chu (7) ’ba’ źig daṅ | rgya mtsho ’ba’ źig tu gyur pa’i stiṅ du yaṅ rluṅ gis spris ma kun tu ’chags par byed | kun tu ’thas par byed | kun tu khyab par byed do || de ni sa’i bcud kha dog phun sum tshogs pa | dri phun sum tshogs pa | ro phun sum tshogs pa yin (106b1) te | kha dog gis ni ’di lta bu ste | ’di lta ste | dper na mar lta bu’o || ros ni ’di lta bu ste | ’di lta ste | dper na sbraṅ bu’i sbraṅ rtsi ma bskol ba lta bu’o || dge sloṅ dag ’jig rten ’di ’chags pa’i dus gaṅ yin pa de yaṅ yod de | ’jig rten ’chags (2) pa na ’od gsal gyi lha’i ris de nas sems can kha cig tshe zad | las zad | bsod nams zad pas śi ’phos te | ’di lta bu ñid du mi rnams daṅ skal ba mthun ba ñid du ’oṅ źiṅ ’dir yaṅ gzugs can yid las byuṅ ba | ma tshaṅ ba med pa | dbaṅ po ma ñams pa | (3) yan lag daṅ ñiṅ lag thams cad daṅ ldan pa | bzaṅ ba | kha dog daṅ ldan pa | raṅ las ’od ’byuṅ ba | nam mkha’ la ’gro ba | dga’ ba zab | dga’ ba’i zas daṅ ldan pa | tshe riṅ źiṅ yun riṅ du gnas so || de’i tshe na ’jig rten du ñi ma daṅ zla ba dag kyaṅ ma byuṅ (4) ṅo || ’jig rten du rgyu skar dag kyaṅ ma byuṅ | mtshan mo daṅ | ñin mo dag kyaṅ ma byuṅ | skad cig daṅ | thaṅ cig daṅ | yud tsam dag kyaṅ ma byuṅ | zla ba daṅ | zla ba phyed daṅ | dus tshigs daṅ | lo dag kyaṅ ma byuṅ ṅo || bud med kyaṅ med | skyes pa yaṅ med | skyes pa yaṅ med | (5) sems can sems can źes bya ba ’ba’ źig gi graṅs su ’gro’o || de nas sems can brkam pa’i raṅ bźin can źig sor mo’i rtse mos sa’i bcud myoṅ bar byed do || ji lta ji ltar myoṅ bar byed pa de lta de ltar ’dod par byed do || ji lta ji ltar ’dod par byed pa de lta (6) de ltar kham gyi zas kyi rtsom pas zos par gyur to || sems can gźan dag gis kyaṅ sems can de sor mo’i rtse mos sa’i bcud myoṅ bar byed pa na ji lta ji ltar myoṅ bar byed pa de lta de ltar ’dod par byed pa daṅ | ji lta ji ltar ’dod pa byed pa de lta de ltar kham gyi (7) zas kyi rtsom pas zos par gyur pa mthoṅ ṅo || mthoṅ nas sems can de dag kyaṅ ’di sñam du kye ma de ni legs so || kye ma de ni bzaṅ ṅo || bdag cag gis kyaṅ sor mo’i rtse mos sa’i bcud myaṅ bar bya’o sñam du sems śiṅ | de dag kyaṅ sor mo’i rtse (107a1) mos sa’i bcud myoṅ bar byed do || ji lta ji ltar myoṅ bar byed pa de lta de ltar ’dod par byed do || ji lta ji ltar ’dod par byed pa de lta de ltar kham gyi zas kyi rtsom pas zos par gyur to || gaṅ gi phyir sems can de dag gis sa’i bcud kham gyi (2) zas kyi rtsom pas zos par gyur pa de’i phyir de dag gi lus la sra ba ñid daṅ | lce ba ñid byuṅ źiṅ de dag gi kha dog gsal ba bzaṅ po gaṅ yin pa de yaṅ med par gyur || ’jig rten du mun pa yaṅ byuṅ bar gyur to || dge sloṅ dag chos ñid kyis na ’jig rten du mun (3) pa byuṅ ba na ’jig rten du ñi ma daṅ | zla ba dag kyaṅ ’byuṅ bar ’gyur ro || ’jig rten du rgyu skar dag daṅ | mtshan mo daṅ | ñin mo dag daṅ | skad cig daṅ | thaṅ cig daṅ | yud cig dag daṅ | zla ba daṅ | zla ba phyed daṅ | dus tshigs daṅ | lo dag kyaṅ (4) ’byuṅ bar ’gyur ro || de dag de za źiṅ zas de dag daṅ ldan la tshe riṅ źiṅ yun riṅ du gnas so || de dag las gaṅ zas ches chuṅ du za ba de ni kha dog daṅ ldan par ’gyur la || gaṅ zas ches cher za ba de ni kha dog ṅan par ’gyur ro || de ltar zas rnam gñis (5) ñid la kha dog rnam gñis ñid du mṅon la | kha dog rnam gñis ñid du gyur pa na sems can gyis sems can la | kwa’e sems can ṅa ni kha dog daṅ ldan pa yin la | khyod ni kha dog ṅan pa yin no źes khyad du gsod par byed do || de dag kha dog gis mṅon (6) pa’i ṅa rgyal can du gyur pa na sdig pa can mi dge ba’i chos de dag ñid yaṅ dag par blaṅs pa’i rgyus sa’i bcud med par gyur to || dge sloṅ dag sems can de dag sa’i bcud med par gyur pa na ’dus śiṅ lhags nas mya ṅan byed | sgyid lug par byed | smre sṅags (7) ’don par byed ciṅ ’di skad ces kye ma’o bcud || ’di lta ste dper na deṅ saṅ mi dag zas źim pa bzaṅ po cuṅ źig rñed nas yi ge daṅ sbyar ba daṅ tshig rñiṅ pa de dag ñid kyis rjes su tha sñad ’dogs śiṅ ’di skad ces ma’o bcud | (107b1) kye ma’o bcud ces kyaṅ zer ba de bźin du sems can de dag kyaṅ sa’i bcud med par gyur pa na ’dus śiṅ lhags nas mya ṅan byed | sgyid lug par byed de || smre sṅags ’don par byed ciṅ ’di skad ces kye ma’o bcud | kye ma’o bcud ces zer yaṅ smras pa ’di’i (2) don ni ’di’o || smras pa ’di’i don ni ’di ’o źes smras pa de’i don mi śes so || dge sloṅ dag sems can de dag gi sa’i bcud med par gyur pa nas źag kha dog phun sum tshogs pa | dri phun sum tshogs pa | ro phun sum tshogs pa byuṅ bar gyur te | kha dog (3) gis ni ’di lta bu ste | ’di lta ste dper na doṅ ka’i me tog lta bu’o || ros ni ’di lta bu ste | ’di lta ste | dper na sbraṅ bu’i sbraṅ rtsi ma bskol ba lta bu’o || de dag de za źiṅ zas de daṅ ldan la tshe riṅ źiṅ yun riṅ du gnas so || de dag las gaṅ zas ches chuṅ (4) du zab de ni kha dog daṅ ldan par ’gyur la | gaṅ zas ches cher za ba de ni kha dog ṅan par ’gyur ro || de ltar zas rnam gñis ñid la brten nas kha dog rnam gñis ñid du mṅon la kha dog rnam gñis ñid du gyur pa na sems can gyis sems can la | kwa’e sems can ṅa ni kha dog (5) daṅ ldan pa yin la | khyod ni kha dog ṅan pa yin no || źes khyad du gsod par byed do || de dag kha dog gis mṅon pa’i ṅa rgyal can du gyur pa na sdig pa can mi dge ba’i chos de dag ñid yaṅ dag par blaṅs pa’i rgyus sa źag med par gyur to || dge sloṅ dag sems can de dag sa (6) źag med par gyur ba na ’dus śiṅ lhags nas mya ṅan byed | sgyid lug par byed | smre sdags ’don par byed ciṅ ’di skad ces kye ma’o kye ma’o źes kyaṅ zer te | ’di lta ste | dper na deṅ saṅ mi dag sdug bsṅal daṅ | yid mi bde ba ’ba’ źig gis reg pa na yi ge daṅ (7) sbyar ba daṅ | tshig rñiṅ pa de dag ñid kyis rjes su tha sñad ’dogs śiṅ | ’di skad ces kye ma’o kye ma’o źes kyaṅ zer ba de bźin du sems can de dag kyaṅs źag med par gyur pa na ’dus śiṅ lhags nas mya ṅan byed | sgyid lug par byed | smre sdags ’don par byed ciṅ (108a1) ’di skad ces kye ma’o kye ma’o źes zer yaṅ smras pa ’di’i don ni ’di’o || smras pa ’di’i don ni ’di’o źes smras pa de’i don mi śes so || dge sloṅ dag sems can de dag gis źag med par gyur pa na myu gu’i tshal kha dog phun sum tshogs pa | dri phun (2) 00ma tshogs pa | ro phun sum tshogs pa byuṅ bar gyur te | kha dog gis ni ’di lta bu ste | ’di lta ste | dper na ka dam bu ka’i me tog lta bu’o || ros ni ’di lta bu ste | ’di lta ste | dper na sbraṅ bu’i sbraṅ rtsi ma bskol ba lta bu’o || de dag de za źiṅ zas de daṅ ldan la | (3) tshe riṅ źiṅ yun riṅ du gnas so || de dag las gaṅ zas ches chuṅ du zab de ni kha dog daṅ ldan par ’gyur la | gaṅ zas ches cher za ba de ni kha dog ṅan par ’gyur ro || de ltar zas rnam gñis ñid la brten nas kha dog rnam gñis ñid du mṅon la | kha dog rnam gñis (4) ñid du gyur pa na | sems can gyis sems can la kwa’e sems can ṅa ni kha dog daṅ ldan pa yin la | khyod ni kha dog ṅan pa yin no źes khyad du gsod par byed do || de dag kha dog gis mṅon pa’i ṅa rgyal can du gyur pa na | sdig pa can mi dge ba’i chos de dag ñid (5) yaṅ dag par blaṅs pa’i rgyus myu gu’i tshal med par gyur to || dge sloṅ dag sems can de dag myu gu’i tshal med par gyur pa na ’dus śiṅ lhags nas mya ṅan byed | sgyid lug par byed | smre sṅags ’don par byed ciṅ ’di skad ces phar soṅ phar soṅ źes kyaṅ zer te | (6) ’di lta ste | dper na deṅ saṅ mi dag smad pa rnon po ’ga’ źig gis smad pa na yi ge daṅ sbyar ba daṅ | tshig rñiṅ pa de dag ñid kyis rjes su tha sñad ’dogs śiṅ ’di skad ces phar soṅ phar soṅ źes kyaṅ zer ba de bźin du | sems can de dag kyaṅ myu gu’i tshal med bar (7) gyur ba na ’dus śiṅ lhags nas mya ṅan byed | sgyid lug par byed | smre sṅags ’don par byed ciṅ | ’di skad ces phar soṅ phar soṅ źes zer yaṅ smras pa ’di’i don ni ’di’o || smras pa ’di’i don ni ’di’o || źes smras pa de’i don ni mi śes so || dge sloṅ (108b1) dag sems can de dag gi myu gu’i tshal med par gyur pa na ma rmos ma btab pa’i ’bras sā lu’i ’bru so ba med pa | sbun pa med pa | dag pa gtsaṅ ba | sor bźi pa | kun nas ma dkris pa | nub brṅas na naṅ rgyal źiṅ phyir skye la | naṅ brṅas na nub rgyal źiṅ phyir (2) skye ba | brṅas so cog phyir skye ba | brṅas par yaṅ mi mṅon par byuṅ bar gyur te | de dag de za źiṅ zas de daṅ ldan la tshe riṅ źiṅ yun riṅ du gnas so || gaṅ gi phyir sems can de dag gis ma rmos ma btab pa’i ’bras sā lu’i ’bru kham gyis zas kyi rtsom pas zos (3) par gyur pa de’i phyir de dag la dbaṅ po tha dad pa byuṅ bar gyur te | kha cig ni pho’i dbaṅ po daṅ ldan | kha cig ni mo’i dbaṅ po daṅ ldan no || de na gaṅ dag pho’i dbaṅ po daṅ ldan pa daṅ | gaṅ dag mo’i dbaṅ po daṅ ldan pa de dag gcig la gcig mig gis mig la (4) brten te blta bar byed do || ji lta ji ltar gcig la gcig mig gis mig la brten te blta par byed pa de lta de ltar kun tu chags so || ji lta ji ltar kun tu chags pa de lta de ltar dral to || ji lta ji ltar dral bde lta de ltar log par źugs so || sems can gźan (5) dag gis kyaṅ sems can sems can la log par źugs pa mthoṅ ṅo || mthoṅ nas sas kyaṅ ’thor bar byed | boṅ ba daṅ | gseg ma daṅ | gyo mo daṅ | gyo dum dag kyaṅ ’phen par byed ciṅ | ’di skad ces sems can ṅan pa groṅ pa bya ba ma yin pa byed pa | (6) sems can ṅan pa groṅ pa bya ba ma yin pa byed pa kwa’e sems can khyod ci’i phyir sems can sun par byed ces kyaṅ zer te | ’di lta ste | dper na deṅ saṅ sems can dag bag sar bag mar len pa na phye mas kyaṅ ’thor bar byed | dri daṅ | me tog daṅ | ’bras (7) yos dag gis kyaṅ ’thor bar byed ciṅ || ’di skad ces sru bde bar gyur cig ces kyaṅ zer ba de bźin du | sems can de dag gis kyaṅ sems can sems can la log par źugs pa mthoṅ nas sas kyaṅ ’thor bar byed | boṅ ba daṅ | gseg ma daṅ | gyo mo daṅ | (109a1) gyo dum dag kyaṅ ’phen par byed ciṅ | ’di skad ces sems can dan pa groṅ pa bya ba ma yin pa byed pa | sems can ṅan groṅ pa bya ba ma yin pa byed pa | kwa’e sems can khyod ci’i phyir sems can sun par byed ces kyaṅ zer ro || dge sloṅ dag (2) de ltar na sṅon chos ma yin par grags pa gaṅ yin pa de ni deṅ saṅ chos su grags la | sṅon ’dul ba ma yin par grags pa gaṅ yin pa de ni deṅ saṅ ’dul bar grags | sṅon smad par bya ba gaṅ yin pa de ni deṅ saṅ bstod par bya ba yin no || de ñi ma gcig tsam spoṅ (3) bar byed | ñi ma gñis sam | gsum mam | bdun tsam spoṅ bar byed do || gaṅ gi phyir sems can de dag sdig pa can dam pa ma yin pa’i chos de la śin tu ltuṅ bar byed pas brtul źugs la źugs pa de’i phyir de dag khyim brtsig pa la źugs te | bcag cag gis (4) ’dir bya ba ma yin pa bya’o || bdag cag gis ’dir bya ba ma yin pa bya’o źes zer ba las khyim khyim źes bya ba’i miṅ byuṅ ṅo || dge sloṅ dag ’di ni khyim gyi las kyi mtha’ dag ’jig rten du ’byuṅ ba’i daṅ po rtsom pa yin te | de yaṅ chos kyis yin gyis chos ma yin pas (5) ni ma yin no || de la chos ni ’di yin te | rgyal ba dbaṅ po rnams kyi chos mchog yin no || de dag dgoṅs kar yaṅ dgoṅs ka za ’dod pas sā lu’i don du ’doṅ bar byed naṅ par yaṅ naṅ par za ’doṅ pas sā lu’i don du ’doṅ bar byed do || de nas sems can le lo’i (6) raṅ bźin can źig gis dgoṅs ka daṅ naṅ par gyi sā lu gcig car blaṅs par gyur to || sems can źig gis sems can de la smras pa | kwa’e sems can tshur śog sā lu’i phyir ’doṅ ṅo || sems can des smras pa | kwa’e sems can khyod raṅ gi sā lu’i (7) phyir sogs śig | bdag gis dgoṅs ka daṅ | naṅ par gyi sā lu gcig car blaṅs zin to || de nas sems can de ’di sñam du kye ma de ni legs so || kye ma de ni bzaṅ ṅo || bdag gis kyaṅ ñi ma gñis kyi daṅ | ñi ma gsum gyi daṅ | ñi ma bdun gyi bar gyi sā (109b1) luṅ blaṅs bar bya’o sñam nas | des ñi ma gñis kyi daṅ | ñi ma gsum gyi par gyi sā lu blaṅs par gyur to || de nas sems can źig gis sems can de la ’di skad ces smras so || kwa’e sems can tshur sog sā lu’i phyir ’doṅ ṅo || sems (2) can des smras pa | kwa’e sems can khyod raṅ gi sā lu’i phyir soms śig | bdag gis ñi ma gñis kyi daṅ | ñi ma gsum gyi daṅ | ñi ma bdun gyi sā lu blaṅs zin to || de nas sems can de ’di sñam du | kye ma de ni legs so || kyi ma de ni bzaṅ ṅo || (3) bdag gis kyaṅ zla ba phyed kyi daṅ | zla ba gcig gi sā lu blaṅs par bya’o sñam nas | des zla ba phyed kyi daṅ | zla ba gcig gi sā lu blaṅs par gyur to || gaṅ gi phyir sems can de dag gis ma rmos ma btab pa’i ’bras sā lu’i ’bru sogs ’jog gi yoṅs su spyod pas zos (4) par gyur pa de’i phyir sā lu de la so ba daṅ | sbun pa daṅ | ’bras kun nas dkris par gyur ciṅ brṅas so cog kyaṅ phyir mi skye la | brṅas par yaṅ mṅon źiṅ | sā lu byiṅs daṅ byiṅs ma yin pa dag na rnam par gnas so || de nas sems can de dag ’dus śiṅ lhags (5) nas myaṅ na byed | sgyid lug par byed | smre sṅags ’don par byed ciṅ śes ldan dag bcag cag sṅon gzugs can yid las byuṅ ba mtshaṅ ba med pa | dbaṅ po mñams pa | yan lag daṅ ñiṅ lag thams cad daṅ ldan pa | bzaṅ ba | kha dog daṅ ldan pa | raṅ las ’od (6) ’byuṅ ba | nam mkha’ la ’gro ba | dga’ baza ba | dga’ ba’i zas daṅ ldan pa | tshe riṅ źiṅ yun riṅ du gnas pa na bdag cag la sa’i bcud kha dog phun sum tshogs pa | dri phun sum tshogs pa | ro phun sum tshogs pa byuṅ bar gyur nas | gaṅ gi phyir bdag (7) cag gis sa’i bcud kham gyi zas kyi rtsom pas zos par gyur pa de’i phyir bdag cag gi lus la sra ba ñi daṅ | lci ba ñid byuṅ źiṅ bdag cag gi mdog gsal ba bzaṅ po gaṅ yin pa de yaṅ med par gyur | ’jig rten du mun ba yaṅ byuṅ bar gyur to || bdag cag (110a1) de za źiṅ zes de daṅ ldan la tshe riṅ źiṅ yun riṅ du gnas pa la bdag cag las gaṅ zas ches chuṅ du zab de ni kha dog daṅ ldan par gyur la | gaṅ zas ches cher za ba de ni kha dog ṅan par gyur to || de ltar zas rnam gñis ñid la brten nas kha dog (2) rnam gñis ñid du mṅon la | kha dog rnam gñis ñid du gyur pa na sems can gyis sems can la kwa’e sems can ṅa ni kha dog daṅ ldan pa yin la | khyod ni kha dog ṅan pa yin no źes khyad du gsod par byed do || bdag cag kha dog gis mṅon pa’i ṅa rgyal can du gyur pa (3) na sdig pa can mi dge ba’i chos de dag ñid yaṅ dag par blaṅs pa’i rgyus sa’i bcud med par gyur to || sa’i bcud med par gyur pa nas źag kha dog phun sum tshogs pa | dri phun sum tshogs pa | ro phun sum tshogs pa byuṅ bar gyur te | bdag cag de za źiṅ zas (4) de daṅ ldan la tshe riṅ źiṅ yun riṅ du gnas so || bdag cag las gaṅ zas ches chuṅ du za ba de ni kha dog daṅ ldan par gyur la | gaṅ zas ches cher za ba de ni kha dog ṅan par gyur te | de ltar zas rnam gñis ñiṅ la brten nas kha dog rnams gñis ñid du mṅon la | kha (5) dog rnam gñis ñid du gyur pa na sems can gyis sems can la | kwa’e sems can ṅa ni kha dog daṅ ldan pa yin la | khyod ni kha dog ṅan pa yin no źes khyad du gsod par byed do || bdag cag kha dog gis mṅon pa’i ṅa rgyal can du gyur pa na sdig pa can mi dge ba’i (6) chos de dag ñid yaṅ dag par blaṅs pa’i rgyus sa źag med par gyur to || sa źag med par gyur pa na myu gu’i tshal kha dog phun sum tshogs pa | dri phun sum tshogs pa | ro phun sum tshogs pa byuṅ bar gyur te | bdag cag de za źiṅ zas de daṅ ldan la tshe riṅ źiṅ (7) yun riṅ du gnas so || bdag cag las gaṅ zas ches chuṅ du za ba de ni kha dog daṅ ldan par gyur la | gaṅ zas ches cher ba de ni kha dog ṅan par gyur to || de ltar zas rnam gñis ñid la brten ñas kha dog rnam gñis ñid du mṅo na la | kha dog rnam gñis ñid (110b1) du gyur ba na sems can gyis sems can la kwa’e sems can ṅa ni kha dog daṅ ldan pa yin la | khyod na kha dog ṅan pa yin no źes khyad du gsod par byed do || bdag cag kha dog gis mṅon pa’i ṅa rgyal can du gyur pa na sdig pa can mi dge ba’i chos de dag ñid yaṅ (2) dag par blaṅs pa’i rgyus myu gu’i tshal med par gyur te | myu gu’i tshal med par gyur pa na ma rmos ma btab pa’i ’bras sā lu’i ’bru so ba med pa | sbun pa med pa | dag pa gtsaṅ ba sor bźi pa kun nas ma dkris pa nub brdas na naṅ rgyal źiṅ phyir skye la | naṅ brdas (3) na nub rgyal źiṅ phyir skye ba | brṅas so cog phyir skye ba | brṅas par yaṅ mi mṅon pa byuṅ bar gyur te | bdag cag de za źiṅ zas de daṅ ldan la tshe riṅ źiṅ yun riṅ du gnas so || gaṅ gi phyir bdag cag gis ma rmos ma btab ba’i ’bras sā lu’i ’bru sogs (4) ’jog gi yoṅs su spyod pas zos par gyur pa de’i phyir bdag cag la ’bras sā lu de so ba daṅ | sbun pa daṅ | ’bras kun nas dkris par gyur ciṅ brṅas so cog kyaṅ phyir mi skye la | brṅas par yaṅ mṅon źiṅ sā lu byiṅs ma yin pa dag na rnam par gnas par gyur (5) gyis bdag cag ’dus śiṅ lhags nas mtshams gcad par bya źiṅ ’di ni khyod kyi’o || ’di ni ṅa’i ’o źes mu thug rnam par gźag par bya ba sñam źes de dag ’dus śiṅ lhags nas | mtshams gcod par byed ciṅ ’di ni khyod kyi’o || ’di ni ṅa’i ’o źes mu thug (6) rnam par ’jog par byed do || dge sloṅ dag ’di ni mu thug gi las kyi mtha’ dag ’jig rten du ’byuṅ ba’i daṅ po rtsom pa yin te | de yaṅ chos kyis yin gyis chos ma yin pas nim yin no || de la chos ni ’di yin te | rgyal ba dbaṅ po rnams kyi chos mchog yin no || de (7) nas sems can gźan źig gis raṅ gi sā lu yod bźin du gźan gyi sā lu ma byin par blaṅs so || sems can gźan źig gis sems can raṅ gi sā lu yod bźin du gźan gyi sā lu ma byin par len pa de mthoṅ ṅo || mthoṅ nas kyaṅ sems can de la ’di skad ces smras (111a1) so|| kwa’e sems can khyod ci’i phyir raṅ gi sā lu yod bźin du gźan gyi sā lu ma byin par len | kwa’e sems can khyod soṅ la phyin chaṅ de ltar ma byed cig | sems can des lan gñis lan gsum du yaṅ raṅ gi sā lu yod bźin du gźan gyi sā lu (2) ma byin par blaṅs so || sems can gźan des kyaṅ sems can lan gñis lan gsum du yaṅ raṅ gi sā lu yod bźin du gźan gyi sā lu ma byin par len pa de mthoṅ ṅo || mthoṅ nas kyaṅ yaṅ sems can de la ’di skad ces smras so || kwa’e sems can khyod ci’i phyir (3) raṅ gi sā lu yod bźin du gźan gyi sā lu ma byin par len ces sems can des sems can de ’dren par byed | khrid par byed ciṅ ’khor gyi naṅ du yaṅ śes lṅan dag sems can ’di raṅ gi sā lu yod bźin du gźan gyi sā lu ma byin par len to źes smod pa’i bar du byed do || de (4) nas sems can de dag gis sems can de la ’di skad ces smras so || kā’e sems can khyod ci’i phyir raṅ gi sā lu yod bźin du gźan gyi sā lu ma byin par len | kā’e sems can khyod soṅ la phyin chad de ltar ma byed cig | de nas sems can ma byin par len pa (5) des sems can de dag la ’di skad ces smras so || śes ldan dag sems can ’dis kho bo la sā lu’i phyir smras te ’dren par byed | khrid par byed ciṅ ’khor gyi naṅ du smod pa’i bar du byed do || de nas sems can de dag gis sems can sā lu’i phyir smra ba de la ’di skad (6) ces smras so || kā’e sems can khyod ci’i phyir sā lu’i phyir sems can la smras śiṅ ’dren par byed | khrid par byed la ’khor gyi naṅ du smad pa’i bar du byed | kā’e sems can khyod soṅ la phyin chad de ltar ma byed cig | de nas sems can de dag ’di sñam du śes ldan (7) dag sā lu’i phyir ’dren par byed | khrid par byed pa nas ’khor gyi naṅ du smod par byed pa’i bar dag snaṅ gis || bdag cag ’dus śiṅ lhags nas bdag cag gi naṅ nas sems can gaṅ ches gzugs bzaṅ ba | ches blta na ldug pa | ches mdzes pa | ches lus che (111b1) pa de dag bcag cag gis źiṅ rnams kyi bdag por bskos nas | bdag cag las gaṅ chad pas gcad par bya ba yaṅ chad pas gcod par ’gyur źiṅ | phan gdags par bya ba la yaṅ phan ’dogs par ’gyur la | bdag cag gi źiṅ dag las ci ’byuṅ bar ’gyur (2) ba de las chos daṅ ldan pa’i thog śas kyaṅ dbul bar bya’o sñam nas sems can de dag ’dus śiṅ lhags nas de dag gi naṅ nas sems can gaṅ ches gzugs bzaṅ ba | ches blta na sdug pa | ches mdzes pa | ches lus che ba de źiṅ rnams kyi bdag por bsko źiṅ ’di (3) skad ces | kye sems can khyod tshur spyon | khyod kyis bdag cag las gaṅ chad pas gcad par bya ba yaṅ chad pas chod cig phan gdags par bya ba la yaṅ phan thogs śig | bdag cag gi źiṅ dag las ci ’byuṅ ba de las kyaṅ bdag cag gis khyod la chos daṅ (4) mthun pa’i thog śas dbul lo źes smras te | de ltar skye bo maṅ pos bkur ciṅ skye bo maṅ pos bkur bas de maṅ pos bkur ba maṅ pos bkur ba źes bya ba’i miṅ du gyur to || źiṅ rnams kyi bdag po daṅ | smas pa las skyoṅ bar byed pas rgyal rigs rgyal rigs (5) źes bya ba’i miṅ du gyur to || tshul khrims kyi spyod pa kun tu spyod pa daṅ | śes rab kyi spyod pa kun tu spyod pas chos kyis skye dgu dga’ bar byed pas rgyal po rgyal po źes bya ba’i miṅ du gyur to || dge sloṅ dag ’di ni rgyal rigs kyi dkyil ’khor ’jig rten du ’byuṅ (6) ba’i daṅ po rtsom pa yin te | de yaṅ chos kyis yin gyi chos ma yin pas ni ma yin no || de la chos ni ’di yin te | rgyal ba dbaṅ po rnams kyi chos mchog yin no || dge sloṅ dag bram ze’i dkyil ’khor ’jig rten du ’byuṅ ba’i daṅ po rtsom pa gaṅ źe na | dge (7) sloṅ dag de nas sems can kha cig gis yoṅs su ’dzin pa ni nad do || yoṅs su ’dzin pa ni ’bras so || yoṅs su ’dzin pa ni zug rdu’o || yoṅs su ’dzin pa ni sdug bsṅal gyi rtsa ba’o źes bya bar rig nas | groṅ nas dgon pa’i gnas su doṅ ste | yal (112a1) ga daṅ | lo ma’i spyil po dag byas nas gnas bcas te ’khod do || de dag dgoṅs kar yaṅ dgoṅs ka’i zas ’dod pas groṅ du bsod sñoms la źugs so || naṅ bar yaṅ naṅ par gyi zas ’dod pas groṅ du bsod sñoms la źugs so || de (2) na sems can gźan dag ’di sñam du | śes ldan ’di dag gis ’di ltar yoṅs su ’dzin pa ni nad do || yoṅs su ’dzin pa ni ’bras so || yoṅs su ’dzin pa ni zug rdu’o || yoṅs su ’dzin pa ni sdug bsṅal gyi rtsa ba’o || źes bya bar rig nas (3) groṅ nas dgon pa’i gnas su doṅ ste | yal ga daṅ lo ma’i spyil po dag byas nas gnas bcas te ’khod ciṅ | dgoṅs kar yaṅ dgoṅs ka’i zas ’dod pas grog du bsod sñoms la ’jug par byed | naṅ par yaṅ naṅ par gyi zas ’dod pas groṅ du bsod (4) sñoms la ’jug par byed pa ni dka’ ba byed pa yin no sñam nas | de dag la te por spyin pa daṅ bya bar sems so || de nas sems can kha cig bsam gtan de daṅ | rab tu dben pa de mṅon par rdzogs par ma rtogs pa na mtha’ gcig tu doṅ ste | yal ga daṅ lo (5) ma’i spyil po dag byas nas ’dir bdag cag gis gsaṅ sṅags kyi gźuṅ dag bya | rig byed dag sbyor bar bya’o źes gnas bcas te ’khod par gyur ciṅ | de dag de na gsaṅ sṅags kyi gźuṅ dag byed | rig byed dag sbyor bar byed do || de nas de las sems can (6) kha cig gis bsam gtan de daṅ | rab tu dben pa de daṅ | gsaṅ sṅags kyi gźuṅ de daṅ | rig byed sbyar ba de mṅon par rdzogs par ma rtogs pa na yaṅ phyir dgon pa nas groṅ mthar lhags te khaṅ khyim sgo bźi pa dag brtsigs nas ’dir bdag cag gis sbyin pa dag (7) sbyin par bya | bsod nams dag spel bar bya | skye bo ’gron pa ’oṅs śiṅ lhags pa rnams la ci nus ci lcigs su bza’ ba daṅ | btuṅ bas tshim par bya’o źes de dag de na sbyin pa dag sbyin | bsod nams dag byed | skye bo ’gron pa ’oṅs śiṅ lhags pa rnams (112b1) la ci nus ci lcogs su bza’ ba daṅ btuṅ bas tshim par byed do || ’di dag groṅ las phyi rol du brten ciṅ phyi rol du sems pa źes bya ba las bram ze źes bya ba’i miṅ du gyur to || yaṅ ’di dag ni bsam gtan mi byed do źes bya ba las klog tu ’dzud pa klog (2) tu ’dzud pa źes bya ba’i miṅ du gyur to || dgon pa nas yaṅ phyir groṅ mthar lhags pas groṅ pa groṅ pa źes bya ba’i miṅ du gyur to || dge sloṅ dag ’di ni bram ze’i dkyil ’khor ’jig rten du ’byuṅ ba’i daṅ po rtsom pa yin te | de yaṅ chos kyis yin gyi chos ma yin (3) pa sani ma yin no || de la chos ni ’di yin te | rgyal ba dbaṅ po rnams kyi chos mchog yin no || dge sloṅ dag rje’u rigs kyi dkyil ’khor ’jig rten du ’byuṅ ba’i daṅ po rtsom pa gaṅ źe na | dge sloṅ dag de nas sems can kha cig khaṅ khyim so so daṅ ldan (4) pa’i bzo’i gnas daṅ | las kyi gnas dag la brtson pa dag la sems can ’di dag bzo’i gnas daṅ | las kyi gnas so sor sgrub par byed do źes bya ba las rje’u rigs źes bya ba’i miṅ du gyur to || dge sloṅ dag ’di ni rje’u rigs kyi dkyil (5) ’khor ’jig rten du ’byuṅ ba’i daṅ po rtsom pa yin te | de yaṅ chos kyis yin gyi chos ma yin pas ni ma yin no || de la chos ni ’di yin te | rgyal ba dbaṅ po rnams kyi chos mchog yin no || dge sloṅ dag chos ñid kyis na dkyil ’khor gsum po dag ’jig (6) rten du byuṅ bas bźi pa dge sbyoṅ gi dkyil ’khor yaṅ ’jig rten du ’byuṅ bar ’gyur ro || ji ltar źe na | dge sloṅ dag rgyal rigs kyi khyim nas kyaṅ rigs kyi bu dag skra daṅ kha spu bregs te gos dur smrig dag bgos nas yaṅ dag pa kho nar dad pas khyim nas khyim med (7) par rab tu ’byuṅ bar byed pas rgyal rigs kyis kyaṅ de dag la mṅon du smrab daṅ | phyag bya ba daṅ | ldaṅ ba daṅ | thal mo sbyar ba daṅ gduṅ pa’i las bya bar ’os pa yin la | bram ze daṅ | rje’u rigs dag gis kyaṅ mṅon du smra ba daṅ | phyag bya ba daṅ | ldaṅ ba (113a1) daṅ | thal mo sbyar ba daṅ | gduṅ pa’i las bya bar ’os pa yin no || bram ze’i khyim daṅ rje’u rigs kyi khyim nas kyaṅ rigs kyi bu dag skra daṅ kha spu bregs te gos dur smrig dag bgos nas yaṅ dag pa kho nar dag pa kho nar daṅ pas khyim nas khyim med par rab (2) tu ’byuṅ bar byed ciṅ | rgyal rigs kyis kyaṅ de dag la mṅon du smra ba daṅ | phyag bya ba daṅ | ldaṅ ba daṅ | thal mo sbyar ba daṅ | gdud pa’i las bya bar ’os pa yin la | bram ze daṅ | rje’u rigs dag gis kyaṅ de dag la mṅon du smra ba daṅ | phyag bya ba daṅ | (3) ldaṅ ba daṅ | thal mo sbyar ba daṅ | gdud pa’i las bya bar ’os pa yin no || dge sloṅ dag de la de’i tshe de’i dus na gaṅ gis de’i daṅ por raṅ gi sā lu yod bźin du gźan gyi sā lu ma byin par blaṅs pa’i sems can de ni dge sloṅ nor can te | ’dis de’i tshe yaṅ (4) ’jig rten skyon med ciṅ chu bur med pal de’i daṅ por ’di lta ste | ma byin par len pa’i rkyen gyis chu bur phyuṅ ṅo || ’dis da ltar yaṅ dge sloṅ gi dge ’dun skyon med ciṅ chu bur med pa la de’i daṅ por ’di lta ste | ma byin bar len pa’i rkyen gyis chu bur phyuṅ ṅo || dge (5) sloṅ dag de lta bas na ’di ltar bslab par bya ste | ’dod chags spaṅ ba’i phyir ’bad par bya’o || źe sdaṅ spaṅ ba’i phyir daṅ | gti mug spaṅ ba’i phyir ’bad par bya ste | dge sloṅ dag khyed kyis de ltar bslab par bya’o || las daṅ po pa daṅ | smyos pa daṅ | sems ’khrugs (6) pa daṅ | tshor ba dag gis ñes pa la ni ltuṅ ba med do || pham par ’gyur ba gñis pa rdzogs so || || ’dul ba rnam par ’byed pa | bam po brgyad pa |

.