saṅs rgyas bcom ldan ’das ’brog gnas na ’brog gi nags mchog na bźugs so || de na dge sloṅ bsod sñoms pa źig khyim bdag cig gi sdum par dus daṅ mthun pa’i (3) dus su ’gro źiṅ chos kyaṅ ston par byed do || ji tsam na dge sloṅ des khyim bdag de skyabs su ’gro ba daṅ | bslab pa’i gźi dag la rab tu bźag go || de nas yaṅ dge sloṅ de ñe bar soṅ nas khyim bdag de la rdzas las byuṅ ba’i bsod nams bya ba’i gźi bdun po dag gi (4) bsṅags pa rgya cher brjod pa daṅ | khyim bdag des smras pa | ’phags pa bdag gis kyaṅ dge ’dun la rdzas las byuṅ ba’i bsod nams bya ba’i gźi ’ga’ źig bgyid du skyal to || bsod sñoms pas smras pa | khyim bdag legs kyis byed du chug śig | ’phags (5) ba ci źig bgyid du stsal | khyim bdag dge ’dun la bsro khaṅ gi khaṅ pa med kyis de byed du chug śig | ’phags pa bdag la kār ṣā pa ṇa dag ni mchis mod kyi ’on kyaṅ bsod nams kyi grogs bgyid pa ma mchis so || khyim bdag kho bo khyod kyi bsod nams kyi (6) grogs yin no || ’phags pa legs so || khyim bdag des bsod sñom pa de la kār ṣā pa ṇa dag phul nas bsod sñoms pa de dge ’dun gyi bsro khaṅ gi khaṅ pa byed du ’jud pa la źugs so || ji tsam dus gźan źig na ’brog gnas su dus ston byuṅ nas (7) gla mi dag ma ’oṅs pa daṅ | bsod sñoms pas de dag bos te smras pa | bźin bzaṅs dag deṅ khyed cag ci’i phyir ma ’oṅs | de dag gis smras pa | ’phags pa deṅ ’jig rten gyi dus ston lags pas de’i slad du bdag cag ma mchis so || bsod sñoms pas (146b1) smras pa | bźin bzaṅs dag gaṅ dag bsod nams kyi ’bras bus ’tsho ba de dag la ni dus ston yod na | khyed cag mkhar len gyi ’bras bus ’tsho ba dag dus ston ci ’dra ba dag cig yod | tshur śeg la las gyis śig daṅ | de’i phyir gla ñis gyur du sbyin no || de dag (2) gis smras pa | ’phags pa gaṅ dag bsod nams kyi ’bras bus ’tsho ba de dag la ni rtag pa kho nar dus ston mchis kyi | bdag cag ni mkhar len gyi ’bras bus ’tsho ba lags pas de ñid kyis na bdag cag la brgya la brgya lam na dus ston ’byuṅ bas gal te gla sum (3) gyur du stsal du lags kyaṅ bdag cag deṅ ni las mi bgyid do źes de dag ma btub ste doṅ nas bsod sñoms pa yaṅ sñiṅ las chuṅ ṅur ’dug go || khyim bdag gis bsam pa | bdag gis sbyin par bya ba’i chos de la ji tsam ni byas | ji tsam ni ma byas pa de bltar (4) ’gro’o sñam nas de naṅ par sṅar laṅs te soṅ ba daṅ | ’ga’ yaṅ las mi byed pa mthoṅ nas de bsod sñoms pa’i druṅ du soṅ ste rkaṅ pa gñis la phyag ’tshal nas smras pa | ’phags pa gla mi dag deṅ las mi bgyid dam | khyim bdag mi byed do || ci’i slad du (5) de dag na re deṅ ’jig rten gyi dus ston yin pas bdag cag las mi byed do źes zer ro || khyim bdag gis smras pa | ’phags pa de dag ni mkhar len gyi ’bras bus ’tsho ba lags pas ’phags pa de dag la gla ma stsal bas des na ma btub gor ma bkum | bsod (6) sñoms pas smras pa | khyim bdag kho bos gla ñis gyur byin yaṅ ma grub ste | de dag na re ’phags pa gaṅ dag bsod nams kyi ’bras bus ’tsho ba de dag la ni rtag pa kho nar dus ston mchis kyi bdag cag ni mkhar len gyi ’bras bus ’tsho ba lags pas de ñid kyis na (7) bdag cag la brgya la brgya lam na dus ston ’byuṅ bas gal te gla sum gyur du stsal du lags kyaṅ bdag cag deṅ ni las mi bgyid do źes zer ro || khyim bdag gis smras pa | ’phags pa bdag ni bdag gi slad du yaṅ bgyid du mi stsol la | ñe du rnamama kyi slad du yaṅ bgyid (147a1) du mi stsol gyi | ’di ltar ’phags pa rnams kyi slad du bgyid du stsol ba lags pas kye ma ’phags pa rnams kyis kyaṅ brgya la brgya lam du mkhar len gyi stoṅs mo mdzod cig | bsod sñoms pas skabs de dge sloṅ rnams la brjod nas | dge sloṅ rnams kyis (2) bcom ldan ’das la gsol pa daṅ | bcom ldan ’das kyis bka’ stsal pa | gźi ma zin pa la dge sloṅ rnams kyis mkhar len gyi stoṅs mo bya’o || bcom ldan ’das kyis gźi ma zin pa la dge sloṅ rnams kyis mkhar len gyi stoṅs mo bya’o źes bka’ stsal nas | dge sloṅ (3) dag gis mkhar len gyi stoṅs mo bya bar brtsams nas | de dag phan tshun so phag ’phen par byed do || ji tsam na dge sloṅ źig gis dge sloṅ la so phag ’phaṅs pa daṅ lag pa nas śor te dge sloṅ gi mgor phog nas de dus la bab bo || dge slog de dasaga pa skyes śiṅ | (4) de dag yid mi b de nas ’di skad ces tshe daṅ ldan pa dag bsod sñoms pa las med pas las phyuṅ nas bdag cag tshaṅs pa mtshuṅs pa mtshuṅs par spyod pa yid du ’oṅ ba daṅ bral bar gyur ciṅ | bdag cag la pham par ’gyur ba’i ltuṅ ba ma byuṅ ṅam sñam du ’gyod pa skyes par gyur to || (5) źes zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyi bka’ stsal pa | dge sloṅ dag khyed la ni ltuṅ pa med de | yaṅ dge sloṅarnamasa kyis so phag ’phaṅ bar mi bya bar ’di ltar lag pas lag par brgyud par bya’o || gal te (6) bye ba’am gas pa yin na go bar bya ste brgyud par bya’o || go bar ma byas par brgyud par byed na ’gal tshabs can du ’gyur ro || bcom ldan ’das kyis dge sloṅ rnams kyis mkhar len gyi stoṅs mo bya’o źes bka’ stsal nas | dge sloṅ rnams ñi ma raṅs par las byed nas (7) bram ze daṅ khyim bdag dag ci’i phyir dge s+l+loṅa ’di dag ci’i phyir dge sloṅ ’di dag ñi ma raṅs par gla mi bźin du las byed ces ’phya bar byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | ñi ma (147b1) raṅs pa ra las mi bya bar ’di ltar lan gcig bya’o || dge sloṅ dag so ga ni phyi dro las byed la | dgun ni sṅa dro las byed nas | bcom ldan ’das kyis bka’ stsal pa | so ga ni sṅa dro las byal | dgun ni phyi dro las bya’o || de dag dus rtiṅ la thug pa na gtoṅ źiṅ ’jim rdzab kyis gos pa’i (2) lus kyis de bźin riṅs pa riṅs par bsod sñoms la ’jug pa nam dad pa dag ’phags pa dag khyed cag gis gla mi dag kyaṅ bam par byas te | de dag kyaṅ zas kyi dus yoṅs su spoṅ bar byed na | khyed cag zas kyi dus kyaṅ spoṅ bar mi byed do źes ce ’dri bar byed pa’i (3) skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | bsod sñoms pa gaṅ dag yin pa de dag gis ni sta gon byas nas groṅ du bsod sñoms la ’jug khom pa daṅ | gaṅ dag dge ’dun gyi rñed pa dbaṅ pa (4) de dag gis ni sta gon byas nas dge ’dun gyi dbus su ’jug khom pa de ltar dus śes par byas te gtaṅ bar bya’o || bcom ldan ’das kyis sta gon byas nas groṅ du bsod sñoms la ’jug par bya źiṅ dge ’dun gyi dbus su yaṅ ’jug par bya’o źes bka’ stsal nas | (5) dge sloṅ rnams kyis ji tsam gyis na sta gon byas par brjod par bya ba mi śes nas | bcom ldan ’das kyis bka’ stsal pa | ji tsam gyis lag pa gñis daṅ | rkaṅ pa gñis bkrus pa daṅ | lhuṅ bzed bkrus par gyur pa de tsam gyis sta gon byas par brjod par (6) bya’o|| gźan yad ṅas dge sloṅ mkher len byed pa dag gi kun tu spyod pa’i tshes dag bca’ bar bya ste | dge sloṅ mkhas len byed pas dus ji lta ba bźin du sṅa dro ni khye’u sus dag sbyor du gźug par bya’o || phyi dro ni skom daṅ | lag pa daṅ | rkaṅ pa’i sku mñe rgyu dag sbyor du gźug (7) bar bya’o || dge sloṅ mkhar len byed pas kun du spyod pa’i chos ji ltar bcas pa dag yaṅ dag par blaṅs te ’jug par mi byed na ’gal tshabs can du ’gyur ro || ’brog gnas su bsod sñoms pas bsro khaṅ byed du bcug pa ji lta ba bźin du me khaṅ gi gleṅ gźi yaṅ de kho na bźin du (148a1) rgyus par brjod par bya’o || bye brag ni ’di yod de | bcom ldan ’das kyis gźi mazina pa la mkhar len gyi stoṅs mo bya’o źes bka’ stsal nas | dge sloṅ dag me khaṅ gi las byed ciṅ phyam dag phar sbed tshur sbed pa na de dag gi ’og na śiṅ mkhan źig źal (2) ta byed de || ji tsam na phyam dag sbed pa na | dge sloṅ gi lag nas phyam śor bas śiṅ mkhan gyi mgor phog nas de dus la bab pa daṅ | dge sloṅ de dag tshe daṅ ldan pa dag bsod sñoms pa las med pas las phyuṅ bas bdag cag la pham par ’gyur ba’i ltuṅ ba ma byuṅ (3) ṅam sñam du ’gyod pa skyes pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyed la ni ltuṅ ba med de || yaṅ dge sloṅ dag gis mi bzod pa’i khur gdeg par mi bya’o || rkyen de lta bu (4) źig byuṅ na mdo mdor khyim pa dag ’dzin du gźug par bya źiṅ gdeg pa dag daṅ | gźag pa dag kyaṅ brjod par bya ste | mñam du gdeg pa daṅ | mñam du gźag par bya’o || dge sloṅ dag mi bzod pa’i khur ’deg par byed na ’gal tshabs can du ’gyur (5) ro | |bcom ldan ’das kyis dge sloṅ dag gis mi bzod pa’i khur gdeg par mi bya’o źes bka’ stsal nas | dge sloṅ rnams kyis ji tsam ni bzod pa yin | ji tsam ni mi bzod pa yin pa mi śes nas | bcom ldan ’das kyis bka’ stsal pa | khyim pa gcig gi khur gaṅ yin pa (6) de dge sloṅ gñis kyis gdeg par bya’o || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa ’char kas gtum mo btul te skyabs su ’gro ba daṅ | bslab pa’i gźi dag la bkod pa de’i (7) tshe ṅes tshe daṅ ldan ba ’char ka’i rkaṅ pa gñis la phyag ’tshal nas yod byad thams cad kyis bstabs pa daṅ | tshe daṅ ldan pa ’char kas daṅ du ma blaṅs te smras pa | sriṅ mo bcom ldan ’das kyi bstan ba ni gźan la phan pas rjes su ’dzin par źugs pa yin pas kho bos kyaṅ gźan la (148b1) phan pa bya dgos so || gtum mos smras pa | ’phags pa gal te de lta lags te daṅ du mi bźed na | bdag gis ’phags pa’i slad du draṅ sroṅ gi gdan bśam par bgyis | khyod kyis bsod sñoms brgyus nas draṅ sroṅ gi gdan la loṅs sbyad de gśegs par rigs so || (2) tshe daṅ ldan pa ’char kas smras pa | sriṅ mo de bźin bya’o źes tshe daṅ ldan pa ’char ka ñi ma re re źiṅ bsod sñoms brgyus nas gtum mo’i khyim du draṅ sroṅ gi stan la loṅs spyad de ’gro’o || ji tsam dus gźan źig na tshe daṅ ldan pa ’char ka la ljoṅs su bya ba źig byuṅ nas tshe daṅ ldan (3) pa ’char kas bsams pa | bdag je soṅ la sriṅ mo blta bar bya’o sñam nas | tshe daṅ ldan pa ’char ka gtum mo’i gan du soṅ ste smras pa | sriṅ mo kho bo ljoṅs rgyur ’gro yis | byod kyis chos kyi lus la bag gyis śig | gtum mos smras pa | ’phags pa myur du slar gśegs (4) ba’i rigs te | der bźugs par mi mdzad ciṅ der dgyes pa mi bskyed du gsol | tshe daṅ ldan pa ’char kas gtum mo bltas te ljoṅs rgyur ’phags pa daṅ | tshe daṅ ldan pa kun dga’ bos dge sloṅ rnams la smras pa | tshe daṅ ldan pa dag bcom ldan ’das ljoṅs rgyur gśegs (5) kyis | khyed cag las gaṅ bcom ldan ’das daṅ thabs cig ljoṅs rgyur ’gro bar spro ba des chos gos kyi las gyis śig | tshe daṅ ldan pa ’char kas thos nas bsams pa | saṅs rgyas kyi rgyu ba la ni phan yon bcwa brgyad yod de | rgyal po’i ’jigs pa med pa daṅ | chom rkun gyi (6) ’jigs pa med pa daṅ | me’i ’jigs pa med pa daṅ | mi’i ’jigs ba med pa daṅ | mi ma yin pa’i ’jigs pa med pa daṅ | klu’i ’jigs pa med pa daṅ | gdug pa’i ’jigs pa med pa daṅ | seṅ ge’i ’jigs pa med pa daṅ | stag gi ’jigs pa med pa daṅ | guṅ gi (7) ’jigs pa med pa daṅ | pha rol gyi dmag tshogs kyi ’jigs pa med pa daṅ | spyaṅ ki’i ’jigs pa med pa daṅ | śo gam gyi ’jigs pa med pa daṅ | la gcan gyi ’jigs pa med pa daṅ | grub tsas kyi ’jigs pa med pa daṅ | dus daṅ dus su lha’i gzugs dag mthoṅ źiṅ lha’i sgra dag (149a1]thos la kun śes pa brṅa sprod pa dag thos pa daṅ | chos kyi loṅs spyod daṅ | zaṅ ziṅ gi loṅs spyod yod pa daṅ | saṅs rgyas kyi rgyu ba la gnod pa ñuṅ ba yin gyis | bdag kyaṅ bcom ldan ’das daṅ thabs cig ljoṅs rgyur ’gros phyir ldog par bya’o sñam nas | [(2) tshe daṅ ldan pa ’char ka phyir log go || de’i bar skabs su gtum mo’i khyim du bu mo źig la khye’u źig btsas nas gtum mos khye’u de’i mas smras pa | bu mo khye’u ’di khrus gyis la gos dkar pos dkris te braṅ sroṅ gi stan ’dil sñol cig daṅ yun riṅ du ’tsho bar ’gyur źiṅ tshe riṅ du skyoṅ bar ’gyur (3) ro | |bu mo des khye’u de khrus byas te gos dkar pos dkris nas draṅ sroṅ gi stan de la rtag tu bsñal lo || tshe daṅ ldan pa ’char ka yaṅ ñi ma gźan źig na bsod sñoms la źugs nas gtum mo’i khyim gal ba der soṅ ṅo || dgra bcom pa dag ni ma bsams par śes pa (4) daṅ mthoṅ ba mi ’jug pas | tshe daṅ ldan ’char ka de bźin du draṅ sroṅ gi stan de la ’dug pa daṅ | bud med kyi yul de brtad pa daṅ bcas śiṅ ’phags pa khye’u ’phags pa khye’u źes zer nas tshe daṅ ldan pa ’char ka myur du laṅs te bstas na khye’u dus la bab pa mthoṅ ṅo || khyim (5) mi dag gis cho ṅes gdab par brtsams pa daṅ | tshe daṅ ldan pa ’char kas smras pa | sriṅ mo ma du śig | sems can ’dis tshe thuṅ bar ’gyur ba’i las byas te | bcom ldan ’das kyis kyaṅ ’du byed thams cad ni mi rtag go || źes gsuṅs so || de lta mod kyi (6) ’dil kho bos dud mos gdab par bya ba yin te | ’di ltar kho bos dgra bcom pa ñid thob kyaṅ kho bo las brten te bcom ldan ’das kyis ’dul ba la | ñan thos rnams kyis bslab pa’i gźi ’cha’ bar ’gyur ro || des skabs de dge sloṅ rnams la brjod nas | dge sloṅ rnams (7) kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ ’char ka la ni ltuṅ ba med de | yaṅ dge sloṅ gis khyim gźan du stan la ma brtags par ’dug par mi bya’o || ’dug na ’gal tshabs can du ’gyur ro || saṅs rgyas (149b1) bcom ldan ’das mñan yod na rgyal byed kyi tshal mgon med zas sbyin gyi dga’ ra ba na bźugs so || mñan yod na khyim bdag phyug pa | nor maṅ ba | loṅs spyod che ba | phan tshun gtam ’dres pa | phebs par smra ba | ’grogs bśes | smos ’drin gñis śig ’khod do (2) ji tsam dus gźan źig na de gñis nor zad pa daṅ | loṅs spyod zas par gyur nas de gñis kyis gros bya bar brtsams pa | bcag cag gñis ’di ñid du mthos pa daṅ dmas par gyur pas rnam pa ’di lta bu’i ’tsho ba za źiṅ loṅs spyod pas ci bya | rab tu ’byuṅ du ’doṅ do (3) źes de gñis legs par gsuṅs pa’i chos ’dul ba la rab tu byuṅ ṅo || de na gcig na bar gyur nas cig śos de’i nad g-yog byed do || nad pa de ñam dmas śiṅ sos par ma gyur nas | nad g-yog des nad pa la smras pa | tshe daṅ ldan pa khyod la sṅon khyim pa’i tshe (4) na la na ’ga’ nad ’di lta bu byuṅ ṅam | sdon yaṅ byuṅ ṅo || ’o na ji źig gis źi bar gyur | lan tshwa’i sman rtsabs kyis so || ’o na da ci’i phyir lan tshwa’i sman rtsabs mi ’thuṅ źes nad g-yog des lan tshwa’i sman rtsabs bslaṅs te nad pa la blud pa daṅ | nad pa des dus kyi chos (5) daṅ ldan par gyur nas dge sloṅ de bdag gis ’di la sman ma yin pa byin par ma gyur nas dge sloṅ de bdag gis ’di la sman ma yin pa byin par ma gyur ta ma sñam du ’gyod pa skyes nas | des skabs de dge sloṅ rnams la brjod nas | dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ (6) dag dge sloṅ de la ni lhuṅ ba med de || yaṅ dge sloṅ gis sman pa la ma dris par raṅ gi blos nad pa la sman sbyin par mi bya’o || gal te sman pa med na sman pa rab tu byuṅ ba la dri bar bya’o sman pa rab tu byuṅ ba med na sman pas bkol ba la dri bar bya’o || sman pas bkol ba med na (7) nad kyis thebs pa la dri bar bya’o || nad kyis thebs pa med na dge sloṅ rgan pa rga na pa dag la dri bar bya’o || dge sloṅ gis sman pa la ma dris sam | ji skad bstan pa’i rim pa bźin ma byas bar raṅ gi blos nad pa la sman sbyin na ’gal tshabs can du ’gyur ro || dge sloṅ (150a1) rnams the tshom skyes nas the tshom thams cad gcod pa | saṅs rgyas bcom ldan ’das la źus pa | btsun pa dge sloṅ de la sman gaṅ lags pa de ñid sman ma lags pa ñid du gyur pa’i rgyu ni gaṅ lags | rkyen ni gaṅ lags | bcom ldan ’das kyis (2) bka’ stsal pa | de sṅon khyim pa’i tshe na rluṅ daṅ bad kan can du gyur la | da ltar ni rluṅ daṅ mkhris pa can du gyur pas des na de la sman gaṅ yin pa de ñid sman ma yin pa ñid du gyur to || saṅs rgyas bcom ldan ’das mñan yod na rgyal byed kyi tshal mgon med zas sbyin gyi (3) kun dga’ ra ba na bźugs so || gaṅ gi tshe bcom ldan ’das kyis ma ga d+hāra byuṅ ba’i rgyal po bzo sbyaṅs gzugs can sñiṅ po lha brgyad khri daṅ ma ga d+hāra byuṅ ba’i bram ze daṅ khyim bdag brgya stoṅ phrag du ma daṅ lhan cig bden pa dag la bkod pa de’i tshe na ma ga d+hāra byuṅ (4) ba’i rgyal bo bzo sbyaṅs gzugs can sñiṅ pos rgyal po’i khab tu ’di skad ces rgyal po’i khab na ’khod pa daṅ | pho braṅ ’khor ba daṅ | yul tha dad pa na se lhags pa’i tshoṅ pa’i tshogs śes ldan dag ñon cig | ṅa’i yul du gaṅ gis kyaṅ chom rkun mi bya’o || gaṅ ṅa’i (5) yul du tshom rkun byed pa de ṅas yul med par bya’o || bcom pa rnams kyi rkun rdzas ni ṅa’i mdzod daṅ baṅ ba nas sbyin no źes dril gyi sgra bsgrags pa byas so || gaṅ gi tshe bcom ldan ’das kyis kos lar byuṅ ba’i rgyal po gsal rgyal gźon nu’i dpe’i mdo sdes btul ba de’i tshe na (6) kos lar byuṅ ba’i rgyal po gsal rgyal gyis kyaṅ mñan yod du ’di skad ces mñan yod na ’khod pa daṅ | pho braṅ ’khor ba daṅ | yul tha dad pa nas lhags pa’i tshoṅ pa’i tshogs śes ldan dag ñon cig ṅa’i yul du gaṅ gis kyaṅ chom rkun mi bya’o || gaṅ ṅa’i yul du chom rkun byed (7) pa de ṅas bsad pa’i gyod la bsgrin par bya’o || bcom pa rnams kyi rkun rdzas ni ṅa’i mdzod daṅ baṅ ba nas sbyin no źes dril gyi sgra bsgrags pa byas so || de’i bar skabs na chom rkun pa gaṅ dag yul ma ga d+hāna gnas pa dag daṅ | chom rkun pa gaṅ dag yul ko sa lan gnas (150b1) pa de dag sa mtshams kyi bar du doṅ ste ’khod do || thams cad du chom rkun pa gaṅ dag yul ma gad+d+ha na gnas pa dag daṅ | chom rkun pa gaṅ dag yul kos la na gnas pa de dag sa mtshams kyi bar du doṅ ste ’khod ciṅ don mthun ’joms par byed do źes bya ba’i sgra de lta bus kyaṅ (2) khyab par gyur to || de thos nas yul ma gad+hā nas don mthun bsel ba daṅ bcas pas yul kos lar ’gro bar brtsams śiṅ yul ko sa la nas kyaṅ don mthun bsel ba daṅ bcas pas yul ma d+hāra ’gro bar brtsams so || ji tsam dus gźan źig na yul ma d+hā nas don (3) mthun bsel ba daṅ bcas pa yul ko sa lar ’phags nas de gaṅ gi tshes mtshams kyi bar las ’das te yul ko sa lar źugs pa de’i tshe na ded dpon gyis smras pa | śes ldan dag kos lar byuṅ ba’i rgyal po gsal rgyal ’di ni gtum pa | rtun ṅas pa dral śul che ba | dpa’ ba | (4) rtsal che bzes grags bas | gal te don mthun chom rkun pas bcom par gyur na yaṅ des bdag cag la rkun rdzas sbyin par nus kyis bsel ba phyir thoṅ śig | don mthun dag gis smras pa | ded dpon gal te de lta na de lta bgyi’o źes de dag gis bsel ba phyir btaṅ ṅo || (5) chom rkun pa de dag gis byam rta bźag ste ’khod ba daṅ | bya ma rta dag gis bsel ba phyir btaṅ ba de mthoṅ nas de dag gis smras pa | śes ldan dag bsel ba phyir log gis don mthun gźom par byas ’doṅ ṅo || źes de dag gis don mthun sā la’i dgon par (6) źugs pa bcom mo || de na tshoṅ pa kha cig ni bsad | kha cig ni byed ro || de na gaṅ dag byer ba de dag mgo sa rdul gyis bka’ ste | kos lar byuṅ ba’i rgyul po gsal rgyal gyi druṅ du doṅ nas smras pa | lha bdag cag tshoṅ pa rnams khyod kyi yul du tshoṅ par mi ruṅ bar rnam (7) par bkod do || ci źig byas | lha bdag cag chom rkun pa dag gis bcom mo || rgyal pos dmag dpon ’phags skyes po la bsgo ba | gźon nu soṅ la chom rkun pa dag daṅ rkun rdzas dag myur du khug cig | dmag dpon ’phags skyes pos lha bka’ (151a1) bźin ’tshal źes kos lar byuṅ ba’i rgyal po gsal rgyal las mñan nas dpuṅ gi tshogs yan lag bźi pa glaṅ po che ba’i tshogs daṅ | rta pa’i tshogs daṅ | śiṅ rta pa’i tshogs daṅ | dbuṅ bu chuṅ gi tshogs go bskon te myur ba myur bar sā la’i dgon par soṅ (2) ṅo | |de’i bar skabs na chom rkun pa dag sā la’i dgon pa śin tu stug po’i naṅ na źugs nas bag phab ste rkun rdzas bged par byed do || ’phags skyes pos kyaṅ de dag gi steṅ du brdzin nas de na chom rkun pa kha cig ni bsad | kha cig ni byer | chom rkun pa drug bcu ni gson por (3) bzuṅ ṅo || de nas g-yul las rnam par rgyal źiṅ chom rkun pa daṅ rkun rdzas khyer te kos lar byuṅ ba’i rgyal po gsal rgyal gyi druṅ du soṅ nas rkaṅ pa gñis la phyag ’tshal te smras pa | lha chom rkun pa ni ’di dag lags | rkun rdzas ni ’di dag lags so || rgyal pos chom rkun (4) pa dag la smras pa | śes ldan dag ṅas ’di skad ces ṅa’i yul du gaṅ gis kyaṅ chom rkun mi bya’o || gaṅ ṅa’i yul du chom rkun byed pa de ṅas bsad pa’i gyod la bsgrin par bya’o || bcom pa rnams kyi rkun rdzas ni ṅa’i mdzod daṅ baṅ ba nas sbyin no źes dril gyi sgra bsgrags pa (5) byas pa de khyed kyis mthos sam | lha thos so || ’on khyed kyis ci’i phyir tshod pa ’di dag bcom | lha bdag cag ’tsho ba ma mchis so || gal te de ltan yaṅ ci’i phyir gźan bsad par gyur | lha ’jigs pa bstan pa’i slad du’o || ṅas kyaṅ khyed la sṅon sus kyaṅ ma (6) bstan pa de lta bu’i ’jigs pa bstan par bya’o || rgyal po de gtum pas des blon po rnams la bsgo ba | śes ldan dag deṅ la chos rkun pa ’di dag basadasa khrid la | lag pa daṅ | rkaṅ pa chod cig | tshoṅ pa ’di dag gi ci phrogs pa ṅa’i baṅ ba daṅ mdzod (7) nas byin cig | blon po de dag gis chom rkun pa de dag dur khrod de lag pa daṅ rkaṅ pa bcad nas tshoṅ pa rnams la rkun rdzas rgyal po’i baṅ ba daṅ mdzod nas byin no || bcom ldan ’das kyis dge sloṅ dag bdag gi rgud pa daṅ | gźan gyi rgud pa la yaṅ daṅ yaṅ du (151b1) so sor rtogs śig | bdag gi ’byor pa daṅ | gźan gyi ’byor pa la yaṅ daṅ yaṅ du so sor rtogs śig | de ci’i phyir źen | dge sloṅ dag bdag daṅ gźan gyi rgud pa ni yid ’byuṅ ba’i gnas yin la | bdag daṅ gźan gyi ’byor pa yaṅ yid ’byuṅ ba’i gnas yin (2) pa’i phyir ro || źes bka’ stsal nas | dge sloṅ dag laṅs śiṅ laṅs śiṅ dur khrod rgyur ’gro bar brtsams so || dge sloṅ ma dag kyaṅ laṅs śiṅ dur khrod rgyur ’gro bar brtsams so || de’i tshe na rab tu maṅ po dag tur khrod rgyur doṅ źiṅ de daṅ de dag gis chom rkun pa dag (3) la ṅes par brtags par brtsams so || mi gźan źig kyaṅ de dag ñid la rtog ciṅ ’dug pa des smras pa | gal te don ’dod pa ’ga’ źig gis ’di dag la lan tshwa’i sman rtsabs blud par gyur na | des na ’di dag ’di nas śi ’phos nam gźon nu dag gi nu źo mthuṅ bar ’gyur ro || (4) dge sloṅ ma de dag gi naṅ na dge sloṅ ma skyoṅ ma źes bya ba sbom mo || glen ma | mi gsal bźig ’dug pa des de thos nas des bsams pa | gal te bdag bsod nams kyi phuṅ po de lta bu las yoṅs su ñams par gyur na | bdag gis legs par gsuṅs pa’i chos ’dul ba la rab tu (5) byuṅ nas ci źig rñed kyis bdag soṅ la lan tshwa’i sman rtsabs bslaṅs te ’di dag la blud par bya’o sñam nas | dge sloṅ ma skyoṅ ma de dge sloṅ ma rnanasa kyi naṅ nas phyir byuṅ ste | gnas su soṅ nas de nas lan tshwa’i sman rtsabs kyi phru ba daṅ | kham phor drug bcu bslaṅs te | (6) chom rkun pa dag gi druṅ du soṅ ba daṅ | chom rkun pa de dag sdug bsṅal gyi tshor bdag gis ñen ciṅ srog la mi ltos pa skom pas gduṅs pa dag gis bsams pa | kye ma ’phags ma ’dis bdag cag skom gyis gduṅs pa rnams la bum pa de nas skom blud na ci ma ruṅ sñam mo || skyoṅ (7) mas bsod nams kyi ’du śes kyis re re la kham phor byin te lan tshwa’i sman rtsabs brims pa daṅ | gaṅ gis ’thuṅs pa de dus la bab ste de bźin du thams cad dus la bab bo || skyoṅ ma chom rkun pa de dag la lan tshwa’i sman rtsabs ’drim bar byed pa na nam sros par gyur nas dge (152a1) sloṅ ma’i dbyar khaṅ sgo bcad pa na skyoṅ ma ’oṅs nas des dal bus khad kyis khad kyis sgo gtan brduṅs pa daṅ | dge sloṅ ma rnams kyis smras pa | sgo gtan rduṅ bar byed pa ’di su | skyoṅ mas smras pa | bdag skyoṅ ma’o || khyod nam sros nas gsal ’oṅs | phu (2) nu mo dag rjes su yi raṅ bar gyis śig | rjes su yi raṅ bar gyis śig | ci khyod kyis dgra bcom pa ñid mṅon du byas sam | ’on te phyir mi ’oṅ ba’i ’bras bu ’am | lan gcig phyir ’oṅ ba’i ’bras bu’am | rgyun du źugs pa’i ’bras su mṅon du byas sam | ’on te dge ’dun gyi (3) gtsug lag khaṅ byed du bcug | phu nu mo dag ma yin no || ’o na ’bras chan nam | skyo ma ’am | thug pa’i btuṅ ba ’am | ras yug chen sbyor du bcug gam | skyoṅ mas smras pa | phu nu mo dag ci khyed cag ’bras chan daṅ | skyo ma daṅ | thug pa’i btuṅ ba daṅ | ras (4) yug chen sbyor du gźug pa btsal ba las las gźan med dam | ’o na gźan ci byas | khyed cag gis chom rkun pa drug bcu po lag pa daṅ | rkaṅ pa bcad pa de dag mthoṅ ṅam | mthoṅ ṅo || bdag gis lan tshwa’i sman rtsabs bslaṅs te de dag ’thuṅ du bcug nas (5) ’thuṅs pa daṅ | de dag dus la bab pas ma gźon nu dag gi nu źo ’thuṅ du bcug go || skal chad ma khyod lto pham par ’gyur ba dag gis bkaṅ la la ṅe da cag rjes su yi raṅ ba byed du ’jud dam | de bdag la yaṅ dag par pham par ’gyur ba’i ltuṅ ba ma byuṅ ṅam sñan du ’gyod pa (6) skyes nas des skabs de dge sloṅ rnams la brjod nas dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ ma de la ’du śes kyaṅ yod | sems pa yaṅ yod pas phas pham par gyur to || de lta bas na dge sloṅ (7) ṅam | dge sloṅ mas nad pa la ji nas kyaṅ nad pa dus byed par gyur cig sñam pa de lta bu’i sems kyes sman sbyin par mi bya bar ’di ltar ci nas kyaṅ nad pa nad sos par gyur cig sñam pa de lta bu’i sems kyis sman sbyin bar bya’o || dge sloṅ gis nad pa la ci nas kyaṅ nad pa dus byed par gyur (152b1) cig sñam pa de lta bu’i sems kyis sman sbyin par byed na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa maud gal gyi bu cheb pos ñeb ’khor (2) la sogs pa sar pa skyes phran gźon nu bcu bdun sde’i tshogs dag rab tu phyuṅ rdzogs par bsñen par byas pa de’i tshe na bcu bdun sde dag gal te gcig la las su bsko bab pa na yaṅ de dag thams cad bsdoṅs te byed do || ji tsam dus gźan źig na gtsug lag khaṅ der mtshan thog (3) thag tu chos mñan pa byuṅ bas der de dag thams cad kyis bsdoṅs te tron byas so || phyi de ñid par dge ’dun gyi bsro khaṅ byuṅ nas der yaṅ de dag thams cad kyis bsdoṅs te tron byas so || de’i phyi de ñin par bcu bdun sde las gcig la dge skos bab nas de’i ñin mo yaṅ (4) thams cad kyis gtsug lag khaṅ brgyan te ’khod do || den dge skos tron byed pa’i tshe bcu bdun sde las gcig la blo byuṅ ba bdag ni chad kyis ñal lo || mi bcu drug gis ci’i phyir tron mi nus sñam mo || de bźin du re re la yaṅ blo de lta bu byuṅ nas gźan bcu drug po thams cad (5) so sor ñal du doṅ ṅo || dge skos de ’ba’ źig gcig pu | mtshan thog thag las byas te | mtshan mo nam naṅs pa daṅ | mar me’i koṅ du dag bsdus | sgo dag phyed | gtsug lag khaṅ chag chag btab | byug pa byas te | dus śes par byas nas stan bśams śiṅ (6) mchod rten gyi ’khor sar bdug spos brims te | gsug lag khaṅ gi steṅ du ’greṅ nas gaṇ+ḍī brduṅ bar brtsams so || de nas bcu drug po de dag gaṇ+ḍī’i sgras sad nas raṅ raṅ gi gnas khaṅ dag nas lhuṅ bzed thogs te byuṅ ba daṅ | de dag gis dge skos de gcig pu phar rgyug tshur (7) rgyug ciṅ ’dug pa mthoṅ nas de dag gis phan tshun smras pa | tshe daṅ ldan pa dag ’di gcig pu phar rgyug tshur rgyug ciṅ ’dug na yu bu cag las sus kyaṅ ’di’i grogs ma byas sam | gcig gis smras pa | kho bo la blo byuṅ ba bdag ni chad kyis ñal lo || mi bcu drug gis ci’i (153a1) phyir tron me nus sñam mo || de bźin du gźan yaṅ de skad zer | gźan dag kyaṅ de skad zer te | thams cad kyis de skad smras so || de nas bcu drug po dag gis smras pa | tshe daṅ ldan pa dag ’di bdag cag gi ’phral gyi bya ba thams cad la thog mar ’gro ba (2) yin na bdag cag gis ’di’i grogs ma byas pa ni yu bu cag gis ma legs pa byas te | ’di bdag cag la gśe bar ’gyur gyis zan zos ma thag tu bzod pa gsol par bya’o źes de dag gis zan zos nas bzod pa gsol bar brtsams te | gźon pa rnams kyis ni de’i (3) rkaṅ pa gaźañisa la gtugs | rgan pa rnams kyis ni mgul nas ’khyud de tshe daṅ ldan pa bzod par gsol źes byas na de caṅ mi smra ba ñid du ’dug go || de daṅ ches bśes pa gcig yod pa des ga ga tshil byas pa daṅ | des rgod par brtsams te | bzod do źes kyaṅ zer ro || (4) de dag gis bsams pa | de ni thabs legs pa yin no sñam nas gźan gyis kyaṅ ga ga tshil byas śiṅ de bźin du thams cad kyi bar gyis ga ga tshil byas pa daṅ | de rluṅ gyen du ’chugs te dus la bab bo || de dag brtad ciṅ mya ṅan bya bar brtsams pa daṅ | dge sloṅ rnams (5) kyis smras pa | kye bcu bdun sde dag ci’i phyir brtad ciṅ mya ṅan byed | de dag gis smras pa | bdag cag sṅon ni bcu bdun sder gyur naṅ ni bcu drug sder gyur te tshaṅs pa mtshuṅs par spyod pa yid du ’oṅ ba daṅ bral źiṅ pham par gyur pa’i ltuṅ ba byuṅ ṅo || dge sloṅ de dag gis ma legs (6) so źes smras te doṅ ṅo || bcu drug po de dag kyaṅ mtha’ gcig tu doṅ ste | sems khoṅ du chud ciṅ ’khod pa dge sloṅ gźan dag gis mthoṅ nas dge sloṅ de dag gis spyo bar brtsams te | tshe daṅ ldan pa bcu bdun sde ’di dag ni sog ma’i me bźin du skad cig gis ’bar źiṅ skad cig gis śi bar gyur te | (7) yud tsam źig rgod bag byed ciṅ yud tsam źig sems khoṅ du chud ciṅ ’khod do źes zer ro || de dag mya ṅan gyi mes yid gduṅs pas yoṅs su spyos kyaṅ caṅ mi smra bar ’khod pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis (153b1) bka’ stsal pa | dge sloṅ dag dge sloṅ de rnams la ni ltuṅ ba med de | yaṅ dge sloṅ gis ga ga tshil mi bya’o || byed na ’gal tshabs can du ’gyur ro || || ’dul ba rnam par ’byed pa | bam po pa cu gcig pa | saṅs rgyas bcom ldan ’das mñan yod na rgyal (2) byed kyi tshal mgon med zas sbyin gyi kun dga’ ra ba na bźugs so || mñan yod nas ha caṅ mi riṅ ba na | ri brags śig yod pa de na khyim bdag phyug pa | nor maṅ ba | loṅs spyod che ba źig ’dug ste | de yaṅ dad pa can bzaṅ ba dge ba’i bsam pa can yin (3) pas des dge ’dun la bsṅos te gtsug lag khaṅ rta babs mthon po daṅ | skar khuṅ daṅ | skar khuṅ dra ba can daṅ | lan kan gyis brgyan pa | sñiṅ daṅ mig ’phrog pa | mtho ris kyi the ma skas su gyur pa źig byed du bcug go || gtsug lag khaṅ der dge sloṅ drug (4) bcus dbyar gnas pa dag byas te doṅ nas khyim bdag des der ma byin par len pa dag gis khri’am | khri’u dag ma rkus par gyis ces sruṅ ma’i mi bźag go || ji tsam dus gźan źig na dge sloṅ gźan drug bcu ljoṅs rgyu źiṅ ’gro ba na ri brags der phyin nas bsti (5) gnas rñen par byed pa na mi źig gis smras pa | ’phags pa dag khyed cag ci’i slad du gtsug lag khaṅ du mi gnas | bźin bzaṅs gtsug lag khaṅ ga la yod | ’phags pa dag dgon pa ’di na’o || dge sloṅ de dag der doṅ ba daṅ sruṅ ma’i mis mthoṅ (6) nas des ’oṅs pa legs so źes bya ba’i tshig gis bsñen bkur byas te | gnas khaṅ dag bskos nas khri daṅ | khri’u daṅ | stan naṅ tshaṅs can daṅ | la ba la sogs pa dag phul te sbyaṅs tshags g-yar nas smras pa | ’phags pa dag re źig chab btsag pa mdzod cig daṅ (7) de’i bar du bdag gis khyim bdag la brjod par bgyi’o || źes mi de kyim bdag gi druṅ du soṅ ste smras pa | khyim bdag dgyes pa skyed cig | khyod kyi gtsug lag khaṅ du dge sloṅ glo bur du lhags pa drug bcu mchis so || khyim bdag gus par bsgribs pa daṅ bcas (154a1) pas naṅ mi dag la smras pa | śes ldan dag kho bo’i gtsug lag khaṅ du dge sloṅ gi dge ’dun byon pa de dag legs par sbyar ba’i btuṅ bas tshim par byas | bu ram daṅ | hwa gas daṅ | li khar daṅ | dgun daṅ | bal po se’u loṅ śig ces khyim bdag (2) des legs par sbyar ba’i btuṅ ba sbyar nas gtsug lag khaṅ du soṅ ba daṅ | dge sloṅ dag kyaṅ chu btsags te raṅ raṅ gi spyod lam gyis ’khod do || khyim bdag des dge sloṅ de dag thag riṅ po na nas mthoṅ ste | des gtsug lag khaṅ de mtsho pad mas gaṅ (3) ba bźin du mthoṅ nas rgya cher daṅ pa’i śugs kyis bsgrur ba’i rgyud kyis tshigs su bcad pa smra pa | greṅ ṅam yaṅ na dgon pa’aṅ ruṅ || gśoṅ ṅam yaṅ na thaṅ yaṅ ruṅ || gaṅ na ’os pa gnas pa yi || sa gźi de ni dga’ byed yin | de nas legs par sbyar (4) ba’i btuṅ ba sta gon byas te raṅ gil gnas dge sloṅ gi dge ’dun de tshim par byas nas raṅ ñid kyis pog phor thogs te dge sloṅ gi dge ’dun daṅ lhan cig mchod rten la phyag ’tshal nas gtsug lag khaṅ du źugs te | rgan pa’i mtha’ loṅs su ’dug go || dge ’dun gyi (5) gnas brtan gyis yon bśad nas khyim bdag des rkaṅ pa gñis la phyag ’tshal te saṅ bdag gi sdum par ’phags pa’i dge ’dun gyis gdugs tshod gsol par dig naṅ źes smras pa daṅ | dge sloṅ rnams kyis kyaṅ daṅ du blaṅs nas khyim bdag des rkaṅ pa gñis la (6) phyag ’tshal te soṅ ṅo || khyim bdag des phyi de ñin par zas bsod pas dge sloṅ dag tshim par byas śiṅ dus ma yin par yaṅ btuṅ ba blud nas dge sloṅ rnams kyis kyaṅ chos bstan to || phyis kyaṅ de kho na bźin du dge ’dun gyi gnas brtan gyis yan bśad pa daṅ | khyim bdag de (7) rgan pa’i mtha’ logs su ’dug ste smras pa | ’phags pa dag bdag gis gtsug lag khaṅ ’di bdag ñid kyi slad du yaṅ bgyid du ma stsal ñe du rnams kyi slad du yaṅ bgyid du ma stsal gyi | ’di ltar ’phags pa rnams kyi slad du bgyid du stsal ba lags kyis ’di ñid du dbyar gnas par (154b1) źal gyis bźes śig daṅ | bdag gis ’phags pa rnams la yo byad thams cad kyis mi brel par bgyi’o || dge sloṅ rnams kyis smras pa | khyim bdag mñan yod na bcom ldan ’das chos kyi rje mṅon sum du bźugs śiṅ | dus daṅ dus su dge sloṅ che ge mo (2) źig gis ni dgra bcom pa ñid mṅon du byas | che ge mo źig gis ni mi sdug pa’i bar grub po źes śes pa brda sprod pa dag kyaṅ thos par ’gyur | rgyal po yaṅ bstan pa la śin tu dad | btsun mo phreṅ ldan ma daṅ | rgyal rigs dbyar tshul ma daṅ | bla ma khyen draṅ sroṅ byin daṅ | rñiṅ (3) pa daṅ || dge bsñen ma sag daṅ | ri dgas ’dzin gyi ma daṅ | gźan yaṅ dad pa can maṅ du yod bas de zaṅ ziṅ gi loṅs spyod daṅ | chos kyi loṅs p+s+yoda chen po yaṅ ’grub pas bdag cag de ñid du ’doṅ ṅo || ’phags pa dag chos kyi loṅs spyod ni ’phags pa ñid la rag las ba lags (4) kyi | zaṅ ziṅ gi loṅs spyod ni bdag la rag las pa lags pas dgyes pa skyed cig daṅ | cuṅ zad kyaṅ ñams par mi ’gyur ro || dge ’dun gyi gnas brtan gyis smras pa | tshe daṅ ldan pa dag bcom ldan ’das kyis dad pa can gyi dad pa sbel bar bya źiṅ sbyin bdag la rjes (5) su sñiṅ brtse bar bya’o źes gsuṅs pas ’di ñid du ’khod par bya’o źes de dag der ’khod nas blo brtan pas gtsug lag khaṅ de’i phyi naṅ bcas par so sor brtag par brtsams pa daṅ | gtsug lag khaṅ de me tog phun sum tshogs pa daṅ | ’bras bu phun sum (6) tshogs pa | śin tu dga’ bar mthoṅ nas dge ’dun gyi gnas brtan gyis smras pa | tshe daṅ ldan pa dag gtsug lag khaṅ ’di me tog phun sum tshogs pa | ’bras bu phun su mtshogs pa | śin tu dga’ ba yin pas gal te bdag cag gis ’dir dbyar sṅa mar gnas par (7) khas blaṅs na me tog daṅ ’bras bu thams cad yoṅs su loṅs spyod par mi ’gyur gyis | bdag cag gis ṅes par dbyar gyi mar gnas par khas blaṅ bar bya’o źes de dag gis der dbyar phyi mar gnas par khas blaṅs so || khyim bdag de la gtsug lag khaṅ de gcig pu ’ba’ (155a1) | źig yod pas de sbyin pa daṅ bya bar sems pa gaṅ yin pa de thams cad gtsug lag khaṅ de ñid du sbyin źiṅ byed do || ri brags de na yaṅ gtsug lag khaṅ gźan med pas | ri brags pa de dag kyaṅ sbyin pa daṅ bya bar sems pa gaṅ yin pa de thams cad gtsug (2) lag khaṅ de ñid sbyin źiṅ byed do || ri brags de’i ñen ko ran yaṅ gtsug lag khaṅ gźan med pas ri brags kyi ñen kor ba de dag kyaṅ sbyin pa daṅ bya bar sems pa gaṅ yin pa de dag thams cad gtsug lag khaṅ de ñid du sbyin źiṅ byed pas der dbyar gnas par khas blaṅs pa’i (3) dge sloṅ rnams la rned pa maṅ po byuṅ ṅo || ston zla tha chuṅs kyi g-yon can dag gi kun tu spyod pa ni dgag dbye byas ma thag tu ’dus te | bdag cag gis las ci źig byas na des btsal mi dgos par lo skor du loṅs spyod ciṅ bde bar ’khod par ’gyur źes phan tshun gros (4) byed do || de dag ’di sñam du sems te | śākya ’i sras kyi dge sbyoṅ ’di dag gźom par bya’o sñam mo || gźan dag gis smras pa | de dag ni sgo ’phaṅ brgya sñed bzla ba byas kyaṅ | lto kheṅs pa ’grub par dka’ bas de dag la ci yaṅ med na bdag cag ci’i phyir yun de srid du (5) bsṅad par bya | de na dge sloṅ gi rgyus śes pa gcig ’dug pas smras pa | khyed ci śes de dag la maṅ du yod do || ji ltar źig gtsug lag khaṅ ’di gaṅ gi yin pa’i khyim bdag de ni dad pa can bzaṅ ba dge ba’i bsam pa can yin la khyim bdag de la yaṅ (6) gtsug lag khaṅ ’di gcig pu ’ba’ źig yod pas de spyin pa daṅ bya bar sems pa gaṅ yin pa de thams cad gtsug lag gaṅ ’di ñid du sbyin źiṅ byed do || ri brags ’di na yaṅ gtsug lag khaṅ gźan med pas ri brags pa ’di dag kyaṅ sbyin pa daṅ bya bar sems pa gaṅ yin pa (7) de thams cad gtsug lag khaṅ ’di ñid du sbyin źiṅ byed do || ri brags ’di’i ñen kor na yaṅ gtsug lag khaṅ gźan med pas ri brags kyi ñen kor pa ’di dag kyaṅ sbyin pa daṅ bya bar sems pa gaṅ yin pa de thams cad gtsug lag khaṅ ’di ñid du sbyin pa’i źiṅ byed pas ’dir dbyar (155b1) gnas par khas blaṅs pa’i dge sloṅ rnams la rñed pa maṅ po byuṅ ṅo || gal te yid mi ches na soṅ la ltos śig dad raṅ ñid kyi mṅon sum du ’gyur ro || gal te de lta na khyod ñid je soṅ la | mṅon sum du gyis śig daṅ | kho bo cag phyis ’oṅ ṅo || des smras pa | legs kyis (2) de bźin gyis śig daṅ kho bo ’gro’o źes de gos tshags bcos te ’phags śiṅ de nas tshigs su bcad pa’i dbyaṅs kyis mchod rten la phyag ’tshal te | gtsug lag khaṅ der źugs so || ji tsam na sgo khaṅ na rgan źugs śig ’dug nas g-yon can des de’i rkaṅ pa la phyag ’tshal te dri (3) bar brtsams pa | ’phags pa gtsug lag khaṅ sñiṅ daṅ mig ’phrog pa mtho ris kyi them skas su gyur pa ’di su’i lags | bźin bzaṅs khyim bdag che ge mo źig gi yin no || ’phags pa ci ’di gtsug lag khaṅ lags sam | ’on te phoṅs pa lags | bźin bzaṅs gtsug lag khaṅ ni ji (4) lta bu yin | phoṅs pa ni ji lta bu yin | ’phags pa gaṅ na yo byad phun sum tshogs pa ni gtsug lag khaṅ lags so || gaṅ na yo byad ma mchis pa ni phoṅs pa lags so || bźin bzaṅs ’o na ’di ni gtsug lag khaṅ yin gyi phoṅs pa ma yin te | ’di ni yo byad phun sum (5) tshogs pa yod kyi ’din yo byad med pa ma yin no || ’phags pa zas za ba ni ’ga’ yaṅs rdul mi zas | gos dag gyo na pa ni ’ga’ yaṅ śiṅ śun dag mi gyon pas khyed cag la gos cuṅ zad mchis sam | rgan źugs de draṅ po’i raṅ bźin can yin pas des g-yon (6) can de’i lag nas bzuṅ ste gnas khaṅ du bcug nas smras pa | bźin bzaṅs gos kyi gdaṅ gos dag gis phur śog ciṅ ’dug pa la ltos | ’phags pa ci ’di khyod kyi lags sam | ’on te dge ’dun gyi lags | bźin bzaṅs ’di kho bo gaṅ zag gi yin no || (7) ’phags pa ’o na khyod ni gor ma bkum par dge ’dun gyi gnas brtan nam | chos sgrog pa źig lags sam | bźin bzaṅs kho bo ni dge ’dun gyi gnas brtan yaṅ ma yin la | chos sgrog pa yaṅ ma yin te | ’di ltar kho bo ni dge ’dun gyi gsar du dge tshul źig yin no || (156a1) ’phags pa de ni mjal na ’di na dge ’dun gyi gnas mal cuṅ zad mchis sam | bźin bzaṅs maṅ du yod de re źig kho bo’i byug ris su yaṅ dṅos po bdun po dag ’thob bo || ’phags pa de yaṅ mjal gyis ’di źu’o || gtsug lag khaṅ ’di na gaṅ la la (2) ’tshal ma bgyid pa da ci rdza mkhan gyi snod du ’tshod dam | ’on te zaṅs ma’i snod du ’tshod bźin bzaṅs khyod kyis gnas khaṅ ’di dag mthoṅ ṅam | ’phags pa mthoṅ ṅo || bźin bzaṅs gnas khaṅ ’di dag zaṅs ma’i snod kyis gaṅ źiṅ ’dug go || g-yon can de bsams (3) pa legs par brid zin gyis da ni ’gro’o sñam nas g-yon can des smras pa | ’phags pa khyod kyi dge ba’i phyogs yoṅs su ñams la bdag gi don yoṅs su ñams pa lags pas bdag slad kyis kyaṅ mchi yis da ni mchi’o || bźin bzaṅs de bźin gyis śig | g-yon can des rgan źugs (4) de’i rkaṅ pa la phyag ’tshal te soṅ nas g-yon can de chom rkun pa de dag gi druṅ du soṅ ste smras pa | bad ma’i mig can dag rdzas thams cad kyis gaṅ ba’i gru bo che skams la ’dug gis phrogs śig | phrogs śig | de na gcig gis smras pa | de na ’khod pa’i rab tu byuṅ ba drug bcu po dag ni ’phoṅ (5) gi slob dpon śa stag yin źes grag pas de bźin du gźom par mi nus kyis | gaṅ gi tshe de dag mtshan mo chos ñan pa de’i tshe gźom mo || gźan dag gis smras pa | ñi ma gaṅ la de dag gi chos ñan pa ’byuṅ bar ’gyur | des smras pa | chos brgyad daṅ | bcu (6) ṅa źi la ’byuṅ ste || de la tshes brgyad ni thal zin pas tshes bcu bźi la ’byuṅ bar ’gyur ro || de dag sor mo dag gis ñi ma bgraṅ źiṅ ’khod ’khod pa nas ji tsam na tshes bcu bźi la bab ste | dge ’dun gyi gnas brtan gyis so sor thar pa’i mdo bton te dge (7) ’dun gyis gso sbyoṅ byas nas chos sgrog pa seṅ ge’i khril ’dzegs te ’di skad ces | me mchog ’dul ba’i kha lo sgyur mdzad pa || kun sbyor ’chiṅ ba gcod pa de bźin gśegs | dbaṅ po źi źiṅ ñer źi źi la mkhas | maña yod bźugs pas bka’ bźin byed la (156b1) gsuṅs | źes smra bar brtsams pa daṅ | g-yon can de dag gis sgo brduṅs so || dge sloṅ de dag gis tshor nas smras pa | śes ldan dag khyed cag su yin | ’phags pa dag bdag cag rigs kyi bu dag go || dge sloṅ rnams kyis bsams pa | ri brags nas (2) skye bo’i tshogs dag chos ñan du lhags gor ma chag gis sgo dbye’o sñam nas de dag gis sgo phya ba daṅ de dag źugs so || ji tsam na gźom par brtsams pa daṅ | dge sloṅ rnams kyis smras pa | śes ldan dag khyed cag na re bdag cag rigs kyi bu dag go źes zer na da (3) ṅed cag ’joms par byed dam | de dag gis smras pa | ’phags pa dag bdag cag la miṅ gñis mchis te | slad rol du ni rigs kyi bu dag ces bgyi la | naṅ du ni chom rkun pa dag ces bgyi’o || khyed cag miṅ ’dogs par byed pa ni ñams so || g-yon can de dag gis (4) dge sloṅ de dag bcom ste doṅ nas | dge sloṅ de dag bcom ste doṅ nas | dge sloṅ bcom pa de dag gis gros byas pa | tshe daṅ ldan pa dag bcom ldan ’das kyis lhag ma daṅ bcas par bźo bar bya’o źes gsuṅs pas re źig khyim bdag ’di phyogs bźi’i dge sloṅ gi dge ’dun la sbyin du bcug ste yaṅ ci bya || (5) bdag cag la sbyin du bcug ste yaṅ ci byas | bdag cag mñan yod ñid du doṅ na der bdag car re re la tshaṅs pa mtshuṅs par spyod pa dag gis chos gos dag gis mi phoṅs par byed par ’gyur ro źes gros byas so || ji ltar ’doṅ bar bya | mtshan mo ’gebs pas (6) ’doṅ źiṅ | nin mo thibs por źugs te ’gro bar bya’o źes de dag gis khyim bdag la yaṅ ma bltas par doṅ ṅo || ji tsam na mthar gyis mñan yod du phyin pa daṅ | dge sloṅ dag nam gyi cha stod daṅ cha smad la mi ñal bar sbyor ba’i rjes su brtson par gnas pa (7) de dag gis dge sloṅ de dag sgren mor sgo’o gam yon rgyu ba mthoṅ nas smras pa | gcer bu sgre byi dag khyed cag ’dir ci ’dod | ’di khyed kyi gtsug lag khaṅ yaṅ ma yin la ’dug gnas kyaṅ ma yin no || de dag gis smras pa | tshe daṅ ldan pa dag bdag (157a1) | cag gcer bu pa dag ma yin no || ’o na khyed su yin | dge sloṅ dag go || ’di lta bu dag dge sloṅ yin nam | ṅag dag chom rkun pa dag gis bcom pa de dag ji lta bu yin | khyed cag miṅ ci | saṅs rgyas ’tsho’o || chos ’tsho’o || dge ’dun ’tsho’o || (2) tshe daṅ ldan pa dag ’oṅs pa legs so || ’oṅs pa legs so || źes de dag gis sgo phye nas dge sloṅ de dag ’jug tu bcug ste | de dag la la las ni chos gos byin | la las ni śam thabs byin | la las ni rdul gzan byin | la las ni lhuṅ bzed byin | la las ni chu tshags byin te | bgo bśa’ ji lta ba (3) bźin du thams cad bgo bśa’ byas pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | mi śes pa la gug lag khaṅ gi sgo gya tshom du dbye bar mi bya ste | gal te ’ga’ źig mtshan mo sgo ’dod na de’i miṅ daṅ (4) ris dri bar bya źiṅ gal te ṅo śes na sgo dbye bar bya źiṅ | ṅo mi śes na sgo dbye bar mi bya’o || gźan yaṅ chos mñan pa la bab pa’i tshe dge sloṅ mel tse ba gźag par bya źiṅ | gal te chom rkun pa ’oṅs na gaṇ+ḍī ’on cig | ga ṇ+ḍī’i the’u ’on cig | dus kyi ’khor lo (5) ’on cig | snam sbyar daṅ | bdun pa daṅ | lda pa daṅ | gtur bu daṅ | rgya can daṅ | śur bu daṅ | lcag pod daṅ | śur du phre’u ’on cig ces tsham ṅam bya’o || gźan yaṅ ṅas dge sloṅ dge ’dun gyi gnas brtan gyis kun tu spyod pa’i chos dag bca’ bar bya ste | (6) dge sloṅ dge ’dun gyi gnas brtan gyis chos mñan pa la bab pa’i tshe dge skos la tshe daṅ ldan pa khyod kyis gtsug lag khaṅ gi sgo bcad dam | so sor brtags sam | chos smra ba la gsol ba btab bam | bśaṅ ba daṅ gci ba’i skyabs byi dor byas sam źes dri bar bya’o || (7) dge sloṅ dge ’dun gyis gnas brtan gyis kun du spyod pa’i chos ji ltar bcas pa dag yaṅ dag par blaṅs te ’jug par mi byed na ’gal tshabs can du ’gyur ro || de nas chom rkun pas bcom pa’i dge sloṅ de dag la dge sloṅ rnams kyis smras pa | tshe daṅ ldan pa dag kho bo cag (157b1) gis khyer cag la bgo bśa’ ji lta ba bźin du bgo bśa’ byas mod kyi ’on kyaṅ ṅa duṅ khyed cag chos gos dag gis brel gyis khyed cag khyim bdag gaṅ gi gtsug lag khaṅ du bcom par gyur pa’i khyim bdag de ni dad pa can bzaṅ ba dge ba’i bsam pa can yin pas | de ñid kyi gtsug (2) lag khaṅ du deṅ śig daṅ de ñid kyis kyed cag la chos gos dag gis mi brel bar byed par ’gyur ro || dge sloṅ de dag mtha’ gcig tu doṅ ste phan tshun gros bya bar brtsams pa | tshe ldan pa dag tshaṅs pa mtshuṅs par spyod pa ’di dag zer ba ni bzaṅ ste | bdag cag (3) gis khyim bdag lam bltas par ’oṅs pas yaṅ phyir de ñid du doṅ na des bdag cag la chos gos dag gis bgo bśa’ byed par ’gyur ba’i gnas kyaṅ yod do || źes de dag yaṅ phyir der doṅ ṅo || de nas khyim bdag des mthoṅ nas smras pa | ’phags pa dag ci’i (4) slad du khyed kyis bdag la ma gzigs par bźud | dge sloṅ de dag gis smras pa | khyim bdag bcom ldan ’das kyis lhag ma daṅ bcas par bźo bar bya’o źes gsuṅs pas des na bdag cag la blo byuṅ ba re źig khyim bdag ’di phyogs bźi’i dge sloṅ gi dge ’dun la (5) sbyin du bcug ste yaṅ ci bya | bdag cag la sbyin du bcug ste yaṅ ci byas | bdag cag mñan yod du doṅ na der bdag cag la tshaṅs pa mtshuṅs par spyod pa dag gis chos gos dag gis mi phoṅs par byed par ’gyur ro || sñam nas de’i phyir bdag cag mñan yod du doṅ (6) ṅo | khyim bdag gis smras pa | ’phags pa dag gal te bdag gi gtsug lag khaṅ bcom pas ci khyim na bdag dbaṅ ba’i rdzas dag kyaṅ bcom sñam mam | ’phags pa dag khyed cag gaṅ gi slad du byon pa ni byon pa legs so || źes khyim bdag des yaṅ rgya cher (7) kus pa daṅ bcas pas mkhos su phab ste dge sloṅ re re la yaṅ yo byad bcu gsum bcu gsum phul lo || chom rkun pa de dag yaṅ phyir ’oṅs te gtsug lag khaṅ gi sgo rduṅ bar byed pa daṅ | dge sloṅ rnams kyis tshor nas de dag gis smras pa | tshe daṅ ldan pa dag (158a1) g-yon can de dag ñid lhags kyis tsham ṅam gyis śig ces gaṇ+ḍī ’on cig ces gaṇ+ḍī de’i the’u daṅ | dus kyi ’khor lo daṅ | snam sbyar daṅ | bdun pa daṅ | lṅa pa daṅ | gtur bu daṅ | rgya caṅ daṅ | śur bu daṅ | lcag pod daṅ | śur bu phre’u ’on (2) cig ces tsham ṅam bya bar brtsams pa daṅ | g-yon can de dag skrag ste ’byer bar brtsams pa na lhas tshigs su bcad pa smras pa | legs gsuṅs rkaṅ gñis gtso bo thub pa yis || ñan thos rnams kyi tsham ṅam gaṅ bstan pa ||
tsham ṅam rab brtson pa (3) dag mchog yin gyi || g-yon can g-yul la sdar ba go gyon pa ||
lṅa brgya dag ni de lta ma yin no || g-yon can de dag la dge sloṅ gi rgyus śes pa des smras pa | śes ldan dag khyed cag ci’i phyir ’byer bar byed | de dag gis smras pa | khyed ñid na re ’di na (4) ’khod pa’i rab tu byuṅ ba drug bcu po dag ni ’phoṅ gi slob dpon śa stag yin no źes zer bas ji ltar mi ’bros su ruṅ | gźan yaṅ bdag cag gis gaṇ+ḍī źes bya ba la sogs pa’i mtshon de lta bu dag gi miṅ ni sṅon lan ’ga’ yaṅ ma thos so || des smras pa | de dag (5) ni mtshon ma yin no || ’o na de dag ci yin | re źig gaṇ+ḍī źes bya ba ni de dag gi brduṅ ba’o || gaṇ+ḍī’i the’u źes bya ba ni gaṅ gi rduṅ bar byed pa’o || dus kyi ’khor lo źes bya ba ni dus yoṅs su gcod par byed pa’o || snam sbyaRa daṅ | bdun pa daṅ | lṅa pa źes bya ba de dag ni chos gos (6) dag gi miṅ ṅo || gtur bu źes bya ba ni gaṅ du de dag gźug pa’o || rgya caṅ daṅ | śur bu daṅ | lcag po daṅ | śur bu phre’u źes bya ba de dag ni ska rags kyi miṅ yin gyis khyed cag ma sdar bar yaṅ phyir ’doṅ la gźom par bya’o źes smras nas | de dag yaṅ phyir log ste (7) chom rkun pa’i dmag dpon gyis ya gad btsugs te ’dzeg par brtsams pa daṅ | de na rgan źugs źig me la tse bar bźag pa des chom rkun pa’i dmag dpon ’dzeg pa de mthoṅ nas rgan źugs des bsams pa | g-yon can ’di dag ni gaṅ dag gis bdag cag lhuṅ bzed (158b1) daṅ chos gos phrogs te sgren mor bźag pa dag yin gyis | gal te ’di dag la btaṅ sñoms byas na yaṅ ’di dag gis bdag cag lhuṅ bzed daṅ chos gos phrogs te sgren mor bźag par ’gyur bas ’di dag bsdigs par bya’o sñam nas | rgan źugs des dal bus khad (2) kyis khad kyis soṅ ste chom rkun pa’i dmag dpon de’i mgor gaṇ+ḍī ’phaṅs pa daṅ de’i klad pa źom nas de bsnun pa drag pos phog pas | sdug bsṅal gyi tshor ba dag gis ñen nas tshegs chen pos babs te cuṅ źig tu soṅ ba daṅ dus la bab bo || rgan źugs des chom rkun (3) pa chom rkun pa źes ku co’i sgra phyuṅ ba daṅ | dge sloṅ rnams kyis chos ñan pa bcad de | khaṅ steṅ du ’dzegs nas smras pa | chom rkun pa de dag gar doṅ rgan źugs kyis smras pa | phyogs ’dir ya gad btsugs te ’dzegs pa na kho bos bsdigs nas byer ro || dge sloṅ (4) rnams kyis smras pa | gal te byer na legs so źes de dag babs te | ji tsam na mtshan mo nam naṅs pa daṅ | gtsug lag khaṅ gi ñen kor so sor brtags par brtsams te | chom rkun pa de dag ’dzegs par gyur pa’i phyogs de gaṅ yin źes de dag gis so sor brtags (5) pa na khrag mthoṅ ṅo || de dag khrag rjes su doṅ ba daṅ chom rkun pa’i dmag dpon bsad pa mthoṅ ṅo || mthoṅ nas kyaṅ bslab pa ’khrugs pa’i ’jigs pas skrag ste smra bar brtsams pa | tshe daṅ ldan pa dag bdag cag sṅon ma bcom gyi bdag cag gaṅ gis pham par gyur pa’i (6) ltuṅ ba byuṅ bas da ni bcom par gyur to źes de dag ’gyod pa skyes pa’i skabs de bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyed la ni ltuṅ ba med de | yaṅ dge sloṅ gis ci nas kyaṅ ’di la bsnun pas bsnun par bya’o || (7) sñam pa de lta bu’i sems kyis ’phaṅs par mi bya bar ’di ltar glo ’am rgyab logs su ’phaṅ bar bya źiṅ bsdigs pa bskyed pa’i phyir tsham ṅam bya’o || dge sloṅ gis ci nas kyaṅ bsnun pas bsnun par bya’o sñam pa de lta’i sems kyis ’phen par byed na ’gal tshabs can du ’gyur ro || (159a1) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag cig ’dug pa des rigs mñam pa las chuṅ ma blaṅs te | de de daṅ lhan cig rtse bar byed | dga’ bar byed | dga’ (2) mgur spyod par byed do || rtse bar byed | dga’ bar byed | dga’ mgur spyod par byed par byed pa de’i chuṅ mal dus gźan na sems can źugs par gyur nas | de zla ba brgyad dam dgu ’das te btsas pa las khye’u źig byuṅ nas de bsriṅs śiṅ bskyed de chen por gyur to || ji tsam dus (3) gźan źig na khyim bdag de’i ñe du zad par gyur ciṅ nor daṅ loṅs spyod kyaṅ zad par gyur | de’i chuṅ ma yaṅ dus la bab nas des bu la smras pa | bu kho bos ni rgas pa’i gnas skabs su nor bsgrub tu ’gro mi nus kyis rab tu ’byuṅ du ’gro’o || bus smras pa | yab gal te de lta na bdag (4) kyaṅ rab tu ’byuṅ ṅo || bu legs so || źes des khye’u khrid de rgyal byed kyi tshal du soṅ nas dge sloṅ gi druṅ du soṅ ste rkaṅ pa gñis la phyag ’tshal nas smras pa | ’phags pa bdag rab tu ’byuṅ bar ’tshal lo || dge sloṅ des smras pa | ci khye’u ’di yaṅ rab tu ’byuṅ ṅam | (5) ’phags pa rab tu ’byuṅ ṅo || dge sloṅ de khye’u de ’dod pas de bu daṅ bcas te rab tu phyuṅ ṅo || chos ñid kyis na rgan pa’i mtha’ nas rñed pa ’thob la | gźon pa’i mtha’ nas las su bsko ba yin pas rgan źugs kyi bu rtag tu las su sko bar byed nas | des pha la smras pa | yab (6) bdag cag gñis gaṅ cuṅ zad zil gyis non pa de thams cad thos pa ñuṅ ba las gyur pa lags kyis bźeṅs śig daṅ | skol cag gñis yul gźan du bźud la thos pa gzuṅ bar bgyi’o || rgan źugs kyis smras pa | bu legs kyis ’doṅ ṅo źes de gñis yul (7) gźan du doṅ ṅo || ’on kyaṅ gźon pa’i mtha’ ñid nas las su sko bas de gñis son mthag kho nar las su sko bar bskos pa daṅ | bus rgan źugs la smras pa | yab mñan yod na las su sko ba mchis su lags kyaṅ de na bcom ldan ’das chos kyi rje mṅon sum du bźugs śiṅ dus daṅ || (159b1) dus su dge sloṅ che ge mo źig gis ni dgra bcom pa ñid mṅon du byas so || che ge mo źig gis ni mi sdug pa’i bar grub po źes śes pa brda sprod pa yaṅ thos par ’gyur || rgyal po yaṅ bstan pa la śin tu daṅ ciṅ btsun mo phreṅ ldan ma daṅ | rgyal rigs dbyar tshul ma (2) daṅ | bla mkhyen draṅ sroṅ byin daṅ | rñiṅ pa daṅ | dge bsñen ma sag daṅ | ri dgas ’dzin gyi ma daṅ | gźan yaṅ dad pa can maṅ du mchis pas | de na zaṅ ziṅ gi loṅs spyod daṅ | chos kyi loṅs spyod chen po yaṅ mchis kyis der bźud do źes smras nas | de gñis ci dga’ bar (3) ljoṅs su ’khod nas mñan yod ga la ba der rgyu źiṅ doṅ ban mthar gyis rgyu źiṅ ’doṅ ba’i tshe mñan yod du phyir phyin to || ji tsam na rgyal byed kyi tshal daṅ ñe bar phyin pa na gaṇ+ḍī yaṅ brduṅs nas bus smras pa | yab gtsug lag khaṅ du gaṇ+ḍī brduṅs kyis myur ba myur bar bźud do || (4) rgan źugs de rgan par gyur pas śin tu ṅal źiṅ ’gro mi nus pas de dal bus ’gro ba na bus de’i gña’ ba nas bzuṅ ste phul ba daṅ | rgan źugs des myur ba myur bar ’gro bar brtsams so || bus bsams pa | thabs ’di ni bzaṅ po źig yin gyis yaṅ dbul bar bya’o sñam (5) nas | bu des rgan źugs de yaṅ de bźin du phul ba daṅ | rgan źugs des la khas bu btu skyel nas de’i kha phaṅ los glogs pa’i sas gaṅ ste dus la bab bo || bu des dud mos btab ste | rgan źugs kyi ro de lam gyi mtha’ gcig tu bor ro || de nas bu des lhuṅ bzed daṅ (6) chos gos khyer te rgyal byad kyi tshal du soṅ ba daṅ | dge sloṅ rnams kyis de mthoṅ nas smras pa | rgan źugs kyi bu ’oṅs pa legs so || ’oṅs pa legs so || khyod kyi rgan źugs de ga la ’dug ces dris pa daṅ | gsar bu des du bar pa rtsams so || dge sloṅ rnams kyis (7) smras pa | bu ci’i phyir ṅu bar byed | gsar bu des smras pa | bdag gi rgan źugs de dus la bab bo || dge sloṅ de dag gis smras pa | bu ’du byed thams cad kyi chos de lta bu yin la khyod ni legs par gsuṅs pa’i chos ’dul ba la rab tu byuṅ ba yin pas mya ṅan ma byed cig | (160a1) gsar bu des smras pa | de bdag gis bsad do || dge sloṅ de dag gis smras pa | bu ’o na khyod kyis mtshams med pa’i las gaṅ yin pa yaṅ byas la pham par ’gyur ba’i ltuṅ ba gaṅ yin pa yaṅ byuṅ bas yun riṅ por sems can dmyal ba chen po mnar (2) med par gnas par ’gyur bas da du ba’i rigs so źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med da | yaṅ dge sloṅ lam du źugs pas dge sloṅ (3) lam gyis dub ba phul bar mi bya’o || ṅas dge sloṅ lam du źugs pa’i kun du spyod pa’i chos dag bca’ bar bya ste | dge sloṅ lam du źugs pas dge sloṅ lam gyis dub pa ṅal sor gźug par bya | chos gos gsum daṅ | lhuṅ bzed daṅ | chu tshags daṅ | lhuṅ bzed (4) kyi snod daṅ | bar bur snod kyi rdzas blaṅ bar bya’o || dus śes par bya ste | gal te ’gro nus na de lta na legs | gal te mi nus na ches sṅar soṅ ste | lhuṅ bzed bkru bar bya | go gźal par bya | snod dag byin len byed du bcug nas so sor brtag par bya’o || ’on te ’oṅ mi (5) nus pa na zan mnos te bsu bar bya’o || dus ma yin na skom gyis bsu bar bya’o || dge sloṅ lam du źugs pas kun tu spyod pa’i chos ji ltar bcas pa dag yaṅ dag par bslaṅs te ’jug par mi byed na ’gal tshabs can du ’gyur ro || dge sloṅ rnams the tshom skyes nas the (6) tshom thams cad gcod pa saṅs rgyas bcom ldan ’das la źus pa | btsun pa rgan źugs kyi bu ’dis | pha srog daṅ phral yaṅ mtshams ma mchis pa’i kha na ma tho bas kyaṅ ma reg la | pham par ’gyur ba’i ltuṅ ba yaṅ ma byuṅ ba la gzigs | bcom ldan (7) ’das kyis bka’ stsal pa | dge sloṅ dag da ltar ’ba’ źig tu ma zad de ’di ltar ’das pa’i dus na yaṅ ’dis pha srog daṅ phral yaṅ mtshams med pa’i kha na ma tho bas ma reg ste de ñon cig | dge sloṅ dag sṅon byuṅ ba ’das pa’i dus na ri brags śig na btso blag mkhan źig (160b1) ’dug pa des rigs mñam pa las chuṅ ma blaṅs te | de de daṅ lham cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i chuṅ ma las bu byuṅ nas de bsriṅs śiṅ bskyed de chen por gyu.ura to || ji tsam (2) dus gźan źi gan ri brags der dus ston byuṅ nas de la gos bkru bśal bya ba maṅ po dag byuṅ ba daṅ des bu la smras pa | bu gos maṅ po dag bkrub śal bya dgos pas kho bo khyim du soṅ ste zan za mi nus kyis tshur śog gos dag khyer te ’doṅ ṅo || phyir soṅ la zan khyer te śog śig | (3) de bu daṅ ltan cig gos dag khyer te soṅ ṅo || bu phyir soṅ ste zan khyer te ’oṅs nas des zan zos te smras pa | bu kho bo ṅal gyis ñal lo || khyod ra źig gos dag bkru bśal gyis śig | bus smras pa | de ltar bgyi’o || btso blag mkhan de phyogs gcig tu glos phab ste (4) gñid log go || de spyi cer źig yin pas de’i mgo la sbraṅ bu chags so || ji tsam na btso blag mkhan gyi bu des gos dag bkru bśal byas nas pha’i gan du soṅ ba daṅ pha’i mgol sbraṅ bu chags pa mthoṅ nas des bskrad par brtsams pa daṅ | sbraṅ bu khrag gis myos pa ’phur (5) du ma btub nas bu de mi bzod pa skyes te bsams pa | sbraṅ bu ’dis bdag gi pha gson bźin du khrag ’thuṅ bar byed kyis gsaṅ par bya’o sñam nas | bu des de la spaṅ leb kyis bsnun pa daṅ | sbraṅ bu de ni bros te soṅ gi pha’i klad pa źom nas des dus la bab pa daṅ | lhas tshigs (6) su bcad pa smras pa || dgra bo blo gros ldan pa mchog yin te || mdza’ bśes blo gros bral ba de lta min || blo gros chuṅ dus sbraṅ bu gsad sñam nas || tho bas pha yi klad pa bcom par gyur | dge sloṅ dag ji sñam du sems || de’i tshe de’i dus na btso blag mkhan gaṅ (7) yin pa de ni rgan źugs ’di ñid yin no || de’i tshe de’i dus na btso blag mkhan gyi bu gaṅ yin pa de ni rgan źugs kyi bu ’di ñid yin te | ’dis de’i tshe yaṅ pha srog daṅ phral yaṅ mtshams med pa’i khan ma thobs ma reg la | ’dis da ltar yaṅ pha srog daṅ phral yaṅ mtshams med pa’i (161a1) kha na ma thobs kyaṅ ma reg la pham par ’gyur ba’i ltuṅ ba yaṅ ma byuṅ ṅo || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen ba la ni ltuṅ ba med do || pham par ’gyur ba gsum pa rdzogs sho || ||

.