[Saṃghāvaśeṣa 8]
saṅs rgyas bcom ldan ’das rgyal po’i khab na (4) ’od ma’i tshal ka lan da ka’i gnas na bźugs so || de’i tshe na sdig byuṅ na | gyad kyi sna chen po la gtogs pa | rgyal sde źes bya ba phyug pa nor maṅ ba | loṅs spyod che ba | yoṅs su gzuṅ ba yaṅ śiṅ rgya che ba rnam thos kyi bu’i nor daṅ ldan pa | rnam thos kyi bu la nor gyis ’gran (5) pa | gyad rnams la cod pan med pa’i rgyal srid byed du ’jud pa źig ’dug ste | des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || de rtse bar byed | dga’ bar byed | dga’ mgur spyod kyaṅ de la bu (6) yaṅ med | bu mo yaṅ med nas de bu med ciṅ bu mṅon par ’dod pas źi ba daṅ | chu lha daṅ | lus ṅan daṅ | brgya byin daṅ | tshaṅs pa la sogs pa dag la gsol ba ’debs śiṅ | lha’i bye brag gźan ’di lta ste | kun dga’ ra ba’i lha dag daṅ | tshal gyi lha dag daṅ | bźi (7) mdo’i lha dag daṅ | sum mdo’i lha dag daṅ | gtor ma len pa’i lha dag daṅ | lhan cig skyes pa dag daṅ | chos mthun pa dag daṅ | rjes su ’braṅ ba’i lha dag la yaṅ gsol ba ’debs so || ’jig rten na gaṅ gsol ba ’debs pa’i rgyu las bu daṅ bu mo dag skye’o źes bya ba’i gtam de (252b1) lta bu yod de | de ni de lta ma yin te | gal te de ltar ’gyur du zin na re re la yaṅ ’di lta ste | dper na ’khor los sgyur pa’i rgyal po bźin du bu stoṅ yod par ’gyur ro || ’di ltar gnas gsum po dag mṅon du gyur pa las bu daṅ bu mo dag skye bar ’gyur te | gsum po de dag gaṅ źe na | (2) pha daṅ ma gñis chags par gyur ciṅ ’dus pa daṅ | mdus la bab ciṅ zla mtshan daṅ ldan pa daṅ | dri za ñe bar gnas śiṅ ’jug ’dod pa ste | gnas gsum po de dag mṅon du gyur pa las bu daṅ bu mo dge skye bar ’gyur ro || de de ltar gsol ’debs pa lhur len ciṅ ’dug pa na (3) sems can srid pa tham pa spyod pa tshol ba | thar pa’i sñiṅ po bzuṅ ba | mya ṅan las ’das pa la phyogs pa | ’khor ba las phyir phyogs | srid pa’i ’gro ba thams cad du ’chi ’pho ba deṅ | skye ba don du mi gñer ba lus tha ma ’dzin pa źig kyaṅ | lha’i ris bzaṅ po źig nas (4) śi ’phos te ṅe’i skye dgu’i bdag mo’i mṅal du źugs so || bud med kyi yul mkhas pa’i raṅ bźin can la lal ma ’dres pa’i chos lṅa yod de | lṅa gaṅ źe na | skyes pa chags par gyur pa śes śiṅ chags pa daṅ bral ba śes pa daṅ | dus śes śiṅ zla mtshan śes pa daṅ | mṅal (5) na gnas bźugs pa śes pa daṅ | gaṅ las mṅal na gnas bźugs pa de śes pa daṅ | khye’u śes śiṅ bu mo śes pa ste | gal te khye’u yin na dku g-yas par rten ciṅ ’dug la gal te bu mo yin na dku g-yon par rten ciṅa’aduga pa’o || de yid dga’ źiṅ yid dga’ nas (6) khyim thab la smras pa | rje’i sras bdag la sems can źugs par gyur pa ni ’di ltar bdag gi dku g-yas par rten ciṅ mchis pas ṅes pa khye’ur ’gyur gyis dgyes pa bskyed du gsol | de yaṅ yid dga’ źiṅ yid dga’ nas ro stod bsraṅ ste | lag pa g-yas pa brkyaṅ nas ’di (7) skad ces kho bo yun riṅ po nas mṅon par ’dod pa’i bu’i ṅo mthoṅ ba daṅ | kho bo daṅ mthun par mi skye ba daṅ kho bo’i bya bdag byed pa daṅ | gsos pas phyir gso ba daṅ bgo skal la spyod pa daṅ | kho bo’i rigs rgyud yun riṅ du gnas par ’gyur ba daṅ bdag (253a1) cag śi źiṅ dus la bab pa dag la ñuṅ du ’am | maṅ po yaṅ ruṅ ba’i sbyin pa dag byin źiṅ bsod nams dag byas nas | ’di de gñis gaṅ du skyes pa der ’gro źiṅ rjes su ’gro bar gyur cig ces miṅ gis yon bśad pa byed par gyur cig ces ched du brjod pa ched (2) du rjod par byed do || de la sems can źugs par rig nas ’di lta ste | mṅal na gnas pa yoṅs su smin par bya ba’i phyir steṅ gi khaṅ bzaṅs kyi gźi graṅ ba na graṅ ba’i yo byad dag daṅ | dro ba na dro ba’i yo byad dag daṅ | sman pas bcas pa’i zas ha caṅami kha ba daṅ | ha (3) caṅ mi skyur daṅ | ha caṅ lan tshwa mi che ba daṅ | ha caṅ mi mṅar ba daṅ | ha caṅ mi tsha ba daṅ | ha caṅ mi bska ba daṅ | kha ba daṅ | skyur ba daṅ | lan tshwa che ba daṅ | mṅar ba daṅ | tsha ba daṅ | bska ba rnam par sbaṅs pa’i zas dag daṅ | do śal daṅ | se mo do daṅ | rgyan (4) gyis bklubs pa’i lus lha’i bu mo dga’ ba’i tshal na rnam par spyod pa lta bu daṅ | khri nas khrir daṅ | khri’u nas khri’u daṅ | śod kyis gźir mi ’bab pa daṅ | des sgra yid du mi ’oṅ ba cuṅ zad kyaṅ mi thos par gnod pa med pa ñid du rim gro byed du ’jud do || de zla ba brgyad dam | (5) dgu ’das te btsas pa la khye’u gzugs bzaṅ ba | blta na sdug pa | mdzes pa | gsal ba | gser gyi mdog ’dra ba | mgo gdugs lta bu daṅ ldan pa | lag pa riṅ ba | ’phral ba’i dbyes che ba | smin ma ’jar ba | sna’i gzaṅs mtho ba źig byuṅ ṅo || de’i ñe du dag (6) ’dus śiṅ lhags nas ñi ma bdun gsum ñi śu gcig tu btsas pa’i btsas ston rgya cher byas nas khye’u’i mid cir gdags źes miṅ ’dogs par byed do || khye’u de’i kun tu spyod pa ni ji srid du mal chen po nas ma phab pa de srid du bśad pa daṅ gci ba mi byed pa yin la | yul dbus na (7) kun tu spyod pa ni gaṅ mkhas pa spyod pa gsal ba de la nor lta bu źes zer bas ñe du de dag gis smras pa | śes ldan dag khye’u ’di gyad kyi sna chen po la gtogs pa rgyal sde’i bu yaṅ yin la | ji srid du mal chen po nas ma phab pa de srid du bśaṅ ba daṅ gci ba mi byed de | mkhas pa spyod (253b1) pa gsal bas nor lta bu yaṅ yin pa’i phyir khye’u yi miṅ gyad bu nor źes bya’o źes de’i miṅ gyad bu nor źes bya bar btags so || ñi ma gdal gyad bu nor btsas pa’i ñi ma de ñid la blon po lda brgyad ga la yaṅ bu dag btsas te de dag gi miṅ yaṅ khyim daṅ mthun pa dag tu btags śiṅ | de (2) dag kyaṅ gyad bu nor gyi ne’u ldaṅs su byas so || khye’u gyad bu nor mam brgyad po pa ṅan ’tsho ba’i mam gñis dad | nu ma snun pa’i mam gñis daṅ | dri ma ’phyi ba’i mam gñis daṅ | rtsed grogs kyi mam gñis la rjes su gtad do || de mam brgyad po dag gis ’o ma daṅ | źo daṅ | (3) mar daṅ | źun mar daṅ | mar gyi sñid khu daṅ | gźan yaṅ yo byad kyi bye brag gtso bo gtso bo dag gis srid bar byod skyed par byed ciṅ | rdziṅ na gnas pa’i pad ma bźin du myur du skyed par byed do || de ma ma’i pa | ’dug pa na bram ze mtshan ma źig gis mthoṅ nas des de la (4) śin tu ṅes par brtag par byas te des bsams pa | khye’u ’di ni rkaṅ gñis pa bsod nams kyi źiṅ yin te | gaṅ dag ’di la mchod pa dag byed pa de dag gi mchod pa byas pa de dag ni śin tu ’bras bu chen po daṅ | phan yon chen po daṅ | gsal ba chen po daṅ | yaṅs pa chen (5) por ’gyur ro sñam nas | bram ze mtshan mkhan de sam ma de la smras pa | khye’u ’di kho bo la yud tsam źig byin cig dad kho bos ’di la mchod pa dag bya’o || ma mas smras pa | bram ze kho mo la khye’u sbyin pa’i dbaṅ med kyis gal te khyod khye’u ’dod na dmag dpon gyi gan du soṅ la gsol (6) cig | de nas bram ze da gyad kyi sna chen po la gtogs pa’i gan du soṅ ste | śis pa brjod pa sṅar byas nas smras pa | dmag dpon khyod kyi khye’u ’di ni rkaṅ gñis pa bsod nams kyi źid yin te gaṅ dag ’di la mchod pa dag byed pa dag gi mchod pa byas pa de dag ni śin tu ’bras bu chen po (7) daṅ | phan yon chen po daṅ | gsal ba chen po daṅ | yaṅs pa chen por ’gyur bas de’i phyir khye’u ’di kho bo la yud tsam źig byin cig dad | kho bos ’di la mchod pa dag bya’o || dmag dpon gyis smras pa | bram ze gal te de lta na sbyin gyis khyer cig bram ze des yin rab tu dga’ (254a1) bas khye’u de raṅ gi khyim du khyer nas chuṅ ma’i druṅ du yon tan brjod de smras pa | bzaṅ mo śes par gyis śig | khye’u ’di ni rkaṅ gñis pa bsod nams kyi źiṅ yin te | gaṅ dag ’di la macoda pa dag byed dag gi mchod pa byas pa de dag ni śin tu ’bras bu chen (2) po daṅ | phan yon chen po daṅ | gsal ba chen po daṅ | yaṅs pa chen por ’gyur bas de’i phyir ’di la mchod pa dag gyis śig | des de’i yon tan brjod pa thos nas yid bde ba skyes te smras pa | bram ze gal te de lta na re źig gźes śig daṅ khyim gyi go rims dag bgyi’o źes des (3) khyim byug pas byugs śiṅ źal źal byas nas rtsa lag gi skye bo sñiṅ du sdug ciṅ ’brel ba dag mgron du bos nas de’i ’og tu khye’u de bkur sti chen pos dril phyi byas śiṅ khrus byas te | spos daṅ | me tog dag gis brgyan nas spraṅ rtsi daṅ | ’o mas legs par bsñod do || de (4) ltar brgyan ciṅ gñen ’dab kyis yoṅs su bskor nas raṅ gi khyim du phyir khrid do || de gaṅ gi tshe chen por gyur pa de’i tshe yi ge daṅ | graṅs daṅ | rtsis daṅ | lag rtsis daṅ | dbyuṅ ba daṅ | gźug pa daṅ | gźag pa la ñe bar źugs nas de yi ge’i mthar phyin ciṅ ’byed pa daṅ | (5) klog pa daṅ | mkhas pa daṅ | spyod pa gsal ba daṅ | brtag pa brgyad po ’di lta ste | rin po che brtag pa daṅ | gźi brtag pa daṅ | gos brtag pa daṅ | śiṅ brtag pa daṅ | glaṅ po che brtag pa daṅ | rta brtag pa daṅ | bud med brtag pa daṅ | skyes pa brtag pa la mkhas par (6) gyur to || rgyal po rgyal rigs spyi bo nas dbaṅ bskur ba | ljoṅs kyi dbaṅ phyug mthu daṅ brtson ’grus thob pa | sa chen po’i dkyil ’khor mṅon par rgyal bar byas te gnas pa rnams kyi bzo’i gnas daṅ | las kyi gnas tha dad par gyur pa gaṅ dag yin pa ’di lta ste | glaṅ po (7) che’i gñar bźon pa daṅ | rta la bźon pa daṅ | rta la bźon pa daṅ | śiṅ rta’i thabs daṅ | ral gri’i thabs daṅ | ’phoṅ daṅ | phyir bsnur ba daṅ | mdun du bsnur ba daṅ | lcags kyus sgyur thabs daṅ | źags pa gdab pa daṅ | mṅa’ bo che ’phen thabs daṅ | ’dzin staṅs daṅ | goms (254b1) staṅs daṅ | thor tshugs daṅ | gcad pa daṅ | dral ba daṅ | dbug pa daṅ | gnas lṅa po ’di lta ste | rgyaṅ nas phog pa daṅ | sgra grag par phog pa daṅ | gnad du phog pa daṅ | mi ’chor bar phog pa daṅ | tshabs che ba de dag la yaṅ źugs śiṅ byaṅ bar gyur to || blon po’i bu lṅa (2) brgya po de ṅag kyaṅ bzo’i gnas daṅ | las kyi gnas dag la byaṅ bar gyur to || phas de’i chuṅ ma’i ’khor gsum po rab daṅ | ’briṅ daṅ | tha ma dag rnam par bźag go || ’dug pa’i gnas gsum po dgun gyi daṅ | dpyid kyi daṅ | dbyar gyi dag byed du bcug go || skyed mos tshal (3) gsum po dgun gyi daṅ | dpyid kyi daṅ | dbyar gyi dag byed du bcug go || de steṅ ge khaṅ bzaṅs kyi gźir gtogs pa na skyes pa med par sil sñan gyis rtse bar byed | dga’ bar byed | dga’ mgur spyod par byed do || de’i ne’u ldaṅs lṅa brgya po de dag kyaṅ dus gsum du de lta ba’i (4) phyir ’oṅ źiṅ de de dag daṅ lhan cig sten grogs kyi dga’ bas rtsed mo rnam pa sna tshogs dag gis rtse bar byed do || ji tsam dus gźan źig na gźon nu lṅa brgya po de dag nad par sṅar laṅs te ri dgas śor du doṅ ba daṅ | de dag gis de’i ñin mo ri dgas gcig kyaṅ ma rñed par de dag (5) gis bsam pa | deṅ bdag cag gis ri dgas gcig kyaṅ ma rñed pas ji ltar lag pa stoṅ pa dag gis khyim du ’doṅ bar bya | deṅ ’di ñid du bsdad de saṅ ri dgas dag bśor la khyim du ’dod bar bya’o sñam nas | de dag de’i nub mo der ’khod nas phyi de ñin par ri dgas dag bśor (6) te mtshan mo mig lam chad pa dad raṅ raṅ gi khyim du doṅ ṅo || de dag ’di sñam du sems te | deṅ ni nam sros kyis saṅ gźon nu ltar ’doṅ ṅo sñam nas | de dag mtshan mo nam naṅs pa daṅ | ñi ma gsum pa de la gźon nu gyur bu nor bltar doṅ ba daṅ | gźon nus smras pa | (7) śes ldan dag khyed cag kho bo’i ne’u ldaṅs mñam du skyes pa sa la lhan cig rtse ba dag yin na ci’i phyir khyed cag de bar kho bo’i gan du ma ’oṅs par deṅ ñi ma gsum pa gdod ’oṅs | gźon nu bdag cag ri dgas śor du mchis par gyur nas de’i slad du ma mchis so || khyed cag gis (255a1) der ci źig byas | gźon nu ri dgas dag bkum mo || ri dgas de dag ci za ci ’thuṅ | gźon nu ran dag ’tshal źiṅ | chab dag ’tshal lo || śes ldan dag gal te de lta na de dag gis khyed cag la gnod pa ci źig byas na khyed cag de dag gsod par byed | gźon (2) nu bdag cag des glo ba dga’ ba ñid du ’gyur ro || śes ldan dag dga’ ba de ni mi bzaṅ ste | gźan la gnod pas dga’ ba gaṅ yin pa de thoṅ śig | gźon nu lṅa brgya po de dag caṅ mi smra bar ’khod ’khod de | rgyal po’i pho braṅ nas phyir byuṅ nas smras pa | śes ldan dag gźon nu (3) ’di chuṅ ma’i ’khor spaṅs te ’gro mi ’dod pas de’i phyir bdag cag la smod par byed kyis | de’i phyir bdag cag gis ci nas kyaṅ dman dpon la go bar bya ba’i thabs śig gis ’di yaṅ ri dgas śor du ’gro bar ’gyur ba de lta bu’i thabs śig byas na des na ’di yaṅ bdag cag daṅ lhan cig (4) ri dgas śor du ’gro bar ’gyur ro źes de dag gis gros byas nas dmag dpon gyi gan du soṅ ste rkaṅ pa gñis la phyag ’tshal nas smras pa | dmag dpon gźon nu gaṅ dag grib mar skyes par gyur pa de dag ni ṅes par ñi ’og gi mkhar gyi rgyal po dag gis zil gyis gnon par ’gyur ba lags (5) na | ci’i slad du gźon nu gri ba mar skyed par mdzad ciṅ bdag cag daṅ lhan cig ri dgas śor du mi gtoṅ | bdag cag daṅ lhan cig mchis na gdug pa daṅ | rtsal che ba daṅ | ñi ’og gi mkhar gyi rgyal po dag gis zil gyis mi non par ’gyur ro || śes ldan dag gal te de lta na gźon nu (6) gtaṅ gis deṅ śig | dmag dpon gyis gźon nu bos te smras pa | gźon nu khyod kyi ne’u ldaṅs dag ri dgas śor du ’doṅ gis khyod kyaṅ de dag daṅ lhan cig soṅ śig | yab bdag gźan gyi srog la gnod pa mi bgyid na | ci’i slad du de dag daṅ lhan cig mchi | gźon nu bdag cag (7) rgyal rigs dag ni mtshon gyis ’tsho pa yin pas chos ’di rgyal rigs dag daṅami ’gal gyis soṅ śig | gźon nu de phal gus śiṅ rjes byed pa yin pas des khas blaṅs te phyi de ñin par de dag daṅ lhan cig ri dgas śor du soṅ ba daṅ | gźon nu lṅa brgya po de dag gis gros bya bar (255b1) brtsams pa | śes ldan dag gźon nu ’di ni dmag dpon ’das nas dmag dpon du ’gyur bas ’di bsten pa’i dus kyis ni ’bras bu ster bar ’gyur gyis | bdag cag gis da ’di bsten par bya’o źes de dag gis blo gros gcig gis de la smras pa | gźon nu khyod ’di kho nar gźes (2) śig daṅ bdag cag gis ri dgas dag ci nas kyaṅ khyod kyi druṅ kho nar mchi bar ’gyur ba de ltar gdab par bgyis de na khyod kyis ri dgas mchis so ’tshal khums par ’gyur ro || de nas de dag gis gźon nu de ’phan kar bźag nas ri dgas maṅ po dag phyogs kun nas bskoṅs śiṅ (3) brims nas de dag ’chi ba’i ’jigs pas lus smas pa daṅ | rnam par smas bźin du lce phyuṅ ste gźon nu’i druṅ du lhags so || gźon nus ri dgas de dag gnas skabs de ltar gyur pa thag riṅ po kho na nas mthoṅ nas des bsams pa | sñiṅ rje med pa’i sñiṅ gis ’jig rten pha (4) rol btaṅ ste ’di dag la sems kyis rab tu sṅaṅ bar ’gyur ba yaṅ su źig yodasa na ’di dag gi srog gcod par ’gyur ba lta smos kyaṅ ci dgos sñam du rig nas phyogs bźir rnam par blta bar brtsams pa daṅ | de daṅ ha caṅ mi riṅ ba na mi źig ’dug pa mthoṅ nas des de’i sems bsruṅ (5) ba’i phyir mda’ gñis sam | gsum źig ’phaṅs te mda’ de dag kyaṅ ri dgas de dag gi ra’i bar dag daṅ rkaṅ lag gi bar dag tu btaṅ nas de’i ’og tu des brtsal ba btaṅ ste ’dug pa daṅ ri dgas de dag kyaṅ byer te doṅ ṅo || blon po’i bu rnams kyis bsams pa | gźon nu ni (6) gnas lṅa dag la byaṅ bar gyur pa yin pas des gdon mi za bar ri dgas maṅ po dag bsad par gyur gyis bdag cag myur du ’doṅ ṅo sñam nas de dag myur du lhags pa daṅ | ri dgas gcig kyaṅ ma sod par mthoṅ nas de dag ’di sñam du sems te | gźon nus gdon mi za bar śiṅ rta (7) dag daṅ | rṅa mo dag gis sṅar bskyas par gyur pa lta sñam du rig nas smras pa | gźon nu ri dgas de dag gar mchis | śes ldan dag ri dgas dag ga re | ri dgas dag su’i yin | de dag ni ri dgas ñid yin te | phyir bcos par mi nus so || de dag spyod pa de lta bu daṅ śugs de (256a1) lta bus rgyug pas de’i phyir de dag gis kho bo ñid kyaṅ de’u bsad do || mi des smras pa | śes ldan dag khyed kyis chos la dga’ ba ’di ’phan kar bźag pas ri dgas ga la sod | gal te ’di mṅon par ’dod par gyur na ri dgas gcig kyaṅ bros par mi ’gyur ro || de dag (2) mi bzod pa skyes nas mtha’ gcig tu doṅ ste smras pa | śes ldan dag bdag cag gis lus smas pa daṅ | rnam par smas pa dag gis ri dgas dag ’di ga la ba der btab ste ’dis bsad graṅ sñam na ’dis yal bar bor gyis ’doṅ la ’di ñid gsaṅ par bya’o || de dag gis yaṅ bsam (3) pa | gal te ’di bsad par gyur na thos pa gcig nas gcig tu brgyud pas dmag dpon gyis thos na bdag cag la gnod pa byed par ’gyur gyis ’di gsad par mi bya bar ’di ltar ’di ñid du bskyur te bor la bdag cag ’doṅ bar bya’o sñam nas | de dag gis de la ma bltas par ’doṅ ṅo || (4) gźon nus bsams pa | de dag bdag cag gi ne’u ldaṅs mñam du skyes pa la lhan cig rtse rtse ba yin na ri dgas tsam gyi phyir de dag gis bdag dgon par bskyur te bor nas doṅ ba las na | gaṅ gi tshe bdag gi pha ’das nas bdag dmag dpon du gyur pa de’i tshe na bdag gis gdon mi za (5) bar sems can gyi gnas la ñes par spyod pa maṅ po bya dgos par ’gyur ro sñam nas | de sñiṅ stoṅ źiṅ zug rdus zug pa bźin du rtog pa na | khyim du soṅ ste lag pa la ’gram pa gtad nas sems khoṅ du chud ciṅ ’dug go || de’i gan du chuṅ ma’i ’khor dag ’oṅ ba de dag des mthoṅ ba (6) daṅ dbaṅ po dag phyir glon par byed do || de dag gis gcig nas gcig tu brgyud pas dmag dpon la gźon nu te por sems khoṅ du chud de | mchis ’braṅ gi ’khor la yaṅ mi sems par dbaṅ po dag slar glon źiṅ mchis so źes go bar byas so || dmag dpon gyis thos nas de (7) yaṅ yid mi badase bar gyur nas gźon nu’i gan du soṅ ste smras pa bu gźon nu khyod ci’i phyir lag pa la ’gram pa gtad de sems khoṅ du chud ciṅa’aduga | yab kyis bdag las mi ’dra bar bskos te gaṅ gi tshe rṅon pa drag śul can lag pa dmar ba bsnun pa daṅ rab tu bsnun pas źugs pa | (256b1) gźan gyi srog ’phrog pa | gźan gyi srog gcod du ’jud pa | gźan gyi srog gcod pas ’tshor bar bgyid pa rnams kyi las de la ṅes par sbyar na bdag ji ltar sems khoṅ du chud ciṅ mi mchis su ruṅ | bu gźon nu gal te de lta na khyod bde bar ’dug la bsam pa thoṅ ste phyin chad ma (2) ’gro śig | de nas gźon nu de sems can la gnod pa las skyes pa’i yid mi bde ba las ṅes par byuṅ ste mṅon par dga’ bar gyur nas de dge ba gaṅ yin źes tshol bas ṅes par ’byuṅ ba’i mṅon par dga’ ba btsal bar brtsams so || de’i tshe na rdzogs byed la sogs pa ston (3) pa drug po thams cad mkhyen pa ma yin par thams cad mkhyen par mṅon pa’i rgyal can dag sdig byuṅ na ñe bar rten ciṅ gnas so || de nas gźon nu gyad bu nor gyis pha daṅ chuṅ ma’i ’khor la ma bltas par ’od sruṅ rdzogs byed gal ba der soṅ ste phyin nas | ’od sruṅ rdzogs byed (4) la ’di skad ces smras so || śes ldan dag khyod kyi chos kyi tshul ni gaṅ yin | slob ma gdams pa ni gaṅ yin | tshaṅs par spyod pa’i ’bras bu ni gaṅ yin | phan yon ni gaṅ yin | rdzogs byed kyis smras pa | gźon nu kho bo ni ’di ltar lta źiṅ ’di skad smra ste sbyin pa med do || mchod (5) sbyin med do || sbyin sreg med do || legs par spyad pa med do || ñes par spyad pa med do || legs par spyad pa daṅ ñes par spyad pa’i las rnams kyi ’bras bu daṅ | rnam par smin pa med do || ’jig rten ’di ni med do || ’jig rten pha rol med do || ma med do || pha med do || (6) sems can rdzus te skyes pa med do || ’jig rten na dgra bcom pa yaṅ dag par rtogs pa | yaṅ dag par sgrub pa | gaṅ dag tshe ’di ñid la raṅ gi mṅon par śes pas ’jig rten ’di daṅ ’jig rten la pha rol mṅon sum du byas nas bsgrubs te | bdag cag ni skye bzad do || tshaṅs (7) par spyad pa bsten to || bya ba byas so || srid pa ’di las gźan mi śes so źes go bar byed pa dag med do || srog ni ’di ñid la ’tsho źiṅ de phyis chad par ’gyur | źig par ’gyur te śi ba’i ’og tu mi ’byuṅ ṅo || skyes bu’i lus ni ’byuṅ ba chen po bźi las gyur pa yin te | de ni gaṅ gi (257a1) tshe dus byed pa na de’i sa’i lus ni sa’i bag la źa | chu’i lus ni chu’i | me’i lus ni me’i | rluṅ gi lus ni rluṅ gi bag la źa bar ’gyur ro || dbaṅ po rnams ni nam mkha’i rjes su ’gro bar ’gyur ro || skyes bu’i ro ni khri daṅ lṅa’i mi dag gis khyer te dur khrod du ’gro źiṅ bsregs (2) phan cad mi mṅon par ’gyur ro || bsreg bya dag ni thal bar ’gyur ro || rus pa dag ni thi ba’i mdog ’dra bar gnas so || ’di ltar rmoṅs pa ñe bar bstan pa ni sbyin la | mkhas pa ñe bar bstan pa ni len to || de la gaṅ dag yod par smra ba de dag thams cad ni gso ba gsog brdzun du smra ba (3) dag yin no || ’di ltar byis pa daṅ | mkhas pa de gñis ni phyis chad par ’gyur | źig par ’gyur te śi ba’i ’og tu mi ’byuṅ ṅo || de nas gyad bu nor ’di sñam du sems te | ston pa śes ldan ’di ni lam gol bar źugs pa | lam ṅan pa legs par sgrub pa yin te | lam ’jigs (4) pa daṅ bcas pa ji lta ba bźin du mkhas pa rnams kyis spaṅ bar bya ba yin no sñam du rig nas tshigs su bcad pa smras pa |

.