[Pāyantika 10]
saṅs rgyas bcom ldan ’das mñan yod na rgyal byed kyi (2) tshal mgon med zas sbyin gyi kun dga’ ra na bźugs so || bcom ldan ’das kyis zla ba phyed phyed ciṅ so sor thar pa’i mdo gdon pa gdon par bya’o źes bka’ stsal nas | dge sloṅ rnams zla ba phyed phyed ciṅ so sor thar pa’i mdo gdon (3) pa ’don par byed pa na | drug sde dag pham par ’gyur ba bźi po dag ’don pa’i tshe ni caṅ mi smra bar ’khod do || dge ’dun lhag ma bcu gsum ’don pa’i tshe na ’di skad ces tshe daṅ ldan pa dag gaṅ la gźi ṅes pa daṅ | gaṅ zag ṅes (4) par rab tu śes pa yod bźin du | bdag cag gis rma sos pa sos pa dag ci’i phyir ’dral bar byed | gaṅ dag gis dge sloṅ rnams ’gyod pa daṅ | yid lag cags pa daṅ | gnod par ’gyur ba bslab pa’i gźi phran tshegs rab tu phra ba (5) ’di dag gis zla ba phyed phyed ciṅ so sor thar pa’i mdo gdon pa bton pa dag gis ci bya źes zer ro || de bźin du ma ṅes pa gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor bśags par bya ba’i (6) chos bźi daṅ | bslab pa’i chos maṅ po daṅ | rtsod pa źi bar bya ba’i chos bdun po dag ’don pa’i tshe na yaṅ ’di skad ces tshe daṅ ldan pa dag gaṅ la gźi ṅes pa daṅ | gaṅ zag ṅes pa rab tu śes pa yod bźin du bdag cag gi rma sos pa sos pa (7) dag ci’i phyir ’dral bar byed | gaṅ dag gis dge sloṅ rnams ’gyod pa daṅ | yid la gcags pa daṅ | gnod par ’gyur ba bslab pa’i gźi phran tshegs rab tu phra ba ’di dag gis zla ba phyed phyed ciṅ so sor thar pa’i mdo gdon pa bton pa dag gis ci bya (277a1) źes zer nas | dge sloṅ rnams kyis smras pa | tshe daṅ ldan pa dag gi phyir kho bo cag zla ba phyed phyed ciṅ so sor thar pa’i mdo gdon pa ’don pa ma yin gyi | ’di ltar kho bo cag ni ston pa’i bka’ luṅ gis ’don to || gal te khyed cag (2) sdug bsṅal ba daṅ | yid mi bde ba skye na ci’i phyir lhag par spyod par byed | dge sloṅ don ñuṅ du dag ci’i phyir | dge sloṅ dag pham par ’gyur ba bźi po dag ’don pa’i tshe ni caṅ mi smra bar ’khod la | dge ’dun lhag ma bcu gsum ’don pa’i tshe ni ’di skad (3) ces tshe daṅ ldan pa dag gaṅ la gźi ṅes pa daṅ | gaṅ zag ṅes par ba tu śes pa yod bźin du bdag cag gi rma sos pa sos pa dag ci’i phyir ’dral bar byed | gaṅ dag gis dge sloṅ rnams ’gyod pa daṅ | yid la gcags pa daṅ | gnod par ’gyur ba bslab (4) pa’i gźi phran tshegs rab tu phra ba ’di dag gis zla ba phyed phyed ciṅ so sor thar pa’i mdo gdon ba bton bdag gis ci bya źes zer | de bźin du ma ṅes pa gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor (5) bśags par bya ba’i chos bźi daṅ | bslab pa’i chos maṅ po daṅ | rtsod pa źi bar bya ba’i chos bdun po dag ’don pa’i tshe na yaṅ ’di skad ces tshe daṅ ldan pa dag gaṅ la gźi ṅes pa daṅ | gaṅ zag ṅes pa rab tu śes pa yod bźin du bdag cag gi (6) rma sos pa sos pa dag ci’i phyir ’dral bar byed | gaṅ dag gis dge sloṅ rnams ’gyod pa daṅ | yid la gcags pa daṅ | gnod par ’gyur ba bslab pa’i gźi phran tshegs rab tu phra ba ’di dag gis zla ba phyed phyed ciṅ so sor thar pa’i mdo gdon pa (7) bton pa dag gis ci bya źes zer źiṅ smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ (277b1) gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag (2) la rmas pa | dge sloṅ dag khyed cag pham par ’gyur ba bźi po dag ’don pa’i tshe ni caṅ mi smra bar ’khod la | dge ’dun lhag ma bcu gsum ’don pa’i tshe ni ’di skad ces tshe daṅ ldan pa dag gaṅ la gźi ṅes pa daṅ | gaṅ zag ṅes pa rab tu śes (3) pa yod bźin du | bdag cag gi rma sos pa sos pa dag ci’i phyir ’dral bar byed | gaṅ dag gis dge sloṅ rnams ’gyod pa daṅ | yid la gcags pa daṅ | gnod par ’gyur ba bslab pa’i gźi phran tshegs rab tu phra ba ’di dag (4) gis zla ba phyed phyed ciṅ so sor thar pa’i mdo gdon pa bton pa dag gis ci bya | de bźin du ma ṅes pa gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor bśags par bya’i chos bźi daṅ | bslab pa’i (5) chos maṅ po daṅ | rtsod pa źi bar bya ba’i chos bdun po dag ’don pa’i tshe yaṅ ’di skad ces tshe daṅ ldan pa dag gaṅ la gźi ṅes pa daṅ | gaṅ zag ṅes pa rab tu śes pa yod bźin du bdag cag gi rma sos pa sos pa dag ci’i phyir ’dral bar byed | gaṅ dag (6) gis dge sloṅ rnams ’gyod pa daṅ | yid la gcags pa daṅ | gnod par ’gyur ba bslab pa’i gźi phran tshegs rab tu phra ba ’di dag gis zla ba phyed phyed ciṅ so sor thar pa’i mdo gdon pa bton pa dag gis ci bya źes smras pa bden nam | btsun (7) pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || źes rnam par smad pa mdzad do || de nas bcom ldan ’das kyis (278a1) rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste | źes bya ba la sogs (2) pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zla ba phyed ciṅ so sor thar pa’i mdo gdon pa ’don pa na ’di skad ces tshe daṅ ldan pa dag gaṅ dag gis dge sloṅ rnams ’gyod pa daṅ | (3) yid la gcags pa daṅ | gnod par ’gyur ba bslab ’i gźi phran tshegs rab tu phra ba ’di dag gis zla ba phyed phyed ciṅ so sor thar pa’i mdo gdon pa bton pa dag gis ci bya źes zer źiṅ bslab pa khyad du gsod na ltuṅ byed do || yaṅ dge sloṅ gaṅ (4) źes bya ba ni drug sde’am | gźan yaṅ de lta bu gaṅ yin pa’o || zla ba phyed phyed ciṅ źes bya ba ni zla ba phyed phyed ciṅ ṅo || so sor thar pa źes bya ba ni pham par ’gyur ba’i chos bźi daṅ | dge ’dun lhag ma’i chos bcu gsum daṅ | ma ṅes pa’i chos gñis (5) daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor bśags par bya ba’i chos bźi daṅ | bslab pa’i chos maṅ po daṅ | rtsod pa źi bar bya ba’i chos bdun po dag go || mdo źes bya ba ni des ñe bar sbyar ba’i (6) mdo’am | yaṅ na mdo yaṅ dag par sbyar ba’o || gdon pa ’don pa na źes bya ba ni rab tu ston pa na’o || ’di skad ces tshe daṅ ldan pa dag gaṅ dag gis dge sloṅ rnams ’gyod pa daṅ | yid la gcags pa daṅ | gnod par ’gyur ba bslab pa’i gźi phran tshegs rab (7) tu phra ba ’di dag gis zla ba phyed phyed ciṅ so sor thar pa’i mdo gdon pa bton pa dag gis ci bya źes zer źiṅ bslab pa khyad du gsod na źes bya ba ni bslab pa khyad du gsod pa’i bsam pas ṅag daṅ | tshig daṅ | tha sñad daṅ | skad daṅ | brjod pa daṅ | ṅes (278b1) pa’i tshig daṅ | tshig gi lam daṅ | tshig gi sgra daṅ | dag gi las daṅ | ṅag gi rnam par rig byed brjod pa’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu (2) sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur (3) źe na | dge sloṅ pham par ’gyur ba bźi po dag ’don pa na ’di skad ces tshe daṅ ldan pa dag gaṅ dag gis dge sloṅ rnams ’gyod par ’gyur ba ’di dag bton pas ci bya źes zer na ltuṅ byed du ’gyur ro || dge sloṅ ṅa ma phar ’gyur ba bźi po dag ’don pa na (4) ’di skad ces tshe daṅ ldan pa dag gaṅ dag gis ni dge sloṅ rnams yid la gcags par ’gyur ba ’di dag bton pas ci bya źes zer na ltuṅ byed du ’gyur ro || dge sloṅ pham par ’gyur ba bźi po dag ’don pa na ’di skad ces tshe daṅ ldan pa dag gaṅ dag gis (5) dge sloṅ rnams la gnod par ’gyur ba ’di dag bton pas ci bya źes zer na ltuṅ byed du ’gyur ro || dge sloṅ pham par ’gyur ba bźi po dag ’don pa na ’di skad ces tshe daṅ ldan pa dag gaṅ dag gis dge sloṅ rnams gduṅ bar ’gyur ba ’di dag bton pas ci bya (6) źes zer na ltuṅ byed du ’gyur ro || dge sloṅ pham par ’gyur ba bźi po dag ’don pa na ’di skad ces tshe daṅ ldan pa dag gaṅ dag gis dge sloṅ rnams kun du gduṅ bar ’gyur ba ’di dag bton pas ci bya źes zer na ltuṅ byed du ’gyur ro || dge sloṅ pham par (7) ’gyur ba bźi bo dag ’don pa na ’di skad ces tshe daṅ ldan pa dag gaṅ dag gis dge sloṅ rnams yoṅs su gduṅ bar ’gyur ba ’di dag bton pas ci bya źes zer na ltuṅ byed du ’gyur ro || dge sloṅ pham par ’gyur ba bźi po dag ’don pa na ’di skad ces tshe daṅ ldan pa (279a1) dag gaṅ dag gis dge sloṅ rnams ’gyod par ’gyur ba ’di dag bton pas ci bya źes zer na ltuṅ byed du ’gyur ro || dge sloṅ pham par ’gyur ba bźi po dag ’don pa na ’di skad ces tshe daṅ ldan pa dag gaṅ dag gis dge sloṅ rnams mṅon par mi (2) dga’ bar ’gyur ba ’di dag bton pas ci bya źes zer na ltuṅ byed du ’gyur ro || dge sloṅ pham par ’gyur ba bźi po dag ’don pa na ’di skad ces tshe daṅ ldan pa dag gaṅ dag gis dge sloṅ rnams rnam par ’khyam par ’gyur ba ’di dag bton pas ci bya źes zer na (3) ltur byed du ’gyur ro || de bźin du dge sloṅ | dge ’dun lhag ma’i chos bcu gsum daṅ | ma ṅes pa’i chos gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor bśags par bya ba’i chos bźi daṅ | bslab pa’i chos (4) maṅ po daṅ | rtsod pa źi bar bya ba’i chos bdun po dag ’don pa na ’di skad ces tshe daṅ ldan pa dag gaṅ dag gis dge sloṅ rnams ’gyod pa daṅ | yid la gcags pa daṅ | gnod pa daṅ | gduṅ ba daṅ | kun du gduṅ ba daṅ | yoṅs su gduṅ ba daṅ | ’dod pa (5) daṅ | mṅon par mi dga’ ba daṅ | rnam par ’khyam par ’gyur ba ’di dag bton pas ci bya źes zer na ltuṅ byed du ’gyur ro || de bźin du dge sloṅ gźi dag daṅ | phran tshegs dag daṅ | gleṅ gźi dag daṅ | sil bu dag daṅ | ’dul ba lṅa pa dag daṅ | ’dul (6) ba drug pa daṅ | ’dul ba’i ma mo dag daṅ | de las gźan pa ’dul ba daṅ ldan pa’i mod dag ’don pa na ’di skad ces tshe daṅ ldan pa dag gaṅ dag gis dge sloṅ rnams ’gyod pa daṅ | yid la gcags pa daṅ | gnod sems daṅ | gduṅ ba daṅ | kun tu gduṅ ba daṅ | (7) yoṅs su gduṅ ba daṅ | ’dod pa daṅ | mṅon par mi dga’ ba daṅ | rnam par ’khyam par ’gyur ba ’di dag bton pas ci bya źes zer na ltuṅ byed du ’gyur ro || dge sloṅ de las gźan pa’i mdo sde dag ’don pa na ’di skad ces tshe daṅ ldan pa dag gaṅ dag gis dge sloṅ rnams (279b1) ’gyod pa daṅ | yid la gcags pa daṅ | gnod pa daṅ | gduṅ ba daṅ | kun du gduṅ ba daṅ | yoṅs su gduṅ ba daṅ | ’dod pa daṅ | mṅon par mi dga’ ba daṅ | rnam par ’khyam par ’gyur ba ’di dag bton pas ci bya źes zer na ñes byas su ’gyur ro || las (2) daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || bslab pa khyad du gsod pa’i ltuṅ byed de bcu pa rdzogs s+ho || ||

.