’dul sbyoṅ bas rgyal po la smras pa | lha ’di ni bro ’tshal ba ma lags kyi ’di ltar (4) rim pa ma bgyis pas de’i slad du ’di ran daṅ chas mi ’tshal lo || ’di’i rim pa ji lta bya | lha śul dpag tshad phyed daṅ gsum chun chaṅ mdzes par bgyi źiṅ groṅ khyer yaṅ mdzes par bgyi || rgyal po rgyal rigs spyi bor dbaṅ bskur ba dpuṅ gi tshogs yan lag bźi daṅ bcas pas (5) bsu bar bgyi | phyogs gaṅ du bźag pa’i phyogs de zaṅs ma’i glegs bu dag gis g-yog par bgyi | rgyal po’i sras bu thu bos mgo’i steṅ du gdugs srog śiṅ brgya pa gzuṅ bar bgyi | rgyal po’i sras mo thu mos rṅa yab gser can nor bus sprus pas spraṅ ma dag bskyab par bgyi | rgyal (6) po’i btsun mo dam pas gser gyi snod nas zil dṅar gyis ba ci na pa’i bzaṅ chas gyi zas bstabs par bgyi || rgyal po’i blon po dam pas gser gyi chol zaṅs kyis rtug pa dor bar bgyi’o || rgyal pos smras pa | de lta na ’di rgyal po yin gyi ṅa rgyal po ma yin no || ’dul sbyoṅ pas smras pa | (7) lha ’di la dus thams cad du bsñen bkur de ltar bgyi mi ’tshal te | ’di ltar dgur bdun gyi bar du bgyi’o || dguṅ bdun ’das nas bka’ ñan par ’gyur ro || ’das pa gaṅ lags pa de da bgyi bar mi spyod kyag lhag ma gaṅ lags pa de mdzad du gsol | rgyal pos phyogs gaṅ (85b1) du gźag pa’i phyogs de zaṅs ma’i glegs bu dag gis kyaṅ g-yogs | rgyal po’i thu thu bo yaṅ ma go’i steṅ du gdugs srog śiṅ brgya pa ’dzin du bcug | rgyal po’i bu mo thu mo yaṅ rṅa yab gser can nor bus spras pas sbraṅ ma dag skyo ba tu bcug | rgyal po’i btsun mo dam pa laṅ (2) gser gyi snod nas zil dṅar gyis bcin pa’i bzaṅ chas kyi zas stobs su bcug | rgyal po’i blon po dam pa yaṅ gser gyi chol zaṅs kyis rtug pa ’dor du bcug go || sa bdag ’dul sbyoṅ bcas pa de la chags || śin tu dri źim byug pa mchog ’chaṅ źiṅ || sa bdag btsun mo (3) zil daṅ ra bzaṅ chas kyis | snod bkaṅ mgyogs ’gro mchog phyir ’dzin par byed | rgyal po skyed mos tshal gyis ra ’gro bar ’dod pa la rta caṅ śes phul ba daṅ | des rgyab smad nas rgyal pos ’dul sbyoṅ ba la rmas pa | ’di rgyab min ’am | des smras pa | lha bro mi ’tshal te | (4) ’di ltar rgyal po bcibs dkar bar ’gyur sñam nas de’i slad du ’dis rgyab smad do || rgyal pos źon te soṅ ba daṅ | de ’gro ba na chu byuṅ nas de de la mi rgal pa daṅ | rgyal pos ’dul sbyoṅ ba la mras pa | ’di mi ’jigs sam | lha mi ’jigs te ’di ltar rṅa ma’i chab kyis rgyal po (5) gaṅ śer bar gyur na mi ruṅ ṅo sñam pas de’i slad du rgal bar mi bgyid do || rgyal pos de’i rṅa ma gser gyi spubs su bcug pa daṅ de de las rgal to || rgyal po de skyed mos tshal du soṅ ste bag med par ’dug pa daṅ | ñi ’og gi rgyal po dag gis rgyal po tshaṅs byin skyed mos tshal du soṅ ṅo (6) źes thos nas | de dag lhags nas groṅ khyer gi sgo dag bzuṅ ṅo || rgyal po tshaṅs byin gyis ñi ’og gi rgyal po dag gis groṅ khyer gyi sgo dag bzuṅ ṅo źes thos nas de rta caṅ la źon pa daṅ || bā rā ṇa sī daṅ skyed mos tshal gyi bar du rdziṅ bu tshaṅs ldan źes bya ba ut+pala daṅ | pad ma daṅ | (7) ku ma da daṅ | pad ma dkar pos khebs pa źig gis chod nas rta caṅ śes kyis bsams pa | rgyal po rgyal rigs spyi bor da’aṅ bskur pa | gnod pa daṅ | ñam ṅa ba daṅ | phoṅs par gyur pa bdag gis yal bar dor ba ni bdag gi tshul daṅ mthun pa ma yin no sñam nas | rta caṅ (86a1) śes des pad ma’i ’dab ma ṅag gi steṅ du rkaṅ pa bźag ste sge’u cuṅ nas bā rā ṇa sīra źugs pa daṅ | rgyal po dga’ nas blon po rnams la smras pa | śes ldan dag gaṅ gis rgyal po rgyal rigs spyi bor dbaṅ bskur ba’i srog phyuṅ ba de la ci sbyin | lha rgyal (2) srid kyi phyed do || rgyal pos smras pa | ’di ni dud ’gro yin pas ’di la rgyal srid kyi phyed kyis ci bya ste | ’di ltar ’di las rten te źag bdun du sbyin pa dag sbyin | bsod nams dag bya źiṅ dus ma yin par ku mu da’i dus ston bya’o sñam nas | rgyal po de las rten te źag bdun du sbyin (3) pa dag sbyin pa daṅ | bsod nams dag bya bar brtsams śiṅ źag bdan du dus ma yin par ku ma da’i dus ston dag byas pa daṅ | ded dpon des mi dag la dris pa | śes ldan dag ci’i phyir dus ma yin par ku mu da’i dus ston ’di byuṅ bar gyur | de dag gis de la smras pa | rgyal (4) pos mchod gyur ces bya ba’i gnas de nas rdza mkhan źig las gser ’bum gyis rta caṅ śes ños te ’dir ’oṅs nas des rgyal po ’di’i srog phyuṅ nas | rgyal pos de las rten te źag bdun du sbyin pa dag sbyin | bsod nams dag khyed ciṅ dus ma yin par ku mu da’i dus ston (5) byas so || de da dpon gyis bsams pa | mal rte’u de caṅ śes su ma gyur tam je soṅ la de blta’o sñam nas de’i gan du soṅ ba daṅ | rta caṅ śes des smras pa | kwa’i naṅ rje khyod kyis rta lṅa brgya po dag gis ci thob | gser ’bum mo | kho bo gcig bus kyaṅ rdza mkhan de la gser (6) ’bum byon no || de brgyal te sa la ’gyel nas chu gdab pas srog phyir rned nas rta caṅ śes kyi rkaṅ pa gñis la gtugs te bzod pa gsol to || dge sloṅ dag de’i tshe de’i dus na ded dpon gaṅ yin pa de ni ’tsho byed gźon nus gsos ’di ñid yin no || de’i tshe de’i na rtsa caṅ śes (7) gaṅ yin pa de ni lam pa ’di ñid yin te | de’i tshe yaṅ des gaṅ gi tshe de’i yon tan dag mṅon par mi śes pa de’i tshe na de la gus pa la źugs par gyur la | gaṅ gi tshe de’i yon tan dag mṅon par śes par gyur pa de’i tshe na rkaṅ pa gñis la gtugs te bzod pa gsol bar gyur (86b1) la | da ltar yaṅ des gaṅ gi tshe ’di’i yon tan dag mṅon par mi śes pa de’i tshe na ’di la gus pa ma yin pa la źugs la | gaṅ gi che yon tan dag mṅon par śes par gyur pa de’i tshe na rkaṅ pa gñis la gtugs te bzod pa gsol bar byed do || saṅs rgyas bcom ldan ’das la dge (2) sloṅ rnams kyis źus pa | btsun pa tshe daṅ ldan pa lam pas las ci bgyis na las de’i rnam par smin pas bcom ldan ’das kyis sems sgyur ba la mkhas pa rnams kyi mchog tu luṅ bstan | bcom ldan ’das kyis bka’ stsal pa | smon lam gyi dbaṅ gis so || gaṅ du smon lam (3) btab | dge sloṅ dag sṅon byuṅ ba yaṅ dag par rdzogs pa’i saṅs rgyas ’od sruṅ gi bstan pa la ’di rab tu byuṅ bar gyur pa na gaṅ las rab tu byuṅ ba’i mkhan po de yaṅ dag par rdzogs pa’i saṅs rgyas ’od sruṅ gis sems sgyur bal mkhas pa rnams kyi mchog tu luṅ bstan to || de na ’dis (4) tshe ji srid par tshags par spyod pa spyad na yon tan gyi tshogs ’ga’ yaṅ ma thob nas de’i ’og tu ’chi pa’i tshe smon lam ’di skad ces bdag gis bcom ldan ’das de bźin gśegs pa dgra bcom pa yaṅ dag par rdzogs pa’i rdzogs pa’i saṅs rgyas yon tan bla na med pa ’od sruṅ la tshe ji srid par spyod (5) pa spyad na yon tan gyi tshogs ’ga’ yaṅ ma thob ste | bdag gis tshe ji srid par tshags par spyod pa spyad pa’i dge ba’i rtsa ba ’dis bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas ’das ’od sruṅ gis bram ze’i khye’u bla ma la bram ze’i khye’u khyod ma ’oṅs (6) pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sbyar ba bla na med pa | lha daṅ mi rnams kyi ston pa saṅs (7) rgyas bcom ldan ’das śākya thub pa źes bya bar ’gyur ro źes luṅ bstan pa de’i bstan pa la bdag rab tu byuṅ nas ñon moṅs pa thams cad spraṅs pas dgra bcom pa ñid mṅon du byed ciṅ ji ltar mkhan po ’di bcom ldan ’das de bźin gśegs pa dgra bcom pa yaṅ dag par rdzogs (87a1) pa’i saṅs rgyas ’od sruṅ gis sems sgyur ba la mkhas pa rnams kyi mchog tu bstan pa de bźin du bdag kyaṅ bcom ldan ’das śākya thub pa śākya ’i seṅ ge śākya ’i rgyal po’i gtso bo des sems sgyur ba la mkhas pa rnams kyi mchog tu bstan par gyur cig ces gdab par (2) brtsams pas smon lam de’i daṅ gis da ltar de bźin gśegs pas sems sgyur ba la mkhas pa rnams kyi mchog tu bstan to || dge sloṅ dag de ltar na las gcig tu gnag pa rnams kyi rnam par smin pa ni gcig tu gnag pa yin la | las gcig tu dkar ba rnams kyi rnam par smin pa yaṅ (3) gcig dkar ba yin | las ’dren ma rnams kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa daṅ | ’dren ma rnams spaṅs te | las gcig tu dkar ba rnams la brtsal bar bya ste | dge sloṅ dag khyed kyis de ltar bslab par bya’o || (4) las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ma bskos par ston pa’i ltuṅ byed de ñi śu gcig pa rdzogs s+ho || ||

.