[Pāyantika 22]
saṅs rgyas bcom ldan mñan yod na rgyal byed kyi tshal mgon med zas sbyin gyi kun dga’ ra ba (5) na bźugs so || bcom ldan ’das kyis dga’ byed khyod kyis dge sloṅ ma la ’doms śig | dga’ byed khyod kyis dge sloṅ ma la rjes su ston cig | dga’ byed khyod kyis dge sloṅ ma rnams la chos daṅ ldan pa’i gtam gyis śig ces bka’ stsal nas | de nas ut+pa la’i mdog ’khor (6) dge sloṅ ma lṅa brgya tshe daṅ ldan pa dga’ byed gal der soṅ ste | phyin nas tshe daṅ ldan pa dga’ byed kyi rkaṅ pa gñis la mgo bos phyag ’tshal te mtha’ gcig du ’dug go || tshe daṅ ldan pa dga’ byed kyis bsams pa | bud med kyi yul ni śes rab chuṅ ba yin no sñam nas des de (7) la don daṅ | tshig daṅ | yi ge mdor ’dus pa dag gis chos bstan to || de śes rab can yin pas goṅ nas goṅ du ’dri bar byed nas tshe daṅ ldan pa dga’ byed kyis lan btab ciṅ | des de la ji tsam na ñi ma nub pa’i dus la bab pa de tsam gyi bar du chos bstan nas de dag gis (87b1) de’i rkaṅ pa gñis la mgo bos phyag ’tshal te stan las laṅs te doṅ ba daṅ | ji tsam nam ñan yod kyi sgo dag bcad par gyur nas dge sloṅ ma rnams kyis sgo btsal ba daṅ | sgo bas smras pa | sgo bcad lags so || de dag gis smras pa | phye śig lde mig dag rgyal po’i pho braṅ du (2) ’tshal to || de dag gis bsams pa | ’di ñid du ’khod do sñam nas mñan yod daṅ ha caṅ mi riṅ ba na kun dga’ ra ba źig ’dug pa der de dag doṅ ṅo | bcom ldan ’das kyis śiṅ ljon pa yaṅ rgan rims kyis bsko bar bya’o źes bka’ stsal pas de dag gis śiṅ ljon pa dag (3) rgan rims kyis bsko bar brtsams pa daṅ | de nade dag śiṅ ljon pa dag sgo ba rnams la a y+Ye ha ḍe ag ha ḍe źes ’bod pa’i sgra mthon po daṅ | sgra chen po byuṅ ṅo || g-yon can lṅa brgya tsam mñan yod ’jogs par ’dod pa dag lhags pa de dag gis sgra mthon (4) po daṅ | sgra chen po de thos nas | de dag gis smras pa | śes ldan dag mñan yod na re źig sdod cig | śes ldan dag rje btsun mo’i ’khor gyis mthos par ’di dag gźom par bya’o || ut+pa la’i mdog gis bsams pa | mi mdzes pa ’ga’ źig rig par mi ’gyur (5) ram sñam nas | ji tsam na ’jos par ’dod pa’i g-yon can lṅa brgya tsam po de dag mthoṅ nas des ’phags skyes po’i dpuṅ sprul te rṅa pa ṭa ha brduṅs pa daṅ | de dag gis smras pa | śes ldan dag bdag cag ’phags skyes po’i dpuṅ gis bskor te bdag cag zin par gyur na mi ruṅ gis (6) ’bros par bya’o źes de ltar rig nas de dag bros so || ut+pa la’i mdog gis dge saloṅa ma de dag la smras pa | phu nu mo dag g-yon can ’joms par ’dod pa lṅa brgya tsam ’dir lhags nas kho mos de dag bsdigs nas bros kyis | khad kyi dal bu dal bus lag brṅas sgo phye śig | de (7) dag naṅ par sṅar laṅs te mñan yod du źugs pa daṅ | bram ze daṅ | khyim bdag gis mthoṅ nas de dag gis smras pa | śākya ’i bu’i dge sbyoṅ rnams kyis chos ’dre ba daṅ | lhag par ’dre źiṅ tshaṅs par spyad pa spyod par byed pa bzaṅ ṅo || dge sloṅ don ñuṅ ṅu dag ci’i phyir dge (88a1) sloṅ dag ñi ma nub pa’i dus kyi bar du dge sloṅ ma la ston par byed ces smod par byed | phyar ka gtoṅ bar byed | ka zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ gleṅ gzi ’di daṅ (2) skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa dga’ byed la (3) rmas pa | dga’ byed kyod ñi ma nub pa’i dus kyi bar du dge sloṅ ma la ston pa bden nam | btsun pa med do || saṅs rgyas bcom ldan ’das kyis mi brtson pa daṅ mi sbyor ba daṅ | ma brtags par spyod pa rnam par smad pa mdzad do || de nas bcom ldan ’das kyis bartsonapa daṅ | (4) sbyor ba dar brtags te spyod pa’i bsṅags pa brjod nas | dge sloṅ rnams la bka’ stsal pa | dge sloṅ dge de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan (5) thos rnams kyis ’dul ba la bslab pa’i gźi ’di ltar gdon par bya ste | dge sloṅ dge ’dun gyis bskos kyaṅ ñi ma nub pa’i dus kyi bar du dge sloṅ ma la ston na ltuṅ byed do || dge sloṅ źes bya ba ni chos ’di ba’o || dge ’dun gyis źes bya ba ni dge bźin gśegs pa’i ñan thos kyi dge (6) ’dun gyis so || bskos kyaṅ źes bya ba ni gsol ba daṅ gñis kyi las kyis so || ñi ma nub pa’i dus kyi bar du źes bya ba ni ñi ma nub pa’i dus la bab par ro || dge sloṅ ma źes bya ba ni chos ’di pa la’o || ston na źes bya ba ni lhag pa’i tshul khrims daṅ || lhag pa’i sems daṅ | (7) lhag pa’i śes rab po || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ pa dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags so sor ma (88b1) bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gi ñi ma nub pa la ñi ma nub par ’du śes pas dge sloṅ ma la ston na ltuṅ byed du ’gyur ro || dge sloṅ gi ñi ma ñub pa la yid gñis za bas (2) dge sloṅ ma la ston na ltuṅ byed du ’gyur ro || dge sloṅ gis ñi ma nub pa la ñi ma nub par ’du śes par ’du śes pas dge sloṅ ma la ston na ñes byas su ’gyur ro || dge sloṅ gi ñi ma nub pa la yid gñis za bas dge sloṅ ma la ston na nes byas su ’gyur ro || mtshan thog chag chos ñan par gyur pa (3) daṅ | gtsug lag khaṅ gi sgo druṅ du stonapa daṅ | sgo ma bcad par ’dug pa daṅ | groṅ khyer gyi naṅ na gtsug lag khaṅ ṅam | dbyar khaṅ ’dug pa daṅ | khyim gźan du soṅ ste ston pa la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag (4) gis ñen pa la ltuṅ ba med do || dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa ut+pa la’i mdog gis dge sloṅ ma lṅa brgya g-yon can gyi ’jigs pa las yoṅs su bskyabs pa la gzigs | bcom ldan ’das kyis (5) bka’ stsal pa | dge sloṅ dag da ltar du ma zad de | ’di ltar ’das pa’i dus na yaṅ ’dis don mthun maṅ po seṅ ge’i ’jigs pa las yoṅs su bskyabs par gyur te de ñon cig dge sloṅ dag sṅon byuṅ ba ’das pa’i dus na ri brags śig na kyim bdag cig ’dug pa des rigs mñam (6) pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || des chuṅ ma la smras pa | bzaṅ mo kho bo zoṅ thogs te yul gźan du ’gro ’o || chur mas smras pa | rje’i sras bdag kyaṅ mchi’o || khyim bdag gis smras pa | (7) lam du khyod kyi g-yog sus byed par ’gyur | khyod ’di ñid du ’dug śig chus mas bdag mi khrid do sñam nas du bar brtsams pa daṅ | źo zas ’tsho ba dag gis khyim bdag la dris pa | jo bos ci’i slad du ’di dur stsal | khyim bdag gis smras pa | mi khrid do sñam nas so || de dag gis (89a1) smras pa | ci’i slad du mi bkri | khyim bdag gis smras pa | der ’di’i g-yog su byed par ’gyur | de dag gas smras pa | der bdag cag gis ’di’i g-yog bgyi’o || khyim bdag des de khrid de soṅ nas don mthun de dag dgon pa’i lam źig tu mtshan (2) mo btab pa daṅ | don mthun de dag lam gyis dub pas ñal nas | khyim bdag gi chuṅ ma de mel tshe byed do || ji tsam na der seṅ ge ’oṅs nas des ma gal dum thogs te de bsdigs pa daṅ bros par gyur nas lhas tshigs su bcad pa smras pa |

.