[Pāyantika 34]
saṅs rgyas bcom ldan ’das mñan yod na rgyal byed kyi tshal mgon med zas sbyin kyi kun dga’ ra ba na bźugs so || de nas bcom ldan ’das kyis dge sloṅ rnams la bka’ stsal pa | dge sloṅ dag ṅa ni stan gcig pa’i zas za ste | ṅa stan gcig pa’i zas za ba na | (5) sñiṅ las chuṅ ṅur ’tsho źiṅ | gnod pa ñuṅ ba daṅ | ñam ṅa ba chuṅ ba daṅ | bskyod pa yaṅ ba daṅ | ’tsho ba daṅ | stobs daṅ ldan pa daṅ | bde ba daṅ | kha na ma tho ba med pa daṅ | bde ba la reg par gnas par ’tsho’o || dge sloṅ dag khyed kyaṅ tshur śeg la stan gcig (6) pa’i zas zo śig daṅ | khyed kyaṅ stan gcig pa’i zas za ba na sñiṅ las chuṅ ṅur ’tsho źiṅ || gnod pa ñuṅ ba daṅ | ñam ṅa ba chuṅ pa daṅ | bskyod pa yaṅ ba daṅ | ’tsho ba daṅ | stobs daṅ ldan pa daṅ | bde ba daṅ | kha na ma tho ba med pa daṅ | bde ba la reg par gnas par (7) ’tsho bar ’gyur ro || dge sloṅ rnams stan gcig pa’i zas za bar byed de | de dag stan gcig pa’i zas za ba na slob dpon mthoṅ na yaṅ ldaṅ bar byed | mkhan po daṅ | bla ma daṅ | bla ma lta bu mthoṅ na yaṅ ldaṅ par byed pas de dag bdag cag gis spaṅs so źes za bar mi (141b1) byed pas de dag rid pa daṅ | ñam chuṅ daṅ rke ba daṅ | skam pa daṅ | lus ma thob par gyur to || saṅs rgyas bcom ldan ’das rnams ni mkhyen bźin du rmed par mdzad pas saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ bo ṅas dge sloṅ (2) dag ṅa ni stan gcig pa’i zas za ste | da stan gcig pa’i zas za ba na sñiṅ las chuṅ ṅur ’tsho źiṅ | gnod pa ñuṅ ba daṅ | ñam ṅa pa chuṅ pa daṅ | bskyod pa yaṅ ba daṅ | ’tsho ba daṅ | stobs daṅ ldan pa daṅ | bde ba daṅ | kha na ma thob med pa daṅ | bde ba la reg par (3) gnas par ’tsho’o || dge sloṅ dag khyed kyaṅ tshur śeg la stan gcig pa’i zas zo śig daṅ | khyed kyaṅ stan gcig pa’i zas za ba na sñiṅ las chuṅ ṅur ’tsho źiṅ gnod pa ñuṅ ba daṅ | ñam ṅa ba chuṅ ba daṅ | bskyod pa yaṅ ba daṅ | ’tsho ba daṅ | stobs daṅ ldan pa daṅ | bde (4) ba dag | kha na ma tho ba med pa daṅ | bde ba la reg par gnas par ’tsho bar ’gyur ro źes byas na | gaṅ gis da ltar dge sloṅ dag rid pa daṅ || ñam chuṅ ba daṅ | rke ba daṅ | skam pa daṅ | lus ma thob par gyur pa’i rgyu ni gaṅ yin | rkyen ni gaṅ yin | btsun ba bcom (5) ldan ’das kyis dge sloṅ dag dag ṅa ni stan gcig pa’i zas za ste | stan gcig pa’i zas za ba na sñiṅ las chuṅ ṅur ’tsho źiṅ gnod pa ñuṅ ba daṅ | ñam ga ba chuṅ ba daṅ | bskyod pa yaṅ ba daṅ | ’tsho ba daṅ | stobs daṅ ldan pa daṅ | bde ba daṅ | kha na ma tho ba med pa daṅ | bde ba (6) la reg par gnas par ’tsho’o || dge sloṅ dag khyed kyaṅ tshur śeg la stan gcig pa’i zas zo śig daṅ | khyed kyaṅ stan gcig pa’i zas za ba na sñiṅ las chuṅ ṅur ’tsho źiṅ gnod pa ñuṅ ba daṅ | ñam ṅa ba chuṅ ba daṅ | bskyod pa yaṅ ba daṅ | ’tsho ba daṅ | stobs daṅ ldan pa daṅ | (7) bde ba daṅ | kha na ma tho ba med pa daṅ | bde ba la reg par gnas bar ’tsho bar ’gyur ro źes bka’ stsal nas | dge sloṅ rnams stan gcig pa’i ’tshal ma ’tshal bar bgyid de | de dag stan gcig pa’i ’tshal ma ’tshal ba na | slob dpon mthoṅ ba na yaṅ ldaṅ bar bgyid (142a1) mkhan po daṅ | bla ma daṅ | bla ma lta bu mthoṅ na yaṅ ldaṅ bar bgyid pa de dag bdag cag gis spaṅs so źes ’tshal bar mi bgyid pas de dag rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur te | btsun pa gaṅ gis da ltar dge sloṅ (2) dag rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur pa’i rgyu ni de lags | rkyen ni de lags so || kun dga’ bo de lta bas na ma spaṅs pas ji tsam gyis tshog pa bza’ bar bya źiṅ || zas brtsams pas slob dpon daṅ | mkhan po daṅ | bla ma daṅ | bla ma (3) lta bu mthoṅ na ldaṅ bar mi bya’o || bcom ldan ’das kyis ma spaṅs pas ji tsam gyis chog pa bza’ bar bya źiṅ | zas brtsams pas slob dpon daṅ | mkhan po daṅ | bla ma daṅ | bla ma lta bu mthoṅ na ldaṅ bar mi bya’o źes bka’ stsal nas de dag chuṅ bźin du spaṅs pas lo ma daṅ | sran (4) tshoṅ daṅ | lṅa ma lhum daṅ | skam tshod kyis kyaṅ spoṅ ba byed ciṅ | de dag bdag cag gis spaṅs so źes za bar mi byed pas de dag rid pa daṅ | ñam chuṅ ba daṅ | rke ba daṅ | skam pa daṅ | lus ma thol par gyur to || saṅs rgyas bcom ldan ’das rnams kyi mkhyen bźin du (5) rmed par mdzad pas | saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ bo ṅas ma spaṅs pas ji tsam gyis chog pa bza’ bar bya źiṅ || zas brtsams pas slob dpon daṅ || mkhan podaṅa | bla ma daṅ | bla ma lta bu mthoṅ na ldaṅ bar mi bya’o źes (6) byas na gaṅ gis da ltar dge sloṅ dag rid pa daṅ | ñam chuṅ ba daṅ | rkye ba daṅ | skam pa daṅ | lus ma thob par gyur pa’i rgyu ni gaṅ yin | rkyen ni gaṅ yin | btsun pabacoma ldan ’das kyis ma spaṅs pas ji tsam gyis chog pa bza’ bar bya źiṅ | zas brtsams pas slob dpon (7) daṅ | mkhan po daṅ | bla ma daṅ | bla ma lta bu mthoṅ na ldaṅ bar mi bya’o źes bka’ stsal nas | de dag chab bźin du spaṅs pas lo ma daṅ | sran tshod daṅ | ldam ldum daṅ | skam tshod kyis kyaṅ spoṅ bar bgyid ciṅ de dag bdag cag gis spaṅs so źes ’tshal bar mi bgyid (142b1) bas de dag rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur te | btsun po gaṅ gis da ltar dge sloṅ dag rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur pa’i rgyu ni de lags | rkyen ni de lags so || kun (2) dga’ bo de lta bas na | bca’ ba lṅa po dag gis ni spaṅs par mi ’gyur la | bza’ ba lṅa po dag gis ni spaṅs par ’gyur te | bca’ ba lṅa po gaṅ dag gis spaṅs par mi ’gyur źe na | bca’ bar bya ba rtsa ba daṅ | sdoṅ bu daṅ | ’dab ma daṅ | me tog daṅ | ’bras bu dag ste | (3) bca’ ba lṅa po de dag gis ni spaṅs par mi ’gyur ro || bza’ ba lṅa po gaṅ gis spaṅs par ’gyur ba dag gaṅ źe na | bza’ bar bya ba ’bras chad daṅ | zan dron daṅ | śa daṅ | snum khur daṅ | ’de gu dag ste | bza’ ba lṅa po de dag gis ni spaṅs par ’gyur ro || bca’ (4) ba lṅa po dag ’chos nas ni bza’ ba lṅa po dag bza’ bar bya’i || bza’ ba lṅa po dag zos nas ni bca’ ba lṅa po dag bca’ bar mi bya’o || dge sloṅ gis bza’ ba lṅa po dag zos nas bca’ ba lṅa po dag ’cha’ na ’gal tshabs can du ’gyur ro || bcom ldan ’das kyis bca’ ba lṅa po (5) dag gis ni spaṅs par mi ’agyu.ura la | bza’ ba lṅa po dag gis ni spaṅs par ’gyur ro źes bka’ stsal nas | de dag des ’bags pa’i lag pa dag daṅ | des gos pa’i lhuṅ bzed dag gis bdag cag gis spaṅs so źes za bar mi byed pas de dag rid pa daṅ | ñam chuṅ ba daṅ | (6) rke ba daṅ | skam pa daṅ | lus ma thob par gyur to || saṅs rgyas bcom ldan ’das rnams ni mkhyen bźin du rmed par mdzad pas | saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ bo ṅas bca’ ba lṅa po dag gis ni spaṅs par mi ’agyurala | bza’ (7) ba lṅa po dag gis ni spaṅs par ’gyur ro źes byas nas | gaṅ dag gis da ltar dge sloṅ dag rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur pa’i rgyu ni gaṅ yin | rkyen ni gaṅ yin | btsun pa bcom ldan ’das kyis bca’ ba lṅa po dag gis ni (143a1) spaṅs par me ’gyur la | bza’ ba lṅa po dag gis ni spaṅs par ’gyur ro źes bka’ stsal nas de dag des ’bags pa’i sug pa dag daṅ | des gos pa’i lhuṅ bzed dag gis bdag cag gis spaṅs so źes ’tsha’ bar mi bgyid pas de dag rid pa daṅ | ñam chuṅ ba (2) daṅ | rke ba daṅ | skam pa daṅ | lus ma thob par gyur te | btsun pa gaṅ gis da ltar dge sloṅ dag rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur pa’i rgyu ni de lags | rkyen ni de lags so || kun dga’ bo de lta bas na | rgyu lṅas ni (3) spaṅs par brjod par bya źiṅ | rgyu lṅas ni ma spaṅs par brjod par bya’o || rgyu lṅa po gaṅ dag gis spaṅs bar brjod par bya źe na | zas yod pa daṅ | zas stobs pa yod pa daṅ | zas brtsams pa yod pa daṅ | zas spaṅs pa yod pa daṅ | spyod lam las ñams pas so || (4) ji ltar zas yod pas śe na | bca’ ba lṅa po daṅ | bza’ ba lṅa po dag yod pas te | de ltar zas yod pas so || ji ltar stobs pa yod pas śe na | bud med dam | skyes ba’am | ma niṅ yod pas te | de ltar zas stobs pa yod pas so || ji ltar zas brtsams pa (5) yod pas śe na | bca’ ba lṅa po daṅ | bza’ ba lṅa po dag kun du brtsams pa yod pas te | de ltar zas brtsams pa yod pas so || ji ltar zas spaṅs pas śe na | bca’ ba lṅa po daṅ | bza’ ba lṅa po dag spaṅ ba yod pas te | de ltar zas spaṅs pa yod pas so || (6) ji ltar spyod lamana las ñams pas śe na | stan gaṅ la ’dug par gyur pa’i stan de las laṅs bar gyur pa ste | de ltar spyod lam las ñams pas te | rgyu lṅa po de dag gis ni spaṅs par brjod par bya’o || rgyu lṅa po gaṅ dag gis ma spaṅs par brjod pa bya źe na | zas med pa daṅ | (7) zas stobs pa med pa daṅ | zas brtsams pa med pa daṅ | zas spaṅs pa med pa daṅ | spyod lam las ma ñams pas so || ji ltar zas med pas śe na | bca’ ba lṅa po daṅ | bza’ ba lṅa po dag med pas te | de ltar zas med pas so || ji ltar zas stobs ba med (143b1) pas śe na | bud med dam | skyes pa’am | ma niṅ med pas te | de ltar zas stobs pa med pas so || ji ltar zas brtsams pa med pas śe na | bca’ ba lṅa po dag daṅ | bza’ ba lṅa po dag kun du brtsams pa med pas de | de ltar zas brtsams pa med pas so || ji (2) ltar zas spaṅs pa med pas śe na | bca’ ba lṅa po dag daṅ | bza’ ba lṅa po dag spaṅs pa med pas te | de ltar zas spaṅs pa med pas so || ji ltar spyod lam las mñams pas śe na | stan gaṅ la ’dug par gyur pa’i stan de las laṅs pas ma gyur pas te | de ltar spyod (3) lam las mñams pas te | rgyu lṅa po de dag gis ni ma spaṅs par brjod par bya’o || gźan yaṅ rgyu lṅas ni spaṅs par brjod par bya źiṅ | rgyu lṅas ni ma spaṅs par brjod par bya’o || rgyu lṅa po gaṅ dag gis spaṅs par brjod par bya źe na | ruṅ bas spod bar byed pa daṅ | ruṅ ba daṅ (4) ’des pas spoṅ bar byed pa daṅ | gsog ’jog ma sbyas pas spoṅ bar byed pa daṅ | gsog ’jog ma byas pa daṅ ’dres pas spoṅ bar byed pa daṅ | spyod lam las ñams pas te | rgyu lṅa po de dag gis spaṅ par brjod par bya’o || rgyu lṅa po gaṅ dag gis ma spaṅs par brjod par bya (5) źe na | mi ruṅ bas spoṅ bar byed pa daṅ | mi ruṅ ba daṅ ’dres pas spoṅ bar byed pa daṅ | gsog ’jog byas pas spoṅ bar byed pa daṅ | gsog ’jog byas pa daṅ ’dres pas spoṅ bar byed pa daṅ | spyod lam las ma ñams pas te | rgyu lṅa po de dag gis ni ma spaṅs par brjod (6) par bya’o || gźan yaṅ tshig lhag ma med pa lṅas ni spaṅs par brjod pa bya źiṅ | tshig lhag ma daṅ bcas pa lṅas ni ma spaṅs par brjod par bya’o || tshig lhag ma med pa lṅa gaṅ źe na | thoṅ śig ces bya ba daṅ | byin cig ces bya ba daṅ | soṅ śig ces bya ba daṅ | zos (7) zin to źes bya ba daṅ | chog go źes bya ba ste | tshig lhag ma med pa lṅa po de dag gis ni spaṅs par brjod par bya’o || tshig lhag ma daṅ bcas pa lṅa gaṅ źe na | re źig thoṅ śig ces bya ba daṅ | re źig byin cig ces bya ba daṅ | re źig soṅ śig ces bya ba daṅ | re źig zos zin to (144a1) źes bya ba daṅ | re źig chog go źes bya ba ste | tshig lhag ma daṅ bcas pa lṅa po de dag gis ni ma spaṅs par brjod par bya’o || bcom ldan ’das kyis dge sloṅ gis spaṅs pas bza’ bar mi bya’o źes bka’ stsal nas drug sde dag spaṅs pas kyaṅ za bar byed | ma spaṅs (2) pas kyaṅ za bar byed nas dge sloṅ don ñuṅ ṅu dag bcom ldan ’das kyis dge sloṅ gis spaṅs pas bza’ bar mi bya’o źes bka’ stsal na | ci’i phyir dge sloṅ dag spaṅs pas bza’ bar mi bya’o źes bka’ stsal na | ci’i phyir dge sloṅ dag spaṅs pas kyaṅ za bar byed | ma spaṅs bas kyaṅ za bar byed ces smod par byed | phyar ka g-yoṅ bar byed | kha zer bar byed pa’i (3) skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen pa bźin du (4) rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dag ṅas dge sloṅ gis spaṅs pas bza’ bar mi bya’o źes bka’ stsal na khyed spaṅs pas kyaṅ za bar byed pa | ma spaṅs pas kyaṅ byed pa (5) bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis (6) rnam graṅs du mas rnam par smad nas dge sloṅ rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ba ri ñan thos rnams kyis ’dul ba (7) la bslab pa’i gźi ’di ltar gdon par bya ste | yaṅ dge sloṅ gaṅ zas zos zin ciṅ spaṅs pa las bca’ ba’am | bza’ ba ’cha’ ’am zan ltuṅ byed do źes bcom ldan ’das kyis ’dul ba la ñan thos rnams kyis ’dul ba la ñan thosarnamasa kyi bslab pa’i gźi de ltar bca’ ba mdzad do || saṅs rgyas bcom ldan (144b1) ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || khyim bdag cig gis saṅs rgyas la sogs pa dge sloṅ gis dge ’dun khyim gźan du gdugs tshod la spyan draṅs nas | dge sloṅ nad pa rab tu maṅ po dag gi nad g-yog rab tu maṅ po dag yod (2) ba de dag gis bdag ñid zos nas nad brnams kyi lto kheṅs pa’i bsod sñoms dag mnos pa daṅ | dge sloṅ nad pa rnams kyis za bar ma nus śiṅ | dge sloṅ nad g-yog gis kyaṅ bdag cag gis spaṅs so źes za bar mi byed | kun dga’ ba ba daṅ | dge tshul dag kyaṅ med (3) nas de dag gis kun dga’ ra ba’i naṅ du zas kyi phuṅ po rnam par bźag ba daṅ | der bya rog dag za ba na bya rog gis sgra ’byin pa chen po byuṅ bar gyur to || saṅs rgyas bcom ldan ’das rnams ni mkhyen bźin du rmed par mdzad pa ste | saṅs rgyas bcom ldan ’das kyis tshe daṅ (4) ldan pa kun dga’ bo la bka’ stsal pa | kun dga’ bo kun dga’ ra ba’i naṅ na bya rog gis sgra ’byin pa chen po byuṅ bar gyur pa ’di ci las gyur | btsun pa khyim bdag cig gis saṅs rgyas la sogs pa dge sloṅ gi dge ’dun sdum pa gźan du gdugs tshod la spyan draṅs nas | dge (5) sloṅ bro ’tshal ba rab tu maṅ po dag gi bro g-yog rab tu maṅ po dag mchis pa de dag gis bdag ñid ’tshal nas | bro ’tshal ba rnams kyi g-yar bltam pa’i bsod sñoms dag mnos pa daṅ | dge sloṅ bro ’tshal ba rnams kyis ’tshal bar rṅo ma thog ciṅ | dge sloṅ bro g-yog dag (6) gis kyaṅ bdag cag gis spaṅs so źes ’tshal bar mi bgyid | kun dga’ ra bab daṅ | dge tshul dag kyaṅ ma mchis nas | de dag gis kun dga’ ra ba’i naṅ du zas kyi phuṅ po chen po rnam par bźag pa daṅ | der bya rog dag ’tshal ba na bya rog gis sgra ’byin pa chen po (7) byuṅ bar gyur to || de nas bcom ldan ’das ’di sñam du dgoṅs te | ṅas dge sloṅ rnams bde ba la reg par gnas par bya ba’i phyir daṅ | sbyin pa po rnams kyi sbyin par bya ba’i chos yoṅs su loṅs spyad par bya ba’i phyir lhag por gnaṅ bar bya’o sñam du dgoṅs nas dge sloṅ rnams la (145a1) bka’ stsal pa | dge sloṅ dag de lta bas na lhag por byas te bza’ bar rjes su gnaṅ ṅo || bcom ldan ’das kyis lhag por byas te bza’ bar rjes su gnaṅ ṅo źes bka’ stsal nas | dge sloṅ rnams kyis lhag por ji ltar bya ba mi śes nas | bcom ldan ’das kyis bka’ (2) stsal pa | dge sloṅ zas zon zin ciṅ spaṅs te | yoṅs su rdzogs śiṅ mthar thug par byas pa gaṅ yaṅ ruṅ ba źig gis bca’ ba’am | bza’ ba rñed cig za bar ’dod na dge sloṅ des lag pa gñis bsñal te byin len byas pa | dge sloṅ zas zos zin ciṅ ma spaṅs la | spyod lam (3) las mñams pa gaṅ yin pa’am | dge sroṅ zas zos zin ciṅ spaṅs lam las ma ñams pa gaṅ yin pa de’i mdun du tsog pur ’dug ste ’di skad ces brjod par bya’o || tshe daṅ ldan pa dgoṅs su gsol | bdag dge sloṅ miṅ ’di źes bgyi ba ’tshal ma ’tshal lags (4) śiṅ spaṅs te yoṅs su rdzogs śiṅ mthar thug par bgyis pa las | bca’ ba daṅ bza’ ba rñed ciṅ ’tshal bar ’tshal na lhag por bgyis te bdag la stsal du gsol || des kham gñis sam gsum zos nas ’di skad ces | khyod kyir gyur gyis bźud cig ces brjod par bya’o || (5) de la dge sloṅ zas zos zin ciṅ ma spaṅs la spyod lam las mñams pa gaṅ yin pa de ni bdag ñid kyis kham gñis sam | gsum zos nas lhag por bya’o || de la dge sloṅ zas zos zin ciṅ spaṅs la spyod lam las ma ñams pa gaṅ yin pa des ni bza’ bar mi bya bar lag par byin nas (6) khyod kyir gyur gyis bźud cig ces brjod par bya bas lhag por bya’o || gal te zan ’gal tsha bas can du ’gyur ro || rgyu lṅas lhag por ma byas par brjod par bya ste | lṅa gaṅ źe na | mtshams kyi phyi rol du daṅ | mi thob pa’i phyogs su daṅ | rgyab nas daṅ | glo nas daṅ | spyod (7) lam las ñams pa byed du ’jud pa ste | rgyu lṅa po de dag gis ni lhag por ma byas par brjod par bya’o || rgyu lṅas ni lhag por byas par brjod par bya ste | lha gaṅ źe na | mtshams kyi phyi rol ma yin par daṅ | ’thob pa’i phyogs su daṅ | rgyab ma yin pa nas daṅ | glo ma yin (145b1) pa nas daṅ | spyod lam las ma ñams pa byed du ’jud pa ste | rgyu lṅa po de dag gis ni lhag por byas par brjod par bya’o || gźan yaṅ rgyu lṅas ni lhag por ma byas par brjod par bya ste | lṅa gaṅ źe na | mtshams kyi phyir rol du daṅ | mi thob pa’i phyogs su daṅ | lhuṅ bzed (2) kyi gźir daṅ | thu bar daṅ | spyod lam las ñams pa byed du ’jud pa ste | rgyu lṅa bo de dag gis ni lhag por ma byas par brjod par bya’o || rgyu lṅas ni lhag por byas par brjod par bya ste | lṅa gaṅ źe na | mtshams kyi phyi rol ma yin par daṅ | ’thob pa’i phyogs su daṅ (3) lhuṅ bzed kyi gźir ma yin bar daṅ | thu bar ma yin pa daṅ | spyod lam las mñams pa byed du ’jud pa ste | rgyu lṅa po de dag gis ni lhag por byas par brjod par bya’o || gcig gis lhag por byas pa maṅ po dag gis bza’ bar bya ste | ’di la ’gyod par mi bya’o || de nas (4) bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas | dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams (5) la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zas zos zin ciṅ | spaṅs pa las lhag por ma byas par bca’ ba’am (6) bza’ ba ’cha’ ’am za na ltuṅ byed do || yaṅ dge sloṅ gaṅ źes bya ba ni drug sde ’am | gźan yaṅ de lta bu gaṅ yin pa’o || zas zos zin ciṅ spaṅs pa las źes bya ba ni yoṅs su rdzogs śiṅ mthar thug par byas pa las so || lhag por ma byas bar źes bya ba ni lhag mar ma byas (7) śi las bor yoṅs su ma btaṅ bar ro || bca’ ba’am bza’ ba źes bya ba ni bca’ ba lṅa po daṅ bza’ ba lṅa po dag go || ’cha’ ba’am zan źes bya ba ni mgul du mid na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan (146a1) ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar (2) ji ltar ’gyur źe na | dge sloṅ gis spaṅs pa la spaṅs par ’du śes pas lhag por ma byas par bca’ ba’am | bza’ ba ’cha’ ’am zan ltuṅ byed du ’gyur ro || dge sloṅ gis spaṅs pa la yid gñis za bas lhag por ma byas par bca’ ba’am | bza’ ba ’cha’ ’am za na (3) ltuṅ byed du ’gyur ro || dge sloṅ gis ma spaṅs pa la spaṅs par ’du śes pas lhag por ma byas par bca’ ba’am | bza’ ba ’cha’ ’am za na ñes byas su ’gyur ro || dge sloṅ gis spaṅs pa la yid gñis za bas lhag por ma byas par bca’ ba’am | bza’ ba ’cha’ (4) ’am zan ñes byas su ’gyur ro || saṅs rgyas bcom ldan ’das la tshe daṅ ldan pa ñe ba ’khor gyis źus pa | btsun pa thug pa ji lta bu spaṅs par bgyi ’tshal | ñe ba ’khor gaṅ la kha gzar gyen du ’greṅ ba’o || btsun pa skyo ma ji lta bu spaṅs par bgyi ’tshal | ñe ba ’khor (5) gaṅ la sor mo lṅa mṅon pa’o || ñe ba ’khor mgul du btuṅ ba la ni spaṅs pa med do || las daṅ po ba daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || stan gcig pa’i zas kyi ltuṅ byed de sum bcu rtsa bźi pa rdzogs s+ho || ||

.