[Pāyantika 38]
saṅs rgyas bcom (3) ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || tshe daṅ ldan pa nag po’i kun du spyod pa ni groṅ ṅam | groṅ rdal gaṅ na ñe bar rten ciṅ gnas pa na | de sṅa dro śam thabs bgos | lhuṅ bzed daṅ chos gos thogs te groṅ ṅam | groṅ rdal de (4) ñid du lus śin tu bsruṅs pa daṅ | dbaṅ po rnams kyi śin tu bsṅams pa daṅ | dran pa śin tu ñe bar gźag pas bsod sñoms la ’jug ciṅ | gal te ’bras chan chan gśer ba rñed na ni ltuṅ bzed kyis len par byed | gal te ’bras chan skam po rñed na ni lhuṅ bzed kyi snod kyis len (5) par byed de | de groṅ ṅam | groṅ rdal der bsod sñoms la brgyus nas gtsug lag khaṅ du soṅ ste | ’bras chan gser ba ni za bar byed | ’bras chan skam po ni bskams nas rdza mas so btaṅ ba bkaṅ ste ’jog par byed ciṅ | de rluṅ ldaṅ ba’am | yul ṅan ’byuṅ ba’am | char (6) pa ’bab pa’am | lhags pa ’byuṅ ba gaṅ dag byuṅ bar gyur pa na | rluṅ laṅs pa’am | yul ṅan byuṅ ba’am | char pa ’bab pa’am | lhags pa byuṅ ba de lta bu’i tshe ’bras chan skam po chu dron mos spaṅs te zos nas bsams gtan daṅ | rnam par thar pa daṅ | tiṅ ṅe (7) ’dzin la sñoms par ’jug pa’i bde ba dag ñams su myoṅ bar byed do || saṅs rgyas bcom ldan ’das ’tsho źiṅ bźugs la gson źiṅ gźes pa rnams kyi chos ñid ni ’dul bar gyur pa’i skye bo la rjes su thugs brtse bas | dus daṅ dus su sems can dmyal ba rgyar gśegs pa (153a1) daṅ | dud ’gro rgyu ba daṅ | yi dgas rgyub daṅ | lha rgyub daṅ | ljoṅs rgyu ba daṅ | ljoṅs rgyu ba daṅ | chu kluṅ rgyub daṅ | re rgyub dag | dur khrod rgyub daṅ | gtsug lag khaṅ rgyur gśegs pas don ’dir ni saṅs rgyas bcom ldan ’das gtsug lag khaṅ rgyur gśegs par nas bźed nas tshe daṅ ldan pa kun dga’ (2) bol bka’ stsal pa | kun dga’ bo soṅ la dge sloṅ rnams la dge sloṅ dag de bźin gśegs pa gtsu ga lag khaṅ rgyur gśegs kyis khyed cag las gaṅ de bźin gśegs pa daṅ thabs cig tu gtsug lag khaṅ rgyur ’gro bar spro ba de chos gos daṅ loṅ śig ces gyis śig | tshe (3) daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas dge sloṅ rnams la tshe daṅ ldan pa dag bcom ldan ’das gtsug lag khaṅ rgyur gśegs kyis | khyed cag las gaṅ de bźin gśegs pa daṅ thabs cig gtsug lag khaṅ rgyur ’gro bar (4) spro ba med chos gos dag loṅ śig | de nas bcom ldan ’das dge sloṅ gi tshogs kyis yoṅs su bskor ciṅ dge sloṅ ge dge ’dun gyis mdun du bdar te gtsug lag khaṅ rgyu źiṅ gśegs pa na | tshe daṅ ldan nag po’i gtsug lag khaṅ ga la ba der gśegs so || de’i tshe na (5) tshe daṅ ldan pa nag po’i gtsug lag khaṅ na ’bras chan skam po rab tu maṅ po dag btiṅ źiṅ ’dug go || bcom ldan ’das kyis tshe daṅ ldan pa nag po’i gtsug lag khaṅ nas ’bras chan skam po rab tu maṅ po dag btiṅ źiṅ ’dug pa gzigs so || gzigs nas kyaṅ tshe daṅ ldan pa kun (6) dga’ bo la bka’ stsal pa | kun dga’ bo ’bras chan skam po rab tu maṅ po btiṅ ba ’di dag su’i | btsun pa tshe daṅ ldan pa nag po’i kun du spyod pa ni groṅ ṅam | groṅ rdal gaṅ na ñe bar rten ciṅ gnas pa na | de sṅa dro śam thabs bgos | lhuṅ bzed daṅ chos gos thogs te (7) groṅ ṅam | groṅ rdal de ñid du lus śin tu bsruṅs pa daṅ | dbaṅ po rnams kyaṅ śin tu bsdams pa daṅ | dran pa śin tu ñe bar gźag pas bsod sñoms la ’jug ciṅ | gal te ’bras chan gśer ba rñed na ni lhuṅ bzed kyis len par bgyid | gal te ’bras chan skam po (153b1) rñed na ni lhuṅ bzed kyi snod kyis len par bgyid de | de groṅ ṅam | groṅ rdal der bsod sñoms la brgyus nas | gtsug lag khaṅ du mchis te ’bras chan gśer ba ni ’tshal bar bgyid | ’bras chan skam po ni rdza ma so btaṅ ba bkaṅ ste ’jog par bgyid ciṅ | de bser ma ldaṅ (2) ba’am | yul ṅan ’byuṅ ba’am | dguṅ char ’bab pa’am | dguṅ lhags ’byuṅ ba gaṅ dag byuṅ bar ’gyur ba na | bser ma laṅs pa’am | yul ṅan byuṅ ba’am | dguṅ char bab pa’am | dguṅ lhags byuṅ ba de lta bu’i tshe ’bras chan skam po chab dron mos spaṅs te (3) ’tshal nas bsam gtan daṅ | rnam par thar pa daṅ | tiṅ ṅe ‘dzin la sñoms par ’jug pa’i bde ba dag ñams su myoṅ bar bgyid do || kun dga’ bo dge sloṅ dag gsog ’jog byas pa za’am | btsun pa ’tshal lo || de nas bcom ldan ’das kyis byuṅ ba ’di daṅ | gleṅ (4) gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan (5) pa nag po lam rmas pa | nag po khyod bca’ ba daṅ | bza’ ba gsog ’jog byas pa za ba bden nam | btsun pa mad do || saṅs rgyas bcom ldan ’das kyis mi brtson pa daṅ | mi sbyor ba daṅ | ma brtags par spyod pa rnam par smad pa mdzad do || de nas bcom ldan ’das (6) kyis brtson pa daṅ | spyor ba daṅ | brtags te spyod pa’i bsṅags brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag pa ra gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma (7) bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ bca’ ba daṅ | bza’ ba gsog ’jog byas pa ’cha’ ’am za na ltuṅ byed do || yaṅ dge sloṅ gaṅ źes bya ba ni tshe daṅ ldan pa nag po ’am | gźan yaṅ de lta bu gaṅ yin (154a1) pa’o || bca’ ba da bza’ ba źes bya ba ni bca’ ba lṅa po daṅ | bza’ ba lṅa po dag go || gsog ’jog byas pa źes bya ba ni gsog ’jog byas pa rnam pa gñis te | sṅa dro byin len byas pa phyi dro’i bar du gsog ’jog byas pa daṅ | phyi dro byin len byas pa thun tshod (2) las yol bar gsog ’jog byas pa’o || ’cha’ ’am za na źes bya ba ni mgul du mid na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshor par byed | (3) ltuṅ bar byed pa’o || gźan yaṅ ji srid du ltuṅ pa de ma bśags śiṅ so sor ma bśags na dge ba’i chos rnams la sgrib par byed pa ste | des nas ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis gis gsog ’jog byas ba la gsog ’jog byas par ’du śes pas bca’ ba (4) daṅ | bza’ ba ’cha’ ’am za na ltuṅ byed du ’gyur ro || dge sloṅ gis gsog ’jog byas pa la yid gñis za bas bca’ ba’am | bza’ ba ’cha’ ’am za na ltuṅ byed du ’gyur ro || dge sloṅ gis gsog ’jog ma byas pa la gsog ’jog byas par ’du śes pas bca’ ba (5) daṅ | bza’ ba ’cha’ ’am za na ñes byas su ’gyur ro || dge sloṅ gis gsog ’jog ma byas pa la yid gñis za bas bca’ ba daṅ | bza’ ba ’cha’ ’am za na ñes byas su ’gyur ro || dge sloṅ gis lhuṅ bzed daṅ | lhuṅ bzed chuṅ ṅu daṅ | kha gzar daṅ | khar phor (6) daṅ | tshwa khug daṅ | lhuṅ bzed kyi snod daṅ | gos daṅ | man śel daṅ | khri daṅ | khri’u daṅ | khar ba daṅ | bum pa daṅ | ril ba daṅ | lde mig daṅ | lde mig kyog mo gsog ’jog byas pas ’bags pa zan thams cad du ños byas su ’gyur ro || (7) dge sloṅ gis gsog ’jog byas pa’i kha daṅ | gsog ’jog byas pa’i lag pa dag gis bca’ ba daṅ | bza’ ba ’acha’a’ama za na ñes byas su ’gyur ro || dge sloṅ gis me tog daṅ ’bras bu gsog ’jog byas pa daṅ | dge sloṅ gis ji tsam du gsog ’jog byas pa za (154b1) na thams cad du ltuṅ byed du ’gyur ro || dge sloṅ gis kham bkrus par skom ’thuṅ na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || gsog ’jog gi ltuṅ byed de sum bcu rtsa brgyad pa (2) rdzogs s+ho || ||

.