[Pāyantika 46]
saṅs rgyas bcom ldan ’das mñan yod na rgyal byed kyi tshal mgon med (3) zas sbyin gyi kun dga’ ra ba na bźugs so || ri brags pa de de lta na yaṅ ma phebs nas | rgyal pos de ñid du phru ma btab ste ’dug pa daṅ | blon po rnams kyis smras pa | lha khyim bdag mgon med zas sbyin ni bsod nams kyi rnam par smin pa can dbaṅ che bar grags pa lags pas | (4) gal te de mchis par gyur na | de’i mthus ri brags pa ’di phebs par ’gyur ba gaṅ lags pa de lta bu’i gnas mchis par ’gyur gda’o || rgyal pos khyim bdag mgon med zas sbyin la khyim bdag mthoṅ bar ’dod do źes yi ge spriṅ ba daṅ | khyim bdag mgon med zas sbyin (5) der ’oṅs so || de lha na yaṅ ri brags pa de ma phebs nas ko lar byuṅ ba’i rgyal po gsal rgyal gyis khyim bdag mgon med zas sbyin la smras pa | khyim bdag khye’u dag mi dran te | ’di ltar ’phags pa dag mthoṅ bar ’tshal lo || ko sa lar byuṅ (6) ba’i rgyal po gsal rgyal gyis dge ’dun la ’phags pa dag mthoṅ bar ’tshal lo źes yi ge spriṅs pa daṅ | dge skos kyis dge ’dun gyi dbus su yi ge bklags te | gaṅ der ’gro bar spro ba des tshul śiṅ loṅ śig ces tshul śiṅ brims pa daṅ | dge sloṅ gnas brtan (7) gnas brtan dag gis smras pa | kho bo cag ni rgan po sbyor mi bzod pa dag yin pas der ’gro ni mi nus so || dge sloṅ gsar bu dag gis smras pa | der chos bstan pa bya dgos na bdag cag ni thos pa ñuṅ ba yin pas chos ston par ni mi nus na der chu brim par bya ’am ci (177b1) bdag cag kyaṅ der ’gro mi nus so || drug sde dag gis smras pa | dga’ bo ñe dga’ ji srid du bcom ldan ’das bźugs śiṅ bdag cag gson pa de srid du bstan pa gnas la | bcom ldan ’das yoṅs su mya ṅan las ’das śiṅ bdag cag dus la bab na bstan pa nub par brjod (2) par bya ste | ji srid du bstan pa la gces pa bskyed par byas | tshul śiṅ blaṅ ṅo źes de dag gis tshul śiṅ blaṅs te | der doṅ nas rgyal po la chos bstan pas rgyal po mṅon par dad par byas so || btsun mo daṅ | gźon nu dag daṅ | źaṅ blon daṅ | (3) khrom gyi ru sna dag la yaṅ chos bstan pas skye bo phal po che’i tshogs mṅon par dad par byas so || ko sa lar byuṅ ba’i rgyal po gsal rgyal gyis blon po rnams la smras pa | ri brags pa bskor du ’doṅ ṅo źes de dag ’apagasa pa daṅ | drug sde dag gis smras pa | dga’ bo ñe dga’ bdag (4) cag gis yun ji srid du gźan gyi spyod lam gyis gnas par bya | raṅ gi spyod lam gyis gnas par byas | gsus po che’i dmag ci ’dra ba ltar ’doṅ ṅo źes de dag lam kar doṅ ste ’khod pa daṅ | ji tsam na glaṅ po che pa’i tshogs ’oṅs nas de dag gis smras pa | ’phags pa dag (5) śul phye śig śul phye śig | ci bya | glaṅ po che’i tshogs mchi’o || bkren pa dag ’di ’dra ba dag glaṅ po che yin nam | phag pa dag ’dra’o źes de dag gis de dag gi mche ba dag nas bzuṅ ste mtha’ gcig tu bor ro || ji tsam na rta pa’i tshogs ’oṅs nas de dag gis (6) smras pa | ’phags pa dag śul phye śig śul phye śig | ci bya | rta pa’i tshogs mchi’o || bkren pa dag ’di ’dra ba dag rta yin na | boṅ bu dag ’dra’o źes de dag gi mjug ma dag nas bzuṅ ste mtha’ gcig tu bor to || ji tsam na rta pa’i tshogs ’oṅs (7) nas de dag gis smras pa | ’phags pa dag śul phye śig śul phye śig | ci bya | śiṅ rta pa’i tshogs mchi’o | makrena pa dag ’di ’dra ba dag śiṅ rta yin nam | śiṅ rta źig pa dag ’dra’o źes de dag gis de dag gi srog śiṅ dag nas bzuṅ ste mtha’ gcig tu bor ro || (178a1) ji tsam na dpuṅ bu chuṅ gi tshogs ’oṅs nas de dag gis smras pa | ’phags pa dag śul phye śig śul phye śig | ci bya | dpuṅ bu chuṅ gi tshogs mchi’o || bkren pa dag ’di ’dra ba dag mi yin nam | rtswa mi dag ’dra’o źes de dag gis de dag gi gña’ ba (2) dag nas bzuṅ ste mtha’ gcig tu bor nas de dag sems khoṅ du chud ciṅ ’khod do || ji tsam na ko sa lar byuṅ ba’i rgyal po gsal rgyal ’oṅs nas des smras pa | śes ldan dag ci’i phyir khyed cag mi ’doṅ bar sems khoṅ du chu da ciṅ ’khod | lha bdag cag rgyal bar ga la ’gyur | ’di (3) ltar dge sbyoṅ mgo reg ras yug chen glegs pa ’tshal ba ’di dag mi mchi dgu mchi’o || gaṅ dag | ’phags pa drug sde dag go || śes ldan dag ’di dag ni dge sbyoṅ hral po dag yin pas de dag gis smras pas khyed la ci gnod deṅ śig | ko sa lar byuṅ ba’i rgyal po gsal (4) rgyal gyis bsams pa | ’di dag bdag la yaṅ daṅ yaṅ du tho ’tsham par ’gyur ro sñam du rig nas mi źig la smras pa | kwa’i naṅ rje tshur śog | bcom ldan ’das ga la ba der soṅ la ṅa’i tshig gi sa bcom ldan ’das kyi źabs gñis la mgo bos phyag ’tshal te | bcom ldan (5) ’das la gnod pa ñuṅ ṅam | ñam ṅa ba chuṅ ṅam | bskyod pa yaṅ ṅam | ’tsho ’am | stobs daṅ bde ba la reg par gnas sam | kha na ma tho ba ma mchis sam źes sñun gsol la ’di skad ces | btsun ba ko sa lar byuṅ pa’i rgyal po gsal rgyal gyi mchid nas btsun pa (6) ’phags pa ’di dag dmag chas pa la ltar mchis nas śin tu yun riṅ por dmag gi naṅ na gnas na kye ma bcom ldan ’das kyis thugs brtse ba’i slad du gaṅ gis ’apagasa pa dag dmag chas pa la ltar mchis nas | śin tu yun riṅ po raṅ mag gi naṅ na gnas par mi ’gyur bar bcom (7) ldan ’das kyis ’phags pa rnams la dran par bgyi ba cuṅ źig bca’ ba mdzad nas gsol cig | mi des lha bka’ bźin ’tshal źes ko sa lar byuṅ ba’i rgyal po gsal rgyal las mñan nas | bcom ldan ’das ga la ba der soṅ ste phyin nas | bcom ldan ’das kyi (178b1) źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas mi des bcom ldan ’das la ’di skad ces gsol to || bcom ldan ’das ko sa lar byuṅ ba’i rgyal po gsal rgyal bcom ldan ’das kyi źabs gñis la mgo bos phyag ’tshal te | (2) bcom ldan ’das la ñam ṅa ba ñuṅ ṅam | bskyod pa yaṅ ṅam | ’tsho ’am | stobs daṅ ldan nam | bde ba la reg par gnas sam | kha na ma tho ba ma mchis sam źes sñun gsol lo || kwa’i naṅ rje ko sa lar byuṅ ba’i rgyal po gsal rgyal daṅ po khyod bde (3) bar gyur cig | btsun pa ko sa lar byuṅ ba’i rgyal po gsal gyi mchid nas btsun pa ’phags pa ’di dag dmag pa chas pa la ltar mchis nas śin tu yun riṅ por dmag gi naṅ na gnas na | kye ma bcom ldan ’das kyis thugs brtse ba’i slad du gaṅ gis ’phags pa dag (4) dmag chas pa la ltar mchis nas śin tu yun riṅ por dmag gi naṅ na gnas par mi ’gyur bar | bcom ldan ’das ’phags pa rnams la dran par bgyi ba cuṅ źig bca’ ba mdzad na legs so źes mchi’o || bcom ldan ’das kyis mi de la caṅ mi gsuṅs bas gnaṅ ṅo || (5) de nas mi des bcom ldan ’das kyis caṅ mi gsuṅ bas gnaṅ bar rig nas bcom ldan ’das kyi spyan sṅa nas soṅ ṅo || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs sṅa ma bźin no || (6) saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyed dam dmag chas pa la ltar soṅ nas śin tu yun riṅ por dmag gi naṅ na gnas pa (7) bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | Ruṅa su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das (179a1) kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos (2) rnams kyis ’dul ba la bslab pa’i gźi ’di ltar gdon par bya ste | dge sloṅ la dmag chas pa la ltar ’gro ba de lta bu’i rkyen źig byuṅ na dge sloṅ des dmag de’i naṅ du źug gñis tshun chad gnas par bya’o || de las lhag par gnas na ltuṅ byed do || dge sloṅ la źes bya ba ni drug (3) sde ’am | gźan yaṅ de lta bu gaṅ yin pa la’o || dam gces bya ba la dmag ni yan lag gcig pa yaṅ yod || yan lag gñis pa yaṅ yod | yan lag gsum pa yaṅ yod || yan lag bźi pa yaṅ yod do || dmag yan lag gcig pa gaṅ źe na | glaṅ po che (4) pa’i tshogs so || dmag yan lag gñis pa gaṅ źe na | glaṅ po che pa’i tshogs daṅ rta pa’i tshogs so || dmag yan lag gsum pa gaṅ źe na | glaṅ po che pa’i tshogs daṅ | rta pa’i tshogs daṅ | śiṅ rta pa’i tshogs so || dmag yan lag bźi pa gaṅ źe na | glaṅ po (5) che pa’i tshogs daṅ | rta pa’i tshogs daṅ | śiṅ rta pa’i tshogs daṅ | dpuṅ bu chuṅ gi tshogs so || chas pa la źes bya ba ni g-yul ’byed par mṅon par dga’ ba la’o || ltar ’gro ba źes bya ba ni rgyu gaṅ gis so || de lta bu’i rkyen źig byuṅ na źes bya ba ni rgyal po daṅ | btsun (6) mo daṅ | gźon nu daṅ | źaṅ blon daṅ | khrom gyi ru sna daṅ | groṅ rdal gyi mi daṅ | ljoṅs kyi mis bkug na’o || dge sloṅ des źes bya ba ni dge sloṅ gaṅ yin pa des so || dmag de’i naṅ du źes bya ba ni dmag chas pa de’i naṅ du’o || źag gñis tshun cad gnas par (7) bya’o źes bya ba ni źag gñis kyi mtha’ tshun cad gnas par bya ba’o || de las lhag par gnas na źes bya ba ni de las ’das par gnas na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag (179b1) tu ’tshod par byed | sreg par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji (2) tsam du cuṅ zad źag gñis las lhag par dmag gi naṅ na thams cad du ltuṅ byed du ’gyur ro || rgyal po daṅ | btsun mo daṅ | gźon nu daṅ | źaṅ blon daṅ | khrom gyi ru sna daṅ | groṅ rdal gyi mi daṅ | ljoṅs kyi mi na re ’dug śig ces zer ba la ltuṅ ba med do || bar (3) chad brgyan po dag las bar chad gaṅ yaṅ ruṅ bas ñe bar gnas par ’gyur na ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || dmag gi naṅ na gnas pa’i ltuṅ byed de | bźi bcu rtsa drug pa (4) rdzogs s+ho || ||

.