[Pāyantika 70]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || rgyal po’i khab na tha ga pa spyi cer źes bya ba źig ’dug pa des mñan yod pa’i thag pa źig gi bu mo (3) bag mar blaṅs nas de bu mo de la yaṅ daṅ yaṅ du khu tshur daṅ daṅ thal lcag gis rdeg par byed do ||de’i sdum tshes bud med rgan mo źig ’dug nas bu mo de bud med rgan mo de’i gan du soṅ ste smras pa | yul bdag la khyim thab ’di yaṅ daṅ yaṅ du ku tshur daṅ thal lcag dag gis rdeg (4) par bgyid pas bdag ’bros so ||rgan mos smras pa | bu mo khyod la ji srid du bum btsas pa de srid du khyod la khyim thab ’di rdeg par byed kyi gaṅ gi tshe khyod la bu btsas par gyur pa de’i tshe na ’di khyod la byams par ’gyur gyis ma ’bros par sdod cig daṅ kho mos bzlog (5) par bya’o źes bud med rgan mo des tha ga pa spyi cer la smras pa | bu khyod bu mo ’di la yaṅ daṅ yaṅadu khu tshur daṅ thal lcag gis rdeg pas ’di ’bros par gyur na mi ruṅ gis phyin cad ma rdeg śig thag pa de de ltar bud med rgan mo des bzlog kyaṅ ma btub ste (6) phyin cad yaṅ daṅ yaṅ du bu mo de la khu tshur daṅ thal lcag dag gis rdeg par byed do ||de nas dus gźan źig na tha ga pa de tshoṅ khaṅ du chaṅ ’thuṅs te ra ro nas raṅ gi khyim gal ga la ba der soṅ ste phyin nas des bu mo de śin tu brdeg pa daṅ | bu mo des bsams pa | bdag bu btsas par (7) ma gyur gyi bar skabs su ’dis bsad par gyur na mi ruṅ gis bdag la bu med kyaṅ blas | bdag bros te ’gro’o sñam nas | bu mo des tha ga pa de gñid log par rig nas sgo daṅ po phye ba kho na nas byuṅ ste bros so ||dge sloṅ źig rgyal po’i khab tu dbyar gnas par khas (280a1) blaṅs nas mñan yod du bcom ldan ’das kyi źabs la phyag ’tshal du ’phags pa | de yaṅ sgo daṅ po phye ba kho na nas byuṅ ste soṅ ba daṅ | bu mo des de mthoṅ nas des smras pa | ’phags pa gar bźud | dge sloṅ des smras pa | sriṅ mo mñan yod du ’gro’o ||(2) bu mo des smras pa | bdag kyaṅ mñan yod du mchis | bdag ’phags pa daṅ lhan cig ’grogs te mchi’o ||de ltar gyis śig | bu mo de dge sloṅ de daṅ lhan cig ’grogs te ’gro bar brtsams so ||ji tsam na tha ga pa spyi cer ra ro bsaṅs te sad nas bu mo de mi snaṅ nas (3) de bud med rgan mo’i gan du soṅ ste dris pa | yum bu mo de mi snaṅ ṅo ||rgan mos smras pa | bu kho mos daṅ po ñid nas khyod la de bros par gyur na mi ruṅ gis ma rdeg śig ces ma byas sam | de bros te soṅ ba sñam gyis sgo ba la dris śig thag pa de ste sgo ba la dris pa | kye naṅ (4) rje sgo ’di nas bu mo źig phyir byuṅ ṅam | sgo bas smras pa | sgo daṅ po phye ba kho na nas byuṅ ste soṅ ṅo ||tha ga pa der ba la ’dzegs te phyi bźin bltas pa daṅ | ji tsam na thag riṅ po kho na nas soṅ ba mthoṅ nas de myur ba myur bar babs te bsñags pa daṅ | ji tsam na dge sloṅ źig (5) daṅ lhan cig ’gro ba mthoṅ nas | des bsams pa | bdag ni gcig bu yin la | ’di gñis ni gñis yin pas gal te de gzuṅ nas ’di gñis log ste bdag rdeg par ’gyur ba gaṅ yin pa de lta bu’i gnas yod par ’gyur gyis | gaṅ gi tshe grogs rñed par gyur pa de’i tshe (6) na gzuṅ bar bya’o sñam nas | de de gñis kyi phyi bźin ’braṅ źiṅ soṅ ba daṅ | ji tsam na ri brags śig tu phyin nas | ri brags de na tha ga pa lṅa brgya tsam ’khor nas tha ga pa spyi cer soṅ ste smras pa | śes ldan dag khyed kho bo’i ñe du yin na kho be’i chuṅ maṅ śākya ’i bu’i dge sbyoṅ (7) gis phrogs kyi de la grogs gyis śig ces ra mda’ zlog tu bcug go ||tha ga pa dag ni yoṅs su mi rtog pa yin pas de dag gis thags zaṅs lṅa brgya tsam thogs te ri brags nas phyir byuṅ nas de dag gis dge sloṅ de śin tu brdegs te lhuṅ bzed kyaṅ bcag | phor bu (280b1) daṅ | bar pa yaṅ bcag | chos gos dag kyaṅ dral nas śi’o sñam du bsams te bor to ||bu mo des dge sloṅ de la smras pa | ’phags pa khyed cag gis rgyal po las gźan nu’i yoṅs su spaṅ ba thob pa lags kyis | rgyal po’i gan du bźud de gsuṅs la | (2) ’di dag gi lag pa daṅ rkaṅ pa dag gcod du gsol cig | de dag skrag nas dge sloṅ de la bzod pa gsol bar brtsams te smras pa | ’phags pa bdag cag la bzod pa mdzad du gsol | dge sloṅ gi sñiṅ ni mar daṅ ’dra bas des smras pa | bzod par bya’o ||bu mo (3) des smras pa | gal te ’phags pas bzod kyaṅ bdag gis mi bzod do ||de dag gis bu mo de la smras pa | sriṅ mo khyod bdag cag gi ñe du yin pas khyod kyis kyaṅ gzod par gyis śig | bu mo des smras pa | khyed cag la ni bzod na tha ga pa spyi cer ’di la mi bzod de | (4) bdag gis ’di’i lag pa daṅ rkaṅ pa dag gcad par bya’o ||de dag gis smras pa | ’di la yaṅ bzod par gyis śig | bu mo des smras pa | dam tshig gis bzod par bya ste | gal te phyin cad bdag la mi rdeg na bzod do ||tha ga pa des smras pa | phyin cad mi (5) rdeg go ||bu mo des smras pa | gal te de ltar na bzod par bya’o ||dge sloṅ de mthar gyis mñan yod du phyin nas dge sloṅ rnams kyis de la smras pa | tshe daṅ ldan pa ’oṅs pa legs so ’oṅs pa legs so ||ji lta bde bar brgyus sam | tshe daṅ ldan pa dag ji (6) ltar bde bar brgyus | kho bo tha ga pa dag gis had por srog daṅ de’u phral lo ||ci’i phyir | des skabs de rgyas par brjod pa daṅ | dge sloṅ rnams kyis smras pa | khyod skyes pa med par bud med daṅ lhan cig ’gron lam du ’gror ruṅ ṅam | gaṅ gi phyir mi ruṅ ba (7) de ñid kyi phyir ñes dmigs ’di lta bu byuṅ ṅo ||dge sloṅ don ñuṅ ṅu dag ci’i phyir dge sloṅ dag skyes pa med par bud med daṅ lhan cig ’gron lam du ’gro źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom (281a1) ldan ’das la gsol to ||de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no ||saṅs rgyas bcom ldan ’das rnams ni mkhyen (2) bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ de la rmas pa | dge sloṅ khyod skyes pa med par bud med daṅ lhan cig mgron lam du ’gro ba bden nam | btsun pa mad do ||saṅs rgyas (3) bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do ||de nas bcom ldan ’das kyis rnam graṅs du mas rnam (4) par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no ||ṅa’i ñan thos rnams kyis ’dul ba (5) la bslab pa’i gźi ’di ltar gdon par bya ste | yaṅ dge sloṅ gaṅ skyes pa med par bud med daṅ lhan cig ’gran lam du ’gro na tha na groṅ bar du yaṅ ruṅ ste ltuṅ byed do ||yaṅ dge sloṅ gaṅ źes bya ba ni chos ’di pa ’am gźan yaṅ de lta bu gaṅ yin pa’o ||skyes pa (6) med par źes bya ba ni de daṅ de’o ||bud med daṅ lhan cig ces bya ba ni bud med dam | gźon nu ma mi tshaṅs par spyod pa ’khrig pa’i chos sten nus pa daṅ ṅo ||’gron lam du ’gro na źes bya ba ni dgon pa’i lam du ’gro na’o ||tha na groṅ bar du yaṅ ruṅ ste źes (7) bya ba ni tha na rgyaṅ grags kyi bar du yaṅ ruṅ ste’o ||ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o ||gźan (281b1) yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so ||de la ltuṅ bar ji ltar ’gyur źe na | dge sloṅ gis ji tsam cuṅ zad skyes pa med par bud med daṅ lhan cig (2) ’gro na lam du ’gro na thams cad du ltuṅ byed du ’gyur ro ||rgyaṅ grags kyis bar du chod pa’i groṅ bdun las groṅ nas dgon par ’gro na rgyaṅ grags phyed phyed du ni ñes byas su ’gyur la | rgyaṅ grags re rer ni ltuṅ byed du ’gyur ro ||dgon pa nas groṅ (3) du ’gro na yaṅ rgyaṅ grags kyis phyed phyed du ni ñes byas su ’gyur la | rgyaṅ grags re rer ni ltuṅ byed du ’gyur ro ||bud med bsel byed du ’jud pa daṅ | lam nor ba bud mad kyis lam du ’jud pa daṅ | ’gro mi nus pa bud med kyis khrid pa la ni ltuṅ ba med (4) do||las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do ||bud med daṅ lhan cig ’gro ba’i ltuṅ byed de bdun bcu pa rdzogs s+ho || ||

.