rgyal po śin tu brtags nas ’di ni groṅ khyer kau śām+bī’o || ’di ni rgyal po’i pho braṅ ṅo || ’di ni khaṅ bzaṅs me tog gi so’o || ’di (2) ni ma du’o || ’di ni gro ba la sogs pa’i sbyor bas sreg pa’o || ’di dag ni sṅo bsaṅs can la sogs pa bud med lṅa brgya phye ma brgya phyem leb bźin du gyen du mchod ciṅ mchod źiṅ mer lhuṅ ba dag go źes rnam par dpyod par byed do || rnam par dpyad nas smras pa || kwī naṅ rje ji skad (3) sṅo bsaṅs can la sogs pa bud med lṅa brgya mes tshig ces zer ram | lha bdag de skad mi mchi’o || ’di ltar lha ñid de skad gsuṅ ṅo || kwa’i naṅ rje khyod kyis ṅa la thabs kyis gsol bar zad kyi gźan du na ṅas khyod kyi mgo druṅs nas bcad de || sa la bsgyel bar (4) ’gyur ro źes smras nas | rgyal po brgyal te sa la sgyel to || de nas chus gdab pas dbugs phyir byuṅ nas smras pa | śes ldan dag dpuṅ gi tshogs yan lag bźi pa go skon cig | kau śām+bīra ’doṅ ṅo || blon po rnams kyis dpuṅ gi tshogs yan lag bźi po go (5) bskon nas rgyal po ko.o śām+bīra ’phags te mthar gyis ko.o śām+bīra phyin pa daṅ | des pho braṅ ’khor gyi mi rnams kyi naṅ na ches rgyus mkhas pa thams cad smras so || de nas blon po’i mchog sbyor ba ’dzin la bsgo ba || sbyor ba ’dzin soṅ lam du rgya skyegs kyi khaṅ bar chug (6) la sregs śig | dpe med ma yaṅ rte’u ma dul ba’i rkaṅ pa la thogs la ’or cig | sbyor ba ’dzin gyis ma du rgya skyegs kyi khaṅ par bcug ste bsregs so || de nas bsams pa | dpe med ma ni gal te rgyal pos bsams nas dpe medama ’on ces zer na bdag (7) gis ji ltar byas || re źig sdod cig sñam nas des dpe med ma sa khaṅ du bcug ste bźag go || rgyal po ñi ma bdun pa la mya ṅan saṅs nas de mya ṅan saṅs bas smras pa | sbyor ba ’dzin dpe med ma ga re | des lha bdag gis rte’u mthul ba’i rkaṅ pa la btags te (193a1) bor ro || rgyal pos smras pa || ma ñes so || ma dus ni sṅo bsaṅs can bsad la || khyod kyis kyaṅ dpe med ma bsad kyis daṅ rab tu ’byuṅ bar bya’o || sbyor ba ’dzin gyis smras pa | lha de ñid kyi slad du bdag gis dpe med ma sa khaṅ du stsal te bźag (2) go|| gal te gson na blta’o || des de sa khaṅ nas phyuṅ ba daṅ | gnas skabs de kho na bźin du ñon moṅs pa can ma yin pa daṅ | lus ma rñis par ’dug go || rgyal pos mthoṅ nas bsams pa | ji ltar ’di gnas skabs de kho na bźin du ñon moṅs can ma yin pa (3) daṅ | lus ma rñis bar ’dug la || na yaṅ mi na | zas kyaṅ mi za ba las na gor ma chag par skyes pa gźan daṅ lhan cig dga’ mgur spyad do sñam du rig nas smras pa | dpe med ma khyod kyis ’khrul pa byas so || des smras pa | lha sdig pa ci źig | bdag de ltar mi (4) bgyid do || ci mṅon | lha khyod bcom ldan ’das la mṅon par dad dam | rgyal pos smras pa | de ni mjal te | khyod de’i tshe na ni dge sbyoṅ gau ta ma źes zer la | da ni bcom ldan ’das źes zer mod | ’di ltar ṅa ro daṅ ’dra ba khyod kyi phyir bcom ldan ’das la mi (5) źu’i | sṅo bsaṅs can gyi don du bcom ldan ’das la źu’o źes de bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das la bad (6) sa’i rgyal po śar pas ’di skad ces gsol to || btsun pa sṅo bsaṅs can la sogs pa bud med lṅa brgyas las ci bgyis na | de sa źugs kyis dral ciṅ | sgur mchog ni chab kyi sor khuṅ nas bros par gyur || bcom ldan ’das kyis bka’ stsal pa | rgyal po chen (7) po de dag ñid kyis las tshogs rñed pa || rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur bdag byas śiṅ bsags pas de dag ñid kyis las byas śiṅ bsags pa dag gźan su źig gis so sor myoṅ bar ’gyur || rgyal (193b1) po chen po las byas śiṅ bsags pa dag ni phyi rol gyi sa’i khams la rnam par smin par mi ’gyur || chu’i khams la mi ’gyur || me’i khams la mi ’gyur || rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i (2) phuṅ po daṅ | khams daṅ | skye mched dag la rnam par smin par ’gyur te || las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can rnams la ni || ’bras bu dag tu ’gyur ba ñid || rgyal po chen po sṅon byuṅ ba groṅ khyer bā rā (3) ṇa sī na rgyal po tshaṅs byin źes bya bas rgyal srid ’byor pa rgyas pa | bde ba lo legs pa | skye bo daṅ mi maṅ pos gaṅ ba | thab mo daṅ | ’thab daṅ | phyi dgra daṅ | naṅ ’khrug rab tu źi ba | chom rkun daṅ | mu ge daṅ | nad daṅ bral ba | sā lu daṅ | bu ram śiṅ (4) gi phreṅ ba daṅ | ba laṅ daṅ | ma he phun sum tshogs pa byed du bcug ste | chos daṅ ldan pa chos kyi rgyal pos chos kyi rgyal srid byed du bcug go || saṅs rgyas rnams ’byuṅ ba med pa’i tshe raṅ saṅs rgyas dman pa daṅ | bkren pa la rjes su sñiṅ brtse ba daṅ | bas (5) mtha’i gnas mal la dga’ ba | bse ru lta bu gcig pu ’jig rten gyi yon gnas su gyur pa dge ’jig rten du byuṅ ṅo || ji tsam na raṅ saṅs rgyas źig ljoṅs rgyu źiṅ ’gro ba na bā rā ṇa sīra phyin nas de skyed mos tshal źig na spyil bu na gnas so || rgyal po tshaṅs byin gyi btsun (6) mo’i ’khor lṅa brgya skyed mos tshal der byuṅ nas | btsun mo’i ’khor de dag rtsed mo’i rdziṅ bu khrus byas nas graṅ bas sbrebs nas | de na btsun mo dam pas bu mo mṅag gźug la smras pa | bu mo śin tu graṅ ba sbrebs kyis soṅ la | spyil bu ’di la me thoṅ śig | des (7) sgron me spar te soṅ ba daṅ | raṅ saṅs rgyas de mthoṅ nas des btsun mo’i mchog la smras pa | lha mo ’di na rab tu byuṅ ba źig mchis so || des smras pa rab tu byuṅ ba ’dug kyaṅ ruṅ | gźan ’dug kyaṅ ruṅ gis me thoṅ śig | des ma btaṅ bar bros pa daṅ | de nas (194a1) btsun mo’i mchog de ’khrugs nas de raṅ gis me btaṅ ba daṅ | raṅ saṅs rgyas de phyir byuṅ ṅo || btsun mo’i ’khor gźan dag gis kyaṅ lha mo khyod kyis źugs btaṅ ba legs pa bgyis te bdag cag thams cad źugs bde’o źes rjes su yi raṅs (2) ba byas so || raṅ saṅs rgyas bdag ñid chen po des bsams pa | btsun mo’i ’khor ñon moṅs pa ’di dag ha caṅ smas pa daṅ | ñams par gyur na mi ruṅ gis ’di dag la lag nas draṅ ba sbyin no sñam nas | des ṅaṅ pa’i rgyal po ’dab ma brkyaṅ ba ltar steṅ gi nam (3) mkha’ la mṅon bar ’phags nas ’bar ba daṅ | gsal ba daṅ | char ’beb pa daṅ | glog ’byin pa’i cho ’phrul dag bya bar brtsams so || so so’i skyes bo ni rdzu ’phrul la myur du sems gtod par byed pa yin pas btsun mo’i ’khor de dag śiṅ ljon pa rtsa ba nas bcad pa (4) bźin du raṅ saṅs rgyas de’i rkaṅ pa’i druṅ du ’gyel nas smras pa | yon gnas yaṅ dag par gyur pa mar gśegs su gsol | mar gśegs su gsol || ñon moṅs pa’i ’dra ma du byiṅ ba bdag cag gi sug pa nas draṅ ba stsal du gsol || raṅ saṅs rgyas de btsun mo’i (5) ’khor de dag la rjes su sñiṅ brtse ba’i phyir steṅ gi nam mkha’ las śod du babs so || de dag gis de la mchod pa byas nas rkaṅ pa gñis la phyag ’tshal te smon lam ’di skad ces bdag cag yon gnas yaṅ dag par gyur pa ’di lta bu la gnod par byas pa gaṅ yin (6) pa’i las de’i cha daṅ mthun par ma gyur par mchod pa byas pa gaṅ yin pa’i dge ba’i rtsa ba ’dis bdag cag ’di bas ches khyad par du ’phags pa’i ston pa mñes par byed ciṅ | thugs byuṅ bar mi byed pa’i yon tan gyi rnam pa de lta bu thob par gyur cig ces btab bo || (7) rgyal po chen po de’i tshe de’i dus na rgyal po tshaṅs byin gyi btsan mo dam pa gaṅ yin pa de ni sṅo bsaṅs can ’di yin no || de’i tshe de’i dus na bud med gźan bźi brgya dgu bcu rtsa dgu bo gaṅ dag yin pa de dag ni bud med bźi brgya dgu bcu rtsa dgu po ’di dag yin no || de’i tshe (194b1) de’i dus na bu mo mṅag gźug ma gaṅ yin pa de ni sgur mchog ’di yin no || de dag gis raṅ saṅs rgyas kyi spyil bu bsregs śiṅ rjes su yi raṅs pa byas pa gaṅ yin pa’i las de’i rnam par smin pas lo maṅ po dag tu sems can dmyal ba chen po rnams su bsregs nas (2) da lta bden pa mthoṅ gi bar du yaṅ mes tshig par gyur to || sgur mchog me gtoṅ du ma btubs pas ni da ltar chu’i stor khuṅ nas bros par gyur to || de dag gis raṅ saṅs rgyas la mchod pa byas nas smon lam btab pa gaṅ yin pa des ni da ltar ṅa’i druṅ du bden mthoṅ (3) bar byas śiṅ | de dag gis raṅ saṅs rgyas bye ba phrag ’bum pas ches khyad par ’phags pa’i ston pa ṅa mñes par byas śiṅ thugs byuṅ bar ma byas so || rgyal po chen po de ltar nas las gcig tu gnag pa rnams kyi rnam par smin pa ni gcig tu gnag pa yin la | las (4) gcig tu dkar ba rnams kyi rnam par smin pa yaṅ gcig tu dkar ba yin || las ’dren ma rnams kyi rnam par smin pa yaṅ ’dren ma yin no || rgyal po chen po de lta bas na lag gcig tu gnag pa rnams daṅ | ’dren ma rnams spaṅs nas las gcig tu dkar ba rnams (5) la brtsal bar bya ste | rgyal po chen po khyod kyis de ltar bslab par bya’o || de nas bad sa’i rgyal po śar pas bcom ldan ’das kyi bka’ stsal pa la mṅon par dga’ ba daṅ rjes su yi raṅs pa byas nas | bcom ldan ’das kyi źabs gñis la mgo bos phyag ’tshal (6) te | bcom ldan ’das kyi spyan sṅa nas soṅ ṅo || || ’dul ba rnam par ’byed pa | bam po bdun bcu rtsa brgyad pa | dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa sgur mchog gis las (7) ci bgyis na des na sgur bar ’gyur | bcom ldan ’das kyis bka’ stsal pa | dge sloṅ dag sgur mchog ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa gdon mi za bar ’byuṅ bar ’gyur ba dag byas śiṅ bsags pas de (195a1) ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śig bsags pa dag ni phyi rol gyi sa’i khams la rnam par smin par mi ’gyur || chu’i khams la mi ’gyur | me’i khams la mi ’gyur | (2) | rluṅ gi khams la mi ’gyur gyi || de ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ skye mched dag la rnam par smin par ’gyur te | las rnams bskal pa brgyar yaṅ ni || chud mi za ba’aṅ tshogs daṅ dus || rñed na (3) lus can rnams la ni || ’bras bu dag tu ’gyur ba ñid || dge sloṅ dag sṅon byuṅ ba groṅ khyer bā rā ṇa sī na rgyal po tshaṅs byin źes bya bas rgyal srid ’byor pa | rgyas pa | bde ba lo legs pa | skye bo daṅ mi maṅ pos gaṅ ba | thab mo daṅ | ’thab pa daṅ | phyi (4) dgra daṅ | naṅ ’khrug rab tu źi ba | mu ge daṅ nad daṅ bral ba | sā la daṅ | bu ram śiṅ gi phreṅ ba daṅ | ba laṅ daṅ ma he phun sum tshogs pa byed du bcug ste || chos daṅ ldan pa chos kyi rgyal pos chos kyi rgyal srid byed du bcug go | ji tsam dus (5) gźan źig na ltas pa dag gis lo bcu gñis su char mi ’bab par luṅ bstan nas || rgyal po tshaṅs byin gyis bā rā ṇa sīra dril bsgrag pa byed du bcug ste || ’di skad ces gaṅ la lo bcu gñis kyi zan yod pa de ni gnas par bya’o || gaṅ la med pa des ni gźan du (6) ’gro bar bya źiṅ lo bcu gñis ’das nas phyir yaṅ ’oṅ bar bya’o źes bsgo’o || de’i tshe bā rā ṇa sī na khyim bdag gzuṅs byed ces bya ba phyug pa | nor maṅ ba | loṅs spyod che ba | yoṅs su gzuṅ ba yaṅs śiṅ rgya che ba | rnam thos kyi bu’i nor daṅ ldan pa | rnam thos (7) kyi bu la nor gyis ’gran pa źig ’dug pa des mdzod pa bos te smras pa | kwa’i naṅ rje mdzod pa kho bo ’khor daṅ bcas pa’i lo bcu gñis kyi zan yod dam | des smras pa | jo bo mchis so || saṅs rgyas rnams ’byuṅ ba med pa’i tshe raṅ saṅs rgyas dman pa daṅ bkren pa (195b1) la rjes su sñiṅ brtse ba | bas mtha’i gnas mal la dga’ ba bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo || ji tsam na raṅ saṅs rgyas lṅa brgya ljoṅs rgyu źiṅ ’doṅ ba na bā rā ṇa sīra phyin nas de dag khyim bdag gzuṅs byed kyi gan du doṅ ste (2) phyin nas smras pa | khyim bdag khyod kyis kho bo cag rab tu byuṅ ba lṅa brgya la lo bcu gñis su mkho ba stobs par nus sam | des smras pa | ’phags pa dag je mdzod pa la rmas te slad kyis gsol lo źes des mdzod pa bos te smras pa | kwa’i naṅ rje mdzod pa kho bo ’khor daṅ (3) bcas pa daṅ | rab tu byuṅ ba lṅa brgya po ’di dag gi lo bcu gñis kyi zan yod dam | des smras pa | jo bo mchis so || khyim bdag gzuṅs byed kyis raṅ saṅs rgyas lṅa brgya po de dag la smras pa | ’phags pa dag mchis kyis bźugs śig daṅ gsol lo || de dag (4) de ñid du ’khor do || ji tsam na raṅ saṅs rgyas gźan lṅa brgya ljoṅs rgyu źiṅ ’doṅ ba na bā rā ṇa sīra phyin nas de dag kyaṅ khyim bdag gzuṅs byed kyi gan du doṅ ste phyin nas smras pa | khyim bdag khyod kyis kho bo cag rab tu byuṅ ba lṅa brgya la lo bcu gñis su mkho ba stobs par nus (5) sam | des smras pa | ’phags pa dag khyed cag la gsol lags na ci’i slad du yaṅ sgrub par mdzad | khyim bdag de dag kyaṅ gźal la kho bo cag kyaṅ gźan no || ’phags pa dag je mdzod pa la rmas te slad kyis gsol lo źes des mdzod pa bos te smras pa | kwa’i (6) naṅ rje mdzod pa kho bo ’khor daṅ bcas pa daṅ | rab tu byuṅ ba stoṅ po ’di dag gi lo bcu gñis kyi zan yod dam || des smras pa | jo bo mchis so || des rab tu byuṅ ba gźan lṅa brgya po de dag la smras pa | des smras pa | jo bo mchis so || des rab tu byuṅ ba gźan lṅa brgya po de dag la smras pa | ’phags pa dag mchis kyis bźugs śig daṅ gsol lo || de (7) dag kyaṅ der ’khod do || des sbyin pa’i khaṅ pa rtsig tu bcug ste | des sbyin pa’i źal ta pa’i mi daṅ spyan ’dren yaṅ bskos so || der ñi ma re re źiṅ raṅ saṅs rgyas stoṅ stoṅ zan za’o || de na raṅ saṅs rgyas gcig na bar gyur nas de de’i ñin mo ma ’oṅs pa daṅ | khyim bdag (196a1) gzuṅs byed la bu mos smras pa | yab deṅ rab tu byuṅ ba gcig ma mchis so || des smras pa | bu mo ji lta bu źig | des rgyab btud de smras pa | yab ’di lta bu źig go || dge sloṅ dag de’i tshe de’i dus na khyim bdag gzuṅs byed kyi bu mo gaṅ (2) yin pa de ni sgur mchog ’di yin te || ’dis raṅ saṅs rgyas la tho btsams pa gaṅ yin pa’i las de’i rnam par smin pas sgur por gyur to || yaṅ dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa sgur (3) mchog gis las ci bgyis na des na thob pa ’dzin par gyur || bcom ldan ’das kyis bka’ stsal pa | dge sloṅ dag sgur mchog ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba (4) dag byas śiṅ bsags pas de ñid kyis las byas śiṅ bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur || me’i khams la (5) mi ’gyur || rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ | skye mched dag la rnam par smin par ’gyur te || las rnams bskal pa brgyar yaṅ ni || chud mi za ba’aṅ (6) tshogs daṅ dus || rñed na lus can rnams la ni || ’bras bu dag tu ’gyur ba ñid || dge sloṅ dag khyim bdag gzuṅs byed kyi sbyin gnas raṅ saṅs rgyas stoṅ po de dag ñid kyi dge ’dun gyi gnas brtan pa gaṅ yin pa de rluṅ nad can yin pas de lag pa ’dar bas zan za ba na (7) lhuṅ bzed ’gul nas gzuṅs byed kyi bu mo des raṅ gi lag pa las gdu bu rgyan can phud de raṅ saṅs rgyas de la phul te smras pa | ’phags pa ’di’i steṅ du lhuṅ bzed bźag tu gsol || des de’i steṅ du lhuṅ bzed bźag pa daṅ | mi g-yo ba ñid du ’dug nas || des de’i (196b1) rkaṅ pa gñis la gtugs te smon lam btab pa ji ltar lhuṅ bzed ’di mi g-yo bar ’dug pa de bźin du bdag gi rgyud la chos gaṅ dag źugs pa de dag kyaṅ mi g-yo ba ñid du gyur cig ces btab bo || las de’i rnam par smin pas ’di da ltar thos pa ’dzin par gyur to || yaṅ (2) dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa || btsun pa sgur mchog gis las ci bgyis na des bran mor gyur || bcom ldan ’das kyis bka’ stsal pa || dge sloṅ dag sgur mchog ñid kyis las tshogs rñed pa | rkyen (3) yoṅs su bsgyur ba || ’od pa bźin du ñe bar gnas pa | gdo na mi za bar ’byuṅ bar ’gyur ba dag byas śiṅ bsags pas de ñid kyis las byas śiṅ bsags pa dag gźan su źig gis so sor myoṅ bar ’gyur || dge sloṅ dag las byas śiṅ bsags pa dag ni phyi rol gyi sa’i (4) khams la rnam par smin par mi ’gyur || chu’i khams la mi ’gyur || me’i khams la mi ’gyur | rluṅ gi khams la mi ’gyur gyi || ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ | skye mched dag la rnam par smin (5) bar ’gyur te || las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can rnams la ni || ’bras bu dag tu ’gyur ba ñid || dge sloṅ dag de ñid na ’di dbaṅ phyug gi dregs pas rgyags pas ’khor gyi mi rnams la bran gyi tshig gis kun (6) du spyad pas las de’i rnam par smin pas da ltar bran mor gyur to || yaṅ dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa dpe med las las ci bgyis na des gdugs bdun du zan ma mchis par sa khaṅ du stsal ciṅ (7) ñon moṅs pa can ma lags pa daṅ | lus ma rñis par phyuṅ bar gyur | bcom ldan ’das kyis bka’ stsal pa | dge sloṅ dag dpe med ma ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag (197a1) byas śiṅ bsags pas de ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur || chu’i khams la mi ’gyur || (2) me’i khams la mi ’gyur || rluṅ gi khams la mi ’gyur gyi ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ || khams daṅ | skye mched dag la rnam par smin par ’gyur te || las rnams bskal pa brgyar yaṅ ni || chud mi za (3) ba’aṅ tshogs daṅ dus | rñed na lus can rnams la ni || ’bras bu dag tu ’gyur ba ñid || dge sloṅ dag sṅon byuṅ ba ri brags śig na rgyal rigs kyi bu mo źig daṅ || bram ze’i bu mo phan tshun bśes pa gñis śig ’khod do || saṅs rgyas rnams ’byuṅ ba med pa’i tshe raṅ (4) saṅs rgyas dman pa daṅ bkren pa la rjes su sñiṅ brtse ba | bas mtha’i gnas mal la dga’ ba || bse ru lta bu gcig pu ’jig rten gyi yon gnas su gyur pa dag ’jig rten du byuṅ ṅo || ji tsam du na raṅ saṅs rgyas śig sa phyogs źi ba źig tu mtshan mo gnas par (5) khas blaṅs nas phyi de ñin par sṅa dro śam thabs bgos lhuṅ bzed daṅ chos gos thogs te ri brags der bsod sñoms la źugs pa daṅ | rgyal rigs kyi bu mo des de’i ñin mo de la bsod sñoms byin to || de bźin du ñi ma gñis pa daṅ | gsum pa daṅ | ñin gcig (6) mi chad par yaṅ de la bsod sñoms sbyin par brtsams so || rgyal rigs kyi bu mo de dus gźan źig na bram ze’i bu mo de mgron du bos nas de’i khyim du soṅ ba daṅ | raṅ saṅs rgyas de yaṅ bsod sñoms la rgyu źiṅ rgyal rigs kyi bu mo de’i khyim du źugs pa na de med nas | (7) mthar gyis bram ze’i bu mo de’i khyim du źugs pa daṅ | rgyal rigs kyi bu mo des mthoṅ nas des bram ze’i bu mo de la smras pa || bu mo ’phags pa ’di la bsod sñoms phul cig | des smras pa | ji srid du lha daṅ | bram ze daṅ | sñiṅ du sdug ciṅ ’brel ba’i rtsa (197b1) lag dag la ma phul gyi bar du dge sbyoṅ mgo reg ’di lag la sbyin || des smras pa | nu mo gal te de lta na kho mo re źig ’di la bsod sñoms ’bul du ’gros phul nas phyir ’oṅ ṅo || des smras pa | che źe gal te de ltan ’dug cig daṅ | bdag gis ’di la bsod sñoms (2) dbul lo || des dal bsod sñoms phul nas smon lam log ba btab ste | bdag gis dge sbyoṅ mgo reg ’di la bsod sñoms phul ba gaṅ yin pa ’di dag la ’jig rten ’dir yaṅ rnam par smin par ma gyur cig ces (3) btab bo || dge sloṅ dag de’i tshe de’i dus na bram ze’i bu mo gaṅ yin pa de ni dpe med ma ’di yin te | ’dis raṅ saṅs rgyas la bsod sñoms phul nas smon lam log pa ’di skad ces bdag gis dge sbyoṅ mgo reg ’di la bsod sñoms phul ba gaṅ yin pa ’di ’jig rten ’dir yaṅ (4) rnam par smin par ma gyur la | ’jig rten pha rol du yaṅ rnam par smin par ma gyur cig ces btab pa gaṅ yin pa’i las de’i rnam par smin pas ’di ñi ma bdun du zan med par sa khaṅ du bcug ciṅ ñon moṅs pa can ma yin pa daṅ lus ma rñis par phyuṅ ṅo || dus gźan źig na mgu byed (5) rgas par gyur nas des ’chi ba’i dus kyi tshe smon lam btab pa | bdag gis dge sloṅ gi dge ’dun la ji srid ’tsho’i bar du bsñen bkur byas pa’i dge ba’i rtsa ba gaṅ yin pa ’dis bdag khyim bdag gdaṅs can gyi chuṅ ma’i mchog gi mṅal du skye źiṅ sṅo bsaṅs can gyi chu źeṅ ci (6) ’dra ba de lta bur bdag kyaṅ gyur te || bad sa’i rgyal po śar pa bdag gi khyim thab tu gyur cig ces btab bo || de śi źiṅ dus la bab nas khyim bdag gdaṅs can gyi chuṅ ma’i mchog gi mṅal du skyes so || gaṅ gi ñin mo skyes pa de ñid kyi ñin mo khyim de dpal dag gis snaṅ bar (7) gyur to || de zla brgyad dam | dgu ’das te btsas pa las bu mo gzugs bzaṅ ba || blta na sdug pa mdzes pa źig byuṅ ṅo || byuṅ ma thag tu yaṅ des pha’i khyim rgya cher dpal dag gis snaṅ bar gyur to || de’i ñe du dag ’dus śiṅ lhags nas ñi ma bdun gsum ñi śu (198a1) gcig tu btsas pa’i btsas ston rgya cher byas nas bu mo ’di’i miṅ cir gdags źes miṅ ’dogs par byed do || ñe du rnams kyis smras pa | gaṅ gi phyir bu mo ’di gaṅ gi ñin mo ma’i mṅal du źugs pa de ñid kyi ñin mo khyim de dpal dag gis snaṅ bar gyur la | (2) btsas pa na yaṅ ’dis pha’i khyim rgya cher dpal dag gis snaṅ bar gyur pa de’i phyir bu mo ’di’i miṅ dpal ldan du gdags so źes de’i miṅ dpal ldan źes bya bar btags so || gaṅ gi tshe de smra śes par gyur pa de’i tshe na dge sloṅ gaṅ dag khyim der bsod sñoms la źugs pa de dag (3) gi gan du soṅ ste || rkaṅ pa la phyag ’tshal nas sñun gsol bar byed do || ji tsam na tshe daṅ ldan pa kun dga’ bo der bsod sñoms la źugs pa daṅ || de de’i gan du soṅ ste rkaṅ pa gñis la phyag ’tshal nas smras pa | btsun pa kun dga’ bo ji ltar bcom ldan ’das daṅ | dge (4) sloṅ gnas brtan gnas brtan che ge mo dag gnod pa chuṅ ṅam || ñam ṅa ba chuṅ ṅam || bskyod pa yaṅ ṅam || ’tsho’am | stobs daṅ ldan nam | bde’am | kha na ma mtho ba ma mchis sam || bde la reg par gnas sam || des smras pa | sriṅ mo bcom ldan ’das (5) daṅ | dge sloṅ gnas brtan gnas brtan che ge mo dag gnod pa chuṅ | ñam ṅa ba ñuṅ || bskyod pa ñuṅ | bskyod pa yaṅ | ’tsho ba stobs daṅ ldan | bde | kha na ma thob med || bde ba la reg par gnas so || de smras pa’i tshig thos nas khyim bdag gdaṅs can gyi naṅ mi dag mchog tu ṅo mtshar (6) bar gyur to || de nas tshe daṅ ldan pa kun dga’ bos a rog gya źes byas te soṅ nas | bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te gsol pa | bcom ldan ’das khyim bdag gdaṅs can gyi bu mo byis pa źig (7) bcom ldan ’das daṅ | dge sloṅ gnas brtan gnas brtan dag la sñun gsol źiṅ || khyim bdag gdaṅs can gyi naṅ mi dag gis de thos nas mchog tu ṅo mtshar skyes par gyur to || bcom ldan ’das kyis bka’ stsal pa | kun dga’ bo khyod kyis bu mo de mi śes (198b1) sam | bcom ldan ’das ma ’tshal to || kun dga’ bo de ni mgu byed yin te || smon lam gyi dbaṅ gis khyim bdag gdaṅs can gyi chuṅ ma’i mchog gi mṅal du skyes te da ltar bu mo dpal ldan źes bya’o || gaṅ gi tshe dpal ldan chen mor gyur pa de’i tshe na de sloṅ ba rgyal (2) po dag daṅ | nor can dag daṅ | tshoṅ dpon dag daṅ | ded dpon dag daṅ | ko.od+ya dag daṅ | śākya dag daṅ | lits+tsha bī dag daṅ | gźan yaṅ maṅ po dag ’oṅ bar brtsams so || khyim bdag gdaṅs can ’di sñam du dpal ldan slob ba maṅ po dag ’oṅ ste || gaṅ dag la ma byin pa de dag (3) bdag gi dgrar ’gyur ro sñam nas || de lag pa la ’gram pa gtad de sems khoṅ du chud ciṅ ’dug go || dpal ldan gyis de mthoṅ nas smras pa | yab khyod ci’i slad du phyag la źal gtad de sems khoṅ du chud ciṅ bźugs || des smras pa | bu mo khyod sloṅ ba (4) rgyal po dag daṅ | nor can dag daṅ | tshoṅ dpon dag daṅ | ded dpon dag daṅ | ko.o d+ya dag daṅ | śākya dag daṅ | lits+tsha bī dag daṅ | gźan yaṅ maṅ po dag ’oṅ ste | gaṅ dag lam byin pa de dag bdag gi dgrar ’gyur na | ji ltar lag pa la ’gram pa gtad (5) de sems khoṅ du chud ciṅ mi ’dug tu ruṅ || des smras pa | yab thugs ṅan ma mdzad cig | bdag gis khyim thab ’tshal lags so || bu mo gaṅ || yab bad sa’i rgyal po śar pa’o || bu mo gal te de lta na je go rims bya’o || yab go rims ji lta bu lags | (6) bu mo kho bos bad sa’i rgyal po sar pa ’di ñid du spyan draṅ gis || gaṅ gi tshe des bśos gsol ba de’i tshe na khyod steṅ gi khaṅ bzaṅs kyi gźi na ’dug pas pho loṅ ’phaṅ bar bya’o || yab ma noṅs kyis de bźin bgyi’o || des bad sa’i rgyal po śar pa khyim gźan du mgron du (7) bos te zan zos daṅ | dpal ldan steṅ gi khaṅ bzaṅs kyi gźi na ’dug pas pho loṅ ’phaṅs so || rgyal pos steṅ du brtag par brtsams pa daṅ | rgyal pos de mthoṅ nas smras pa | gdaṅs can khyod na re sṅo bsaṅs can dus la bab ces zer na ’di na ’dug pa ’di ma yin (199a1) nam|| lha ’di ni sṅo bsaṅs can ma lags so || ’on ’di ci miṅ || lha ’di ni sṅo bsaṅs can gyi nu mo dpal ldan źes bgyi’o || ci ’ga’ źig la byin nam | lha su la yaṅ ma stsal to || gal te de lta na ṅa la ci’i phyir mi sbyin || lha gsol lo || khyim (2) bdag gdaṅs can gyis byin nas bad sa’i rgyal po śar pas dpal gyi ’byor pas bag mar blaṅs te btsun mo’i ’khor gyi naṅ du bcug go | dus gźan źig na des rgyal po la smras pa | lha bdag dge sloṅ mthoṅ bar ’tshal lo || rgyal pos smras pa | khyod ’dod mod kyi || (3) dge sloṅ dag rgyal po’i pho braṅ du mi ’jug go | lha de lta na bdag rnam par thams cad du btson rar stsal du bas mod || gal te dge sloṅ mthoṅ bar mi gnaṅ ba || des slan cad ’tshal ma yaṅ mi ’tshal | phyag kyaṅ mi ’tshal lo || des zan gcad pa la źugs pa daṅ || rgyal pos (4) khyim bdag gdaṅs can la smras pa || khyim bdag khyod so sor mi rtog gam || lha ci lags | dpal ldan zan gcad pa la źugs so || lha ci’i slad du dge sloṅ mthoṅ bar ’dod na dge sloṅ dag rgyal po’i pho braṅ du mi ’jug go | lha ’o na ’di la ji ltar bsgrub par bgyi || khyim (5) bdag der phyir khyod kyis bdag ñid kyis miṅ gis ra bar dge sloṅ gi dge ’dun spyan droṅs te || bar du sgo thod la bśos gsol cig | khyim bdag gdaṅs can gyi khyim rgyal po daṅ ’dab chags su ’jug pas des ra ba’i bar du sgo gtod nas sa’i byi dor byed du bcug go | de nas (6) de bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go | mtha’ gcig tu ’dug nas bcom ldan ’das khyim bdag gdaṅs can la chos daṅ ldan pa’i bka’ mchid kyis yaṅ dag par ston (7) par mdzad || yaṅ dag par ’dzin du ’jug par mdzad || yaṅ dag par gzeṅs stod par mdzad || yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis yaṅ dag par bstan || yaṅ dag par ’dzin du bcug | yaṅ dag par (199b1) gzeṅs bstod || yaṅ dag par rab tu dga’ bar mdzad nas caṅ mi gsuṅ ṅo || de nas khyim bdag gdaṅs can gyis bcom ldan ’das ga la ba de logs su thal mo sbyar ba btud nas | bcom ldan ’das la ’i skad ces gsol to || bcom ldan ’das dge sloṅ gi dge (2) ’dun daṅ bcas pas saṅ bdag gi sdum par gdugs tshod gsol bar ci gnaṅ | bcom ldan ’das kyis khyim bdag gdaṅs can la caṅ mi gsuṅ bas gnaṅ ṅo || de nas khyim bdag gdaṅs can gyis bcom ldan ’das kyis ca mi gsuṅ bas gnaṅ bar rig nas | (3) bcom ldan ’das kyi źabs gñis la mgo bos phyag ’tshal te bcom ldan ’das kyi spyan sṅa nas soṅ ṅo || de nas khyim bdag gdaṅs can gyis de ñid kyi mtshan mo bza’ ba daṅ || bca’ ba gtsaṅ źiṅ bsod pa dag sta gon byas nas naṅ par sṅar laṅs te gdan bśams nas chu (4) ra bźag ste || bcom ldan ’das la spyan ’dren gyis btsun pa gdugs tshod g-yar dgoṅs ’tshal na | bcom ldan ’das kyis da de’i dus la bab par dgoṅs su gsol źes spyan draṅs pa daṅ || tshe daṅ ldan pa śā ri’i bu la sogs pa dge sloṅ gi dge ’dun ni źugs so || (5) bcom ldan ’das ni rdzas las byuṅ ba na bźugs śiṅ bsod sñoms mṅon par bsgrub bo || saṅs rgyas bcom ldan ’das rnams ni rgyu lṅas rdzas las byuṅ ba na bźugs śiṅ bsod sñoms mṅon par sgrub par mdzad de || lṅa gaṅ źe na || naṅ du yaṅ dag ’jog bźed pa daṅ | (6) lha rnams la chos ston par bźed pa daṅ | nad pa la lta bar bźed pa | gnas mal la rtog par bźed pa daṅ | ’dul ba la ñan thos rnams kyis bslab pa’i gźi bca’ bar bźed pa’o || don ’dir ni bcom ldan ’das ’dul ba la ñan thos rnams kyi bslab pa’i gźi bca’ (7) bar bźed pas rdzas las byuṅ ba na bźugs śiṅ bsod sñoms mṅon par sgrub par mdzad do || tshe daṅ ldan pa śā ri’i bu ’jug pa na rgyal po btsun mo’i ’khor daṅ bcas pa ’dug nas de’i phyir ldog par brtsams pa daṅ | rgyal pos mthoṅ nas smras pa | ’phags pa śā ri’i (200a1) bu gśegs su gsol || de nas tshe daṅ ldan pa śā ri’i bus dge sloṅ rnams la smras pa tshe daṅ ldan pa dag bźi po dag gi tshig ni mig cag pa yin te || de bźin gśegs pa dgra bcom pa yaṅ dag par rdzogs pa’i saṅs rgyas kyi bka’ daṅ | dge sloṅ dgra bcom (2) pa zag pa zad pa’i tshig daṅ || dge skos kyis tshig daṅ | rgyal po rgyal rigs spyi bor dbaṅ bskur ba’i tshig yin gyis || tshe daṅ ldan pa dag dran pa ñe bar źog śig daṅ ’jug par bya’o źes de źugs nas | dge sloṅ gi dge ’dun gyi goṅ du stan bśams pa ñid la ’dug go || de (3) nas btsun mo dpal ldan gyis tshe daṅ ldan pa śā ri’i bu la sogs pa dge sloṅ gi dge ’dun bde bar ’khod par rig nas || raṅ gi lag nas bca’ ba daṅ | bza’ ba gtsaṅ źiṅ bsod pas tshim par byed | stobs par byed do || rnam graṅs du mar raṅ gi lag nas bca’ ba | (4) daṅ | bza’ ba gtsaṅ źiṅ bsod pas tshim par byas śiṅ bstabs nas || tshe daṅ ldan pa śā ri’i bu la sogs pa || dge sloṅ gi dge ’dun gdugs tshod gsol ciṅ phyag bcabs lhuṅ bzed bźag par rig nas || sten źes dma’ ba źig blaṅs te || chos mñan pa’i (5) phyir tshe daṅ ldan pa śā ri’i bu’i mdun du ’dug go || de nas tshe daṅ ldan pa śā ri’i bu btsun mo dpal ldan la chos daṅ ldan pa’i gtam gyis yaṅ dag par ston par byed || yaṅ dag par ’dzin du ’jug par byed || yaṅ dag dag par gzeṅs stod par byed || yaṅ dag par rab tu dga’ bar (6) byed do || rnam graṅs du mar chos daṅ ldan pa’i gtam gyis yaṅ dag par bstan || yaṅ dag par ’dzin du bcug | yaṅ dag par gzeṅs bstod || yaṅ dag par rab tu dga’ bar byed na des bden pa dag ma mthoṅ ṅo || tshe daṅ ldan pa śā ri’i bus bsams pa | ci ’di la (7) dge ba’i rtsa ba dag yod dam || ’on te med sñam na | yod par mthoṅ ṅo || su la rag las sñam nas | bdag ñid la rag las par mthoṅ nas || de de chos ston ciṅ rnam par dpyod pa na ñi ma nub pa’i dus la bab nas dge sloṅ rnams stan las laṅs te doṅ ṅo || tshe daṅ ldan (200b1) pa śā ri’i bus bsams pa ’di ltar bcom ldan ’das kyis ma gnaṅ modada kyi | ’di ñid rkyen du mdzad nas gnaṅ bar ’gyur ba gaṅ yin pa de lta bu’i gnas yod par ’gyur ro || sñam nas | de gdul ba la ltos pas de ñid ’dug go || tshe daṅ ldan pa śā ri’i bus btsun mo (2) dpal ldan gyi bsam pa daṅ | bag la ñal daṅ | khams daṅ | raṅ bźin khoṅ du chud nas || gaṅ thos nas btsun mo dpal ldan gyis stan de ñid la ’dug bźin ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon (3) sum du byas pa de ltar chos bstan pa byas so || des bden pa mthoṅ nas smras pa | ’phags pa bdag gis dge ba’i bśes gñen ’phags pa śā ri’i bu la brten nas ’phags pas bdag la gaṅ mdzad pa ’di lta bu ni bdag la phas kyaṅ ma bgyis || mas kyaṅ ma bgyis || rgyal pos (4) kyaṅ ma bgyis || lha rnams kyis kyaṅ ma bgyis || sṅon gyi pha mes dag gis kyaṅ ma bgyis || dge sbyoṅ daṅ bram ze dag gis kyaṅ ma bgyis || byams pa daṅ | mdza’ bśes daṅ | rtsa lag gi tshogs dag gis kyaṅ ma bgyis te || khrag daṅ mchi ma’i rgya mtsho ni bskams | rus pa’i (5) ri dag las ni bskul | ṅan soṅ gi sgo dag ni bkum | mtho ris daṅ thar pa’i sgo dag ni phye || sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis || thog ma mchis pa’i dus nas (6) bsags pa’i ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu ni thob ste || btsun pa bdag ni mṅon par źugs pa lags so || btsun pa bdag ni mṅon par źugs pa lags te || btsun pa bdag bcom ldan ’das daṅ | (7) chos daṅ | dge sloṅ gi dge ’dun skyabs su mchi yis || bdag dge bsñen mar gzuṅ du gsol || deṅ slan chad nas ji srid ’tsho’i bar du glo ba thag pa nas rab tu daṅ bas skyabs su mchi’o || de nas tshe daṅ ldan pa śā ri’i bus btsun mo dpal ldan bden pa dag la bźag (201a1) ste soṅ nas | bcom ldan ’das gal ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas tshe daṅ ldan pa śā ri’i bus skabs de bcom ldan ’das la rgyas par (2) gsol pa daṅ | bcom ldan ’das kyis bka’ stsal pa | śā ri’i bu legs so legs so || bdun po dag gi tshig ni mi gcag pa yin te || de bźin gśegs pa dgra bcom pa yaṅ dag par rdzogs pa’i saṅs rgyas kyi bka’ daṅ | dge sloṅ dgra bcom pa zag (3) pa zad pa’i tshig daṅ | dge ’dun gyi gnas brtan gyi tshig daṅ | dge skos kyi tshig daṅ | mkhan po’i tshig daṅ | slob dpon gyi tshig daṅ | rgyal po rgyal rigs spyi bor dbaṅ bskur ba’i tshig go || de nas bcom ldan ’das kyis bslab par ’dod pa daṅ | bslab (4) pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na (5) sṅa ma ni bcas pa yin la | ’di ni rjes su gnaṅ ba yin te || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ nam mnaṅs | skya reṅs ma śar | rin po che dag gam | rin po cher smos pa dag ma bsdus par rgyal po rgyal (6) rigs spyi bor dbaṅ bskur ba’i sgo gtan nam | sgo gtan gyi ñen kor lasa’ada’a na de ’dra ba’i rkyen ma gtogs te ltuṅ byed do || yaṅ dge sloṅ gaṅ źes bya ba ni ’char ka’am | gźan yaṅ de lta bu gaṅ yin pa’o || nam mnaṅs źes bya ba ni nam naṅs par ma gyur pa’o || (7) skya reṅs źes bya ba ni skya reṅs gsum po | skya reṅs daṅ po daṅ | skya reṅs bar ma daṅ | skya reṅs tha ma’o || de la skya reṅs daṅ po ni sṅon por snaṅ ba’o || skya reṅs bar ma ni ser por snaṅ ba’o || skya reṅs tha ma ni dmar por snaṅ ba ste || ’dir ni skya reṅs tha ma yin (201b1) bar dgoṅs so || ma śar ces bya ba ni ma byuṅ ba’o || rin po che dag ces bya ba la | rin po che dag ces bya ba ni nor bu dag daṅ | mu tig dag daṅ | baiḍūR+ya dag daṅ | man śel dkar po dag daṅ | byi ru dag daṅ | gser dag daṅ | dṅul dag daṅ | rdo’i sñiṅ po dag (2) daṅ | spug dag daṅ | dmar po dag daṅ | g-yas su ’khyil pa dag go || rin po cher smos pa dag ces bya ba la | rin po cher smos pa dag ces bya ba ni g-yul ṅor spyad pa’i mtshon cha thams cad daṅ | rol mor spyad pa’i cha spyad thams cad do || ma bsdus pa źes (3) bya ba ni ma brtul bar ro || rgyal po rgyal rigs spyi bor dbaṅ bskur ba’i źes bya ba ni ’di lta ste | bud med rgyal srid la dbaṅ bskur bas dbaṅ bskur bas dbaṅ bskur bar gyur na de yaṅ rgyal po rgyal rigs spyi bor dbaṅ bskur ba yin la | rgyal rigs daṅ | bram ze daṅ | rje’u rigs daṅ | (4) dmaṅs rigs rgyal srid la dbaṅ bskur bas dbaṅ bskur bar gyur na de yaṅ rgyal po rgyal rigs spyi bor dbaṅ bskur ba yin no || sgo gtan nam źes bya ba ni sgo gtan rnam pa gsum ste || groṅ khyer gyi sgo gtan daṅ | rgyal po’i pho braṅ gi sgo gtan daṅ | btsun mo’i ’khor (5) gyi sgo gtan no || sgo gtan gyi ñen kor las źes bya ba ni de’i druṅ las so || ’da’ na źes bya ba ni ’gro na’o || de ’dra ba’i rkyen ma gtogs te źes bya ba ni de ’dra ba’i rkyen bźag ste’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas (6) ṅan soṅ daṅ | ṅan ’gro daṅ | log par ltuṅ ba dag tu sreg par byed || ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste || des na ltuṅ byed do źes gsuṅs (7) so|| de la ltuṅ bar ji ltar ’gyur źe na | dge sloṅ gis nam mnaṅs pa lan ma mnaṅs par ’du śes pas groṅ khyer gyi sgo gtan las ’da’ na ñes byas su ’gyur to || nam ma naṅs pa la yid gñis za bas groṅ khyer gyi sgo gtan las ’da’ na ñes byas su ’gyur ro || (202a1) nam naṅs pa la nam mnaṅs par ’du śes pas groṅ khyer gyi sgo gtan las ’da’ na ñes byas su ’gyur ro || nam naṅs pa la yid gñis za bas groṅ khyer gyi sgo gtan las ’da’ na ñes byas su ’gyur ro || dge sloṅ gis nam mnaṅs pa la nam naṅs par ’du (2) śes pas rgyal po’i pho braṅ gi sgo gtan las ’da’ na ñes byas su ’gyur ro || nam mnaṅs pa la yid gñis za bas rgyal po’i pho braṅ gi sgo gtan las ’da’ na ñes byas su ’gyur ro || nam naṅs pa lan ma mnaṅs par ’du śes pas rgyal po’i pho braṅ gi sgo gtan las (3) ’da’ na ñes byas su ’gyur ro || nam naṅs pa la yid gñis za bas rgyal po’o pho braṅ gi sgo gtan las ’da’ na ñes byas su ’gyur ro || dge sloṅ gis nam mnaṅs pa la nam mnaṅs par ’du śes pas btsun mo’i ’khor gyi sgo gtan las ’da’ na ltuṅ byed du ’gyur ro || (4) nam mnaṅs pa la yid gñis zabs btsun mo’i ’khor gyi sgo gtan las ’da’ na ltuṅ byed du ’gyur ro || nam naṅs pa lan ma mnaṅs par ’du śes pas btsun mo’i ’khor gyi sgo gtan las ’da’ na ñes byas su ’gyur ro || nam naṅs pa la yid gñis za bas btsun (5) mo’i ’khor gyi sgo gtan las ’da’ na ñes byas su ’gyur ro || rgyal po daṅ | btsun mo daṅ | gźon nu daṅ | blon po dag gis bos pa daṅ | bar chad brgyad po rgyal po daṅ chom rkun daṅ | mi daṅ mi ma yin pa daṅ | gdug pa daṅ | me daṅ chu daṅ klu dag ñe bar gnas pa (6) la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || rgyal po’i pho braṅ du nub mo ’gro ba’i ltuṅ byed de || brgyad bcu rtsa gñis pa rdzogs s+ho || ||

.