de’i tshe dge sloṅ dag dbyar gyi naṅ logs su ljoṅs rgyu źiṅ doṅ ṅo || de dag dbyar gyi naṅ logs su ljoṅs rgyu źiṅ doṅ pa dag mi sped ciṅ ma bsruṅs la ma sbas par gyur pa dag la mu stegs can rnams śes ldan dag śākya ’i (5) bu’i dge sbyoṅ ’di dag ni srog gcod pa yin te | srog gcod pa las ma log | rnam par ma log | phyir ma log pa ’di dag dbyar gyi naṅ logs su ljoṅs rgyu źiṅ ’doṅ ste | dbyar gyi naṅ logs su ljoṅs rgyu źiṅ ’doṅ ba na srog chags phra mo daṅ śin tu phra mo maṅ (6) po’i tshogs rnams brdzis nas srog daṅ bral bar byas so || re źig bye’u khug rta yaṅ dbyar zla ba bźi raṅ gi tshaṅ na źum źum por byas | kun tu źum źum por byas nas bskums śiṅ bskums nas ’dug na | dge sbyoṅ mgo reg ’di dag ni khas len pa tsam yaṅ (7) mi śes na | dge sbyoṅ mgo reg ’di dag la bsod sñoms sbyin pa daṅ de la bya bar sems pa lta su źig yod ces smod par byed | ’phya bar byed | kha zer par byed pa’i skabs de bcom ldan ’das la dge sloṅ rnams kyis gsol ba daṅ |