CONTRA vero perspicuum est, si triangulum fuerit acutangulum, cadere intra triangulum: si rectangulum, in latus recto angulo oppositum: si denique obtusangulum fuerit, extra triangulum. Quod quidem facile ostendetur, ducendo ad incommodum aliquod, sive absurdum. Quiasi in acutangulo caderet centrum in vnum latus, esset angulus ei oppofitus rectus: si vero extra, esset idem angulus obtusus. Item si in rectangulo centrum caderet intra, essent omnes anguli acuti, si vero extra, esset angulus oppositus obtusus. Denique si in triangulo obtusangulo caderet in vnum latus, esset angulus ei oppositus, rectus, si vero intra, omnes anguli essent acuti. Quae omnia ex priori parte huius corollarium colliguntur, et pugnant cum hypothesi.