SCHOLIUM. QVOD si ex AB, auferenda sit pars non aliquota, sed quae plures aliquotas non efficientes unam complectatur, nimirum quae contineat quatuor undecimas ipsius AB, sumendae erunt ex AC, undecim partes aquales usque ad D, punctum, ex quo ad B recta ducatur DB; et huic parallela EF, ex E, termino quatuor partium. Nam AF, erit pars imperata. Erit enim rursus ut DA, ad AE, ita BA, ad AF. Quare, et convertendo ut AE, ad AD, ita AF, ad AB: Est autem AE, pars continens quatuor undecimas ipsius AD, ex constructione. Igitur et AF, eadem pars erit rectae AB. Quod est propositum. Non aliter detrahetur ex AB, pars complectens quotcunque partes ipsius aliquotas non facientes unam.