Pāli Vin 2 VIII,§1,1 p. 207tena kho pana samayena āgantukā bhikkhū saupāhanāpi ārāmaṃ pavisanti chattapaggahitāpi ārāmaṃ pavisanti oguṇṭhitāpi ārāmaṃ pavisanti sīse pi cīvaraṃ karitvā ārāmaṃ pavisanti pāniyena pi pāde dhovanti vuḍḍhatare pi āvāsike bhikkhū na abhivādenti na senāsanaṃ pucchanti, aññataro pi āgantuko bhikkhu anajjhāvutthaṃ vihāraṃ ghaṭikaṃ ugghāṭetvā kavāṭaṃ paṇāmetvā sahasā pāvisi, tassa uparipiṭṭhito ahi khandhe papati, so bhīto vissaraṃ akāsi.
http://www2.hf.uio.no/common/apps/permlink/permlink.php?app=polyglotta&context=record&uid=0ec15b2a-05a1-11e7-9707-0050569f23b2