| dkon mchog gsum la phyag ’tshal lo | | (6)spel mar bstod pa phyogs glaṅ pos | | zab mo ñe bar bśad pa ni | | brgya ni lṅa bcu pa yi don | | rmad byuṅ de las rnam śes nas | | rgyal ba la ni gus pa yi | | dga’ byed sñan pa’i dge sloṅ gis | | de yi phyogs la dad pa yi | | rnam par dbye ba rab tu bya | | de la ’dir (7)brgya lṅa bcu pa’i bstod pa re źig daṅ por gleṅ ba daṅ | rgyu daṅ | ’bras bu daṅ | sman ’dogs pa’i sgo nas bstod pa daṅ bcu gsum du rab tu bstan pa ni ’di lta ste | gleṅ bslaṅ ba’i bstod pa daṅ | pha rol tu phyin pa drug gi rgyu thun moṅ ma yin pa’i phyir gcig du byas nas (116b1)rgyu la bstod pa’o | | ’bras bu la bstod pa ni dpe med pa la sogs pa’i dbye bas rnam pa gsum ste | dpe med pa la bstod pa daṅ | rmad du byuṅ ba la bstod pa daṅ | sku la bstod pa źes bya ba’o | | sman ’dogs pa’i bstod pa ni sñiṅ rje la sogs pa’i dbye bas rnam pa brgyad de | (2)thugs rje la bstod pa daṅ | gsuṅ la bstod pa daṅ | bstan pa la bstod pa daṅ | smon lam la bstod pa daṅ | lam la ’jug pa la bstod pa daṅ | dka’ ba mdzad pa la bstod pa daṅ | mkhas par bstod pa daṅ | bu lon med pa la bstod pa źes bya’o | | de rnams kyi bsdus (3)pa’i tshigs su bcad pa dag ni | gleṅ bslaṅ bstod daṅ rgyu la ni | | rnam drug ’bras bu dpe med daṅ | | rmad du byuṅ daṅ de bźin sku | | sman ’dogs rnam brgyad de yaṅ ni | | thugs rje gsuṅ daṅ bstan pa daṅ | | smon lam daṅ ni lam ’jug daṅ | | dka’ mdzad ñid daṅ mkhas pa daṅ | | (4)bu lon med daṅ bcu gsum mo | | bstod pa bcu gsum po de rnams kyi re re’i bśad pa yoṅs su rdzogs pa ni phyis bśad par bya’o | | de la gleṅ bslaṅ ba źes pa ni daṅ por brtsam pa’o | | gleṅ bslaṅ ba der don gaṅ daṅ gaṅ gis bśad pa źes bya ba bstan pa daṅ | rgyu la bstod (5)pa la sogs pa rnams la yaṅ tshigs su bcad pa gaṅ gis don gaṅ bśad pa de yaṅ rab tu bśad par bya’o | | re źig gleṅ bslaṅ ba’i bstod pa’i tshig gi don ni de bźin gśegs pa la skyabs su ’gro ba la sogs pa’i mchod ’os ñid daṅ | de bźin gśegs pa’i rgyu ñid daṅ | de (6)bźin gśegs pa’i ñes pa ma lus pa zad pa rjes su dpag pa daṅ | yon tan ma lus pa mi śes pas kyaṅ bcom ldan ’das la yon tan gyi phyogs gcig tsam gyis bstod pa daṅ phyag ’tshal ba’i yon tan gyi tshogs tsam bśad pa źes bya ba’o | | ’dir yaṅ bsdus pa’i tshigs (7)su bcad pa ni | ston la skyabs ’gro sogs mchod ’os | | ñes pa med pa rjes su dpag | | yon tan mtha’ yas kyaṅ ni chas | | bstod pa ’dir ni phyag ’tshal phyogs |