|| shes rab kyi pha rol tu phyin pa brgyad stong pa | bam po gsum pa | de nas bcom (3) ldan ’das kyis ’khor der lha’i bu gang dag ’dus te ’khod par gyur pa dang dge slong dang dge slong ma dang dge bsnyen dang dge bsnyen ma’i ’khor gang dag ’dus te ’khod par gyur pa dang | lha’i bu de rnams ’dus te ’khod par gyur par mkhyen cing ’khor bzhi po thams cad ’dus (4) shing ’khod par yang mkhyen nas | ’dod pa na spyod pa dang gzugs na spyod pa’i lha’i bu rnams dang tshangs ris kyi lha’i bu rnams dang ’od gsal dang dge chung dang ’og min gyi lha’i bu rnams dbang du bzhag ste | lha rnams kyi dbang po brgya byin la sogs pa ’dod pa na spyod pa’i lha’i (5) bu rnams dang tshangs pa chen po la sogs pa tshangs ris kyi lha’i bu rnams dang ’od gsal gyi lha’i bu rnams la bka’ stsal pa | lha’i bu dag rigs kyi bu’am rigs kyi bu mo gang la la shes rab kyi pha rol tu phyin pa ’di ’dzin tam ’chang ngam klog gam kun chub par byed dam rab tu (6) ’don na | de la bdud dam bdud kyi rigs kyi lha glags lta ba dang glags tshol ba dag gis glags rnyed par mi ’gyur ro ||