rab ’byor de bzhin du byang chub sems dpa’ sems dpa’ (6) chen pos bla na med pa yang dag par rdzogs pa’i byang chub mngon par rdzogs par ’tshang rgya bar dad pa yod pa dang bzod pa yod pa dang sred pa yod pa dang ’dun pa yod pa dang brtson ’grus yod pa dang bag byed pa yod pa dang mos pa yod pa dang lhag pa ji bsam pa yod pa dang gtong (7) ba yod pa dang gus par byed pa yod pa dang dga’ ba yod pa dang mgu ba yod pa dang dang ba yod pa dang rab tu dga’ ba yod pa dang brtson pa mi gtong pa yod par gyur kyang | de shes rab kyi pha rol tu phyin pas yongs su ma bzung zhing thabs mkhas pa dang bral bar gyur pas la la (161b1) zhig bla na med pa yang dag par rdzogs pa’i byang chub mngon par rdzogs par ’tshang rgya bar bya ba la yang dag par zhugs su zin kyang rab ’byor yang ’di ltar byang chub sems dpa’ de ni bar ma dor chud zos shing yi gsod par ’gyur te | ’di lta ste nyan thos kyi sa ’am rang sangs (2) rgyas kyi sa la gnas par ’gyur bar rig par bya’o ||