gzhan yang rnam par shes pa zhes bya ba ni gang myig gi(s) rnam par shes pa’i gzugs rnam par chud pa nas yid kyi rnam par rig pa’i chos rnam par¹ chud pa’i bar de ni rnam par shes pa zhes bya’o || gang nang gyi ’du mched (6) zhi zhing phya’i ’du mched la rab tu myi spyod de | ye shes la so sor ’byung ba’i phyur chos gang la yang myi ’jog pa de ni ye shes zhes bya’o ||

gzhan yang rnam par shes pa zhes bya ba ni gang mig gi rnam par shes pas shes par bya ba’i gzugs rnams la shes pa dang | rna ba’i rnam par shes pas shes par bya ba’i sgra rnams (6) dang || sna’i rnam par shes bas shes par bya ba’i dri rnams dang | lce’i rnam par shes pas shes par bya ba’i ro rnams dang || lus kyi rnam par shes pas shes pas shes par bya ba’i reg rnams dang | yid kyi rnam par shes bas shes par bya ba’i chos rnams shes pa de ni rnam par shes ba zhes bya’o || (7) gang yang nang gi skye mched rnams la nye bar zhi zhing phyi rol gyi skyes mched rnams la rgyu ba med pa’i ye shes la rton pas chos gang yang gzhog par mi byed pa de ni ye shes zhes bya’o |