sa phyogs gang du chos kyi rnam grangs ’di bshad pa’am bstan pa ’am | yi ger ’dri ba’am yi ger bris nas glegs bam du byas te bzhag pa’i sa phyogs de lha dang bcas pa’i ’jig rten gyi mchod rten dang ’dra bar ’gyur ro || su zhig chos smra ba las chos kyi rnam grangs ’di nyan pa’am | ’dzin pa ’am yi ger ’dri ba de la ’di lta ste | de bzhin gshegs pa la ji ltar bya ba de bzhin du gus par bya’o || ’od srung rigs kyi bu’am | rigs kyi bu mo gang zhig de bzhin gshegs pa’i chos smra ba la bkur stir byed pa dang | btsun par byed pa dang | ri mo byed pa dang | mchod par byed pa de lang bla na med pa yang dag par rdzongs pa’i byang chub tu lung ston to || de ’chi ba’i dus kyi tshe de bzhin gshegs pa mthong bar ’gyur ro ||