de sems can gyi gnas kyang mi spong la chos kyi gnas kyang ’khrugs par mi byed de.

btsun pa sha ra dva ti’i bu, mdor na zhes bya ba la sogs pas ni byang chub sems dpa’ de ltar tshul bzhin sbyor ba de dag thams cad gang la dmigs shing gang la brten nas sbyor ba’i gnas ston te, tshul bzhin sbyor ba ji snyed pa zhes bya ba ni tshul bzhin gyi ’jug pa grangs ji snyed yod pa’am, ji snyed byed pa zhes bya ba’i don to. de dag thams cad kyi gnas ni sems can no zhes bya ba ni tshul bzhin de dag gi rten dang dmigs par bya ba’i yul sems can yin te, ’di ltar byang chub sems dpa’ sems can la thugs brtse bas de dag yongs su gzung ba’i phyir tshul bzhin yid la byed pa de dag la sbyor ba mdzad pa’am, yang na ji ltar sems can la bdag med pa de bzhin du chos thams cad rigs pas mthong zhes bya ba la sogs pa’i tshul gyis sems can gyi yul la tshul bzhin gyi sbyor ba mdzad do zhes bya ba’i tha tshig go. de ltar thugs rje chen po’i dbang gis sems can la dmigs nas dmigs pa dang bcas pas: chos kyi dbyings dkrugs par mi ’gyur ram? snyam pa la de sems can gyi gnas kyang mi spong la chos kyi gnas kyang ’khrugs par mi byed do zhes gsungs te, byang chub sems dpa’ de sems can gyi gnas ’khor bar skye ba yang mi gtong la, chos kyi gnas stobs dang mi ’jigs pa la sogs pa yon tan gyi chos rnams kyi ’byung gnas kyi chos kyi dbyings rnam par dag pa dang rnam par mi rtog pa’i ye shes ’khrugs par mi byed de, sems can kyi don du ’khor bar gnas kyang de gnyis las nyams par mi ’gyur zhes bya ba’i tha tshig go.
Cf. also Aṣṭādasha (71), p. 824ff: tad bodhisattvo mahāsattva prakṛtishūnyatāpāramitāsu caran rūpaṃ na vikopayati. shūnyaṃ vā nāshūnyam iti. ... na rūpaṃ shūnyatāṃ vikopayati ... na shūnyatā bodhiṃ vikopayati. tat kasya hetoḥ? na hy eṣāṃ svabhāvo ’sti ya evaṃ vikopayed.