gzugs ni dbu ba rdos pa lta bu ste; dbu ba rdos pa lta bu ni bdag ma yin, sems can ma yin, srog ma yin, gso ba ma yin, skyes bu ma yin, gang zag ma yin no. dbu ba rdos pa’i rang bzhin gang yin pa, gzugs kyi rang bzhin yang de yin te; gang ’di la mkhas pa, de ni phung po la mkhas pa zhes bya’o.

phung po rnams dpe dang mtshan nyid ’dra bar bstan pa’i phyir gzugs ni dbu ba rdos pa lta bu ste zhes bya ba la sogs pa smos so. ’dir phung po’i sgra ma smos su zin kyang phung po nyid bshad pa gleng ba’i skabs yin pas gzugs kyang phung po zhes bya bar drangs te, gzugs la sogs pa’i yul lnga dang, mig la sogs pa’i dbang po lnga la sogs pa ni gzugs kyi phung po zhes bya’o. gzugs kyi phung po de ni dbu ba rdos pa dang ’dra ste, ci’i phyir zhe na? bdag rtag pa med pa’i phyir ro, don de nyid bstan pa’i phyir dbu ba rdos pa ni bdag ma yin, sems can ma yin zhes bya ba la sogs pa smos te, ’di lta ste, skyes bu la la zhig gis chu bo chen po la shel lta bu kha dog dang dbyibs su ldan pa’i dbu ba rdos pa mang po rgyu ba mang po mthong ba dang, de dag la snying po dang rang bzhin yod du re nas lag pa gnyis kyis ’dzin cing, blang bar brgal na med par gyur pa dang: kye ma ’di go dbu ba rdos pa ste, gsog gsob ngo bo nyid med do, snyam mo – "... In this way: In the great sea some people see the foam tossed about with form and colour like crystals (yathāsphaṭikavarṇasaṃsthāna). Thinking that it has substance (sāra) and essence (svabhāva) they grasp for it with the hands, but it flies away and comes to nought: ‘Oh, this is only foam, it is worthless (tucchaka), vain (riktaka) without essence (niḥsvabhāva),’ they say."
de bas na dbu ba rdos pa ni bdag gi rang bzhin ma yin pas na gang zag gi bar gyi rang bzhin ma yin par shes so, dbu ba rdos pa’i rang bzhin gang yin pa, gzugs kyi rang bzhin yang de yin te zhes bya ba ni dbu ba rdos pa’i rang bzhin bdag med cing dngos po med pa gsog dang gsob tu gyur pa gang yin pa gzugs kyi phung po’i rang bzhin yang de yin te, gzugs kyi phung po la ye shes kyi mig dang ldan pas bltas shing brtags te, zhib mor gzhigs na bdag dang rang bzhin med cing gsog gsob stong pa’i mtshan nyid du gnas pa’i phyir ro.