de’i rigs ni rtag pa’i phyir ro.

don dam pa’i bden pa bstan par bya ba’i phyir don dam pa’i bden pa ni gang ’di brjed pa med pa’i chos can mya ngan las ’das pa zhes bya ba gsungs te, ’jig rten las ’das pa’i ye shes dam pa’i yul lam ’bras bu yin pas na don dam pa’o. gang brjed pa med pa’i chos dang ldan pa ni brjed pa med pa’i chos can te, skye ba dang ’jig pa med pa’i rang bzhin thog ma nas ngo bo nyid kyis ’od gsal ba de bzhin nyid bslu ba med pa’i chos can de ni don dam pa’i bden pa zhes bya’o – "... The essentially unborn and undestroyed, originally brilliant, true suchness is the highest truth (anudayavyayādiprakṛtiprabhāsvarāvitathatathatādharma tad paramārthasatyam iti)."
de ci’i phyir zhe na zhes bya ba ni de bzhin nyid de ci’i phyir bslu ba med pa’i chos can zhes bya ba zhe na zhes bya ba’i tha tshig go; bslu ba med pa’i chos can gyi rgyu bstan pa’i phyir rtag tu chos kyi de bzhin nyid kyi phyir, de’i rigs ni rtag pa’i phyir ro zhes bya ba gsungs te, de’i rigs zhes bya ba ni de bzhin nyid de’i rang bzhin no. de bzhin nyid de’i rang bzhin ni skye ba dang ’jig pa med pa’i rang bzhin las gzhan du mi ’gyur bas rtag pa ste, de bas na mi bslu ba zhes bya ba, ji ltar rtag ce na? rtag tu chos kyi de bzhin nyid kyi phyir te, chos kyi de bzhin nyid kyi ngo bo la ni so so’i skye bo dang, ’phags pa’i dus na yang de la mtshan nyid tha dad du gyur pa med pa’i phyir ro. de la mi bslu ba’i don ci rang bzhin gzhan du gnas la gzhan du mi ston pa ni mi bslu ba ste, ji ltar ’dus byas ’dus byas kyi ngo bo nyid du med na, de ni de’i ngo bo nyid du snang bas na bslu ba zhes bya ba’i don dam pa ni rang bzhin gzhan du mi ’gyur te, de la de bzhin du ston par byed pas na mi bslu ba zhes bya’o. de bas na mdo las kyang: mi bslu ba’i chos can mya ngan las ’das pa ni bden pa gcig pu’o, ’du byed thams cad dang snod kyi ’jig rten ni brdzun pa bslu ba’i chos can no zhes gsungs so.