gzhan yang gang byang chub sems dpa’ byang chub kyi rkyen thams cad nye bar gzhog la, rkyen de dag kyang zad cing ’gog par rtog ste, sems can la lta ba’i phyir zad cing ’gog pa’i ye shes su yang mi ’jog pa, ’di ni byang chub sems dpa’i rten cing ’brel bar ’byung ba la mkhas pa zhes bya’o.

gzhan yang rten cing ’brel bar byung ba mtha’ gnyis dang bral ba shes pa ni rten cing ’brel bar ’byung ba la mkhas pa yin no zhes bstan par bzhed nas, gzhan yang gang byang chub sems dpa’ byang chub kyi rkyen thams cad kyang nye bar gzhog zhes bya ba la sogs pa gsungs te, de la ye shes phun sum tshogs pa dang, spangs pa phun sum tshogs pa ni byang chub ces bya ste, byang chub ni ye shes dang spangs pa’i mtshan nyid yin pa’i phyir ro.
de la ye shes phun sum tshogs pa rnam pa bzhi ste: 1) thams cad shes pa dang, 2) rnam pa thams cad du shes pa dang, 3) ’bad pa med par shes pa dang, 4) ma bstan par shes pa’o. 1) thams cad shes pa ni phung po dang khams dang skye mched la sogs pa shes bya’i dngos po ma lus par shes pa’o; 2) rnam pa thams cad du shes pa ni de dag kyang mi rtag pa’am, bdag med pa’i rnam par shes pa’am, dus gsum thams cad du shes pa ste, nams kyanga shes pa de la nyams pa med pa’o; 3) ’bad pa med par shes pa ni ting nge ’dzin la sogs pa’i rgyu la mi ltos shing brtsal ba med par lhun gyis grub par shes pa’o; 4) ma bstan par shes pa ni mkhan po dang slob dpon gyi man ngag med par rang ’byung gi ye shes kyis chos thams cad rang nyid kyis mngon par byang chub pa’i phyir ro.
spangs pa phun sum tshogs pa yang rnam pa lnga ste: 1) nyon mongs pa’i sgrib pa spangs pa dang, 2) shes bya’i sgrib pa spangs pa dang, 3) shin tu spangs pa dang, 4) bag chags dang bcas pa spangs pa dang, 5) snyoms par ’jug pa’i sgrib pa thams cad spangs pa’o. 1) de la nyon mongs pa’i sgrib pa spangs pa ni ’dod chags la sogs pa mthong ba dang bsgom pa’i lam gyis spang bar bya ba’i nyon mongs pa rnams spangs pa’o; 2) shes bya’i sgrib pa spangs pa ni phung po dang khams dang skye mched la gzung ba dang ’dzin pa’i mngon par chags pa’i bag chags nyon mongs pa can ma yin pa mi shes pa spangs pa’o; 3) shin tu spangs pa ni sgrib pa de gnyis phyis sems kyi rgyud la ’byung zhing skye ba med par spangs pa’o; 4) bag chags dang bcas par spangs pa ni sgrib pa de gnyis kyi bag la nyal rtsa nas bton pa’o; 5) snyoms par ’jug pa thams cad kyi sgrib pa spangs pa ni mthar gyis gnas pa’i snyoms par ’jug pa dgu dang zad par gyi skye mched dang zil gyis gnon pa’i skye mched rnams thob par bya ba la bar du gcod pa rnams spangs pa’o.
rgyu dang rkyen gang gis bla na med pa’i byang chub thob par ’gyur ba’i rgyu dang rkyen de rnams nye bar sgrub pa la byang chub kyi rkyen rnams kyang nye bar gzhog la zhes bya ste, rgyu dang rkyen kyang bsod nams dang ye shes kyi tshogs so. rkyen de dag kyang zad cing ’gog par rtogs te zhes bya ba ni byang chub kyi rgyu dang rkyen rnams ngo bo nyid med par shes pa’am, ma rig pa’i rkyen gyis ’du byed ’byung ba la sogs pa rkyen gong du smos pa rnams ngo bo nyid med par shes pa zhes bya ba’i don to. sems can la lta ba’i phyir zad cing ’gog pa’i ye shes su mi ’jog ces bya ba ni de ltar de bzhin mya ngan las ’das pa stong pa’i mtshan nyid rtogs kyang sems can gyi don du mya ngan las ’das pa ’ba’ zhig la gnas par mi byed ces bya ba’i don to.
The paragraph seems to be based upon Koshabhāṣya p. 41514ff., bhāṣya on Kosha vii. 34: ...sarvapuṇyajnyānasaṃbhārasamudāgamataḥ dharmakāyapariniṣpattitaḥ arthacaryayā ca lokasya / .... caturvidhā ca phalasaṃpat / jnyānasaṃpat prahāṇasaṃpat prabhāvasaṃpad rūpakāyasaṃpac ca / ... jnyānasaṃpat punash caturvidhā / anupadiṣṭajnyānaṃ sarvatrajnyānaṃ sarvathājnyānam ayatnajnyānaṃ ca / caturvidhā prahāṇasaṃpat / sarvakleshaprahāṇam atyantaprahāṇaṃ savāsanāprahāṇaṃ sarvasamādhisamāpattyāvaraṇaprahāṇaṃ ca ... / The explanations of the concepts are, however, found only in ṭ.