rnam par grol ba’i phung po yongs su rdzogs nas, rnam par grol ba’i ye shes mthong ba’i phung po yongs su rdzogs par byed pa ste;

de ltar khams gsum gyi nyon mongs pa las sems rnam par grol nas de’i ’og tu rnam par grol ba nyid shes shing rig pa’i ye shes skyes te, de bas na mdo las kyang rnam par grol ba’i phung po yongs su rdzogs nas rnam par grol ba’i ye shes mthong ba’i phung po yongs su rdzogs par byed ces gsungs so.
’dis ni de rab tu rig pa (6, cf. fol. 148a1) bstan te, rnam par grol ba’i ’og tu bdag gi sdug bsngal ni shes par byas, kun ’byung ba ni spangs, ’gog pa ni mngon sum du byas, lam ni bsgoms pas de sdug bsngal shes par bya mi dgos, kun ’byung ba spang mi dgos, ’gog pa mngon sum du bya mi dgos, lam bsgom mi dgos te, skye ba zad do, tshangs par spyad pa bsten to, bya ba byas so, srid pa ’di las gzhan mi shes so zhes khong du chud pa’i phyir ro.