gang de dag lus kyi ’du byed dge ba dang, ngag gi ’du byed dge ba dang, yid kyi ’du byed dge ba zhes bya ba la srog mi gcod pa dang, ma byin par mi len pa dang, ’dod pas log par mi g.yeng ba ni lus kyi ’du byed dge ba’o, brdzun dang, phra ma dang, ngag rtsub po dang, tshig kyal pa’i tshig mi smra ba ni ngag gi ’du byed dge ba, brnab sems dang, gnod sems dang, log par lta ba spangs pa ni yid kyi ’du byed dge ba zhes bya’o; de dag thams cad bla na med pa yang dag par rdzogs pa’i byang chub tu bsngo ba zhes bya ba la, de dag ces bya ba ni gong du smos ma thag pa’i ’du byed rnam pa gsum mngon par ’dus byas pa’o, bla na med pa zhes bya ba ni byang chub, de a) spong ba dang, b) ye shes dang, c) sgrub pa dang, d) dus dang, e) thob pa dang, f) ldan pa dang, g) spyod pa la sogs pas nyan thos kyi byang chub las khyad zhugs pa’i phyir bla na med pa zhes bya’o. de la a) spong ba khyad zhugs pa ni nyan thos kyi byang chub kyis nyon mongs pa’i sgrib pa tsam spong bar zad kyi, ’dis ni nyon mongs pa dang shes bya’i sgrib pa gnyis spangs pas spong bas khyad zhugs so; b) ye shes ni gang zag la bdag med pa tsam khong du chud par zad kyi, ’dis ni gang zag dang chos la bdag med pa’i ye shes khyad zhugs so; c) sgrub pa ni nyan thos la sogs pas bdag gi don bsgrub pa tsam du zad kyi ’dis ni bdag dang gzhan gyi don sgrub par byed pas na sgrub pa khyad zhugs so; d) dus ni nyan thos la sogs pa tshe gsum mam1 bdun gyi bar du sbyor ba tsam du zad kyi, ’dis ni bskal pa grangs med pa gsum gyi bar du sbyor bas na dus khyad zhugs so; e) thob pa ni nyan thos kyis dgra bcom pa’i ’bras bu thob par zad kyi, ’dis ni bla na med pa’i byang chub kyi ’bras bu thob pas na thob pa khyad zhugs so; f) ldan pa ni nyan thos dag zad par gyi skye mched dang zil gyis gnon pa’i skye mched la sogs pa’i yon tan dang ldan par zad kyi, ’dis ni stobs dang mi ’jigs pa la sogs pa’i yon tan dang ldan pas na ldan pa khyad zhugs so; g) spyod pa ni nyan thos la sogs pas dang pha rol tu phyin pa la mi spyod kyi, ’dis ni sa dang pha rol tu phyin pa la spyod pas na spyod pa khyad zhugs so; yang dag par rdzogs pa zhes bya ba ni chos thams cad phyin ci ma log par thugs su chud pa zhes bya ba’i don to; byang chub ni spangs pa dang ye shes phun sum tshogs pas rab tu phye ba ste, sngar bshad pa bzhin no; byang chub de lta bu thob par bya ba’i phyir dge ba mngon par ’dus byas pa rnams bsngo ba de ni byang chub tu bsngo ba zhes bya ste, de ni ’dus byas la mkhas pa’o.
gang yang dge ba’i lus dang, ngag dang, yid kyi ’du byed mngon par ’dus byas pa de dag thams cad byang chub la rtog pas thams cad mkhyen pa nyid du bsngo ba zhes bya ba la, gong du bla na med pa’i byang chub tu bsngo ba bshad pa la byang chub la rtog pa zhes bya ba’i tshig ma smos pas ’dus byas su rig par bya’o, ’dir ni byang chub la rtog pa zhes smos pas lus dang ngag dang yid kyi dge ba ji spyad pa thams cad kyang byang chub kyi mtshan nyid dang dbyer med par stong pa nyid du brtags nas thams cad mkhyen pa thob par bya ba’i phyir bsngo ste, byang chub kyang ’dus ma byas kyi mtshan nyid yin pa’i phyir ’dus ma byas la mkhas pa zhes bya’o.
Title
