des chos de dag thos nas, chos kyi tshogs la sbyor bar byed de.

dge ba’i bshes gnyen de dag gis zhes bya ba ni sangs rgyas dang byang chub sems dpa’ la sogs pa dge ba’i bshes gnyen de dang de dag gis so, ’di bsam pa phun sum tshogs par rig ces bya ba ni gang zag chos tshol ba de’i bsam pa gong du bshad pa ltar na khe dang bkur sti tsam ’dod pa’i phyir chos tshol ba ni ma yin gyi, ye shes gnyis su med pa tshol ba yin par khong du chud nas chos ston par byed do zhes bya ba’i don to. chos kyang rnam pa gsum ston te, 1) bshad par bya ba’i chos ston pa dang, 2) bsgrub par bya ba’i chos ston pa dang, 3) khong du chud par bya ba’i chos ston pa’o. 1) ’brel pa’i gtam zhes bya bas bshad par bya ba’i chos ston pa bstan te, gsung rab yan lag bcu gnyis rnams phyin ci ma log par ’chad pa’i phyir ro. 2) de ye shes kyi gtam sgrub par byed ces bya bas bsgrub par bya ba’i chos ston pa bstan te, ye shes gnyis su med pa thob par byed pa’i rgyu stong pa nyid la sogs pa ’chad pa’i phyir ro. 3) snod du rig nas zhes bya ba la sogs pas khong du chud par bya ba’i chos ston pa bstan te, khong du chud par bya ba’i chos bstan pa’i snod yin par rig nas phyi rol gyi gtsug lag byā ka ra ṇa la sogs pa ma yin pa byang chub kyi phyogs kyi chos rgyun du ston pa’o.
According to ṭ. fol. 225a4, but cf. next note.