thabs ni btang snyoms kyis dge ba’i rtsa ba dang tshogs thams cad ’phel ba’o;

byams pas dpung gnyen med pa rnams kyi skyabs zhes bya ba ni ngan song gi sdug bsngal myong ba dang rnam par grol ba mthong ba ni dpung gnyen med pa ste, de dag skye ’gro dang rnam par grol ba’i bde ba thob pa’i skyabs byed pa ni thabs so; snying rjes ’khor ba la mi smod ces bya ba la sems can gyi sdug bsngal sel bar byed pa’i snying rjes ’khor ba sdug bsngal gyi gnas yin yang smod par mi byed pa ni thabs so; dga’ bas dga’ ba dang mi dga’ ba la mi mjed pa zhes bya ba la chos kyi kun dga’ la dga’ ba dang, ’khor ba’i rang bzhin sdug bsngal zhing mi dga’ ba can yin yang thabs kyi dbang gis de la mi snyam pa ni thabs so; btang snyoms kyis dge ba’i rtsa ba dang tshogs thams cad ’phel zhes bya ba la, btang snyoms kyi rang bzhin ji’ang mi spyod pa yin pa las, thabs kyi dbang gis btang snyoms kyi dus na btang snyoms las kyang ma nyams la, dge ba’i rtsa ba dang, bsod nams dang ye shes kyi tshogs ’phel bar byed pa’i spyod pa yang mi gtong ba’o.