Nimis quidem inquam uera ratio. Trâto uuâríu íst tíu réda . chád íh. Et si considerem prouidentiam . quam paulo ante docuisti . uel fatum . firmis uiribus nixa sententia. Únde úbe íh pédíu ána-sího prouidentiam ióh fatum . fóne dîen du nû míttunt ságetôst . sô hábet si míchele chréfte. Uuáz trîbet ánderes dei prouidentia . álde dispositio fati . mít állên fortunis . âne díu fîeríu . lônôn álde ingélten . péizen álde bézerôn ? Uuáz mág óuh réhteren sîn . únde dâr-míte bézeren ?