sñan pa’i (2) ba dan ’jig rten gsum du grags || dam pa’i chos sgra seṅ ge’i sgra bsgrags pa ||
thams cad mkhyen pa dkon mchog mdzod brñes pa || źabs la tshaṅs dbaṅ gtsug gi (3) nor bus gtugs ||

sdug bsṅal rgya mtsho gtiṅ mtha’ med rgal ba || ’gro ba’i gtso la spyi bos phyag ’tshal te ||
thams cad mkhyen pa’i bslab gźi dkon mchog snod || (4) ’phags pa’i tshogs kyi dbus su dbye bar bya ||

saṅs rgyas ’dul ba gaṅ chen mtsho || gtiṅ mtha’ med pa thams cad kyi ||
gnas pa’i sñiṅ daṅ sñiṅ po ni || so sor thar pa (5) ’di yin no ||

’di ni dam chos rgyal po yi || chos kun gyi ni ’dren pa mchog ||
’di ni dge sloṅ tshoṅ tshogs kyi || bslab zoṅ tshoṅ khaṅ chen po yin ||

tshul khrims ’chal pas (2a1) zin rnams kyi || gdug pa rnams sel sman ’di yin ||
’di ni laṅ tsho rnam ’khrul pa’i || rkaṅ gñis gźon nu’i lcags kyu yin ||

mtsho bas zab pa’i ’khor ba las || sgrol ba’i rgal thabs ’di yin te ||
’di ni bzaṅ ’gror (2) ’gro ba yi || ṅes pa’i chu lon zam pa yin ||

’di ni ñon moṅs pham byed lam || rgyal po yi ni ’dren pa mchog ||
’di ni thar pa’i groṅ ’jug pa’i || them skas gźi daṅ ’dra bar gnas ||

ṅa ni mya ṅan ’das gyur na || ’di ni khyed kyi ston pa’o źes ||
(3) raṅ byuṅ ñid kyis gus bcas par || nan tan dge sloṅ tshogs ’dun bstod ||

saṅs rgyas źes bya’i sgra ’di yaṅ || ’jig rten dag na rab tu dkon ||
mi ñid rñed pa śin tu dka’ || rab tu byuṅ ba śin tu dkon ||

de bźin rab tu byuṅ rnams kyi || tshul (4) khrims phun sum tshogs rab dkon ||
tshul khrims yoṅs su dag gyur kyaṅ || grogs bzaṅ śin tu rñed par dka’ ||

’jig rten saṅs rgyas ’byuṅ ba daṅ || mi daṅ rab tu byuṅ ba daṅ ||
tshul khrims phun sum tshogs pa daṅ || grogs bzaṅ rñed (5) dka’ rñed gyur nas ||

mkhas pa bdag la legs ’dod ciṅ || de dag ’bras bcas byed ’dod pa’i ||
sdom brtson rnams kyis so sor thar || mñan pa’i phyir ni ’bad par bya ||

dge sloṅ dbaṅ dul kun dbaṅ po || saṅs rgyas mi ’gyur rab byuṅ ba ||
(6) | ṅes par thar pa ’dod rnams kyis || so sor thar pa rtag tu sruṅs ||

bskal pa bye ba rnams su yaṅ || so sor thar pa thos pa daṅ ||
gzud daṅ ’dzin pa rñed dka’ ste || sgrub pa’aṅ śin tu rñed par dka’ ||

saṅs rgyas rnams ni ’byuṅ ba bde || chos(2b1) bstan pa yaṅ bde ba yin ||
dge ’dun mthun pa bde ba ste || mthun pa rnams kyi dka’ thub bde ||

’phags pa rnams ni mthoṅ ba bde || dam pa dag daṅ ’grogs pa bde ||
byis pa rnams ni ma mthoṅ na || rtag tu bde ba ñid du ’gyur ||

tshul khrims ldan pa mthoṅ ba (2) bde || maṅ du thos pa mthoṅ ba bde ||
yaṅ srid rnam par grol ba yi || dgra bcom pa dag mthoṅ ba bde ||

’jug ṅogs bde ba’i chu kluṅ bde || chos la goms pa’i skye bo bde ||
śes rab thob par gyur pa bde || ṅa’o ṅa rgyal zad pa bde ||

ṅes par byas śiṅ dbaṅ (3) po thul ba dag || dgon pa źi ba rnams su rgas gyur daṅ ||
maṅ du thos pa nags kyi naṅ dag tu || laṅ tsho yol ba rnams kyi gnas pa bde ||