byaṅ chub sems dpa’ stoṅ tham pa thams cad kyaṅ phyir mi ldog pa | thams cad kyaṅ gzuṅs thob pa | thams cad kyaṅ mñam pa ñid kyi bzod pa daṅ ldan pa | thams cad kyaṅ ji skad smras pa de bźin du byed pa’i sa thob pa | mkhas pa | draṅ po | dad pa daṅ ldan pa | rtog pa maṅ ba | daṅ ba gtso bor byed pa | bźin ’dzum pa | khro gñer med pa | g-yo med pa | sgrub pa daṅ ldan pa | chos thams cad kyi raṅ bźin rjes su rtogs pa | chos bstan pas yoṅs su mi skyo ba | saṅs rgyas kyi ye śes yaṅ dag par skyes pa | yoṅs su smin par byed pa | ldem po dag la phyin ci ma log pa’i bzod pa daṅ ldan pa | yul thams cad phyin ci ma log pa’i sa daṅ ldan pa | dus śes pa | tshod śes pa | skabs śes pa | ran pa śes pa | rgod pa med pa | kheṅs pa med pa | spyod lam tha mal pa phun sum tshogs pa | stoṅ pa ñid kyi tiṅ ṅe ’dzin la mkhas pa | ’byuṅ ba daṅ ’jig pa yoṅs su spaṅs pa | smon pa med pa’i tiṅ ṅe ’dzin daṅ ldan pa | ’khor ba la yun riṅ du spyod pa la źugs pa | mtshan ma med pa’i tiṅ ṅe ’dzin daṅ ldan pa | spros pa’i rnam pa thams cad kyi mtshan ma legs par bzuṅ ba | sems can yoṅs su smin par bya ba la mkhas pa | ’du śes thams cad daṅ bral ba | ñan thos kyi theg pa rnam par gźag pa la mkhas pa | chos bstan pa yaṅ dag par dbye bar ’jug par byed pa | raṅ saṅs rgyas kyi theg pa ston pa | ñe bar źi ba’i bsṅags pa brjod pa | byaṅ chub sems dpa’ yaṅ dag par sloṅ ba | spyod pa ji lta ba bźin du źe ’gras pa med par ston pa śa stag la ’di lta ste |