rñed na lus can (229a1) rnams la ni | ’bras bu dag tu ’gyur ba ñid | dge sloṅ dag sṅon byuṅ ba bskal ba bzaṅ po ’di ñid la skye dgu’i tshe lo ñi khri thub pa na ’jig rten du ston pa rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i (2) kha lo sgyur ba | bla na med pa lha daṅ mi rnams kyi ston ba | saṅs rgyas bcom ldan ’das ’od sruṅ źes bya ba ’jig rten du byuṅ nas | des saṅs rgyas kyi mdzad pa mtha’ dag mdzad nas bud śiṅ zaṅ pa’i me bźin du bā rā ṇa sīra phuṅ po ltag ma med pa’i mya ṅan las ’das pa’i dbyiṅs (3) su yoṅs su mya ṅan las ’das ba daṅ | rgyal po kr-i kīsa de’i sku dri źi ma po’i śiṅ thams cad kyis spuṅs te | spuṅs nas bkur sti chen pos bsregs te me de ’o mas bsad nas sku gduṅ de rnams gser gyi bum par blugs te | lam po che’i bźi mdor rin po che sna bźi (4) las byuṅ ba’i mchod rten khor khor yug tu dpag tshaṅ gcig yod la | ’phaṅ du dpag tshad phyed pa źig brtsigs nas dus mchod chen po btsugs so ||

.