de nas cig śos nu bo dbaṅ bskur nas | de’i miṅ r+g+y+la po bu ram śiṅ pa źes bya bar gyur to | gau ta ma dag rgyal po bu ram śiṅ pa’i bu daṅ | tsha bo daṅ | yaṅ tsha daṅ | sum tsha’i rgyud rgyal po bu ram śiṅ pa brgya yaṅ groṅ khyer gru ’dzin (2) du byuṅ ste | de rnams kyi ta ma ni rgyal po bu ram śiṅ pa ’phags skyes po źes bya ba byuṅ ṅo | gau ta ma dag rgyal po bu ram śiṅ pa ’phags skyes po la bu bźi ste | skar mda’ gdoṅ daṅ | lag rna daṅ | glaṅ po che ’dul daṅ | rkaṅ gdub can no | dus gźan (3) źig na de’i btsun mo dam pa śi nas de lag pa ’gram pa la gtad de sems khoṅ du chud ciṅ ’dug go | blon po rnams kyis smras pa | lha ci’i slad du phyag la źal gtad nas thugs mi dgyes śiṅ bźugs | des smras pa | ṅa’i btsun mo dam pa śi na ci’i phyir sems (4) khoṅ du chud ciṅ mi ’dug | lha gal te de lta na ñi ’og gi rgyal po rnams la bu mo mchis na | ci’i slad du rje’i btsun mo dam pa mi btsal | rgyal pos smras pa | gźon nu ’di dag ni rgyal srid mṅon par ’dod pas phyir rgol ba ’di dag yod na ṅa la su źig bu mo ster (5) bar ’gyur lha dgoṅs śig daṅ | bdag cag gis btsal lo | ji tsam na rgyal po gźan źig gi bu mo gzugs bzaṅ ba | blta na sdug pa | mdzes pa btsun mo dam par ’tsham pa yod pa de de rnams kyis brtags te rgyal po de’i druṅ du doṅ nas de rnams kyis (6) gcig nas gcig tu brgyud de rgyal po la rig par byas pa daṅ | rgyal pos bsgo ba khug śig |

.