de nas bcom ldan ’das ji tsam bźed kyi bar du klu’i rgyal po btaṅ bzuṅ gi gnas na bźugs nas byaṅ chub kyi sñiṅ po gaṅ na bder gśegs te byon pa daṅ rtswa’i gdiṅ ba bśams pa ñid la skyil mo kruṅ bcas | sku draṅ (5) por bsraṅ nas dran pa mṅon du phyogs par bźag nas bźugs te | skyil mo kruṅ gcig gis źag bdun ’das par mdzad ciṅ rten ciṅ ’brel par ’byuṅ ba’i yan lag bcu gñis po lugs daṅ mthun pa daṅ | lugs daṅ mi mthun pa ’di ñid la gzigs par mdzad (6) de | ’di lta ste ’di yod pas ’di yod | ’di skyes pas ’di skye ba ’di lta ste | ma rig pa’i rkyen gyis ’du byed | ’du byed kyi rkyen gyis rnam par śes pa | rnam par śes pa’i rkyen gyis miṅ daṅ gzugs | miṅ daṅ gzugs kyi rkyen gyis skye mched drug | skye mched (7) drug gi rkyen gyis reg pa | reg pa’i rkyen tshor ba | tshor ba’i rkyen gyis srid pa | sred pa’i rkyen gyis len pa | len pa’i rkyen gyis srid pa | srid pa’i rkyen gyis skye ba | skye ba’i rkyen gyis rga śi daṅ | mya ṅan daṅ | smre sṅags ’don pa daṅ | sdug bsṅal ba daṅ | (38b1) yid mi bde ba daṅ | ’khrug pa rnams ’byuṅ bar ’gyur te | de ltar sdug bsṅal gyi phuṅ po chen po ’ba’ źig po ’di ’byuṅ bar ’gyur ro ||

.