de nas bram ze’i khye’u de rnams kyis bram ze ser skya la ’di skad ces smras (7) so! | śes ldan dag ci yul ma ga d+hā na groṅ khyer śiṅ n+ya gro d+ha can źes bya ba de na bram ze śiṅ sā la chen po lta bu n+ya gro d+ha źes bya ba phyug pa | nor maṅ ba | logs spyod che ba | yoṅs su gzuṅ ba | yaṅs śiṅ rgya che ba | rnam thos kyi bu’i nor daṅ ldan pa | (34a1) rnam thos kyi bu’i nor daṅ ’gran pa źig gnas la de la bran groṅ bcu drug daṅ | las kyi mtha’ pa’i groṅ sum bcu daṅ | skyed sgyur ba’i groṅ drug bcu daṅ rmon pa dor dgu brgya dgu bcu rtsa dgu daṅ | gser bye ba drug bcu daṅ | gaṅ dag gis (2) rgyal po pad ma chen po thub pa’i gser gyi nas sbyaṅ brgyad bcu bdog pa źes bya ba’i bar nas de la bu n+ya gro d+ha skyes źes bya ba | gzugs bzaṅ ba | blta na sdug pa | mdzes pa | bra ma ze’i las drug la mkhas pa | rig byed daṅ | rig byed kyi yan lag gi (3) pha rol du son pa | rig pa’i gnas bcwa brgyad po thams cad la śin tu blo rno bar yod par thos sam | bdag cag ni de’i ched du bu mo’i sloṅ mo sloṅ ṅo ||