de nas bcom ldan ’das kyis rnam graṅs du mas rnam par smad nas gñi ga’i dge ’dun la bka’ stsal pa | dge sloṅ daṅ | dge sloṅ ma dag de lta bas na phan yon bcu po ’di lta ste | dge ’dun bsdu bar bya ba’i phyir daṅ | dge (6) ’dun legs par bya ba’i phyir daṅ | dge ’dun mthun par bya ba’i phyir daṅ | dge ’dun bde bar gnas par bya ba’i phyir daṅ | gnod mi bkur ba’i gaṅ zag rnams tshar gcad par bya ba’i phyir daṅ | ṅo tsha śes pa rnams bde bar gnas par (7) bya ba’i phyir daṅ | ma dad ba rnams dad bar bya ba’i phyir daṅ | dad pa rnams phyir źiṅ ’phel la rgyas par bya ba’i phyir daṅ | tshe ’di’i zag pa rnams bsdam bar bya ba’i phyir daṅ | tshaṅs (46a1) par spyod pa rjes su gzuṅ bar bya pa’i phyir daṅ | tshaṅs par spyod pa yoṅs su rdzogs par bya ba’i phyir daṅ | bstan pa mthun par bya ba’i phyir daṅ | ṅa’i bstan pa yaṅs par gyur pa skye bo maṅ po la phan ba lta daṅ mi’i bar dag la (2) yaṅ dag par rab tu bstan pa yun riṅ du gnas bar ’gyur ba la gzigs nas ’dul ba la ñan thos ma rnams kyi bslab pa’i gźi bca’ bar bya’o ||